دکتۆر هێمن مصطفی احمد/Dr.Hemin Mustafa Ahmed

07/05/2025

بەشداری کردنم لە حەوتەمین کۆنفڕانسی نێودەوڵەتی کۆمەڵەی پزیشکانی منداڵان

05/04/2025

چۆن هانی منداڵان بدەین بەشێوەیەکی باش ژەمەخواردنەکانیان بخۆن؟

١.پێشکەشکردنی خواردن بە شێوازێکی سەرنج ڕاکێش وەکو بەکارهێنانی کەرەستەی ڕەنگاو ڕەنگ وڕێکخستنی خواردنەکان و سەوزە و میوە لەسەر دەفری خواردن بۆ ئەوەی سەرنجی منداڵەکە ڕابکێشێت و هانی بدات بۆ خواردنی.

٢.دەکرێت منداڵان بەشداری پێبکەن لە کڕینی کەل و پەلە پێویستی یەکان بۆ ئامادەکردنی ژەمێکی تەندروست و چۆنیەتی ئامادەکردنی لە ماڵەوە هەر لە سەرەتاکانی تەمەنیانەوە تا بتوانن بەشێوازێکی تەندروست گەشەبکەن.

٣.تا دەکرێت منداڵ لەگەڵ خێزانەکەی لەکاتی ژەمەکان دابنیشێت بۆ خواردن ،کە یارمەتیان دەدات هەست بە ئاسوودەیی و سەلامەتی بکەن و ژەمەکان چێژبەخشتر دەبێت.

٤.پێشکەشکردنی خواردن کاتێک منداڵەکە برسی بێت.

٥.نیگەران مەبە ئەگەر ئارەزووی خواردنی منداڵەکەت لە ڕۆژێکەوە بۆ ڕۆژێکی تر جیاواز بوو، ئەو گۆڕانکاریە ڕەنگە ڕووبدات و چاودێری بکە .

٦.دەبێت دایک و باوک زانیاریان هەبێت لەسەر تەواوی ئەو خواردن و خواردنەوانەی بەدرێژایی ڕۆژەکە لە ژەمەکان و نێوان ژەمەکان بە منداڵەکە دراوە بۆ ئەوەی دایک و باوک بیرۆکەیەکیان هەبێت لەسەر ئارەزووی خواردنی مناڵەکە.

۷.ڕێک خستنی ئەو ژەمە سوکانەی لەنێوان ژەمە سەرەکیەکان بە مناڵ دەدرێت وەک شیرینی و جپس و شەربەت و پیپسی .... ،دەبێت کەمترینیان پێبدرێت وە لەکاتی گونجاودا بێت بۆ ئەوەی منداڵ ئارەزووی خواردنی ژەمەسەرەکی یەکان لەدەست نەدەن.
دکتۆر هێمن مصطفی
پسپۆڕی نەخۆشیەکانی منداڵان و تازە لەدایک بووان و گەشەی منداڵان
ناونیشان: هەولێر/٤۰ مەتری - شەقامی گوڵان -
بەرامبەر بنکەی تەندروستی نازدار بامەڕنێ / دەرمانخانەی باسان
ژمارەی مۆبایل : 07501959458

05/04/2025

چۆن هانی منداڵان بدەین بەشێوەیەکی باش ژەمەخواردنەکانیان بخۆن؟

١.پێشکەشکردنی خواردن بە شێوازێکی سەرنج ڕاکێش وەکو بەکارهێنانی کەرەستەی ڕەنگاو ڕەنگ وڕێکخستنی خواردنەکان و سەوزە و میوە لەسەر دەفری خواردن بۆ ئەوەی سەرنجی منداڵەکە ڕابکێشێت و هانی بدات بۆ خواردنی.

٢.دەکرێت منداڵان بەشداری پێبکەن لە کڕینی کەل و پەلە پێویستی یەکان بۆ ئامادەکردنی ژەمێکی تەندروست و چۆنیەتی ئامادەکردنی لە ماڵەوە هەر لە سەرەتاکانی تەمەنیانەوە تا بتوانن بەشێوازێکی تەندروست گەشەبکەن.

٣.تا دەکرێت منداڵ لەگەڵ خێزانەکەی لەکاتی ژەمەکان دابنیشێت بۆ خواردن ،کە یارمەتیان دەدات هەست بە ئاسوودەیی و سەلامەتی بکەن و ژەمەکان چێژبەخشتر دەبێت.

٤.پێشکەشکردنی خواردن کاتێک منداڵەکە برسی بێت.

