د. سيف سمير البياتي

26/03/2026

الجزء الاول

قبل الدخول في صلب الموضوع, ماهو الذكاء ؟؟

80% من الشعب العراقي فاهم الذكي، هو الطبيب!!

او الشخص الي يجيب درجات عاليه بالامتحان!!!

والحقيقة الذكاء ماله علاقه بهاي الامور

الذكاء هو ارتباط الوصلات العصبية في الدماغ بشكل متقدم

يجعل الانسان قادر على اداء المهام المختلفة بسهوله ويسر ،

قادر على حل المشكلات،

وضع حلول واستراتيجيات مختلفة تتناسب مع كل وضع

مع قدرات تكيف عاليه واستخدام البيئه لما يخدم مصالحه

مع ذاكره سريعة ونشطه ، قدره حفظ سريعة واسترجاع المعلومات بسهوله باي وقت

ربط المعلومات مع بعضها

القدره على التعامل مع اللغات المختلفة باريحيه

والتكلم بها ايضا باتقان( ولو هذا يدخل بي جانب اخر بس الاساس هو الذكاء اللغوي)

قدرته على استخدام جسده بلياقه وقدرته على التدرب بسرعة

قادر على التوازن والتطور في مهارات يدويه مثل النحت وغيرها (وهم يدخل هنا الموهبه والميول النفسيه بس اساس القدره اليدوية هي ايضا تابعة للذكاء الحركي)

كذلك الذكاء العاطفي وقدرته على التحكم بمشاعره والسيطره على الانفعالات

وجوانب الذكاء بالحاسه السادسه والي هي تعني قدره الانسان على معرفه امور خارج قدره الحواس الخمس وهاي طبعا يدخل بيها جوانب حرام واخرى حلال وحتى لانطلع هواي من صلب الموضوع

نكمل ونكول

كل هاي تصير مثل ما ذكرت من يزيد ترابط الدماغ بشكل متقدم ونفسح المجال ان يعمل نصفي الدماغ معا

الشائعة الاكثر تداولا

ان الذكاء وراثي

وشما سوينا تاثير طفيف لان هي بالجينات لو يطلع ذكي لو يطلع غبي

وهذا مفهوم خاطئ جدا جدا

صحيح ان الذكاء هو اساسا بالجينات

لكن ليس كل شخص حامل لجين معين هو مفعل عنده

يعني شنو؟؟

يعني مثلا السمنه هي ايضا جين

لكن الشخص استحاله يسمن بس لان (عنده جين سمنه!!!!)

وانما اذا توفرت بيئه داعمه لهذا الجين نلكاه يتفعل وبالتالي يسمن

وهالشي لكل الجينات

لازم اكو وسط بيئي داعم لتفعيل هذا الجين

ناخذ مثال اخر (وهاي تجربة حقيقة)

توأم طبيعي ماعدهم اي مشاكل

عاشوا مع امرأة خرساء منذ لحضه ولادتهم

النتيجه؟؟ صاروا همه هم بكم (خرس) وفقدوا الذكاء اللغوي

ليش؟ مو موجود الذكاء اللغوي بالجينات ! ليش ماظهر؟

لان البيئه مافعلت جين الذكاء اللغوي وبالتالي همه فقدوا مقدره الكلام بسبب عامل بيئي ( فقط )

يعني تاثير البيئة مهم جدا ولا يقل عن اهمية الجينات، بل واحيانا يتغلب عليها

وهذا الشي نشوفه باطفال متلازمة الدوان، رغم ان الجينات بيها اصابة وغير طبيعية لكن اذا الطفل عاش ببيئة داعمة للتطور العقلي ومضاعفة الذكاء حنشوفه يتطور افضل وافضل حتى ممكن يصير مثل الاطفال الطبيعيين عقليا .

