عيادة د.رأفت رؤوف الطرفي

11/11/2025

لماذا انتخب
انتخب لكي ارد الجميل للذين عملو باخلاص وجد لبناء هذا الوطن ولا أتقاعس عن ذلك ولا أكون ناكرا للجميل
انتخب لأني ارفض التصديق بنظرية المؤامرة وحجة ان النتائج محددة سابقا
انتخب لكي احاول ان امنع الفاسدين من ان يتحكمو بخيرات هذا الوطن
انتخب على الرغم من دعوى تزوير الانتخابات لكي يعرف اصحاب التزوير ان هناك شعب يرفضهم
انتخب لكي يرتاح ضميري انه عملت واجبي اتجاه وطني حتى لو لم يفز الأشخاص الذين انتخبتهم
انتخب لكي يعلم أبنائي اني حاولت التغير من اجل مستقبل زاهر لهم
انتخب اصحاب الأعمال الحقيقية التي أراها على ارض الواقع وليس اصحاب الشعارات الرنانة
انتخب الذين لم يفرقو بين أبناء هذا الوطن ولم يحملو الشعارات العنصرية

02/06/2024

المشاركة في دورتين تدريبيتين حول الجراحة الروبوتية لأورام القولون والجراحة المنظارية لأورام المستقيم في ستراسبورغ / فرنسا ولقاء ونقاش علمي مهم مع رتشارد هيلز مكتشف ال TME و مع مساكي إيتو الرائد في جراحة TaTME

Participation in training courses about robotic colorectal surgery and laparoscopic TaTME in Strasbourg France and meeting with Richard Heald the pioneer in TME and Maasaki Ito the pioneer in TaTME

20/07/2023

مشاركة في ندوة اورام الكبد في البصرة وإلقائي محاضرة بعنوان التقنيات الحديثة لأستئصال الكبد

25/05/2023

اثناء المشاركة في امتحان البورد العربي لجراحة الاورام

16/03/2023

05/03/2023

كلمه سرطان من اكثر الكلمات اللي جانت تهزني من اسمعها وخاف منها
بس عمري ماجنت اتخيل انو نصير بمواجه قوية وياه لمن تكتشف اصابه اقرب الناس على قلبك واللي هو ابوية
اتمنى تقرون الموضوع للاخير لان ممكن تكونون مصابين وماتعرفون بنفسكم
واهمال اهم جزء بجسمناا يعتبر كارثه حقيقه واللي هي الجهاز الهضمي
الموضوع بدة قبل يمكن 10 سنوات او اكثر
بلش والدي بالاصابه باسهال طبعا اكيد اتخيلنا ممكن برد ممكن موضوع عادي لكن ابد مجان عادي ضل الاسهال مستمر 10 سنوات
راجعنا اطباء هواية واللي اني كفر اكولة طبيب وصدكوني لو اتذكر كلهم اسمائهم اتمنى ارفع عليهم قضايه ونسحب منهم رخصه ممارسه الطب
ليش ؟؟
لان كل واحد جنا نروحلة نكولة عندة اسهال مزمن صارلة سنوات ينطي حبوب حمض مال معدة وحبوب توقف الاسهال
لمرحلة والدي فقد الثقه بكل الاطباء وماقبل يراجع بعد وهذا الشي جان خطأ اكيد
الى ان قبل سنه ونص بلش التعب يزيد على ابويه وبدة جسمه يضعف وبدت تصير عندة دوخه بس طبعا هاي ايام معينه اما باقي الايام تشوفو طبيعي وعايش حياته
وهنا بدة الاصرار انو لازم نرجع نراجع اطباء
بدت الخطوات الصحييحة
وراجعنادكتور مهند الصراف وماقبل يكتبلنا اي علاج بدون
مانسوي ناظور
وهنا صارت المصيبة
دخل والدي للناظور ماكو خمس دقايق وصاحني الطبيب وماشفت الا ابويه منتهي على سرير الفحص وينزف فقدت وصيحت عالدكتور كتله شسويتله كال والدج عنده مشاكل بالقلب وماكدرنا نكمل الفحص
وطبعا بوجهنا على الطوارئ وبالطوارئ بدت رقبه والدي تنفخ وبدة كلش يصير صعب عندةالتنفس ويصيح بطني تموتني واجا هنا دكتور اسمه محمد الله يوفقه وينما جان بوقتها جان طبيب مقيم بالطوارئ وطبعا راسا عرف كالي والدج صار عندة استراوح رئوي
(يعني دخل هوى للرئتين وبدت الرئتين تتقلص و اذا مصار تدخل جراحي حتى يطلع هذا الهوى اكيد رح يموت
وهنا اجا دور دكتور ثاني هم مقيم للاسف ماتذكر اسمه او ماعرفه بس جان يعرف يحجي كردي وجان لازم نقنع ابوية انو يزرفون صدرة حتى يطلع الهوى
وفعلا خلينا صوندات بالصدر ووياها اجراء طبي سو حتى يفرغ الهوى وضل على اثرها بالمستشفى 3 ايام (مستشفى اليرموك )
مستشفى اليرموك التعليمي
اللي سوو بهال 3 ايام ينشهدلة باالامانه والاعتناء الطبي لاقصى درجة
اكيد هسة حتسألون ليش هيج صار ؟؟ لليوم ماكو فد اثبات طبي انو بسبب الناظور غير انو الطبيب ممكن سوة ثقب بالامعاء فدخل هوى للصدر وللرقبه
اللي اكيد الطبيب ماعترف بي واصلا مراونا شكله من ذاك اليوم
طلعت نتيجة زرع الناظور بعد عشر ايام وجان الورم حميد
بس هنا بلشت مشكلة ثانيه ويا والدي اللي هي فقر الدم والتعب من اقل مجهود
رحنا للدكتور م. اللي همه بس يعلم الطلاب مالته براس المرضى اللي يراجعو ويهمل معاناة المريض ويكعد يشرح حاله المريض للطالب مالته على حساب راحة وخصوصية المريض وكاله لازم ناظور ثاني لكن والدي رفض طبعا نتيجة الي مر بي
وسالة كاله دكتور اذا سوينا الناظور ولكيت حل اطيب كالة لا تضل اسهال طوول عمرك خيبة الامل جانت جبيرةلوالدي اعتذر من الدكتور وعفنا العيادة وطلعنا
وخلال السنه ونص والدي ينقص دم ونخلي دم
لحد ما لكينا الدكتورة اميرة شبير والي شكد ما امدح بيها قليله بحق انسانه قبل لاتصير دكتورة
ناقشت ابوية بخصوص مرضه وسمعته للاخير وقنعته انو يسوي ناظور مرة ثانيه واقتنع والدي بكلامها
ورحنا سوينا ناظور وهنا الصدمة داسمع الطبيب يكول للمساعدة مالته انو اكو كانسر وداباوع عالشاشه اشوف اورام اثنين بالقولون وجدار القولون منتهي من جوة عبارة عن تقرحات
هنا بالضبط احساسي صار شايفين من واحد يضربكم على وجهكم حيل ووجهكم ينمل وماتحسون بأي شي هذا جان شعور ي
واخوية اللي من كتله راسا عافني وراح بدون مايحس بأي شي من شدة الصدمه
وبعدها كل البيت جان عايش صذمة والخوف من الجاي
وطبعا اخذنا الخزعات وطلع الكانسر من نوع الهجومي يعني منتشر بالقولون
وحولتنا الدكتورة على جراح

