What are the opening hours?

Monday 15:00 - 19:00 Tuesday 15:00 - 19:00 Wednesday 15:00 - 19:00 Thursday 15:00 - 19:00 Saturday 15:00 - 19:00 Sunday 15:00 - 19:00

دكتور احمد حسين العوادي, Al habibiya, Baghdad (2025)

17/04/2025

تعبُ اليدينِ إذا صفا فيهِ النَّوى
يُثمرْ غدًا لا تهدمُ الأيامُ ما بَنى
#دكتوراحمدالعوادي

12/04/2025

تكلسات المفصل… مو دايمًا مجرد خشونة!

مريضة عمرها فوگ الـ٦٠، عدها ضغط وسكر، اجت للعيادة تشتكي من وجع حاد بالركبة المنى صارله ٥ أيام، بدون أي إصابة أو طيحه.

بالفحص السريري:
بينت الركبة بيها حرارة وحركتها محدودة بسبب الألم.
بالسونار:
طلع بيها مي بالمفصل ويا تمزق بالغضروف.
وبالأشعة:
باين بيها سوفان (خشونة) وتكلسات داخل المفصل.
التحاليل
نسب الالتهاب :
مرتفعه طالعة، بس أملاح اليوريك أسيد طبيعية.
التشخيص المرجّح:
هو النقرس الكاذب أو CPPD، يعني ترسّب أملاح الكالسيوم داخل المفصل، وهذا يسبب ألم والتهاب، يشبه النقرس الحقيقي بس يختلف بنوع الأملاح.

بدت على العلاج وإن شاء الله نتابع حالتها بالمراجعة الجاية
لاحظ:
1. وجع ركبة بدون سبب؟ ممكن يكون نقرس كاذب.
2. حرارة وتورم بالركبة؟ انتبه لـ CPPD!
3. ألم الركبة المفاجئ؟ احتمال يكون أملاح الكالسيوم!

#روماتيزم

#دكتوراحمدالعوادي

07/04/2025

مريضة عمرها ب٣٠ ..
ضعيفه ..
أقاربها تنمروا عليها بدت تاخذ ادوية تزيد الوزن !! صارت كلش سمينه ..
رجعوا تنمروا عليها .. طلبت من صفحات الفيس بوك !! ادوية منحفة لتقليل الوزن
بعد ما اخذت هاي الادوية بده عندها تقيؤ شديد .. وإسهال دم ( الخروج فقط دم عفوا ) .
بعد كم يوم المريضة ما تگدر تتحرك .. حست بشلل بالأطراف السفلى ورجلها ما تتحرك أبدا ..
دخلت العيادة على كرسي!!
ولونها شاحب من وره الإسهال الدموي !!
تم احالتها مباشرة إلى المتسالم لمعرفة الاسباب واخذ العلاج المناسب
#دكتوراحمدالعوادي
صيحة طبية:

تجنب استخدام أي دواء أو مكمل غذائي دون استشارة الطبيب.
المستحضرات المجهولة والمباعة عبر الإنترنت قد تُسبب مضاعفات خطيرة، قد تصل إلى التسمم، فشل الأعضاء، أو حتى الشلل كما في هذه الحالة. صحتك أغلى من مقاييس الجمال أو رضا الآخرين.

24/03/2025

شنو علاقة ألم الكعب بالأشعة؟
(معلومة مهمة لكل مريض يعاني من ألم بالقدم)