هذا الحجي شنو رباطه بموضوع الغذاء؟

بالبوست الجاي نشرحه ان شاء الله بس حتى نطلع من دائرة

الذكاء= طبيب ❌

الذكاء وراثة ❌

د.اسماء

26/03/2026

كننا موظفين اني و زوجي
كان يومنا يبدي مبكرا الساعه 5 الفجر اكعد و اكعده و اخليله أغراضه و اسويله فطوره و ادزه لمدرسته الساعه بال 6 و نص
بالسته و نص اكعد اخوه الأصغر منه و هم اسويله فطوره و يروح لحمامه وراها بال 7 و نص ادزه للروضة القريبه
و بسرعه ابدل و اروح لدوامي
و ارجع بسرعه حتى اوصل قبل الاطفال
اصب الغداء و ابدي اقريهم و نحل الواجبات وراها ساعه تلفزيون و ساعه لعب
و بثمانيه يكونون نايمين
وراها اكيد ما انام لان ماكو احد يضيع شي من هذا الهدوء
اشرب شاي و اتفرج تلفزيون و ادعي الله يكبرون حتى اشبع نوم و راحه
و مرت الايام
و كبروا
و صرت وحدي طول النهار
مشتاقه لحضن بعد المدرسه
و مشتاقه انه انومهم وياها بوسه
و مشتاقه اركض وراهم و ارتب هوستهم
و مشتاقه للركض وراهم و تعالوا هاكم اكل
مشتاقه للأسئلة الغريبه اللي كنت اتافف منها
و مشتاقه لغسل الحياطين اللي متروسه اصباغ
مشتاقه لفرحتهم بملابسهم و لعباتهم الجديده
مشتاقه لفرحتهم بلبس العيد و حتى مشتاقه لتعب السوق و اختيار ملابس العيد
و مشتاقه لفرحه عيونهم من انطيهم نستله او جكليته
هالايام هذه صاروا شباب و كبروا
يرجعون للبيت ياكلون و يرحون لغرفهم و ما ينتبهون شنو طبخت اصلا و لا يهمهم
مع انه اني تعبت حتى اسويلهم الأكل اللي يحبوه
نوبات و ايام و ليالي اظل انتظر يكولون لي الله ماما نحبك بس حاليا تمر ايام و ليالي مشغولين بالتلفونات
يا ريت مره يجون بالليل يكولون خفنا و جينا ننام يمك
ياريتهم يكعدوني من النوم علمود اسويلهم فطور
كمت اكعد من النوم الكاهم طالعين اصلا
حتى الحضن مدا أكدر احضنهم مثل قبل لان صرت أقصر منهم
امنيتي و كل اللي اتمناه حضن صغير منهم مثل قبل و نظره لعيونهم و هي تكول نحبك ماما
لكل أمهات هذا الجيل
ابدا لا تكولن تعبنا من الجهال
استمتعوا بالتعب الجميل
د. سيف سمير البياتي اخصائي طب الاطفال

25/03/2026

ليش
ليش
ليش
ليش
الكثير من الاهل يسالون ابني لحوح و ابني هوايه يسال ليش ؟
هل هذا شي مرضي ؟
شي زين ؟ مو زين؟
الليش
اللي يسالها هي عن حبه للاطلاع
هو هسه اللي راح يتطلع و يشوف و يسال
هو هسه راح يكتشف فاكيد يسال هوايه
و الحل شنو شاسوي؟
جاوبه اكيد
جاوبه اما بجواب قصير على كد فهمه للموضوع و اذا طفلك دا تشوفه يحب الموضوع عادي استرسل بالاجابه و اشرحله
و ابدا مو عيب تكوله ما اعرف !!!
لان مو كلشي احنا نعرف
و عزز المعرفه عنده من خلال
١. تشجيعه على سؤال الليش ؟
من يكولك ليش دا تمطر
كوله و الله سؤال حلو دا تمطر لان الماء من يتبخر يصعد و يتكثف و يصير غيوم و ينزل
٢. اسال نفسك ليش او اساله ليش ؟
هيجي راح تعزز عنده المعرفه مثلا تساله ليش دا اطبخلك ؟
٣. اقرا كتب بيها هذا السؤال هوايه و هو خليه يجاوبك
لذلك اؤكد انه من الجيد و من الجيد جدا انه طفلك يسال هوايه و يلح بالاسئله
اصدمكم برقم ؟
الدراسات تكول
الطفل الذكي يسال بحدود ٢٠٠ الى ٣٠٠ سؤال باليوم بعمر ٤ سنين
و حوالي يسال ٤٠ الف سؤال من عمر ٢ الى ٥ سنه
لذلك خليهم يسالون
و جاوبوهم
متعوا عقلهم بالعلم
بلا ما تمتعون عقلهم بالموبايلات و التلفزيونات
من حقهم علينا انه يسالونا
و من حقهم علينا انه نجاوبهم
مو ننطيهم موبايل و نسكتهم
د. سيف سمير البياتي
اخصائي طب الأطفال

