28/04/2026
{نظرية النظافة}
سؤال :
توني جاية من الدكتور والدكتور كلي عوفي ابنج ياكل من اي مكان ويشرب مي من البوري ويلعب بالشارع
كافي تعقيم خلي الولد مناعته تقوة
هالحجي صدك لو شقه 😑😑😑
طبعا سؤال محير ... ورح نطيكم الخلاصه بس بنهاية البوست ...
على الرغم من اختلاف اراء الدكاتره بهاي النقطه ..بس بالنهاية هو راى واحد صح واللى فسرته نظرية النظافة((hygiene hypothesis))
وهاي النظريه نزلت بسنة 1989.
النظرية تأكد....
على وجود علاقه قويه بين زيادة التعقيم والنظافه بسن الطفوله وقلة التعرض للميكروبات>>> زيادة نسبه الاصابه بامراض الحساسيه واضطرابات المناعه واالسكر .والاورام وغيره. ....
شون فسرو هذا الكلام ؟؟ نحاول نحجيه بطريقة مبسطة ...
يكلك الطفل اول ماينولد يكون عنده جهاز مناعى جديد غير مستخدم يعنى بعده بالجيس وميعرف شون يشتغل اذا قابل ميكروب ..
ميعرف شون رح يهاجمه ...يعنى الجهاز المناعى بعده ممتدرب تدريب زين ..واذا بقى على هذا الحال (ميواجه اي ميكروب) ..رح يبسط ويكعد 😃ويصير مثل العامل الي عاف الشغل فتره طويله وتوه راجع من الشغل وميعرف مين يبدي فيبدى يغلط(ويجفص بالشغل)
و يبدي يهاجم الجسم نفسه بدل ما يهاجم الميكروب وهذا الي يسبب امراض الحساسيه واضطرابات المناعه ..
**يعنى من النهاية نسولفلكم...
الطفل اللى نادر ما يصاب بالميكروبات وخصوصا اللى تصيب الجهاز الهضمى ..تكون فعلا مناعته ضعيفه ويكون اكثر عرضه لامراض المناعه والحساسية
زين والحل ...يعني اعوف الولد ياكل من الكاع ويلعب بالطين والزباله ويشرب مي البوري اللي غالبا لونه يكون اوف وايت او بنى فاتح
حتى اقوي مناعته ؟؟!!!
لا طبعااااااا
***الخلاصه***
اهتمى بنظافة ابنج ونظافه وتعقيم متعلقاته كالمعتاد ونظافه البيت وتطهير المطبخ والحمام
طبعا نأكد على شرب المي المفلتر المغلي او المعدني المغلي وخصوصا اذا انتي بدوله المي مالته غير صالحه للشرب وهذا ضرورى لحمايته من الامراض الخطيره
(...يعنى مو لدرجه ياكل من الشارع من اي مكان ويشرب مي
مختلطه بالصرف الصحى ..)
و(لكن) اسمحي لابنج ياخد راحته شويه
يروح حضانه ..يلعب وي الاطفال ..يلعب بالكاع (هالحجي اكيد مو بوكت كورونا الي غيرت كل النظريات) طالما مرح يكون عرضه لمرض خطيير وبالتالى رح يتعرض للميكروبات البسيطه ويشغل جهازه المناعى وتقل فرصة إصابته بامراض الحساسيه والمناعه
(ملاحظه )
الكلام هذا كله عن النظافه وميكروبات {{الجهاز الهضمى}} اللى تتسبب
الاسهال والنزلات المعويه وغيره وهذا مو معناه ان تعرضين ابنج لتيارات الهوه البارد او تخففيله هدومه 😑😑
لا لازم تدفيه زين من البرد وتحمي من التهابات الجهاز التنفسى لان هذا الشي مرح ينطي مناعه بالعكس مضاعفات هالامراض خطيره
👨⚕️عيادة الدكتور/ حسين السامرائي👨⚕️
👨🎓 اخصائي طب الاطفال وحديثي الولادة
👨🎓 اخصائي التغذية العلاجية للاطفال
📱تلفون العيادة/07508372573
