https://www.facebook.com/109635728724504/

dr.ali_ismail_kakashin, 100m, Irbil (2025)

13/04/2024

سوپاس بۆ خوای گەورە وەکو تیمی چاندنی گورچیلە ، نەشتەرگەری چاندنی گورچیلەمان بۆ چارەخوازێکی تەمەن ٢١ ساڵی ئەنجامدا کە تووشی سستی گورچیلەکان ببوو، دوای ٤ رۆژ نەخۆشەکە بەتەندروستیەکی باش دەرچوو لە نەخۆشخانە.

03/10/2023

چاککردنی ھاتنەخوارەوەی دامەن(Vault prolapse) تەنھا لە رێگای سی کون،
بە تیم لەگەل دکتۆرەی بەرێز دکتۆرە لانە تەلعەت سامان پسپۆری نەشتەرگەری ئافرەتان و منداڵبوون و نەزۆکی
نەخۆشەکە دوای چەند کاتژمێریک بەتەندروستیەکی باش دەرچوو لە نەخۆشخانە.

27/09/2023

‎پیرۆزبێت یادی سەروەر وپێشەوای مرۆڤایەتی

21/08/2023

دەرهێنانی گرێیەکی گەورەی رژێنی ئەدرینال بە پێوانەی زیاتر لە ١٢ سانیمەتری سێجا لە جۆری Pheochromocytoma بۆ نەخۆشێکی تەمەن ٤٩ ساڵ لە نەخۆشخانەی رزگاری فێرکاری.

لە خاسیەتەکانی ئەم جۆرە گرێیە، دەبێتە هۆی ناڕێکی لە پەستانی خوێن، ئارەقەیەکی زۆر، لەرزین و دڵە کوتێ و چەندین نیشانەی تر.

دوای مانەوەی نەخۆش لە نەخۆشخانە بۆماوەیەکی پێوانەیی کورت، نەخۆش بە تەندروستیەکی بەش گەڕایەوە ماڵەوە.

سوپاس بۆ پزیشکان و ستافی نەشتەرگەری و سڕکردن و پۆرتەرەکانی نەخۆشخانە کە بەیەکەوە وەک یەک تیم توانرا نەشتەرگەریەکە بە سەرکەوتوویی ئەنجام بدرێت.

ستافی نەشتەرگەری:
پزیشکی پسپۆڕی نەشتەرگەری گورچیلە و میزەڕۆ: د. علی اسماعیل کاکەشین
پزیشکی سڕکار: د. هێڤی شێرکۆ
پزیشکی نیشتەجێی دێرینی نەشتەرگەری گورچیلە و میزەڕۆ: د. بەشدار عزیز
نەشتەرگەری گورچیلە و میزەڕۆ: د. بەرزی خۆشەوی
یاریدەدری پزیشکی نەشتەرگەری: دیمەن خان، زەهرا خان
یاریدەدەری پزیشکی سڕکار: کاک الیاس
پۆرتەر: کاک بێستوون.

13/07/2023

نەزۆکی پیاوان

پێناسەی زانستی نەزۆکی بریتیە لە روونەدانی سکپڕی (حمل) لەدوای ١ ساڵ لە هەوڵدان بە شێوەیەکی بەردەوام و بەبێ پارێزی کردن (مەنع).
١٥٪ خێزانەکانی ناو کۆمەلگا کێشەی نەزۆکیان هەیە کە هۆکارەکان ٥٠٪ پیاو بەرپرسە ٥٠٪ ئافرەت بەرپرسە .
لە پیاون هۆکارەکان لەوانەیە لە رێڕەوی ئیشکردنی هۆرمۆنەکان بێت کە لە مێشک یان گوونەکان دەردەدرێت یان کێشە لە کاتی دەرچوونی سپێرم بێت لە گوون بەهۆکاری جیاجیا وەک گیرانی بۆری سپێرم یان گەرانەوەی سپێرم بۆ ناو میزلدان ببێتە هۆی نەزۆکی.