أغلب آلام الكعب تكون ناتجة عن التهاب اللفافة الأخمصية، وهاي نقدر نشخصها سريريًا بدون الحاجة لأشعة.
شلون نعرفها؟
• الألم يكون شديد أول ما تگعد الصبح، وبعدها يخف شوي شوي.
• ما تحتاج أشعة أو تحاليل، إلا إذا ظهرت حالات استثنائية…
زين، شوكت نطلب أشعة؟
1. ألم يشتد بالليل بعد الوقوف أو الشغل الطويل
→ ممكن يكون كسر إجهادي بسيط (فطر) stress fracture
2. ألم قوي جدًا بجهة وحدة من الكعب وما يتحمله المريض
→ احتمال وجود كيس عظمي calcaneal bone cyst
3. ألم مزمن ما يتحسن بالعلاج العادي
→ نفكر بأسباب ثانية (التهاب، ورم، مشاكل أخرى) infection , Timor
4. إذا شفنا نتوء عظمي بالأشعة
→ معناها التهاب لفافة مزمن وطويل الأمد chronic plantar fasciitis
5. مرات الألم قوي بس الأشعة تطلع طبيعية
→ هنا يكون التهاب حاد بدون تغييرات بالعظم
ومتى نحتاج تحاليل؟
إذا شكّينا بأسباب مثل:
• أملاح زايدة (نقرس)
• روماتيزم
• مشاكل بالغدة
حالات شفناها بالعيادة:
• مريض عنده ألم مزمن، ما فاد وياه الحقن، طلع عنده كيس عظمي
• حالة ثانية سبب الألم كان القدم المسطحة (Flat Foot)
• وغيرهم من الأسباب…

الوقاية والعلاج يبدأ بالتشخيص الصحيح.
نتمنى السلامة للجميع
د. أحمد العوادي

22/03/2025

( الحالة للتوضيح كيف تكون علميا وشلون نحولها للغة العامية البسيطة وبطريقة مختصرة )
مريضة عمرها بالأربعين
الم شديد بالركبة
الاشعة طبيعية ( ماكو سوفان )
السونار.. مي والتهاب
التحاليل فوك ال٧٥
التشخيص التهاب المفصل ( ماكو اصابه )
العلاج .. سحب السائل وإرساله للزرع وعلاج اولي

Clinical History:

A woman in her 40s presents with an acute onset of right knee pain and swelling, with a duration of less than 2 weeks. The onset was spontaneous, with no preceding trauma or known precipitating events. She denies systemic symptoms such as fever, rash, or recent infections.

Physical Examination:
• The right knee is tender, warm, and swollen on palpation.
• The joint is erythematous, with restricted range of motion due to pain.
• No other joints are involved, and no signs of systemic illness are noted.

Initial Investigations:
1. Ultrasound of the Right Knee:
• Demonstrates joint effusion and synovial hypertrophy, suggestive of active synovitis.
2. Plain Radiograph (X-ray) of the Knee:
• No significant abnormalities; no joint space narrowing, bony erosions, or calcifications observed.
3. Laboratory Investigations:
• Elevated acute phase reactants: ESR = 75 mm/hr
• Elevated CRP (exact value not provided)

Differential Diagnosis:

The clinical and imaging findings raise concern for acute monoarthritis, with the following primary differentials:
1. Inflammatory arthritis – such as early rheumatoid arthritis, reactive arthritis, or a crystal-induced arthropathy.
2. Septic arthritis – must be considered given acute presentation, joint warmth/swelling, and elevated inflammatory markers.

Management Plan:
1. Urgent Arthrocentesis (Knee Joint Aspiration):
• Indicated to evaluate for infection or crystals.
• Synovial fluid should be sent for:
• Gram stain and bacterial culture
• Cell count and differential
• Crystal analysis
• Glucose and protein levels
2. Supportive Measures:
• Relative rest of the affected knee
• Mild elevation of the limb to reduce swelling
• Cold compresses to reduce inflammation
• Analgesia with NSAIDs or acetaminophen for pain relief
#دكتوراحمدالعوادي
ملاحظة.. الحالات التي تنشر خاصة من العيادة وبعد اخذ موافقة المريض