25/03/2026

٣ شغلات دا اشوف سوء استخدام بيها
الاول
💚شراب خافض الحراره بتركيز 100 ملغرام للسيسي
اللي هو الابرتيل
هذا جرعته كل ١٠ كيلوات ب 1 سيسي
يعني مو جرعه الباريستول العاديه المعتاده مثل البندول و الادول
هذا تركيزه أعلى
مثال : طفل وزنه 15 كيلو تنطيه 1.5 سيسي كل 4 الى 6 ساعات
💜العلاج الثاني
قطره كوليف لتكسير اللاكتوز
قطره للمغص مقره من وزاره الصحه
و تفيد بزياده الوزن بطريقه صحيه
تستخدم مع كل رضعه ✅️
مو مره باليوم و لا مرتين ❎️
بالصوره مكتوب ٨ قطرات مره خطاا كبير ما تشتغل مره باليوم ❎️❎️❎️❎️
تستخدم مع كل رضعه ✅️
ما تعطى مباشره بالفم ❎️
تعطى مع الحليب و ننتظر نص ساعه و ننطيها للطفل في حاله الرضاعه الصناعيه✅️
بالرضاعه الطبيعيه نسحب شويه من حليب الأم و نخلي وياها القطرات الاربعه وراها ننطي الحليب اللي خلينا بيه القطرات وراها نرضع طبيعي مباشره
ماكو داعي للانتظار في حاله الرضاعه الطبيعيه
هيجي نحصل نتيجه بالوزن
و هيجي يرتاح الطفل من المغص
❤️ الموضوع الثالث
الاستخدام المطول و المفرط لخبطات الحفاظات و النستاكورت و الاليكا و هي تسبب فيما تسبب فشل نمو و فشل بالغده الكظريه و تشقق الجلد و ترققه
و البديل: كومه بدلاء امينات مثل الزنك من شركه سامراء و مرهم بيبانثين و مرهم بايولاين للحفاظ و غيرها العشرات اللي أساسها الزنك و امينه جدا مع كل تغيير حفاظ
اللي خلاني انزل هذا الموضوع هو سوء الاستخدام اللي دا اشوفه بشكل شبه يومي
و اذا الزملاء الصيادلة يحبون ينبهون لشي ثالث فالرسائل مفتوحه و يكدرون يراسلوني
لان الأهم ننتبه و نتعلم
د. سيف سمير البياتي أخصائي طب الأطفال

24/03/2026

10 طرق فعاله لترك الملهيه
الملهيه طريقه فعاله لتقليل الغازات
و تقليل الم الاسنان
بس
بس
بس
الملهيه تفقد فوائدها بعمر ٦ إلى ١٠ اشهر
و لهذا ما نفضل تبقى الملهيه أكثر من هذا الوقت وداعا للملهيه بعمر ٦ اشهر افضل شي
بس اكو اطفال كبار و بعدهم ما تاركيها
تعالوا نتعلم :
الطرق هي
و اختاري اللي يناسب عمر طفلك
١. حددي وقت الاستخدام : يعني الملهيه فقط للنوم و حتى يبقى بفراشه عداها غير مسموح بتاتا و هذه الفقره تفيدك انه ينام بفراشه أكثر
٢. شويه شويه
ثقبيها أسبوع
كبري الثقوب ثاني اسبوع
ابدي احفريها ثالث اسبوع
و شويه شويه
راح انزلك فيديو بالتعليقات
٣. خلي كل الملهيات بعلبه صغيره و غلفيها باناقه و روحي انت و ابنك و اهديها لأي طفل مولود جديد حتى يعرف انه هو كبر و انه الملهيه مال صغار كلش طبعا اكيد تعرفون انه هاي تمثيليه مو اكثر
هوايه من الأمهات ينطوها الي حتى انطيها لطفل صغير
حتى يتعلم الكرم
٤. لا تنسين أبدا الدب الصغير او البطانيه او اي لعبه امينه صديقته بحيث من ينام تصير صديقته البطانيه او اللعبه
و هذا تبديل للملهيه بش اقل ضررا
٥. التبديل : يعني اخذيه لمتجر العاب و كوليله اختار هديتك حتى نبدلها بالملهيه
٦. اكو اطفال كبار و بعدهم على الملهيه بهيجي اعمار اتفق وياه على موعد انه هاهيه صار كبير بعد على الملهيه مثلا عيد ميلاد أحد الوالدين أو عيد ميلاده الثاني او الثالث
٧. لا ننسى ال star chart او جدول النجوم اللي هو تخليله نجمه على كل يوم او كل ساعه ما يخلي بيها ملهيه و بعدها تجمعها و تشتريله هديه
٨. الفلوس : أكثر الجهال يحبون الفلوس و علموهم على الفلوس و اشتريله حصاله و كل يوم ينسى الملهيه خلي الفلوس بالحصاله
٩. ببساطه اختفت وحده من الطرق اذا كلشي ما فاد كوله ما ادري وينها اختفت
اكيد راح يبجي بس يوم يومين و ينسى
بهاي اليوم او ال٢ سوي اي نقطه من النقاط الفوك
١٠. خلي طعم ما طيب عليها او لون ما حلو عليها و هو شويه شويه يتركها
اخر نقطتين ملخص مفيد
للي كلشي ما يفيد وياه
د. سيف سمير البياتي أخصائي طب الأطفال

