https://www.facebook.com/264806753385058/

مستشفى الثقلين لعلاج الأورام WICI - Al Thaqalyn Cancer Hospital

Home
Iraq
Basra
مستشفى الثقلين لعلاج الأورام WICI - Al Thaqalyn Cancer Hospital

مستشفى غير ربحي تخصصي لمعالجة الأمراض السرطانية في البصرة مدعوم من قبل العتبة الحسينية المقدسة

15/06/2025

بدون شك، صحة الرجل والمحافظة عليها اولوية، خاصة بتزايد عوامل الخطورة للرجال، كونهم الاكثر تدخيناً، الاكثر عملاً بالأماكن التي تحتوي على كيماويات، وغيرها من العوامل.

بمناسبة الأسبوع العالمي لصحة الرجل، نتذكّر أهمية المتابعة الصحية الدورية، خاصة مع نمط الحياة السريع وضغوط العمل، وأن الوقاية والكشف المبكر خطوات بسيطة ممكن تحمي صحتك.

ولهذا من ضمن مبادرة "مليون فحص مبكر مجاني" ومن خلال حملة "روح وريه" للكشف عن أمراض الرئة، ضمن مشروع العراق لرئة صحية بالتعاون مع جامعة ليفربول البريطانية، نفتح أبواب عيادة الفحص المبكر لاستقبالكم حتى نطمئن عليكم ونتأكد من سلامتكم.

14/06/2025

يأتي في المرتبة ال 19 عالمياً بنسبة عدد الاصابات عالمياً، وهناك اكثر من 100 نوع ورم يصاب به هذه العضو، ألا وهو الدماغ!

علاج مثل هذه الأورام يعتبر تحدي للأطباء، لكن بوجود التقنيات الإشعاعية الحديثة اليوم، صار الموضوع اسهل، تقنية مثل HyperArc مصممة لاستهداف اكثر من ورم في وقت واحد بالدماغ، بدقة عالية و بدون إلحاق ضرر للخلايا السليمة ولا تحتاج لتخدير المريض.

او الجراحة الإشعاعية للدماغ الي تستهدف الورم بجرعات عالية و دقيقة تحفظ الخلايا السليمة وتقصر رحلة العلاج، لتجعل عدد الجلسات لا يتجاوز الـ 5 جلسات بدل 30 أو أكثر.

مؤسسة وارث كانت من أوائل المؤسسات في الشرق الأوسط التي أدخلت هذه التقنيات المتقدمة من شركة Varian، وقد أبدت الشركة انبهارها بقدرة المؤسسة على تشغيل هذه التقنيات في العراق بفضل وجود الكوادر المناسبة، بمناسبة اليوم العالمي لأورام الدماغ نجدد التزامنا بتقديم أفضل ما توصل إليه العلم في علاج أكثر الأورام تعقيداً.

12/06/2025

في عيد الغدير الأغر، تتشرف مؤسسة وارث الدولية لعلاج الأورام بتقديم أسمى التهاني والتبريكات لأمتنا الإسلامية، مستلهمين من هذا اليوم المبارك قيم الولاية والرحمة والعطاء.

11/06/2025

جدول عيادات مستشفى الثقلين لعلاج الاورام
موقعنا: البصرة - الاربع شوارع - خلف مدارس الإدريسي
للحجز يرجى الاتصال على الارقام:
07733150889

08/06/2025

عيد الأضحى يجمعنا على قيم الرحمة والعطاء،
ونحن في مستشفى الثقلين نحتفل به هذا العام بصوت وصل لـ ٢٥ منبرًا في البصرة،
كل عام وأنتم بخير 🤍

06/06/2025

بمناسبة عيد الاضحى المبارك، نتمنى الصحة والسلامة والعافية لكل اهلنا وناسنا وان يلم شمل المرضى بأهلهم وتكتمل أفراحهم بالشفاء، وكل عام وانتم بخير.

05/06/2025

بعد ما كملت المهام الإعلامية المكلَّف بيها، وقبل لا أطلع من مستشفى الثقلين لمعالجة الأورام اللي بالبصرة، التقيت بهذا البطل.
طبعًا المستشفى تابعة للعتبة الحسينية، وكل شغلهم بالمجّان، وبصراحة أگولها: ما شايف هيچ اهتمام ورعاية، لا بمستشفى حكومي ولا خاص.

