Dr.Azad Mustafa Qader د.ئازاد مستەفا

20/01/2026

خولی فریاگوزاری سەرەتایی تەندروستی لە زانکۆی ھەڵەبجە بەڕێوەچوو..

بەمەستی راھێنان و فێرکردنی «سەرپەرشتیاران و کارمەندانی بەشەنێوخۆییەکان» لە زانکۆی ھەڵەبجە، ھەردوو «ھۆبەی راھێنان و پتەوکردنی تەندروستی» بەڕێوەبەرایەتیمان ھەستان بە ئەنجامدانی خولێکی تایبەت بە( فریاگوزاری سەرەتایی تەندروستی) بۆ کارمەندانی ناوبراو..

سێ شەممە ـ ٢٠٢٦/١/٢٠

19/01/2026

لەپێناو ژیانێکی تەندروست بۆقوتابیان تیمی تەندروستی قوتابخانەکان لەبەرواری ١٩/ ١ /٢٠٢٦پشکنین و رێنمای تەندروستی ددان و چاو ی ئەنجام دا بۆقوتابیانی قوتابخانەی شۆڕشی نوێ

18/01/2026

تەندروستی خوێندکاران و رێکارەکانی خۆپارێزی و ھۆشیارکردنەوەی خوێندکاران... لە ئەستۆی ئێمەدایە..

لە پێناو ھۆشیارکردنەوەی زیاترو ئەنجامدانی پشکنینی «چاو و ددان» ی خوێندکاران ، ھەردوو ھۆبەی (پتەوکردنی تەندروستی و تەندروستی قوتابخانەکان) سەردانی قوتابخانەی سالم ی بنەرەتیان کرد، ھەستان بە پێشکەش کردنی سمیناری ھۆشیاری تەندروستی تایبەت بە «رێکارەکانی خۆپاراستن لە نەخۆشیە گوازراوەکان»، پاشان پشکنینی «چاو و ددان» بۆ خوێندکارانی قوتابخانەی ناوبراو ئەنجام درا.

یەک شەممە ٢٠٢٦/١/١٨

17/01/2026

د. ئازاد مستەفا: 30 کارمەندمان بۆ دابمەزرێنن، دەتوانین چاودێریی ورد بێ بەرامبەر لە هەڵەبجە بۆ خەڵک فەراهەم بکەین

" بۆ کردنەوەی چاودێریی ورد لە هەڵەبجە هەموو پێداویستییە لۆجستییەکانمان فەراهەم کردووە و تەنیا پێویستمان بەوەیە چەند کارمەندێکی تەندروستیمان بۆ دابمەزرێنن"

14/01/2026

#سوپاسوپێزانین
بەسوپاسەوە لە پەیوەندیەکی تەلەفۆنیدا بەڕێوبەری گشتی تەندروستی هەڵەبجە لەگەڵ بەڕێوبەری گشتی تەندروستی دهۆک، پاش دواکاریەک، بڕی سێ هەزار کیسی خوێنی سنگل وسەد ١٠٠ دانە کیسی لیکوسایت فلتەر،لەلایەن بەڕێوەبەرایەتی گشتی تەندروستی دهۆک پێشکەش بە بەرێوەبەرایەتی تەندروستی
هەڵەبجەکرا.

14/01/2026

نەخۆشانی گورچیلە لە هەڵەبجە لە قەیراندان!!!

لەبەر نوێ نەكردنەوەی پێشینەی دەرمان و پێداویستی پزیشکی لە ئەنجومەنی وەزیرانی حكومەتی هەرێمی كوردستان ;تەندرووستی هەڵەبجە هیچ جۆرە پارەیەكی بەردەست نیە بۆ كڕینی دەرمانی سێڵسێپت بۆ نەخۆشانی گورچیلە ،سێڵسێپت حەبێكی رۆژانەیە ئەو نەخۆشانەی گورچیلەیان چاندوە ئەگەر ئەو حەبە نەخۆن گورچیلەیان لە دەست دەدەنەوە بۆ جاری دووەم لە ژیانیان
بۆیە داوا لە خێرخوازان ئەكەم بۆ تەنها ئەم مانگە فریای نەخۆشانی گورچیلە بكەون لە هەڵەبجە و بە بڕی هەشت ملیۆن و پێنج سەد هەزار دینار برێك لەو حەبەیان بۆ دابین بكەن

خوای گەورە شیفای خێریان بدات

13/01/2026

هەڵمەتی چڕی پشکنین لەلایەن تیمەکانی چاودێری تەندروستی بەردەوامەو سەردانی چەندین شوێنکار کراو ڕێنمایی تەندروستیان پێدراو بڕێک خۆراکی بەسەرچوو دەستی بەسەردا گیراو سێ شوێنکاریش سزای ئاگادار کردنەوەیان ئاڕاستە کرا.

