حذيفة الحديثي

حذيفة الحديثي Contact information, map and directions, contact form, opening hours, services, ratings, photos, videos and announcements from حذيفة الحديثي, Doctor, Haditha.
(207)

اختصاصي الطب الباطني
وأمراض النمو والسكري والهرمونات
دكتوراه في الطب الباطني
جامعة الموصل - كلية الطب
زميل المجلس العربي للطب الباطني
عضو الجمعية الامريكية لأطباء الغدد الصماء

بقلوب مؤمنة بقضاء الله وقدره .. ننعى وفاة الخالة الحاجة كافية خليل ظاهر . والدة كلٍّ من اعمامي الحاج المرحوم رياض والدكت...
22/08/2025

بقلوب مؤمنة بقضاء الله وقدره ..

ننعى وفاة الخالة الحاجة كافية خليل ظاهر .

والدة كلٍّ من اعمامي الحاج المرحوم رياض والدكتور أكرم والأستاذ حازم والمرحوم الحاج حسن والدكتور تحسين عبد اللطيف حسن آل قره قاش الحيالي

ويكون التشييع من منزل العم الدكتور تحسين في الحي العسكري مجاور مدرسة النعمان بن البشير / قرب جامع المجيد .

اليوم بعد صلاة العصر مباشرة
الى مقبرة الحولي .

وسيقام مجلس الفاتحة في قاعة جامع الرفاعي اليوم وغداً صباحاً ومساءاً .

نسأل الله أن يتغمدها بواسع رحمته ويسكنها فسيح جناته وإنا لله وإنا إليه راجعون

اليوم جمعة .. وانتي بعدما كملتي شغل البيت . حبيتي تطلعين شغله من جوه الگاع لبنتچ حتى من تتزوج تصير ام بيت وسبعه ! امسحي ...
22/08/2025

اليوم جمعة ..
وانتي بعدما كملتي شغل البيت .
حبيتي تطلعين شغله من جوه الگاع لبنتچ حتى من تتزوج تصير ام بيت وسبعه !
امسحي الطرمه على سبيل المثال !

بنتچ مگابله المرايا وواگفه تلعب بوجهها .
ضايجه من الحبوب العدها .

هاي الحبوب ارجوج لا تقللين من اثرها على نفسيتها . خاصةً بهاي المرحلة العمرية .

لا تگولين الها حب شباب وعوفيه هو يروح !
شكراً هو يروح نعم .

لكن اذا جان مأثر على نفسيتها هذا لازم يتعالج .
وللاسف بعض الحالات يترك اثر !

وهنا يكون الأثر أثرين ..
أثر نفسي ناتج عن تذكر البنت لحالتها لمن جانت تدور علاج وينگال الها هو يروح .
وأثر على وجهها من راح !

ارجوج .. هاي مرحلة المراهقة مرحلة عمرية اي خربطة بالهرمونات راح تخلي هذا الحب يطلع بكميه مزعجة ومؤثره على نفسية البنت .

اتركي سالفة امسحي الطرمة .. وانتبهي لوجهها .

من يتعالج هي راح تمسح الطرمة والشارع !

د.حذيفة الحديثي
اختصاصي الباطنية والنمو
والسكري والهرمونات
دكتوراه (بورد عربي) - جامعة الموصل

اليوم جمعة .. وانتي كأم حريصة ..ربما اكملتي الآن شغل البيت والتفتي على بنتچ . خل اگصلچ هالعطوب بلكت الله تطولين !اختي ال...
22/08/2025

اليوم جمعة ..

وانتي كأم حريصة ..
ربما اكملتي الآن شغل البيت والتفتي على بنتچ .

خل اگصلچ هالعطوب بلكت الله تطولين !

اختي الفاضلة ..
نعم ..
الخلايا الحية للشعر قد تستهلك ڤيتامينات ومعادن يحتاجها الجسم لغرض النمو .

ولكن اعلمي ان الخلايا الحية للشعر موجوده تحت الجلد .

بالتالي قص الشعر لادور له .

توبي واستغفري الله من هذه الجريمة الا اذا كانت البنت المسكينه حابه هالشي .