23/03/2026

وحده من احسن و أنجح الطرق المستخدمة لعلاج و منع طفح الحفاظات
هو الوقت اللي ما يلبس بيه حفاظه !!!
Diaper free time
فهل تسويها؟
هل تتركيه قدر الامكان بدون حفاظ؟
وحده من البدائل اللي تكدرين تسويها
هي
🐥الحفاظات المصنعه يدويا أو منزليا من القماش
و حتى اكو خطوط انتاج لهذه الحفاظات بس مع كل الاسف غير متوفره بكثره بالعراق و غاليه اغلى من الحفاظات العاديه
بس كلش سهله صناعتها و استخدامها و جدا انصح بيها من يصير الطفح عنيد و بيتك بارد ما تكدرين تتركين الطفل بلا حفاظ
🐧خيار آخر هو وضع الطفل على فراش مصنوع من ماده تمنع التسرب
🐝نصيحه أخرى احب اكولها الك انه خليه بلا حفاظ بعد ما يتدرر او يصير عنده خروج
لان اقلها فد نصف ساعه إلى ساعه ما راح يتدرر
🦜شي آخر ممكن يساعدك
حجينا على وضع الطفل على بطنه بس على شرط انت صاحيه و الطفل صاحي
تكدرين تخلين هذا الوقت بدون حفاظ
راح تقلل هذه الوضعيه من كميه الازعاج اللي يسببه الخروج و الادرار
🍎 نصيحه اخرى بخصوص الحفاظ هو استخدام نوعيه جيده من الحفاظ و كلينس مرطب جيد
و اكيد يبرز اسم حفاظات بايولاين كأفضل نوعيه بحيث احيانا ما يحتاج تبدليها الا كل ١٢ ساعه تجي بعدها هجيز
بالصور بالتعليقات أمثله عن الحفاظات المصنعه من الأقمشة
Cloth diapers
جدا مفيده اذا تنصنع منزليا في حالات طفح الحفاظات
د. سيف سمير البياتي أخصائي طب الأطفال

23/03/2026

اهم الشروط الي يريد يعلم لغة اجنبية ،، اغلب المشاكل الي تصير من يعلمون الطفل لغة اجنبيه انهم ما يلتزمون بهاي الشروط وبالتالي يصير خلط لغات وتداخل لغات .. اذا التزمتوا بيها تحصلون نتائج فوق الممتازة بجهد لايكاد يذكر لانه تراكمي يوميه شويه
د.اسماء