عظيم والعظمة لله واللي هو الدكتور عيادة د.رأفت رؤوف الطرفي
وبعد اجراء التحالليل اللازمة شرح لابوية وضعه وكالة لازم نرفع القولون تقريبا كلة لان انت عندك اورام سرطانيه واذا بقينا شوية من القولون اكيد رح ينتشر للجزء المتبقي او ممكن يرجع
واجا يوم العمليه واللي ابد ما انسى فضلكم بالدعاء الة
وتم رفع القولون كله وبقى قرار قرار الكيمو ثيربي او الكياوي
وهمين سوو زرع للاجزاء اللي انشالت
واتضح انو اكو غدد لمفاوية مصابة لذالك لازم يخضع للعلاج الكيماوي
وتحولنا على دكتور اختصاص اورام بمستشفى الاورام مدينه الطب
وقبل يومين بلش اول جرعه
واليوم ابوية باحسن صحة وافضل حال واليوم نكدر نسمي محارب السرطان
هاي الكلمه مجنت اعرف معناها الا لمن انصاب والدي وعرفت انو انت فعلا محارب حقيقي من دتواجه مرض خبيث ايريد يحتل جسمك لكن بالارادة والعزيمة انت اقوة منه بألف مرة
والدي اللي مر بسنين عذاب طويلة نتيجة تشخيص طبي غلط او عدم استماع الاطباء اللي جنا نراجعم اللي خلق عندة حالة احباط وخلاه يرضى بامر الواقع اللي جان عايشه
الطبيب كالنا انو علاجة جان بحباية وحدة لو منطيهيا من البدايه اول ماتمرض والدي طلع عندة قولون تقرحي ونتيجة عدم العلاج صار الاسهال المزمن والاسهال سبب سلائل لحميه اللي تحولت لسرطان بعدين
اقدملكم كم نصيحة اتمنى تسمعوها
ابدا لايصير عدم احباط من مرضكم كونو انتو اقوة من دائما
راجعو الطبيب الصح
عمركم لاتروحون لطبيب كاتب على اللافته مالته معالجة السكر والاطفال والمفاصل او الخ...
راجعو طبيب مختص بحالتكم فقط اذا قلب راجعو قلبية اذا جهاز هضمي راجعو اختصاص جهاز هضمي اذا باطنية راجعو باطنيه
الطبيب اللي ينطيكم علاج بدون مايدزكم تسون تحاليل او اشعه او رنين او مفراز فاتركوه واخذو كشفيتكم وعوفو لان هذا النوع عايش عالتخمين ويريد يمشي ادوية براسكم بس
اذا صار عدكم اسهال او امساك او اي مشكلة بالامعاء لاتترددون انو تراجعون طبيب(الصح) وتسون الفحوصات الازمة لان هي المشاكل تجي من هاي الاعراض اللي احنا نتركها او نتقاضى عنها
اذا ابوج عبر ال50 سنه لازم كل سنه يسوي فحوصات دورية ناظور للقولون لان ممكن يكون مصاب بالسرطان وهو ميدري بنفسه
اخيرا اتمنى تستفادون من هذا البوست ولو كلمه وحدة
ووتدعون لوالدي يكمل بالسلامه ويرجعلنا احسن من قبل
وشاركو هذا البوست ممكن يكون احد محتاج الاطباء هذولي
الصورة بعد العلمية

04/03/2023

المساهمة في إلقاء محاضرة حول علاج الناسور الشرجي بالجراحة الناظورية على هامش مؤتمر مدينة الطب

04/03/2023

المساهمة في إلقاء محاضرة حول علاج الناسور الشرجي بالجراحة الناظورية على هامش مؤتمر مدينة الطب

02/12/2022

المشاركة في الاجتماع العلمي والقاء محاضرة حول المستجدات الحديثة في معالجات اورام القولون والمستقيم واللقاء مع اساتذة وقامات علمية كبيرة وزملاء في البصرة الفيحاء