ولكن لغرض تحسين النمو وزيادة طول البنت او وزنها ؟

ولغرض القول بانكِ ادرى بمصلحتها ؟

فالموضوع ليس له علاقة ابداً ..
لا من قريب ..
ولا من بعيد ..
ولا حتى من سابع جار .

د.حذيفة الحديثي
اختصاصي الباطنية والنمو
والسكري والهرمونات
دكتوراه (بورد عربي) - جامعة الموصل

شايفه هاي الطگعه اللي بالركبه من وره ؟هاي مو وگعه . مو معناها الولد هو يوميه واگع وصايره عنده ! هاي بيها عشرات الاسباب و...
21/08/2025

شايفه هاي الطگعه اللي بالركبه من وره ؟
هاي مو وگعه .
مو معناها الولد هو يوميه واگع وصايره عنده !

هاي بيها عشرات الاسباب واحد يگول للثاني اني عمك . من گدما اسبابها ثگيله .

واحد منها شنو ؟

لما يكون النمو مو صح .

فهنا جانت الام جايه .. دكتور ابني النمو ماله ضعيف . وتطلعله طگع بين فتره وفتره .

وينها ؟

شفتها ..

اطمني .. هاي نرتب النمو ماله . ونخليه يصير زلمة مشورب خالي من الطگعات .

نصدم بعد بمعلومة ؟

مرات مو بس تطلع الهم طگع !

مرات حتى نزف من الخشم يصير عدهم .

والام تحير .. دكتور خشمه مابي شي احسن من خشم الملكة نفرتيتي !

ليش يطگ دم !

نعم ..
لما يكون مشكلة بالنمو . راح تسبب ظهور هاي الطگع . فاحنه هنا نفحص الحالة . نفتهم وضعه . نفحص هرموناته . اذا بيها مشكلة نعالجها ونگوله هذا دواك ..
وعلى الله شفاك .

د.حذيفة الحديثي
اختصاصي الباطنية والنمو
والسكري والهرمونات
دكتوراه (بورد عربي) - جامعة الموصل

21/08/2025

هل توجد علاقة بين النوم والذاكرة ؟
شاهد رابط الموضوع على انستغرام بأول تعليق .

كيف تؤثر طريقة تفكيرك على رؤيتك للعالم ..اليوم چنا نسولف على الموت وان الواحد يگول هي خلصانه وهاهيه .لو يگول ابقى لاخر ي...
21/08/2025

كيف تؤثر طريقة تفكيرك على رؤيتك للعالم ..

اليوم چنا نسولف على الموت وان الواحد يگول هي خلصانه وهاهيه .

لو يگول ابقى لاخر يوم احب الحياة .

فخل نسولف سالفة ..

هاي فد حالة لولد شاب ..

حلمه وحلم عائلته انه يگدر يگعد بمكانه !

من گد فرط الحركة والحركات اللا ارادية اللي عنده !

تصفن وتگول هي خلصانه ومادام مراجعين بي وما مستفادين هاهيه ؟

لو تگولهم جيبوه بلكت الله يوفقك وتگدر تساعده بشي ؟

جيبوه ..

خلال شهرين فقط ..

يدزون ڤديو للولد وهو گاعد ..
مستقر ..
هادئ ..

يتحسن بعد ؟
نعم يتحسن ويتحسن ويتحسن

ان شاء الله

خذ بيدنا دوماً يارب لمافيه خير الناس وشفاؤهم 🤲

واعتذر عن نشر الڤديو للحاله قبل وبعد .

احتراماً للخصوصية

نجي هسه للنقطة الاهم .. اسباب الكآبة :اولاً : نفسية .. هاي يم الزملاء اطباء النفسيه .ثانياً : طبية .. اهم سبب طبي للكآبة...
21/08/2025

نجي هسه للنقطة الاهم ..

اسباب الكآبة :

اولاً : نفسية .. هاي يم الزملاء اطباء النفسيه .

ثانياً : طبية .. اهم سبب طبي للكآبة هو الاضطرابات الهرمونية .
اي مشكله باي هرمون .
راح تسبب كآبة .

آني ولد ماترهم اگول لابويه عندي كآبه راح يگولي صير زلمه !

آني بنت ماترهم اگول لاهلي هالشي وراح يگولون تدللين !

