Kurdish Safety Awareness - KSA

22/06/2024

هاووڵاتییانی بەڕێز، لەگەڵ هاتنی یەکەم ڕۆژی وەرزی هاویندا، بۆ خۆپاراستنتان، ئەم ڕێنماییانە جێبەجێ بکەن:

۱- خواردنەوە گازییەکان بەهەموو جۆرەکانییەوە، لە ناو ئۆتۆمبێلدا بەکار مەهێنن، هەمـوو جۆرە چەرخێک، بتڵی ئاو، بۆن و پاوەربانک و ئامێرە ئەلکترۆنییەکان لە ناو ئۆتۆمبێل دووربخەنەوە.
٢- پێویستە لە کاتی وەستاندا، پەنجەرەی ئۆتۆمبێل کەمێک بکرێتەوە.
٣- پڕنەکردنی تانکیی سووتەمەنیی ئۆتۆمبێل بە تەواوی.
٤- تایەی ئۆتۆمبێل زیاتر لە پێویست پڕ مەکەنەوە، بەتایبەتی بۆ ڕێگە دوورەکان.
٥- خواردنەوەی بڕێکی زۆر ئاو و شلەی جۆراوجۆر بەتایبەت لە کاتی بەرکەوتنی تیشکی خۆر.
٦- لەبەر تیشکی خۆر بوتڵی غازی چێشتلێنان دامەنێن.
٧- دڵنیا بن لەوەی سویچی کارەبا لۆدی زۆریان لەسەر نەبێت، ئەیرکۆندیشن با کار نەکات، تەنها لەو شوێنانە نەبێت کە خێزانەکە یان کەسێک لەوێ بێت.
٨- وایەرەکانی کارەبا لۆدی زیاد لە توانای دیاریکراوی خۆیان نەخرێتە سەر و بەکارنەهێنانی تەقسیمی کارەبایی بۆ چەند ئامێرێک.
٩- دوورکەوتنەوە لە بەرکەوتنی ڕاستەوخۆی تیشکی خۆر بەتایبەتی لە ماوەی کاتژمێر ١١ ی بەیانی تا ٣ ی پاش نیوەڕۆ.
١٠- کوژاندنەوەی ئامێرە کارەباییە زیادەکان.

13/01/2024

بە ڤیدیۆ
--------

کۆمەلێک تەکنیک و ڕێگا چارە ھەیە بۆ خۆ دەربازکردن لە بینا و بالەخانەکان لە کاتی بوونی ئاگر ، ھیودارم لایەنی پەیوەندی دار ھەندێک لەو ڕێگاچارانە فەرز بکات بەسەر بینا و بالەخانەکان.

پێویستە لایەنی پەیوەندی دار مۆلەت بە ھیچ یەکەیەک و بالەخانەیەک نەدات ئەگەر مەرجەکانی سەلامەتی تێدا نەبن .

06/01/2024

کاریگەری تۆپی ئاگر کوژێنەوە
Ball fire extinguisher efficiency.


Kurdish Safety Awareness - KSA
HSE Professionals

05/01/2024

ڕێوشوێنی سەلامەتی ڕێگاوبان

ھیوادارم لایک و شەیری بکەن بەلکو بەھۆی تۆوە کەسێک دوور بێت لە ڕووداوی ھاتوچۆ.

31/12/2023

ھیوای سالێکی سەلامەت و تەندروست بۆ گشت کارمەند و کرێکارێک دەخوازین لەھەر کۆمپانیاو دامودەزگایەک بێت بێ جیاوازی.

داوا لە خوای گەورە دەکەم سالی ئایندە کەمترین ڕووداو لە شوێنی کارکردنەکاندا ڕووبدات و کەمترین زیان ھەبێت لە چاو سالانی ڕابردوو.

ھەروەھا ھیوا دەخوازم لە سالی نوێ ھەنگاوی گەورە و کاریگەر ببینین بۆ کەلتور کردنی سەلامەتی و تەندروستی پیشەیی لە کۆمەلگای کوردی.

Farman Trainer
ڕاھێنەر لە بواری سەلامەتی و تەندروستی پیشەیی

31/12/2023

بۆ مقاول وکۆمپانیاکانی بنیاتنان دوای بینینی ئەو ڤیدیۆیە ھیوادارم لە کاتی ھەلکەندنی ھەر شوێنێک بۆ ھەر مەبەستێک بێت دیواری حەفرەکە بپارێزن لە ڕووخان و ڕۆچوون بە تایبەت ئەگەر جۆری خاکەکە نەرم بوو .

دەتوانن لە ڕێگەی کۆلکەدانان ( shoring) یاخود قەلغانکردن ( shielding ) دیواری حەفرەکە بپارێزن و خۆتان و کارمەندەکانتان بپارێزن لە ھەر ئەگەرێکی نەخوازراو .

تێبینی /// وێنەی ھەردوو شێوازەکەی shoring & shielding لە گەل ڤیدیۆکە پۆست کردووە.

بە ھیوای سوود.