جۆرەکانی نەزۆکی لە پیاوان:

‏١-idiopathic واتا بێ هەبوونی هیچ هۆکارێکی دیار کە لە پیاوان رێژەی ١٠ بۆ ١٥ ٪ لە هۆکارەکانی نەزۆکیە.
‏٢-Azoospermia واتا نەبوونی هیچ سپێرمێک لەکاتی پەڕین .
‏٣-oligospermia واتا هەبوونی رێژەیەکی کەم لە سپێرم واتا هەبوونی سپێرم کەمتر لە ١٥ ملیۆن لە یەک ملیلتر .
‏٤-Asthenospermia واتا هەبوونی سپێرم بە ژمارەی پێویست بەڵام جوولەی سپێرمەکان کەمترە لە مرۆڤی ئاسایی.
هەندێک جار جۆری ٣ و ٤ بە تێکەلاوی روودەدات کە ژمارە و جوولەی سپێرمەکان کەمە.

مەبەست لە پشکنین لە نەزۆکی بریتیە لە :

١-دیاری کردنی ئەو هۆکارانەی نەزۆکی کە دەتواندرێت چارەسەر بکرێت
٢-دیاریکردنی ئەو هۆکارانەی نەزۆکی کە جارەسەر ناکرێت بەڵام دەتواندرێت بە ئامرازی یارمەتیدەری وەک منداڵی بلووری بتوانن وەچە بخەنەوە.
٣-دیاریکردنی ئەو هۆکارانەی نەزۆکی کە لەوانەیە زیان بە نەخۆشەکە بگەینن جگە لە نەزۆکیەکە و هەندێک نەخۆشی بۆماوەیی وەک رەقبووونی سکماکی سیەکان (cystic fibrosis) کە لەوانەیە بۆ نەوەکانی داهاتووش بگوازرێتەوە.

ئەو هۆکارانەی کە لە تەمەنی مندالی روودەدات لەوانەیە ببنە هۆی نەزۆکی لە داهاتوو لە پیاوان :

١- نەهاتنە خوارەوەی گوونەکان
٢-سورانی گوون یان زەبر بەرکەوتن
٣-نەشتەرگەری لە بەشی خوارەوەی سک
٤-هەوکردنی گوون بە ڤایرۆسی گێڕەپە(mumps orchitis)
٥-نارێکی سکماکی چووک(hypospadias)

هەندێک لە هۆکارەکانی تری نەزۆکی پیاوان :

*هۆکاری جەستەیی:

١-دەوالی
٢-هەوکردنی گوونەکان
٣-کێشە لە پەڕێن(قذف)
٤-هەبوونی دژەتەن بۆ سپێرمەکان(Antisperm antibody)
٥-شێرپەنجە
٦-تێکچونی بەڵانسی ئەو هۆرمۆنانەی کە یارمەتی دروستکردنی سپێرم دەدەن
٧-گیرانی بۆری سپێرم( vas deferens)
٨-هۆکاری بۆماوەیی وەک نەبوونی بۆریەکانی سپێرم و ئیتریش.

*هۆکاری دەرەکی(environmental)

١-بەرکەوتەی هەندێک مادەی کیمیایی
٢-بەرکەوتەی تیشکی (اشعە)
٣-زیاد گەرمداهاتنی گوونەکان وەک لەهەندەک حالەت کە زیاد لە پێویست ساونا بەکاربێت

*هۆکاری تەندروستی و شێوازی ژیانی رۆژانە

١-بەکارهێنانی مادە هۆشبەرەکان
٢-جگەرە کێشان
٣-قەلەوی
٤-بەکارهێنانی رێژەی زۆری کحول

چارەسەرەکان:

١-گۆرینی شێوازی ژیانی رۆژانە وەک وازهێنان لە جگەرە و جلی تەسک و کەمکردنەوەی کێش و وەرزش کردن،دوورکەوتنەوە لە هۆکارانەی کە نەزۆکی دروست دەکەن خواردنی خۆراکی تەندروست
٢-هەندێک جار پێویستی بە دەرمانە بۆ چاکردنی بەڵانسی هۆرمۆنات
٣-هەندێک جار نەشتەرگەری پێویستە وەک دەوالی و گیرانی بۆری سپێرم, یان دەرهێنانی سپێرم لەگوونەکان بۆ ئەنجامدانی پرۆسەی منداڵی بلووری.

بەهیوای تەندروستیەکی باش بۆ هەمووان

09/07/2023

لەدەستدانی کۆنتڕۆڵی میزکردن

ئەو نەخۆشییە بریتییە لە هاتنە خوارەوەی میز بەبێ ئەوەی کەسەکە هەوڵی میزکردن بدات، بەشێوەیەک کە بەبێ هەبوونی هەستی تەنگاوی بۆ میزکردن لەکاتی کۆکین، پژمین و پێکەنین یاخود هەندێکجار لەکاتی هەڵگرتنی شتی قورس و وەرزشکردن میزەکە دێتە خوارەوە.