مصطفى، طفل عمره تقريبًا ١٢ سنة، عيونه تلمع مثل الذهب، وابتسامته مرسومة على شفايفه العطشانة، وجسمه ضعيف بسبب “اللوكيميا” – سرطان الدم.

چان گاعد على الكرسي، وحبيت أفرحه أو أضحكه، أو أي شي... المهم أشوفه مرتاح شويّة.
گتله: "تعرفني؟"
گلي: "لا".
گتله: "تعرف مسابقات الرحال؟"
هنا شفته ضحك وگال: "إي تذكرتك!"
واخذت أشاقه وياه وأسولف، أگعدت يمّه، ولزمت إيده، وگتله:

"مصطفى، إنت بطل، وهذا المرض يمكن يتعب جسمك، بس ما يگدر يأذي روحك،
وإنت روحك قوية، وأكو ناس مثلي وية هواي ناس طيبين هنا بالمستشفى،
وكلّنا وياك، فدير بالك تستسلم للمرض!"

ابتسم وگال:
"راح أتعالج، وأريد أصير طبيب حتى أُعالِج اللي مثلي."

هنا ضحكت بوجهه وگتله:
"وآني أول واحد راح أجي أغطّي خبر نجاحك، إن شاء الله."

تدرون… مصطفى مو بس طفل مريض،
مصطفى هو حلم، هو أمل، هو ابتسامة رغم الألم.
ومستشفى الثقلين جاي تنقذ أرواح كبار وصغار، وتزرع أمل بوجوه كلش تعبانه.

فإذا تحبّون تساهمون حتى تبقى هالشمعة ضاوية،
تبرّعوا لـ صندوق الوارث الخيري، حتى يستمر العلاج إلهم… وتستمر الحياة.

منقول من صفحة الإعلامي محمد حبيب / معد ومقدم برامج
#لوكيميا

03/06/2025

لماذا يمثل مرضى الأورام تحديًا بالنسبة لقسم التخدير؟

يأخذنا استشاري التخدير أحمد منصور في رحلة داخل غرفة العمليات ليشرح ما الذي يجعل تخدير هذه الفئة من المرضى يتطلب استعدادًا خاصًا.
#التخدير #الأورام

01/06/2025

منذ افتتاحه، حمل مستشفى الثقلين بين جدرانه آلاف القصص.

قصص مرضى استعادوا الأمل، وعائلات تنفّست بعض الطمأنينة، وخطوات أولى نحو الشفاء بدأت من هنا.

شكرًا لكل من كان جزءًا من هذه الرحلة النبيلة،
وشكرًا للعتبة الحسينية المقدسة،
التي جعلت من الرحمة مشروعًا، ومن الإنسانية طريقًا لا ينتهي.

31/05/2025

أنـي نيفين سليمان، ممرضة مجازة أشتغل بقسم العلاج الإشعاعي في مستشفى الثقلين.
شغلي هو تقديم العلاج لأطفالنا الأبطال، وتسهيل هذه المسيرة، يعني نشتغل على تخفيف مخاوفهم، لأن الطفل إذا حس بالأمان، العلاج يصير أسهل وأسرع.

كل طفل يشوفنا يوميًا لمدة 6 أسابيع، فتتكوّن بينّا وبينهم علاقة مو عادية… علاقة أهل.

مرات تجيني هدايا من أهالي المرضى، من يجيبون هدية لبنتهم، يجيبولي مثلها ويكولولي:
"إحنا نعتبرچ مثل بنتنا" وهيچ كلمات تخليني من صدك أبچي من الفرح.

بس أكثر موقف أثر بيّ، هو بنت صغيرة خافت من العلاج ورفضت تجي تتعالج.
أنا بنفسي خابرت أهلها، وحجيت وياها بهدوء وحنان، وشرحتلها كل شي وطمنتها.

وفعلاً اقتنعت، ودخلت المستشفى، وتقبلت العلاج،
ومن ذاك اليوم، كل يوم تدخل وتحضنّي.

أمنيتي أساعد كل طفل يخاف، وأخليه يحس بالأمان.

Address

Basra

Website

facebook.com

Alerts

Be the first to know and let us send you an email when مستشفى الثقلين لعلاج الأورام WICI - Al Thaqalyn Cancer Hospital posts news and promotions. Your email address will not be used for any other purpose, and you can unsubscribe at any time.