عيادة الاطفال للدكتور وسام مهدي السوداني

13/12/2023

02/04/2023

الحمد لله الذي جعلنا سبب فرحة و سلامة قرة عين اهل هذا الملاك ...
حفظها الله من كل مكروه 🤲

26/02/2023

سوف يتم غلق العياده ليوم غد الاثنين امتثالا لدعوه نقابه اطباء العراق واستنكارا للاعتداءات المتكرره على الاطباء

25/12/2022

نتوسل بي يجي نفحصة...ما يقبل 😅
احد مراجعيني الحلوين ❤

19/11/2022

من الخرافات المميتة للطفل ومع الاسف منتشرة بمجتمعنا وهي
الخرافة الاولى ...دكتور ما اريد بخاخ للطفل خاف يتعلم عليه 😒
الخرافة الثانية ...دكتور احنة ما نضرب الطفل انسولين خاف جسمة يتعلم عليه 😡
الخرافة الثالثة ...دكتور احنة نرفض غسل الكلى للطفل خاف يتعلم على الغسل 🤬
طبعا هاي من الحالات الي نشوفها يوميا ويكون الطفل تعبان جدا كأن يكون بحالة ربو حاد او طفل عندة داء سكري معتمد على الانسولين او طفل عندة فشل كلوي ويحتاج الى غسل كلى .
رغم ذلك يجي بعض الاهل مسيطر عليهم الجهل والخرافة ويمنعون تقديم العلاج المناسب للطفل وكثير من الأطفال فقدناهم بسبب جهل الاهل .
ربي يحفظ كل الاطفال وعوائلهم ويبعد عنهم كل مكروه ان شاءالله
دكتور وسام مهدي السوداني اختصاص اطفال وحديثي الولادة.

03/10/2022

💝 بنتي أنتي أم جديدة ومن واجبي أعلمج شلون تصيرين أم زينة..
القماط غلط غلط...

✳️ ليش دكتور غلط ❓
أشو أمي وبيبيتي يكولون القماط ضروري للطفل وهمه ربونا كلنا على القماط..
💝 بنتي أنتي من أتصلتي عليه أتصلتي بالموبايل لو على التلفون الأرضي⁉️

✳️ ههه... دكتور طبعا على الموبايل وين ظل تلفون أرضي..
💝 عفية يا بنتي إذا التطور يلغي القديم وراح أفهمج يا بنتي ليش القماط غلط

👈 أول شي اللف القوي للقماط ممكن يسبب ((🔥 خلع ولادي)) لإبنج وإذا ما تشخص بالفترات الأولى من حياته فأنه قد يحتاج عدة عمليات حتى يتصلح

👈 ثاني شي بنتي خصوصا بالصيف، القماط يرفع حرارة الطفل وهذا واحد من اسباب ((🔥 موت الطفل المفاجيء)) يعني تقعدين الصبح تلكين طفلك لا سمح الله ميت...واللي ممكن أيضا أن يصير إذا أنقلب الطفل المقمط على بطنه أثناء النوم لإن بعد ما يكدر يرجع جسمه حتى ينام على ظهره..

✳️ دكتور لعد شلون بيبيتي تكول انو الطفل ينتمن وينبرك أذا ما يتقمط❓
💝 هذا حجي مال عجايز

✳️ ويكولن رجل الطفل تطلع عوجة بلا قماط
💝 زين خليني أسألج
الناس بالمانيا يقمطون❓
✳️ لا
الناس بايطاليا يقمطون❓
✳️ لا
زين بالبرازيل يقمطون❓
✳️ لا
💝 كم مرة حصلت أيطاليا والمانيا والبرازيل على كاس العالم بالطوبة❓
✳️ شمعرفني دكتور
💝 كل وحدة من هالدول حصلوا على كاس العالم ٤ مرات، سؤالي الأخير إحنا كم مرة حصلنا كأس العالم❓
✳️ اذكر مرة وحدة
💝 لا بنتي بهاي صعدنا مرة وحدة مو اخذنا كأس العالم،
هسه أنتي فكري منو اللي رجليهم أعدل أحنا اللي نقمط لو هذوله اللي أخذوا كاس العالم ٤ مرات‼️
منقول من صفحة الدكتور واثق ابراهيم

19/09/2022

#دكتور اشو ابني ديعرگ هواية 🥴🥴

27/08/2022

🤱🏻
معلومات بسيطة حول الرضاعة الاصطناعية 👩🏻‍🍼

21/07/2022

#دكتور #ابني #مياكل #😵‍💫😵‍💫

04/07/2022

اطفالكم امانة لديكم
تزداد حالات الاسهال في فصل الصيف وللاسف ولحد الآن ونحن في القرن الواحد والعشرون توجد عوائل تتجه الى طب شعبي مميت للاطفال وحبيت احجيلكم عن مخاطر هذا النوع من الطب الشعبي

21/06/2022

الغيث من يجي للعيادة اتصير الصورة أحلى
ربي يحفظة ويخلي لأهلة ❤

06/06/2022

السلام عليكم...
تنتشر في الوقت الحالي التهابات فايروسية كثيرة ، اكثرها شيوعا حاليا هو الجدري المائي ( ابو خريان ) ، و مرض( يد قدم فم )
وعادة يصير خلط بينهم ، وحتى عوائلنا الكرام يكدرون يفرقون بينهم ، راح نطي كم فرق للتسهيل بينهم
1 . هما كلاهما التهابات فايروسية تسبب ارتفاع درجة حرارة الطفل و ضهور طفح جلدي ولكن الفرق يكون الطفح الجلدي بالجدري المائي يبدي بالضهور في البطن والظهر ثم ينتشر الى باقي اجزاء الجسم .
بينما في حالة(مرض يد قدم فم) يكون ضهور الطفح في اليد والقدم والفم ولا يضهر في البطن او الظهر .

2 . شدة انتشار الطفح في الجدري المائي اشد واكبر من الحالة الثانية

3 . مدة بقاء الطفح الجلدي والحرارة تكون اخف في حالة مرض ( يد قدم فم ) .

4 . العلاج في الحالتين هو ادوية لتقليل الحرارة والحكة ، ما عدا في حالة الجدري المائي ممكن نستخدم ادوية خاصة للفايروس

واخير نطمن العوائل ونقول عادة تكون هذه الالتهابات غير خطيرة عندة الاطفال وعلاجها بسيط .

الصحة والسلامة لكم
دكتور وسام مهدي السوداني
اختصاص طب الاطفال وحديثي الولادة