18/03/2025

شنو سبب الم الركبة بدون سوفان …
هاي ثاني حالة ..
مريضة متوسطة العمر صار فترة تشكي من الم بالركبة اليسرى .. ويه الالم اكو ورم وحرارة قليلة ..
دكتور ما اكدر اطبگ رجلي !!
اول مراجعة الها كان التشخيص سوفان وتحتاج ابرة جيلاتينه ..
بالفحص شنو بين ..
1. المفصل فعلا مورم وحار شويه
2. السونار .. مي بالركبة وتمزق بسيط بالغضروف وكيس بيكر ( خلف الركبة ) متوسط الحجم .
3. الاشعة .. سوفان درجة ثانية
4. التحاليل .. نسب الاتهاب مرتفعه وتقارب الخمسين ESR و APR
شنو اكثر التهاب للتشخيص .. التهاب الركبة
الابره الجيلاتيني تفيد .. حاليا ممنوع بسبب الاتهاب
Left knee arthritis
#دكتوراحمدالعوادي
ملاحظة .. الحالة الاولى كانت أقاربي وعمر ب٢٠ وطلع نفس الالتهاب وهسه تاخذ علاج بايولوجي .
{ كيس بيكر خلف الركبة لمريض شاب او متوسط العمر ومن غير اصابة المفصل .. ضروري نركز ع موضوع الاتهاب المناعي }.

16/03/2025

السلام عليكم
حالة قليل ما تحصل ( ثاني حالة )
بعد ٥٤ يوم من عملية قيصيرية
بدت اولا الم الرقبة ، كم يوم بعد العملية واستمرت
وبدت نسب الالتهاب ترتفع بالتحاليل
سوت رنين وطلع عندها التهاب الفقرات العنقية
Cervical spondylodiscitis
#دكتوراحمدالعوادي

24/02/2025

ألم الركبة من أصعد الدرج ..
ملاحظة.. الموضوع للشباب ( ولد ، بنت )
الي ما عندهم زيادة وزن ولا امراض مزمنه بالركبة ( سوفان وغيرها ،،) ولا عندهم اعراض ثانيه ..والاشعة طبيعية
هسه نسولف ..
شنو هاي ، وليش تصير ، وشكد نسبة الشباب الي عندهم ، وشنو العلاج الافضل ، ودور البلازما والتمارين بالموضوع !!
اولاً .. حالة مرضية تصير بالركبة والسبب هو وضع الصابونه بصورة غير صحيحة بالركبة ونسميها PFPS او ركبة العداء
ثانياً.. تصير عند النساء بنسبة ضعف عن الرجال يعني 2:1 وأعمار تبدي من ١٢-٣٠ سنة .
* ليش الالم يزداد بصعدة الدرج .. للأسباب التالية :
1. الوزن على الركبة يزداد وبنسبة ٣ أضعاف وزن الجسم .
2. ضعف العضلة الرباعية وهاي تبين اكثر بصعود الدرج .
مو بس بصعده الدرج .. الالم يزداد بالركض والجلوس لفترة طويلة وغيرها .. من يگنبص !! squatting position واي وضعيه تخلي الركبة منحنية لفترة طويلة .
* وين يصير الالم ؟
امام الركبة في اغلب الاحيان
وخشونة هم ،
صعوبة بالوقوف بعد جلوس لفترة طويلة !
شلون نشخصها .. بالفحص السريري
الاشعة .. طبيعية اغلب الاحيان وخصوصا ببداية المشكلة
العلاج .. تمارين ومسند للركبة ( وهاي تحتاج تفاصيل ع نوع التمارين ..)
* دور البلازما الموضوعيه بالموضوع ؟
نعم وتستخدم للالم المزمن او الي يتكرر لفترة طويلة ، وراح تفيد بتقليل الالتهاب وتحسن من بناء الغضروف والاوتار وتقلل من الالم .
#دكتوراحمدالعوادي
ملاحظة .. اكو امراض ثانية تسبب نفس المشكلة بس بيها علامات وتحاليل مختلفة ..

