Dr Bestun Mustafa MD د. بێستون موستەفا

16/10/2020

04/10/2020

چه‌ند ده‌رسه‌ک له تووشبونه‌که‌ی تره‌مپ به کورونا.
تره‌مپیش وه‌ک هه‌ر که‌سیکیتر نه‌خوشده‌که‌ویت، ئه‌وه گرنگ نیه، ئیستا با چه‌ند خالیک روونکه‌ینه‌وه بو خه‌لکی خومان.
۱- به ئینکاری کردن له نه‌بوونی کورونا به‌دوورنابی له‌م په‌تایه.
۲- گوینه‌دان به رینمایی پزیشکی مه‌ترسی تووشبوونت زیاتر ده‌کات.
۳- به‌کارهینانی گژووگیای سروشتی و ده‌رمانی نا زانستی سوودیکی ئه‌وتوی نیه بو پاراستنت له‌م نه‌خوشیه، ره‌نگه زیانی زیاتربیت.
٤- پشکنینی ده‌ستنیشانکردنی کورونا ۱۰۰٪ نیه ته‌نانه‌ت له‌ناو کوشکی سپیش.
٥- ئه‌گه‌ر هه‌وکردنه‌که گه‌یشته سینگت، واتا ریژه‌ی ئوکسجینت دابه‌زی به‌دوای چاره‌سه‌ری پزیشکی پسپور بگه‌ری، مانه‌وه له‌ماله‌وه ره‌نگه مه‌ترسیداربیت.
٦- راسته سه‌دا نوهه‌تی خه‌لک به‌سوکی توشده‌بن، به‌لام سه‌دا ده‌ش هه‌یه که پیویستیان به چاره‌سه‌ری زیاتره له پاراسیتولیک.
۷- ئه‌و چاره‌سه‌رانه‌ی که‌بو کورونای توند به‌کار دین زور په‌یوه‌ستن به‌ ماوه‌ی دوای ده‌رکه‌وتنی یه‌که‌م نیشانه. بو نمونه هه‌ر له‌سه‌ره‌تاوه ده‌رزی دیکادرون نابیت به‌کاربیت وه دژه‌فایروس پاش هه‌فته‌ی دووه‌م سودیکی ئه‌وتوی نیه..

د.بیستون موسته‌فا

25/09/2020

تێبینیم کردووە، ئەوانەی کۆڕۆنا بە توندی دەگرن ئەو کەسانەن کە زۆر دەترسن یان تۆقیون..
زانستی پزیشکی بەدەریخستووە کە ئەوانەی زۆر دەترسن خوێنیان زوو دەمەیی..
لە توێژینەوەکی بەریتانیا هەستان دوو کۆماڵە خەلکیان هێنا، یەکێکیان فیلمی ترسناکیان بۆ لێدان ئەوانیتر فیلمی دۆکیومێنتاری، پشکنینی خوێنیان لەپێش وە لەدوای فیلمەکە بۆ کردن، بە دەرکەوت کە ترسی زۆر دەبێتە هۆی بەرزکردنەوەی فاکتەری مەیینی خوێن.
لەلایەکیتر هۆکاری سەرەکی مردن لە نەخۆشی کۆرۆنا بریتیە لە زیان گەیاندن بە مولولەکانی خوێن لە سیەکان..
لەناوخۆمان باوە کە دەڵێن فلان لەترسان خوێنی مەیی یان جەڵتە لێیدا..
کە چاودێری نەخؤشێکی کۆڕۆنا دەکەی جا لە نەخۆشخانە یان لە ماڵەوە بەهیچ شێوەک مەیترسێنە و هەوڵدە فکری لەسەر نەخۆشیەکە لادەی..
د. بێستون موستەفا - پسپۆری هەناو - لەندەن

14/08/2020

به‌ستانی ماسک کاریگه‌رترده‌بیت و زیاتر ده‌مانپاریزیت که:
دووری نیوانمان ۲ مه‌تر بیت
زوو زوو ده‌ستمان بشوین
دوور که‌وینه‌وه له قه‌ره‌بالغی
ئه‌گه‌ر کوخه‌ت هات ده‌م و لووتت داپوشی.

10/08/2020

ئاگاداری دەرزی دیکادرۆن (Dexamethasone) بن بۆ نەخۆشی کۆڕؤنا.
تەنها بۆ ئەوکەسانە بەکاردێت کە لە نەخۆشخانە دەخەوێنرێن بەهۆی نزمبونەوەی ڕێژەی ئۆکسجینیان یان پێویستیان بە ئۆکسجینە.
ئەگەر لە قۆناغی سەرەتایی نەخۆشیەکە بەکاربێت بەبێ ئەوەی تەنگەنەفەسبی ڕەنگە زیانی زیاتر بێت.

09/08/2020

ئەم ڤایرۆسە مرۆڤایەتی ماندوو دەکات!

سەرەڕای ئەوەی زۆربەی خەڵک بە سووکی دەیگرن و چاکدەبنەوە بەڵام ڕێژەیەکی زۆریش هەیە کە دوای چەندین مانگیش هێشتا دەناڵنن بە (ئازاری سینگ، قورسایی لەسەر سینگ بەتایبەت لە بەیانیان، کێشەی دەرونی، بێتاقەتیەکی زۆر، دڵ تێکچون، نەگەڕانەوەی هەستی بۆن یان تێکچونی هەستی تامکردن، وشکەکۆکە، سەرئێشە، هەڵوەرینی پرچ لە ئەنجامی سترێس)، هەشە تاوەکو ئەستا ڕاست نەبۆتەوە. نەخۆش هەیە وادەزانێت دوبارە توشی ڤایرۆسەکە بۆتەوە.
وەکو پزیشک پێمان وایە کە ئەم نەخۆشیە ڕەنگە ببێتە نەخۆشیەکی درێژخایەن بۆ هەندێک کەس.
لە بەریتانیا بۆ نموونە؛ چوار ملیۆن توشبوی کۆڕۆنا بۆ ماوەیەکی درێژ رۆژانە لەڕێگای مۆبایلەکانیانەوە چاودێری کراون لەڕوی نیشانەکانیانەوە. ١٢٪ (واتا نیو ملیۆن کەس) دوای مانگێکیش هەر نیشانەیان مابووە. لە میلان لە ئیتالیا، توشبوانی کۆرۆنە دوای ٢ مانگ بینیویانە تەنها ١٣٪ بەتەواوی چاکبونەتەوە و هیچ نیشانەیەکیان نیە.
ئەوەی جێی ئومێدە چەند دەرمانێک لەژێر توێژینەوەیە بۆ کەمکردنەوەی ئەم ماکانەی کۆڕۆنا.
د. بێستون موستەفا ئەحمەد
پسپۆری هەناو