رێژەی تووشبوون لە ئافرەتان زۆر زیاترە لە پیاوان، بەجۆرێک یەک لەسەر سێی ئافرەتان لە قۆناخێکی ژیانیان دووچاری ئەم کێشەیە دەبنەوە.

ئەوانەی کە مەترسیی تووشبوونیان زیاترە؛
* خانمانی تەمەن 45-60 ساڵان
* ئەوانەی چەند منداڵێکیان بووە
* تووشبووی کۆکەی درێژخایەن
* جگەرە و نێرگەلەکێش
* کەسانەی قەڵەو

زۆر کات ئافرەتان ئەو کێشەیە دەشارنەوە بەتایبەت لە کۆمەڵگەی ئێمە، بۆیە پێویستە پێش بریاردانی پشتگوێخستن و شاردنەوەی نەخۆشییەکە ئەم پرسیارانە لەخۆیان بکەن؛

- ئایا ترست هەیە کاتێک لە ماڵەوە دووربی و جلی زیادت پێ نەبێ بۆئەوەی لەئەگەری هاتنە خوارەوەی میز خۆت بگۆری؟
- ئایا شێوازی ژیانت گۆڕیوە لەترسی هاتنە خوارەوەی میز؟ وەکو 'وەرزش نەکردن و دوورکەوتنەوە لە خەڵک'
- ئایا نەخۆشیەکە وای لەتۆ کردووە هەست بە شەرمەزاری بکەی لەناو خێزانەکەی خۆت؟
- ئایا لە شێوازی ژیانت رازیت بەو جۆرە؟

ئەگەر بەشێک لەو پرسیارانە بەڵێیە دەبێت بەدوای چارەسەرەکەشی بگەڕێی.

بەشێک لەو بیرکردنەوە ناڕاستانەی کە خانمانی تووشبوو هەیانە و پێویستە خۆیانی لێ بەدووربگرن و بیرکردنەوەکانیان بگۆرن :
1- ئەوە بەشێکە لە سووڕی ژیانم وەکە ئافرەت
2- ئەوە ئاساییە لەگەڵ هەڵکشانی تەمەنی ئافرەتان
3- دەمتوانی یان دەتوانم خۆم بەدووربگرم لەم نەخۆشییە بە ئەنجامدانی نەشتەرگەریی قەیسەری بۆ منداڵبوون لەجیاتی منداڵبوونی سرووشتی
4- ئەو نەخۆشییە هیچ چارەسەرێکی نییە

ئەو جۆرە بیرکردنەوانە هەڵەن و وادەکەن ئەو ئافرەتە هەتا لە ژیانی ماوە بەدەست ئەو نەخۆشییە بناڵێنێت یاخود وای لێبکات خۆی تووشی منداڵبوون بە نەشتەرگەری قەیسەری بکات کە بە هیچ شێوەیەک نەشتەرگەری قەیسەری رێژەی تووشبوونی نەخۆشییەکە کەمناکاتەوە.

چارەسەرییەکانی بریتین لە:
١-دابەزاندنی کێش
٢-دوورکەوتنەوە لە جگەرە و چارەسەرکردنی کۆخەی درێژخایەن
٣-بەهێزکردنی ماسوولکەکانی حەوز بە وەرزشی جۆری Kegel exercises
٤-لە ئافرەتان نەشتەرگەری بە نازوور یان دانانی جۆرێکی تایبەت لە تێپ یان کردنەوە بە هەڵواسینی ملی میزڵدان ،کە نەشتەرگەری بە نازوور باشترینیانە لە ڕێژەی سەرکەوتنی نەشتەرگەریەکە و گەڕانەوەی کۆنترۆڵی میزکردن، هەروەها کێشەی کەمترە دوای نەشتەرگەری بەراورد بە دانانی تێپ یان نەشتەرگەری لە ڕێی برینەوە.

دکتۆر عەلى ئیسماعیل كاکەشین
پسپۆڕی نەشتەرگەرییەکانی گورچیلە و میزەڕۆ

27/06/2023

جەژنتان پیرۆزبێت

13/06/2023

ئەنجامدانی نەشتەرگەری دەوالی گوون بۆ هەردوولای چەپ و راست،لە رێگەی سێ کونەوە بە نازور کە چوار ساڵ بوو منداڵیان نەبوو دوای چوار سەعات لە نەشتەرگەری بە تەندروستیەکی باش گەرایەوە ماڵ، ھەروەھا دوای چوار رۆژ گەرایەوە سەر کاروباری رۆژانەی خۆی.