13/01/2026

مەڵبەندی تەندروستی شەھید ئەمجەد حاجی غالی .. بەسەرکرایەوە...

بەمەستی پشکنین و بەدواداچوون بۆ بەش و ھۆبەکان و چۆنیەتی جێبەجێ کردنی خزمەتگوزاریە تەندروستیەکان، ھەردوو ھۆبەی «پتەوکردنی تەندروستی و ھۆبەی چاودێری دایکانی دووگیان» لە بەرێوەبەرایەتی خۆپاراستنی تەندروستی سەردانی مەڵبەندی ناوبراویان کرد.
ھۆبەکانی چاودێری دایکانی دووگیان بەسەرکرایەوە و پاشان سەردانی ھۆبەکانی « فریاکەوتن و چارەسەری نەخۆشیەکانی ددان و چێشتخانەو کۆگای خۆراک» کراو لە نزیکەوە چاودێری جێبەجێ کردنی کارەکان کراو پاشان رێنمایی پێویست درایە کارمەندان بە تایبەت سەبارەت بە چۆنیەتی پاکژکردنەوە (تعقیم) ی ئامێرو کەرەستە پزیشکیەکان.

12/01/2026

نوسراوم ئاراستەی وەزارەتی تەندرووستی كرد بۆ دامەزراندنی ٣٠ كارمەندی بێهۆشكار
ئەگەر نەخۆش وخەڵكی كەمدەرامەت كە لە هۆڵی چاودێری ووردی نەخۆشخانە ئەهلیەكان هەم سەریان دەروا هەم ماڵیان گرنگ بن
ئەنجومەنی وەزیران ئەم داواكارییەمان پەسەند دەكات

12/01/2026

تەندروستی تاکەکەسی و ژیانێکی تەندروست چۆن جێبەجێ بکەم ...

لە پێناو جێبەجێ کردنی شێوازی ژیانێکی تەندروست و راھێنانی منداڵانی باخچە لەسەر کۆمەڵێک ھەڵسوکەوت و خوی تەندروست، ھۆبەکانی پتەوکردنی تەندروستی و تەندروستی قوتابخانەکان سەردانی «باخچەی منداڵانی خورماڵ»یان کرد لە قەزای خورماڵ.
تێیدا منداڵان فێرکران و راھێنانیان پێ کرا لەسەر چۆنیەتی «ددان شۆردن ـ دەست شۆردن ـ پاکوخاوێنی تاکەکەسی» .ھەروەھا وەک دیاریەک بڕێکی دیاریکراو لە «فڵچەو مەعجونی ددان» پێشکەش بە منداڵان کرا،
پاشان چێشتخانەی باخچەکە بەسەر کرایەوەو رێنمایی پێویست پێشکەش بە کارمەندانی چێشتخانەکە کرا.

دووشەممە ٢٠٢٦/١/١٢

12/01/2026

تیمی تەندروستی خوێندنگاکانی نەخۆشخانەی گشتی هەورامان ،بەمەبەستی وەرگرتنی ئامارو پێدانی فۆڕمی ژینگەیی سەردانی باخچەی منداڵانی بیارەو قوتابخانەی دەگا شێخان و پیر شالیارو بیارەی بنەڕەتی یان کرد وڕێنماییان پێدان

11/01/2026

پشکنینی چاو بۆ خوێندکاران
پشکنینی چاو ئەنجام دراو پەیامی ھۆشیاری تەندروست
پێشکەش بەشێک لە خوێندکارانی «قوتابخانەی شەپۆل» ی بنەرەتی کرا، ئەم جالاکیە لەلایەن ھەردوو «ھۆبەی تەندروستی قوتابخانەکان و ھۆبەی پتەوکردنی تەندروستی»ئەنجام درا.

یەک شەممە ٢٠٢٥/١/١١