22/03/2026

عندك طفل رضيع للمرة الاولى؟
بالبوست 10 خدع بسيطه محد حيعلمك عليها 😉
1. من تبدلين للطفل (تجرين ايده) وتطلعيها من الردن ❌❌
الصح: ثبتي ايده وجري الردن الى ان تطلع ايده منها ✅✅
2. من تلبسي اوفر ابو سحابة: سدي السحاب بسرعة وخلصي ❌❌
الصح: خلي اصبعك فوك قفل السحابة (مثل ترديها تكرص اصبعك) وانتي تسدين حتى لا تكرص بطنه ✅
3. من تلبسي حفوظة ترفعيها فوك السرة وما تبقين فراغ بيها ❌❌
الصح: اطويها وخلي السرة تتهوه، ودائماً لازم اكو فراغ بين جسم الطفل والحفوظة يجمع الخروج ✅
وتأكدي اللاستيكات يم الفخاذ محكمه مو كلها فراغات حتى لا يصير تسريب
4. مشكلة تسريب الحفوظة على الظهر سببها النقطة السابقة (ماكو فراغ بالحفوظة)، فيطلع المحتوى على ظهر الطفل
5. من يتمرض وتحتاجين تخلين له تحميلة.. دفعيها بسرعة ❌❌
الصح: خلي من كريم الحفاظ اليومي (الزنك) على المخرج حتى لا يتأذى من تخلين التحميلة ✅
6. من تشترين جوارب جديدة او بجاما راساً لبسي ❌
الصح: قلبيها بالعكس وتاكدي ما بيها خيوط، واذا اكو قصيها حتى لا تنلف على اصابعه ✅
7. تلبسي بجاما جديدة وتشوفين اثر حز على بطنه ❌
الصح: خلي اصبعك بين اللاستيك وبطنه، اذا اصبعك مرتاح ويتحرك عادي يعني القياس مناسب ✅
8. لزم شعره بالغلط وبقى يجر بي ويبجي وانتي تجين تفتحين ايده بقوة وما يفتحها ❌
الصح: افتحي الابهام او اقرصي باطن ايده بخفة، حيفتحها مباشرة ✅
9. من يبقى يبجي تتعصبين وتتوترين لان وراك هواي اشغال ❌❌
الصح: خلي بالشيالة وكملي اشغالك، وحتشوفي حينام لان يشم ريحتك وحركتك تهديه ويحس نفسه مثل الرحم ✅
10. بدا عنده مغص ويبجي هوايه ❌❌
الصح:
✔️ جربي تنظيم الرضعات وتخفيف دخول الهواء (تجشؤ بعد كل رضعة)
✔️ المساج الخفيف للبطن وحركات الرجلين
✔️ والأهم: البروبايوتك ممكن يساعد بتقليل المغص وتحسين راحة الطفل بشكل واضح عند كثير من الحالات
✔️ لاتنسين قطرات المغص و استخدامها الصحيح سواءا سيمثكون او كوليف ✅

21/03/2026

البروبايوتك
العالم الجميل
هذا رأي دكتور عمار عادل بخصوص البروبايوتك
البروبايوتك مو بس مناعة
و لا بس مغص
و لا بس للاسهال
و لا بس للامساك
البروبايوتك عالم جميل

‏269 من تسجيلات الإعجاب، 29 من التعليقات. "الاوبتيباك ⚠️ راح تحل كل مشاكل طفلج 💯”

21/03/2026

عندما تريد ان تنتقد اماً

عض لسانك اولاً

طالما هذه الام هي لاترتكب جرما حق طفلها

فقل خيرا او لتصمت

ولسنا بحاجه لسماع محاظراتك في النظافه والادبيات والاتكيت

عندما تشاهد اما مرتبكه ، قدم لها ابتسامه طمأنه

عندما تشاهد اما مع رضيع يصرخ، قدم لها معونه، متمثلة ب هل تحتاجين مساعده؟

فهذه الطف بكثير من (خاف جوعان !) 😖

عندما ترى اما قد كسى ملابسها قئ ابيض من طفلها الرضيع

لايوجد داعي لنظرات الاشمأزاز والاستنكار!

فانت بنفسك قد فعلت ذلك مرارا وتكرارا بامك!

عندما ترى اما وهي تحاول تهدئة طفلها ذو العامين وهو " يرفس ويمرغل" نفسه على الارض

لا يحق لك ان تطلق الاحكام ولا يحق لك ان تكون الان الملاك الرحيم

نوبات الغضب هي تطور طبيعي للاطفال ولايدل مطلقا ان الطفل (ممتربي) ولا يدل مطلقا ( ان الاهل بخلاء)

عندما ترى اما تقدم الطعام لطفلها في كرسي الطعام بطريقة ان يطعم نفسه بنفسه، لاتحاول ان تبدا بتعليمها الاتكيت

حتى ولو كان هذا المنظر (والطفل يحاول ان ياكل ويقوم بمسح الطعام بكل وجهه) حتى لو كان هذا المنظر لايروق لك

ف الامهات غير ملزمات بمراعاة نفسيات المجتمع

هي ملزمه برعاية طفلها ، فقط

بالشكل الذي تراه صحيح ولايؤذي طفلها ولا يجعله اتكالي

قبل ان تنتقد اماً

عض لسانك

فلولاها لما قوى عودك 🥱

وكل عام وكل الامهات بالف خير ❤️

د.اسماء

20/03/2026

أعشق و بعد أن بلغت من العمر ما بلغت كيف ما تزال أمي توبّخني بنظرتها المطوّلة إليّ إن أنا أخطأت!
و مازلت أعشق و قد بلغت ما بلغت كيف تنصرف عيني عن مقلتيها ؛ خجلاً مما ارتكبت!
‏- اللهم سنوات عديدة لأمي و قلبها ،
- اللهم بيت لا يخلو من صوتها❤️
امي ❤️
و من في الدنيا مثل امي ❤️