٥.نیگەران مەبە ئەگەر ئارەزووی خواردنی منداڵەکەت لە ڕۆژێکەوە بۆ ڕۆژێکی تر جیاواز بوو، ئەو گۆڕانکاریە ڕەنگە ڕووبدات و چاودێری بکە .

٦.دەبێت دایک و باوک زانیاریان هەبێت لەسەر تەواوی ئەو خواردن و خواردنەوانەی بەدرێژایی ڕۆژەکە لە ژەمەکان و نێوان ژەمەکان بە منداڵەکە دراوە بۆ ئەوەی دایک و باوک بیرۆکەیەکیان هەبێت لەسەر ئارەزووی خواردنی مناڵەکە.

۷.ڕێک خستنی ئەو ژەمە سوکانەی لەنێوان ژەمە سەرەکیەکان بە مناڵ دەدرێت وەک شیرینی و جپس و شەربەت و پیپسی .... ،دەبێت کەمترینیان پێبدرێت وە لەکاتی گونجاودا بێت بۆ ئەوەی منداڵ ئارەزووی خواردنی ژەمەسەرەکی یەکان لەدەست نەدەن.

دکتۆر هێمن مصطفی
پسپۆڕی نەخۆشیەکانی منداڵان و تازە لەدایک بووان و گەشەی منداڵان
ناونیشان: هەولێر/٤۰ مەتری - شەقامی گوڵان -
بەرامبەر بنکەی تەندروستی نازدار بامەڕنێ / دەرمانخانەی باسان
ژمارەی مۆبایل : 07501959458

30/03/2025

جەژنتان پیرۆز بێت

04/08/2024

یەکێک لە باوترین ئەو پرسیارانەی ڕۆژانە چەندین دایک دەیکەن ئەوەیە کە دەڵێن دکتۆر منداڵەکەم هیچ ناخوات و هەر لاواز ئەبێت وزیاد ناکات چیبکەم؟

دایکی بەڕێز کارێکی چاک دەکەیت ڕاوێژ بە پزیشک دەکەیت و خەمی تەندروستی منداڵەکەتە ،بەڵام تکایە ڕێنمایەکانی پزیشک گرنگن و پشت گوێی مەخە .
منداڵ بۆ گەشەو تەندروستیەکی باش پێویستی بە خەوێکی ڕێک وخواردنی تەندروست و دەرونێکی ئارام هەیە.ئەمانە چەند وشەیەکی زۆر دووبارەو سادەن بەڵام زۆر گرنگن، بەکەمی مەزانە .
زۆربەی کاتەکان هۆکارەکان شتی سادەن وکێشە لە شیوازی هەڵەی ژیانکردنە.پێویستی بە گۆڕین هەیە بەڵام کات و خۆماندووکردنی پێویستە و بێزارمەبە و کۆڵ مەدە تۆ دەتوانیت بەو شێوازەی گونجاوە لەگەڵ منداڵەکەت بەلەسەرخۆیانە زۆر شت لەمنداڵەکەت بەرەو باشترببەیت ،تەنها داواکردنی شروبێک بۆ کردنەوەی حەزی بۆ خواردن یان شروبی ڤیتامین بەس نیە و زۆرجار زیانیشی هەیە.
لەوانەشە منداڵەکەت کێشەیەکی تەندروستی هەبێت و بوبێتە هۆی دواکەوتنی گەشەو لاوازبوونی، بۆیە دوای پشکنین و ڕاوێژی پزیشکی چارەسەرو دڵنیایت پێدەدرێت.

دکتۆر هێمن مصطفی/پزیشکی پسپۆڕی نەخۆشیەکان و گەشەی منداڵان

03/08/2024

21/04/2024

ڕێگاکانی بەهێزکردنی سیستەمی بەرگری لەشی منداڵ:

بەشی دووەم:
# باشتر وایە منداڵ لە تەمەنێکی بچووکدا بە وەرزشکردن ڕابهێنرێت تاوەکو دەبێتە بەشێک لە شێوازی ژیانی، وەک وەرزشەکانی ڕۆیشتن و پەت پەتێن....، چونکە وەرزشکردن یارمەتی هاندانی سوڕی خوێن دەدات، بەمەش سیستەمی بەرگری لەش بەهێز دەبێت.

# پێویستە منداڵ بەردەوام بەر هەوای پاک و خاوێن و دوور لە هەوای پیس و دوکەڵی جگەرە بکەوێت، هەروەها پێویستە منداڵ بخرێتە بەر تیشکی خۆر بە شێوەیەکی هاوسەنگ بۆ ئەوەی ڤیتامین D ی پێویست بۆ بەهێزکردنی ئێسک و بەرگری لەشیان دەست بکەوێت، لەگەڵ گرنگی بەرکەوتنی دۆشەک و جێگای خەوتنی بۆ تیشکی خۆر.

