21/11/2024
#پڕوستات: غوددەکە دکەڤیتە بنێ کیسکێ مێزێ( مثانة) بتنێ ل دەڤ زەلاما یا هەی وکارێ وێ ئەوە ئاڤەکێ بەرهەم دئینیت بۆ کارێ توڤێ زەلامی (حيوانا منوية) یا گرنگە.
هەژی یە بێژین کۆ بوریا دەستئاڤا زراڤ دناڤ پروستاتێ را دەربازدبیت وژبەر ڤێ چەندێ هەر گوهرین ونەخوشی یەک بۆ پروستاتا چێ ببیت دێ کارتێکرنێ ئێک سەر ل میزا زەلامی کەت.
#نەخۆشیێن: بۆ پروستاتا چێ دبن ئەڤەنە:
١- هەودانا (التهاب) یا پروستاتا کۆ ل دەڤ گەنج ودان عمرا ژی چێ دبیت ویێ توشبووی هەست ب ئێشانا بنێ زکی دکەت وسوتنا میزێ وزی بزی دێ پێتڤی بمیزتنێ بیت ودبیت ڕەنگ وبێهنا میزێ ژی بهێتە گوهرین ومیز نەخوش ببیت وگەر هەودان یا دژوار تایێ ولەرزین ودل رابوونێ ژی چێ دکەت.
٢- مەزنبوونا (تضخم) پروستاتا کۆ بەهرا پتر ل دەڤ دان عمرا پەیدا دبیت ل ژیێ پێنجی سالیێ وسەردا کۆ دبیتە ئەگەرێ نەخوش بوونا میزێ وەکی زور چوونا میزتنێ تایبەت بشەڤێ خودانێ ژخەو هشیاردکەت ژبەر تەنگاڤبوونێ وبزحمەت دەرکەفتنا میزێ وهاتنا چبکا پشتی میزتنێ وهەر هەستدکەت کۆ یێ تەنگاڤە ومیزا وی یامای وتمام خالی نە بوویە.
٣- پەنجەشێرا پرۆستاتا( سرطان) کۆ ئێک ژ پەنجەشێرێت مشەیە دناڤ زەلاماند وزور بەی جارا نیشانێن پەنجەشێر و مەزنبوونا پرۆستاتا نێزیکی ئێکن تنێ برێکا پشکنینا دیاردبیت.
نیشانێن بترس : دیتنا خوینێ دگەل میزێ، ئێشان ل دەمێ میزتنێ وجووتبوونێ دا (جماع)ێ وزور چوونا میزتنێ تایبەت دەمێ نڤستنێ ژخەو رابیت ژبەر میزتنێ وڤەمانا میزێ حەتا خالی دبیت.
سەرەدانا نوژداری : هندی نەخوشیێن پروستاتا نە پێتڤی ب نۆژدارێ تایبەتمەندن بۆ چارەسەریێ وپشکنینێت وان، لەورا هەردەما ێیک ژ نیشانێن مە ل سەری دیارکرین ل دەڤ تە دیاربوون پێتڤی یە خۆ نیشا نوژدارێ تایبەمەند بدەی.
ل پوستێ بهێت دا دێ ل سەر پشکنین ورێکێن چارەسەریێ خو پاراستن ژ نەخۆشیێن پروستاتا ئاخڤین.
گەر تە پسیارەک ئان حالەتەک هەبیت دێ شیێ برێکا کومێنتێ ئان ماسنجەرێ فرێکەی بەرسڤا پێتڤی دێ هێتە دان .
د. شاکر عبدالعزیز ردێنی
تایبەتمەندێ نەخوشیێن گولچیسکا وپرستاتا ونەزوکیێ.