20/02/2025

عمره فوگ ٣٥ سنة ، الم خلف الكعب … سببها هالمره النتوء العظمي بسـ ..
دكتور صار كم شهر وبدون اي اعراض مسبقة بده يصير عندي الم وتورم خلف الكعب اليمنى ..
يزداد من اگعد هواي ويقل بالحركة والم شديد اول ما اكعد الصبح ..
بالفحص ( منطقة الكعب مورمه وحمره ومؤلمة عند الفحص).
السونار .. التهاب وتر اكيليس و التهاب الكيس خلف الكعب .
شنو سبب هذا الالتهاب ..
1. اسباب ميكانيكة ( شغل وحركة ومكاسب بالقدم والحذاء وغيرها ).
2. التهاب مفاصل ( روماتيزم سلبي وأملاح وغيرها ..)
الفحص بين عنده وجود نتوء عظمي خلف الكعب بالمنطقة الي تتصل بوتر اكيليس وهاي سببت احتكاك مستمر بالوتر !! وصار الالتهاب ، وياها الكيس هم التهب
( يعني باختصار النتوء العظمي سبب احتكاك والتهاب الوتر وتهيج والتهاب الكيس الي خلفه)
هاي الحالة نسميها Haglunds syndrome
شنو علاجها ..
هواي من التماربن والعلاج الطبيعي والادويه وحذاء مناسب
مريضنا الالم شديد و العلاج كان حقن موضعي باستخدام السونار .
( التفاصيل كلها بصورة السونار موضحة )
#دكتوراحمدالعوادي
الأرقام الموضحة بصورة السونار
1. Achilles tendinitis التهاب الوتر
2. Retrocalcaneal bursitis التهاب الكيس
3. Calcaneal spure النتوء العظمي

12/02/2025

تشبه اعراض النتوء ! بس تحولت عمليه ورجعت نفس المشكلة ..
( اول حالة بالقدم ) وقليل ما تحصل ..
( كل الصور والسونار بالتعليقات )
ن.. مريضة عمرها فوگ ال٢٠ ، بدت قصتها من قبل ٣ سنوات وهي كانت حامل .. مشت فترة طويلة من بعدها حست الم اسفل القدم ونفس احساس الشخص الي يمشي على حصواية ( حصى ) ..
واستمرت الحالة فترة طويلة لحين ما وصلت لمرحلة ورم بالقدم وكان احد الاراء ورم وتحتاج بتر القدم !
من بعدها المريضة سوت عمليه وطلعت اكو تليفات بالقدم وزرعوها .. طلع ورم حميد اسفل القدم ..
هذا الورم اسمه fibromatosis ( Ledderhose disease )
شنو هذا وليش يصير ؟
ج/ مرض حميد مو خبيث !! ويصير بباطن القدم يم راس الاصابع والمريض يحس شلون العقد جوه رجله !! وبعدين يصير تليف ..
زين المريضة سوت عمليه ورفعت كل العقد ..
ليش رجعت نفس الاعراض ؟
ج/ هذا المرض بيه قابليه انه يرجع وبنفس المشكلة والأعراض ( الم ، تورم ، حرارة القدم ، )
شنو طرق العلاج ؟
بالنسبة لمريضتنه كانت تشوف تحسن ع العلاج الطبعي والتمارين .
واحنا ضربناها ( مناطق العقد ) ابر موضعيه عمود نقلل من شدة المرض ( مو نخفية نهائي !) ..
ونحتاج مراجعة ثانيه بعد فترة لتقييم الوضع .
#دكتوراحمدالعوادي

