حذيفة الحديثي

25/03/2026

25/03/2026

للتذكير بعنوان العيادة :
رقم الحجز يكون مفتوح للاتصال من الساعة ١٢ الى ساعة ٣ ظهراً
دمتم بوافر الصحة والعافية

24/03/2026

- إن معي ربي .. حضور الله ليس مجرد عقيدة ..
بل شعور ثابت لا تهزه الظروف .

- سيهدين .
الهداية هنا ليست فقط طريقاً ..
بَل مخرج ..
حَل ..
نجاة ..
وربما معجزة !

(إن معي ربي سيهدين)

24/03/2026

(فرحين بما اتاهم الله من فضله ويستبشرون بالذين لم يلحقوا بهم من خلفهم ألا خوف عليهم ولا هم يحزنون)

لم يكونوا عابرين ..
بل كانوا سداً حين انحنى كثيرون ..
وثباتاً حين اضطربت الأرض .

رحلوا عن هذه الدنيا ..
لكنهم لن يغيبوا .
فقد اختارهم الله في مقامٍ لا يبلغه إلا الصادقون معه .

تعازينا ممزوجة بالفخر ..
فمن قدّموا أرواحهم ..
تركوا طريقاً لا يُسلكه إلا من يرفض الذُل ويرفع رأسه حتى في وجه الموت .

إنا لله وإنا إليه راجعون

23/03/2026

هل رش العطر على الرگبة يسبب خمول الدرقية ؟

هل هذا الكلام دقيق علمياً ؟
لله الحمد : ماكو دليل طبي يثبت أن رشة عطر يومية مره مرتين ثلاثه راح تدمر الدرقية .

ليش ؟

أولاً :
الغدة الدرقية مو موجودة على سطح الجلد مباشرةً ..
محمية بطبقات من الجلد والدهون وعضلات الرگبة .
الجلد بحد ذاته هو حاجز وقائي ممتاز ووظيفته الأساسية هي منع عبور المواد الكيمياوية بتراكيز عالية إلى الأعضاء الداخلية .

ثانياً :
المواد الموجودة بالعطور هي صح مواد مثيرة للتساؤل العلمي بالأبحاث ..
لكن الكمية التي يمتصها الجسم من رشة العطر ماتوصل للتركيز اللي ممكن يسبب خلل وظيفي بالغدة الدرقية .

ثالثاًً :
حتى الآن ..
ماكو ولا دراسة طبية على البشر أثبتت أن الناس اللي يرشون العطر على رگبتهم يعانون من أمراض غدة درقية أكثر من غيرهم .
أغلب المخاوف مبنية على دراسات مسويها مختبرياً باستخدام جرعات عالية حيل ما موجودة باستخدامنا اليومي للعطر .

الخلاصة :
إذا چنت من نوع اللي يوهّس ..
الحل هو رش العطر على الملابس بدل من الجلد مباشرةً ..
لكن من ناحية علمية ..
الموضوع مايستدعي الخوف ابد .
رش براحتك .

د.حذيفة الحديثي
دكتوراه في الطب الباطني
عضو الجمعية الأمريكية لأطباء الغدد الصماء

22/03/2026

نمضي في الحياة بلطف الله تعالى
ودعاء القلوب الطيبة .

اللهم اجعلنا من خير الناس للناس واستخدمنا بالخير 🤲🏻

22/03/2026

نذكّر دوماً .. مهم اولاً فحص الشعر من الزملاء اطباء الجلدية لتحديد سبب التساقط واجراء اللازم .

- الرسالة من حالة تساقط شعر هرموني تم علاجها في عيادتنا

22/03/2026

ربما لاحظت كثير من الاشخاص بعد اليوم الاول من العيد تبدي عدهم اعراض وعلامات مغص معوي واحياناً اسهال .

هذا عادة مرتبط بتغير نمط الحياة
من انسان صايم الى انسان يكعد الصبح يتريك وياكل اكل ثكيل عالمعده واكل دسم ومشروبات غازية .

الموضوع عادة ما يستوجب القلق ويتعالج بادوية بسيطة يومين ثلاثه ويروح .

د.حذيفة الحديثي
دكتوراه في الطب الباطني
عضو الجمعية الأمريكية لأطباء الغدد الصماء

22/03/2026

(العيد والخجل والنمو النفسي والاجتماعي)

مع حلول العيد
انت كأب / انتي كأم
خل اسولفلكم شلون يحس اللي عنده خجل اجتماعي .
يحس الناس كلها تدحگ عليه .
يتجنب الاختلاط بالعالم لأن يخاف يخطأ وياهم بسالفة ومايعرف شلون يعايدهم .

وحتى لو قرر يعايد ..
يبقى يفكر : شلون صوتي طلع ؟
شلون چان شكلي ؟ يمكن ما سمعوني ؟
يمكن ضحكوا عليّ بداخلهم ؟

يتمنى بداخله لو يكون مثل بقية الناس ..
بس ما يگدر .

يجيكم خطار شنو راح يسوي ؟
راح يتحجج بالقرايه ..
ارد اقره ماريد اضيع وقت واطلع اسلم عالعالم .
يتحجج باي حجة في سبيل يتحاشى يختلط بالعالم .

راح تگولي شسوي ؟
اگول لا تلح عليه .

تخليه هيج وتگول هذا طبعه ؟
لا طبعاً .

لأن احنه كآباء وامهات محد بينا دايم .

فلازم نعالجه .

شلون نعالجه ؟
الموضوع عادة اما مرتبط باسباب نفسية وهاي مهم متابعتها مع طبيب نفسية .
او قد يكون اسباب هرمونية تتحدد بعد استثناء الاسباب النفسية .

ليش مهم هالشي ؟

ارجع واگول لأن احنه ما دايمين لولدنا ودورنا مهم بعملية دعم النمو النفسي والاجتماعي .

فلازم يكونون گادرين يتعاملون مع الناس ..

وهالشي جزء من مسؤوليتنا تجاههم .

وعلاج سلوكي يساعد بهذا الموضوع هو انك تطلعه وياك ..
ما تخلي ابنك وبنتك بس گاعدين بالبيت .
وهالشي اله دور يساهم بتحسين عملية النمو النفسي والاحتماعي .

د.حذيفة الحديثي
دكتوراه في الطب الباطني
عضو الجمعية الأمريكية لأطباء الغدد الصماء