09/06/2023

دەوالی چیە و هۆکار و چارەسەرەکانی

دەوالی بریتیە لە بەرینبوونی تۆڕە خۆێنهێنەرەکانی گوون، کە ئەویش وادەکات خوێن لەچواردەورەی گوونەکان لەناو خوێنهێنەرەکان کۆببێتەوە چونکە خوێنهینەرەکان توانای گەراندنەوەی خوێنیان کەم دەبێتەوە ، ئەمەش لەبەر ئەوەیە کە زمانەکانی ناو خوێنهێنەرەکان کە بەرپرسن لە گەڕاندنەوەی خوێن بۆ خوێنهێنەرە گەورەکان و پاشان بۆ ناو دڵ لەکار دەکەون و لە ئەنجامدا ئەو خوێنە کۆدەبێتەوە و خوێنهێنەرەکان بەریندەبێت .
کە ئەمەش زۆر زیاتر لەلای چەپی گوون روودەدات چونکە خوێنهێنەری گوونی چەپ بەگۆشەی تیژ دەچێتە ناو خوێنهێنەری گورچیلەی چەپ کە ئەمەش کاری گواستنەوەی خوێن زەحمەتتر دەکات بە بەراورد لەگەل لای راست کە راستەخۆ دەچێتە شاخوێنهێنەری خواروو . بۆیە زیاتر لە ٪٨٥ ی دەوالی لەلای چەپ روودەدات و ئەگەر دەوالی بە تەنها لەلای راست بە شێوەی کت وپڕ رووبدات پێویستە پشکنینی زیاتر بکرێت تا هۆکارە نەخوازراوەکانی تری روودانی دەوالی وەک گرێی ناو سک کە لەوانەیە زەختی کردبێتە سەر خوێنهێنەرکان یان هەر هۆکارێکی تر دەبێت پشکنینی زیاتر بکرێت.

دەوالی ٤ پلەی هەیە کە بەپێی زیاتر بەرینبوونی خوێنهێنەرەکان پلەکەی بەرزتر دەبێت ، پلەی یەک بەدەست هەستپێناکرێت تەنها بە سۆنەری جۆری دۆپلەر دەستنیشان دەکرێت تا وای لێدێت لە پلەی ٤ بەچاو بەرینبوونی خوێنهێنەرەکە دەبیندرێت ، وە بەپێی بەرزی پلەکەی کاریگەری زیاتر دەبێت لەسەر تەندروستی و شێوەی دەرەکی جۆڕکی گوون .

کاریگەرە نێگەتیڤەکانی دەوالی لەسەر تەندروستی پیاوان:

کاری گوون بریتیە لە دروسکردنی سپێرم و هۆرمۆنی تێستۆستیرۆن ، کە بۆ ئەمەش پێویستی بە پلەی گەرمایەکە کە ٣ پلە سیلیزی لەخوار دەرەجەی گەرمای لەش بێت، بۆیە لە کاتی گەرمادا گوونەکان بەشێوەی ئاسایی شۆرن بەڵام لە سەرمادا بەسەردەکەون تا لەش نزیک ببنەوە تا پلەی گەرمیەکەیان بەرزبێتەوە و لە چالاکی نەوەستن.
بۆیە لەکاتی هەبوونی دەوالی خوێنی گەرم لە دەوری گوونەکان کۆدەبێتەوە بەشێوەیەکی زۆر و نائاسایی کە ئەمەش دەبێتە هۆی بەرزبوونەوەی پلەی گەرمای گوون و ئەو جیاوازیە ٣ پلەییەی گەرما لەگەڵ گەرمای لەش نامێنێت دەبێتە هەمان پلەی گەرمی لەش بەو شێوەیە کاری دروستکردنی سپێرم (spermatogenesis) سست دەبیت و دەبێتە هۆی کەم بوون و کەمی چالاکی سپێرم و کەم بوونی دەردانی هۆرمۆنی تێستۆستیرۆن بەمەش نەزۆکی و لاوازی جنسی لە پیاو روودەدات هەندێک جار بەتایبەتی ئەگەر هەردوو گوونەکە دەوالی هەبێت.
هەروەها دەوالی ژانی و قورسی لە گوونەکان دروست دەکات کە رێژەکەی لەوانەیە کەم بێت هەندێک جارێش ژانەکەی ئەوەندە زۆرە نەخۆش لە کاروچالاکیەکانی رۆژانەی دەخات.