28/12/2023

ئەحمەد فەرمان جەمال دانیشتووی گەڕەکی باروتخانەی کەرکوکە و تەمەنی ٢٣ ساڵە، لە گەڕەکی رەحیماوای کەرکوک لەسەر ماتۆڕسکیلەکەی دەکەوێت و گیان لەدەستدەدات.

سەرچاوە NRT
———————————————————————————

بەداخەوە بۆ ئەو بەڕێزە ، إن شاءالله جێگای بەھەشتە و خوای گەورە سەبووری کەس و کارەکەی بدات .

ئەوەی ڕاستی بێت من پێش ئەوەی ئەو ھەواڵە ببینم خەریکی ئامادەکردنی بابەتێک بووم سەبارەت بە ھۆشیاری سەلامەتی لێخوڕینی پاسکیل، ھەلبەتە بۆ ماتۆڕیش دەکرێ سوودی لێ وەربگیرێ.

ئەو بابەتەی ئامادەم کردووە لە وێنەکەیە، ھەموو توانای خۆم پێشکەش دەکەم بۆ بە کەلتورکردنی سەلامەتی لە کۆمەلگای
کوردیدا.

ھیودارم ئەو پۆستە شەیر و لایک بکەن و بیکەنە مایەی خێری دواڕۆژتان.

Kurdish Safety Awareness - KSA

28/12/2023

ئایا لە ناو سەیارەکەت ئاگر کوژێنەوەی تێدایە ؟؟؟

گرنگی پێ دەدەیت ؟؟؟ ماوە ماوە سەیری دەکەی بۆ ئەوەی دلنیابیتەوە ئێکسپایەر نەبووە و کار دەکەت ؟؟؟

Kurdish Safety Awareness - KSA

26/12/2023

من دژی وەرزش و دژی جوانییەکانی تۆپی پێ نیم.....
——————————————————————————

بەلام ھەمیشە پێم وایە دەبێ سەلامەتی پێش ھەموو شتێک بێت.
سەلامەتی پێویستە پێش چێژ و پارە و ناوبانگ بێت.

ئەو دیمەنانەی دەیبینن بە داخەوە یاری ئەمرۆی نێوان چوارقوڕنە و ڕانیەیە بەھۆی نەمانی شوێنی دانیشتن لە یاریگا هاندەران لەناو بەرزکەرەوەکان سەیری یاریەکە دەکەن.

بەکارھێنانی ئەو بەرزکەرەوانە بۆ سەیرکردنی یاری کارێکی ناسەلامەت و ھەلەیە، بەداخەوە ئەوەی دیارە کە مندالی بچووکیش چونەتە ناو ئەو بەرزکەرەوانە ، ئەگەر یەکێک لەو کەسانە بکەوێت و توشی ڕوداوێک بێت کێ بەرپرسیارەتی ھەلدەگرێت؟؟

بەداخەوە بۆ یەکێتی تۆپی پێی کوردستان کە نەیتوانیوە کەشێکی لەبار و گونجاو بۆ ھاندەران و ئاشقانی تۆپی پێ لە کوردستان دروست بکات، ھیوادارم ھاندەران بۆ وەرگرتنی ساتێک چێژ و خۆشی مەترسی نەخەنە سەر ژیانی خۆیان و دەوروبەریان.

ھیوادارم یەکێتی تۆپی پێی کوردستان ڕێگری لەو دیاردە ناسەلامەت و نا شارستانیانە بکات و ڕێگایەکی تر بدۆزێتەوە بۆ ئەوەی ھاندەران لە چێژ و ئەشقی تۆپی پێ بێ بەش نەبن.
Farman Trainer
ڕاھێنەر لە بواری سەلامەتی و تەندروستی پیشەیی.

23/12/2023

22/12/2023

4 تەکنیکی ئاسان بۆ زگارکردنی کەسێکی بریندار یان بێھۆش.

4 Simple techniques to rescue a victim.

22/12/2023

وەرزی (Cold Stress ) " سترێسی سەرما" دەستی پێکرد.

دوێنێ وەرزی سەرما و سۆلە دەستی پێکرد
-----------------------------------

وەک دەزانن لە ٢١-١٢ ھەموو سالێک یەکەم ڕۆژی وەرزی زستان دەست پێدەکات، بۆیە زۆر گرنگە خاوەنکار و کۆمپانییاکان و ھەروەھا کارمەند و کرێکارەکان ئامادەکاری بکەن بۆ خۆپارستن لە مەترسییەکانی سەرما و سۆلە.

خۆشەویستان بەوردی ئەو بابەتەی خوارەوە بخوێنەوە لەسەر سترێسی سەرما و کاریگەریەکانی و ھەروەھا فریاگوزاری سەرەتایی بۆ ئەو کەسانەی تووشی سترێسی سەرما دەبن.