10/02/2025

مرحبا ..نسولف حالات صعب ننساها ..
١.اصعب حالة .. بنيه عمرها اقل من ٣٠ سوت عمليه تخدير نصفي ومن بعدها صار شلل بالأطراف والسبب فايروس GBS
٢. اسهل حالة .. مريضة تشنج بالرقبة لمدة يوم ومن جلسة وحده علاج طبيعي الالم اختفى بنسبة ٧٠-٨٠٪؜
٣. اصعب حالة لطفل .. عنده روماتيزم وضرب الركبة ووصل مرحلة تبديل المفصل .
٤. اسهل حالة لطفل .. الم الكعب ( يشبه النتوء !) والسبب التهاب عظم الكعب
٥. حالة عنف لمريضة .. تمزق العضلة الرباعية للفخذ والسبب ضرب بالعصا ( وهي وامها احوي يبكون بالعيادة ) .. وكيلهم الله سبحانه وتعالى
٦. حالة سوت فرح بالعيادة .. مريضة من محافظة بعيدة وتعرف كلشي ما بيها ومتأكده راحتي بس عمود تتاكد انه ما بيها شي ( وزوجها مؤيد الها ).. ونِعم اختيار الشريك .
٧. حالة مضاعفات حقن ركبة .. جراحة والتهاب شديد والمريض دخل ع الكرسي وحاليا من بعد شهرين رجع يمشي طبيعي والحمد لله .. ( الحقن تم من غير ارسال المريض اشعة للركبة او اي تحليل !!)
٨. حالات تبعث الامل .. مريضة كل سنه تحب تضرب جلسة وحده بلازما لعلاج تليف عصب اليد وتتحسن بدرجة كبيرة .
9. حالة أثرت بيه وبدرجة كبيرة .. مريض عنده الم الظهر وبعد الفحص والتحاليل تبين وجود اشتباه سرطان الرئة ( غير مشخص لمدة اكثر من سنتين ) وتمت حالتها وطلع المرض منتظر وواصل مرحلة رابعة ..
بعد فترة دخلت عليه مريضة وگالت اني زوجة المريض الي انت عرفت حالته ( بس ما لحكنا عليه وتوفى إلى رحمة الله ) .
#دكتوراحمدالعوادي

01/02/2025

شكد لازم نمشي ويه الم الركبة ..
هنا الفرق بسيط بين الي وزنه طبيعي والي عندهم زيادة بالوزن ..
1. الوزن الطبيعي .. ممكن نبدي ب ١٥ دقيقة يوميا وصعد شويه شويه إلى ان نوصل إلى ٣٠-٤٥ دقيقة
( وهاي لازم ٣-٥ ايام بالأسبوع ).
1. زيادة الوزن .. بندي شويه اقل ونمشي بمعدل ٥ دقيقة وعدد ٣ مرات يوميا ( يعني باليوم ١٥ دقيقة منفصلة ).
وهاي نزيدها ٢-٥ دقيقة كل اسبوع إلى ان نوصل الهدف الي نحتاجه وهو ١٠ دقيقة مكررة ٣ مرات يوميا يعني ( ٣٠ دقيقة متقطعة باليوم ) ولمدة ٥ ايام أسبوعياً .
وما ننسى لازم نقلل من الوزن وبنسبة ٥-١٠٪؜ من وزنك او ع الاقل تخسر ٨ كيلو من الوزن .
اهم نصيحتين …
الاولى .. ارتداء حذاء مناسب
الثانية .. المشي على سطح مستوي يعني مو منحدر ( صاعد او نازل ).
شنو فائدة المشي ويه آلام الركبة ؟؟
نجاوب ع هذا السؤال بالتفصيل بالمنشور القادم .
#دكتوراحمدالعوادي

دكتور احمد حسين العوادي

17/04/2025

12/04/2025

07/04/2025

24/03/2025

22/03/2025

18/03/2025

16/03/2025

24/02/2025

20/02/2025

12/02/2025

10/02/2025

01/02/2025

Address

Opening Hours

Telephone

Website

Alerts

Shortcuts

Share

Category

Monday	15:00 - 19:00
Tuesday	15:00 - 19:00
Wednesday	15:00 - 19:00
Thursday	15:00 - 19:00
Saturday	15:00 - 19:00
Sunday	15:00 - 19:00