د. سيف سمير البياتي

19/03/2026

طفل بعمر عده سنوات، كان طبيعي بالاكل جدا و كلشي ياكل بدأت تصير عنده انتقائية شديدة بالأكل وتدريجيًا قلّت قائمة الأطعمة المقبولة عنده.
حالياً يرفض أي أكل جديد بشكل قاطع، وأحيانًا مجرد المحاولة تسبب له خوف شديد و ممكن حتى تقيؤ و ممكن حتى من ريحه الأكل يستفرغ
معتمد على أنواع محدودة جدًا من الأكل
شنو أسوي؟
وين اروح ؟
✅ نبدي بالخطوات وحده وحده
🔹 1. البروبايوتك
نعم، البروبايوتك إله دور إيجابي ومهم بهالحالات، مو سحر لكنه عامل مساعد قوي:
يحسن توازن بكتيريا الأمعاء
يقلل التهاب الامعاء الخفيف اللي ممكن يزيد النفور من الأكل
يكولك اصلا أكو ارتباط بين الأمعاء والدماغ يعني: 👉 تحسين الأمعاء = تقليل القلق المرتبط بالأكل
بعض الدراسات تبين أنه ممكن:
يقلل الحساسية للطعم والقوام
يخفف شدة الـغثيان المرتبط بالقلق
ملخص النقطه البروبايوتك ما يعالج الموضوع وحده، لكنه يسهّل تقبل الأكل ويقلل التوتر ⬅️⬅️وهذا يخلي باقي العلاج ينجح أكثر.
اي بروبايوتك؟
و متى اشوف النتيجه
هوايه انواع
بس اوبيتباك بالاخص الاظرف جيده جدا
و كلجرلا و رينيولايف
🔹 أهم نقطة بعد البروبايوتك: لا تجبر الطفل
اللي ديصير وياهم مو دلع، هذا اضطراب حقيقي:
الإجبار = يزيد الخوف
الخوف = يربط الأكل بالألم والتهديد
النتيجة = تفاقم الانتقائية + و تزيد الانتقائيه
📌 القاعدة الذهبية:
👉 "التجربة لازم تكون آمنة، مو إجبارية"
🔹 3. العلاج السلوكي التدريجي
أفضل طريقة هي:
Food chaining + exposure therapy
نبدأ من الأكل اللي تحبه
نغير تغييرات بسيطة جدًا (شكل / قوام / لون)
مثال:
دجاج مشوي ⬅️ دجاج نفس الطعم بس مقطع بشكل مختلف
بعدين ⬅️دجاج + نكهة خفيفة جدًا
📌 الهدف مو ياكل… الهدف أولاً:
يتحمل وجود الأكل
👉 بعدين يلمسه
👉 بعدين يشمه
👉 بعدين يتذوق
🔹 4. الجانب النفسي مهم جدًا
الحالة مرتبطة بـ:
قلق عالي
خوف حقيقي (مو تمثيل)
أحيانًا تحتاج:
جلسات مع طبيب نفسيه
تقنيات تهدئة
🔹 5. لا تستخدم المشهّيات بهالحالة ⚠️
غالبًا تسبب زياده قلق
وتزيد النفور
📌 لأن المشكلة مو "شهية"، المشكلة خوف + احساس عالي بالطعم
🔷️ 6. شنو وضع الزنك و الحديد؟
هل سويت تحاليل الهم؟
هل وضعهم جيد ؟
اذا مو زينين نعوضهم ليش لا
هل الوضع خطير؟
بصراحة:
هي حالة معروفة ومفهومة
بس تحتاج تعامل صح
المؤشر الجيد: انه الطفل بعده ياكل و الطفل حركته زينه و تحاليله زينه
وهذا يخلي العلاج أسهل
💡 الخلاصة المختصرة للطفل الانتقائي :
✔️ البروبايوتك: عامل مساعد مهم (يقلل القلق ويحسن تقبل الأكل)
❌ لا إجبار نهائي
✔️ علاج تدريجي (food chaining)
✔️ دعم نفسي
❌ المشهّيات غالبًا تفشل
✔️ جيك الزنك و الحديد إذا أكو نقص عوضه
د. سيف سمير البياتي أخصائي طب الأطفال