# وا لە منداڵ بکرێت هەست بەو خۆشەویستی و سۆزە بکات کە پێویستی پێیەتی چونکە بەرگری لەش بەهێز دەکات، بەو پێیەی کاریگەری ئەرێنی هەیە لەسەر دەروونی منداڵ بەمەش ڕۆڵێکی ئەرێنی دەگێڕێت لە بەهێزکردنی بەرگری لەش و بە پێچەوانەشەوە ڕاستە.

# زۆر گرنگە منداڵ فێری پەیڕەوکردنی خووی تەندروست و باش و ڕاست بکرێت، وەک: دەستشۆردنی پێش و دوای نانخواردن، دوای چوونە حەمام و دوای یاریکردن، نزیک نەبوونەوە لە کەسانی تووشبوو بە نەخۆشی، شوشتنی ددان، و ئاگاداربوون لەوەی هیچ جۆرە خۆراکێکی ناتەندروست نەخورێت، سەوزە و میوە پێش خواردنی بشورێتەوە، هەروەها گرنگیدان بە شۆردنیان و گۆڕینی جل و بەرگی ژێرەوەیان ڕۆژانە.

# پێویستە خۆت بەدوور بگریت لە پێدانی هەر جۆرە ئانتیبایۆتیکێک بە منداڵەکەت بەبێ ئەوەی ڕاوێژ بە پزیشک بکەیت ، چونکە بەکارهێنانی ئەو دەرمانانە بەبێ ڕاوێژ و بەبێ پێویستی دەبێتە هۆی کەم بوونەوەی بەرگری لەشی منداڵەکە.

20/04/2024

ڕێگاکانی بەهێزکردنی بەرگری لەشی منداڵ:

بەشی یەکەم:

منداڵانی خوار تەمەنی ٦ ساڵ زۆرترین ڕێژەی تووشبوونیان هەیە بە نەخۆشی و ڤایرۆسەکان، ئەمەش بەهۆی لاوازی بەرگری لەشیان بەهۆی بەردەوامی گەشەکردنیان. بەم شێوەیە لە داهاتوودا بەرگری لەشیان بەهێز دەبێتە هۆی دروست بوونی دژەتەن بۆ زۆربەی ڤایرۆسەکان.
بەڵام دەکرێت ئەم ڕێگایانە پەیڕەو بکرێت بۆ بەهێزکردنی بەرگری لە منداڵان :

# شیرپێدانی سروشتی : بە یەکێک لە سروشتیترین ئامرازەکان دادەنرێت کە بەرگری لەش لە منداڵدا بەهێز دەکات، بەو پێیەی توانای بەهێزکردنی بەرگری لەش بەهۆی شیری دایک بە شێوەیەکی زانستی سەلمێنراوە ، چونکە هەموو ئەو توخم و ڤیتامین و کانزا و دژەتەنانەی تێدایە کە منداڵ پێویستی پێیەتی بۆ دروستکردن و بەهێزکردنی سیستەمی بەرگری لەشی و هەر لەبەر ئەم هۆکارەش ​​ئەوانەی شیری خۆیان دەدەن بە منداڵەکانیان تا تەمەنیان دەگاتە یەک ساڵ کەمتر تووشی هەوکردنی قوڕگ و ئەنفلۆنزا ......هتد دەبن ، بەبەراورد بەو منداڵانەی کە شیری دایک ناخۆن.

#منداڵ دەبێت ڕاهاتبێت بە خۆراکێکی تەندروست و هاوسەنگ کە سەوزە و میوەی تازە لەخۆبگرێت، هەروەها ئەو خۆراکانەی دەوڵەمەندن بە پرۆتین. وەک: گۆشت و هێلکە، جگە لەو خواردنانەی لە ماڵەوە دەکوڵێنرێن لەبری خواردنی ئامادەکراو. زۆر خواردنی شیرینی و خواردنەوە گازییەکان دەبێتە هۆی قەڵەوی و کەمی تەرکیز.

#خەوتن بەرگری لەش بەهێز دەکات بەتایبەت لە منداڵی تازەلەدایکبوودا، بەو پێیەی ڕۆژانە پێویستیان بە نزیکەی ۱٨ کاتژمێر خەوتن هەیە، لەکاتێکدا منداڵانی گەورەتر پێویستیان بە ۱۰ بۆ ۱۲ کاتژمێر خەوتن هەیە لە ڕۆژێکدا، لەگەڵ گرنگی ڕێکخستنی کاتەکانی خەو و دوورکەوتنەوە لە درەنگ خەواندنیان.