اول شي تتواصل وياي على حساب انستغرام ..
تشرحلي حالتك ..
ثاني شي تجيني وراها اشوفك ..
ونتأكد حتى اذا اضطرابات هرمونية نعالجها .

وهيج راح اكون عارف تفاصيل حالتك بدون ما تنحرج من شرح كلشي گدام اهلك .

د.حذيفة الحديثي
اختصاصي الباطنية والنمو
والسكري والهرمونات
دكتوراه (بورد عربي) - جامعة الموصل

21/08/2025

أيضاً الاكتئاب يؤثر على قدرة الشخص على التكيّف النفسي مع المواقف اللي واحد يمر بيها .

تلگه واحد ينگال فلان ماتهزه الهزازه .
هو مو ماعنده مشاعر ..
انما قادر على التكيف النفسي بسرعة .

وتلگه فلان نگول عليه يغرگ بالخاشوگه .
نفس الموقف اذا مر بي شخصين .
واحد راح يصير عنده تكيّف نفسي بسرعه .
والثاني راح ياخذ وقت .

بكل الاحوال اكو حقيقة تعلمناه من كبارنا ..
ان الحياة ماراح تنتظر احد .
راح تلگه ناس تطبطب على كتفك شوي .
بعدها العالم كلها عدها حياتها والتزاماتها .

21/08/2025

يمعود .. أول تالي كلنا ميتين !
يمعود كبرنا !

هاي يسموه التفكير السوداوي ..

هنا تجيب شخص عنده اكتئاب ..
راح يگول يمعود عليش واحد يتعب نفسه اول تالي كلنا ميتين !

عقل المكتئب يشوف كلشي بلا فايده ويركز عالنهايات السلبية .

بينما الماعنده اكتئاب شراح يريد ..

يعيش الف سنه ويسوي قرية يلم بيها احفاد اخفاده ويسميها باسمه قرية البو فلان !

راح يشوف الامكانيات ويعمل بالممكن .. ويتقبل كون الحياة متعبة ..
لكن ما يتمنى الموت ولا يفكر بي اصلاً !

21/08/2025

المشكلة بالاكتئاب وين ؟
اذا الاهل ما كانت عدهم فكرة عن الموضوع وتاثيراته ..

البنت راح تنعزل عن اهلها وبس گاعده بغرفتها او تقرر تخلي مثلاً غرفة الاستقبال مقر حياتها .

على گد الوجبه ويه اهلها وتگوم .

تتحسس من اي كلمه او نصيحه من اهلها .

هي تحس انه اهلها ما فاهميها .. وبنفس الوقت عقلها مليان افكار سلبيه .. وتعتبر اهلها هم اقرب الناس لكن اقرب الناس ما فاهميها !

هالشي كله يؤثر على طريقة تعاملها مع اهلها وبالتالي ممكن يعتبروها مو مؤدبه ويشدون وياها .

البنت المكتئبة ما تكره اهلها ..بالعكس هي تكون محتاجة الهم بس ما تعرف شلون تعبر عن هاي الحاجة .

21/08/2025

ايضاً من الاشياء اللي تتأثر بالاكتئاب هو المستوى الدراسي .. هاي راح يكون بالها مشتت ومشغول بي ست الالاف سالفه وفكرة سلبية . بالتالي يصير عدها تراجع مستوى دراسي لكونها عدها اكتئاب مو لكونها كسوله . فهاي شتسوي ؟ تلگاها خطيه تبقى تقرااااا لكن بدون فايده . هي لو كسوله اصلاً ولا توصل كتاب !

21/08/2025

دايماً نسمع ..
بقصة البنت الحبابه المثل الورد جانت وبعدين بالمتوسطه على الاعداديه تغيرت وصارت مالها خلگ احد ولا تسولف ويه احد ولا شي بس گاعده وحدها .
والصديقه الوحيده العدها هي من الفيسبوك تعرفت عليها !

هاي يسموها من علامات الاكتئاب ..
الاكتئاب عند البنات بهاي المرحلة العمرية جداً وارد وشائع .

فشوية مواضيع عنه لذا اجعل الصفحة مفضله حتى تعرف شنو هو الاكتئاب .

Address

Haditha

Telephone

+9647833321088

Website

Alerts

Be the first to know and let us send you an email when حذيفة الحديثي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category