What is Cold Stress ? سترێسی سەرما چییە

ئەو کرێکارانەی کە بەرکەوتەی سەرمای زۆر دەبن یان لە ژینگە ساردەکاندا کاردەکەن، لەوانەیە مەترسی تووشبوون بە فشاری سەرمایان لەسەر بێت. کەش و هەوای زۆر سارد دۆخێکی مەترسیدارە کە دەتوانێت ببێتە هۆی ڕوودانی حاڵەتی فریاگوزاری تەندروستی لەو کەسانەی کە ژینگەی کارکردنیان ساردە، وەک ئەوانەی کە شوێنی حەوانەوەیان نییە، ئەو کرێکارانەی لە دەرەوەن و ئەوانەی لە ناوچەیەکدا کاردەکەن کە عەزلی خراپە یان گەرمای تێدا نییە. فشاری سەرما و کاریگەرییەکانی دەتوانێت لە ناوچە جیاوازەکانی وڵاتدا جیاواز بێت. لەو ناوچانەی کە بە کەشوهەوای زستانە ڕاهاتوون، پلەی گەرمی نزیکە لە بەستن بە هۆکاری فشاری سەرما دادەنرێت. هەرکاتێک پلەکانی گەرما بۆ خوار ئاسایی دابەزین و لەگەڵ زیادبوونی خێرایی با، گەرما دەتوانێت خێراتر جەستەت بەجێبهێڵێت. ئەم حاڵەتانەی پەیوەستن بە کەشوهەوا ڕەنگە کێشەی تەندروستی گەورەیان لێبکەوێتەوە.

1- Cold Related Illness (نەخۆشی پەیوەست بە سەرمابوون)

» Hypothermia ( کەمبونەوەی گەرمی لە لەش)

ھەر کاتێک بەر پلەی گەرمی سارد بکەویت، جەستەت دەست دەکات بە لەدەستدانی گەرمی خێراتر لەوەی کە بەرهەمی دەهێنێت.
بەرکەوتنی درێژخایەن بە سەرما لە کۆتاییدا وزەی هەڵگیراوی جەستەت بەکاردەهێنێت. ئەنجامەکەی بریتیە لە کەمبوونەوەی پلەی گەرمی، یان دابەزینی پلەی گەرمی جەستە بە شێوەیەکی نائاسایی.
پلەی گەرمی لەش کە زۆر نزم بێت کاریگەری لەسەر مێشک دەبێت، ئەمەش وا دەکات قوربانییەکە نەتوانێت بە ڕوونی بیر بکاتەوە یان بە باشی بجوڵێت. ئەمەش وا دەکات کەم بونەوەی گەرمی بە تایبەتی مەترسیدار بێت چونکە ڕەنگە کەسێک نەزانێت
کە ڕوودەدات و نەتوانێت هیچ بکات.

2- Symptoms ( نیشانەکانی سترێسی سەرما )

نیشانەکانی کەمبوونەوەی پلەی گەرمی دەتوانێت جیاواز بێت بەپێی ئەوەی بۆ ماوەی چەند بەر پلەی ساردی کەوتوویت.

نیشانە سەرەتاییەکان
——————————
« لەرزین
« شەکەتی
« لەدەستدانی هەماهەنگی
« سەرلێشاویی و نەناسینەوەی شوێن، کات و خەلک.

نیشانە درەنگییەکان
—————————
« لەرزین نامێنێت
« شینبونەوەی پێست
« خاوبونەوەی لێدانی دڵ و ھەناسەدان
« لەدەست دانی ئاگایی مێشك

3- First Aid for Hypothermia ( فریاگوزاری سەرەتایی بۆ کەمبونەوەی گەرمی لەش )

بۆ چارەسەرکردنی کەسێک یاخود کرێکارێک کە تووشی
کەمگەرمی گەرمی بووە، ئەم هەنگاوانەی خوارەوە بگرنەبەر:

« سەرپەرشتیار ئاگادار بکەرەوە و داوای هاوکاری پزیشکی بکە.
« قوربانییەکە بگوازەرەوە بۆ ژوورێکی گەرم یان پەناگەیەک.
« جلە تەڕەکانیان لابەن ئەگەر ھەبوو
« ناوەڕاستی جەستەیان گەرم بکەرەوە سەرەتا سنگ، مل، سەر و بڕبڕەی پشت-بە بەکارهێنانی بەتانییەکی کارەبایی، ئەگەر بەردەست بوو؛ یان بەرکەوتنی پێست بە پێست لە ژێر بەتانی، جل و بەرگ، خاولی، یان ھەر شتێک بیتوانی پێی دایپۆشی .
« ڕەنگە خواردنەوە گەرمەکان یارمەتیدەر بن بۆ بەرزکردنەوەی پلەی گەرمی لەش، بەڵام خواردنەوە کحولیەکان مەدەن بە قوربانیەکە.
« هەوڵ مەدە خواردنەوە بدەیتە کەسێکی بێهۆش.
« دوای ئەوەی پلەی گەرمی جەستەیان بەرزبووەوە، قوربانییەکە بە وشکی بهێڵەرەوە و بە بەتانییەکی گەرمەوە بپێچرێتەوە، بەتایبەت سەر و مل.
« ئەگەر قوربانییەکە لێدانی دڵی نەبوو، دەست بکە بە زیندووکردنەوەی دڵ و سییەکان (CPR).