24/08/2025
پێشكەشكارێكی كەناڵی سامەرا باسی بەسەرهاتێكی دەكات كاتێك كەسێكی نزیكی لەشاری سلێمانی تووشی ڕووداو بووە و بردویانە بۆ نەخۆشخانەی شار و ستایشی ئەو خزمەتگوزارییە باشە دەكات پێشكەشیان كراوە و ئەو دۆخە بەراورد دەكات بە ناوچەكانی عێراق و دەڵێت پزیشكان و فەرمانبەرانی هەرێمی كوردستان بەجدی كاردەكەن، لەكاتێكدا سێ مانگە مووچەیان و ەرنەگرتووە.
لێدوانی: پێشكەشكار
ئەم بەسەرهاتە بەسەر خۆمدا هات و خزمێكم لەشاری سلێمانی تووشی ڕوداوێك بوو و قاچی ئازاری پێگەیشت و بردمان بۆ نەخۆشخانەی شار لەسلێمانی و لەدەرگای چوونە ژوورەوە تاوەكو هاتینە دەرەوە بە ڕێزەوە مامەڵەیان لەگەڵ كردین و ئۆتۆمبیلەكەمان بردە بەردەم بەشی فریاكەوتن و بە عارەبانەوە گواستمانەوە بۆ بەشی فریاكەوتن.
دوای ئەنجامدانی پشكنین لەبەشی فریاكەوتن خزمەكەم ڕەوانەی بەشی ڕاوێژكاری كرا و پزیشكی ڕاوێژكاری لەدوای پشكنینی نەخۆشەكە داوای گرتنی تیشكی كرد بۆ قاچی بۆ دڵنیابوونەوە لەحاڵەتەكەی.
دوای گرتنی تیشك گەڕاینەوە بۆ لای پزیشكە پسپۆڕەكە و هەموو پرۆسەكە 45 دەقیقەی نەخایاند و تەنیا بڕی 9 هەزار دینارماندا و بەڕێزەوە بەڕێیان كردین.
خەیاڵ بكەنەوە ئەگەر لە بەغداد و پارێزگاكانی تر پزیشكان و كارمەندان سێ مانگ مووچە وەرنەگرن دەتوانن هەمان ئەو خزمەتگوزاریە تەندروستیە پێشكەشی هاوڵاتیان بكەن كە لەنەخۆشخانەی شار لەسلێمانی پێشكەش دەكرێت و دەیانتوانی لەماوەی كەمتر لەكاتژمێرێك پشكنین و چارەسەریان بۆ نەخۆشێك بكردایە.
من پرسیار دەكەم ئەگەر توانامان نیە بۆ بەڕێوەبردنی وڵات و كەرتە جیاجیاكان ، قسەمەكەن تەنیا خەیاڵ بكەنەوە تەنیا مانگێك مووچە نەدرێت، ئەوە جیاوازییەكەیە لەنێوان ئێمە و هەرێمی كوردستان، سێ مانگە پزیشكان و فەرمانبەران مووچەیان وەرنەگرتووە، بەڵام بەجدی كاردەكەن، ئەگەر لای ئێمە مانگێك مووچە نەدرێت نازانرێت چی بەسەر پزیشكان و فەرمانبەرانماندا دێت.
