18/06/2024
نصائح طبية لتقليل من حوادث السير
• يجب على السايق النوم ٧ الى ٨ ساعات نومة مستمرة وغير متقطعة .
• لا تسوق طريق خارجي بعدما تكون كملت دوام، يعني مثلاً واحد عنده خفارة ويكملها ومن الصبح يركب سيارته ويسافر، او يخلص دوامه الظهر وبعدها يركب سيارته ويطلع طريق خارجي، حتى لو چان ما حاس بتعب فمو صحيح انه يطلع لان راح يتعب بالطريق ويؤثر على تركيزه .
• لا تسوق اكثر من ٨ الى ١٠ ساعات باليوم، يعني سالفة انه اطلع من وكت الفجر واوصل وارجع بنفس اليوم بالليل فهاي تزيد خطر الحوادث .
• كل ساعتين سياقة يحتاج الدماغ استراحة ١٥ دقيقة .
• الغدا او الريوگ المجاني اللي يخلوه اصحاب المطاعم للسايق، مايعني انه السايق ياكل براحته، يعني مو ينزل تشريب لحم !
وجبه خفيفة حتى لا يصير عنده دوخة ونحول بعد الاكل .
د.حذيفة الحديثي
اختصاصي الامراض الباطنية
دكتوراه (بورد عربي) في الطب الباطني
جامعة الموصل - كلية الطب