کێن ئەوانەی پێویستیان بە چارەسەرە ئەوانەی کە دەوالیان هەیە ؟
تەنها رێژەی ٢٠-٣٠ ٪ پێویستیان بە نەشتەرگەریە کە بریتین لە:

١- ئەگەر گەشەو قەبارەی گونەکە بەڕێژەی ٢٠٪ کەمتر بێت بە بەراورد لەگەل لایەکەی تر یان لە رێژەی ئاسایی.بەتایبەتی ئەگەر لە تەمەنی هەرزەکاری نەشتەرگەری بکات لەوانەیە بە گەشەی ئاسایی رابگاتەوە سوودی زۆری لێببینێت.
٢-ئەگەر دەوالی نەزۆکی لەگەڵ بێت و کوالیتی و جولەی سپێرم یان ژمارەکەی کەم بێت هیچ هۆکارێکی تری نەزۆکی نەبێت ،رێژەیەکی زۆریان ٣ -٦ مانگ دوای نەشتەرگەری کوالیتی و جولەی سپێرم و ژمارەکەی باشتر دەبێت و زیاد دەکات.
٣-هەبوونی ئازارێکی زۆر کە کاریگەری لە لەسەر کار و چالاکی رۆژانە هەبێت دوای نەشتەرگەری زۆربەیان باش دەبن.

جۆرەکانی نەشتەرگەری لە دەوالی:

١-نەشتەرگەری بە شێوازی کردنەوە (فتح) لە خوارەوەی سک بە برینێکی ٤ سم . خوێهێنەرە بەرینەکان دەبەسترێن و پاشان دەبردرێن.
٢- هەندێک جار لەرێی هەمان برینی خوارەوەی سک بەڵام بە بەکارهێنانی مایکرۆسکوپ ، ئەو مایکروسکۆپە یارمەتی پزیشکەکە دەدات بۆ ئاسانتر دەستنیشانکردنی بۆری سپێرم و خوێنبەرەکان و پاراستنیان لە برینداربوون لەکاتی نەشتەرگەری.
٣-نەشتەرگەری لەرێگەی ٣ کونی نیو سانتیمەتری لە سک بە نازوور دەکرێت و ئەگەر هەردووک لا پێویستی بە نەشتەرگەری بیت و بەتایبەتی ئەگەر هۆکاری نەشتەرگەریەکە نەزۆکی بێت.ئەوە سوودی زۆری هەیە لەڕووی زووتر گەرانەوە نەخۆشەکە بۆ کارو چالاکی رۆژانە و ژانی کەمترە و لایەنی جوانکاری چونکە ئەگەر بە شێوازی نەشتەرگەری کردنەوە (فتح) بێت دەبێت بەلای کەمی برینی ٤ سم لە هەرلایەک بکرێت. کەچی بە تەنها ٣ کونی نازوور کە هەریەکەیان نیو سانتیمەترە بۆ ئەنجامدانی نەشتەرگەری هەردوولا پێویستە ، وە هەروەها بۆری سپێرم و خوێنبەرەکان لەناو سک لە خوێنهێنەرە بەرینبووەکان کە پێویستی بە نەشتەرگەریە دوورن و پارێزراون لە کاتی نەشتەرگەری.
٤-نەشتەرگەری دانانی قەستەرەی کۆیلدار لەناو خوێنهێنەرە بەرینبووەکان.

بەهیوای تەندروستی باش بۆ هەموو لایەک

03/06/2023

ئەنجام دانی نەشتەرگەری هەڵگرتنی رەحم و هەردوو هێلکەدان و بۆری هێلکەدان بە نازور بۆ ئافرەتێکی تەمەن ٦٢ ساڵ لە نەخۆشخانەی ژین ئینتەرناشناڵ ،
نەخۆشەکە دوای (١) ڕۆژ بە تەندروستییەکی باش لە نەخۆشخانە دەرچوو

سوپاسی تیمی نەشتەرگەرییەکە دەکەین کە لەم بەڕێزانە پێکهاتبوو:
د.علی اسماعيل کاکەشین/پزیشکی پسپۆڕی میزەڕۆ و پسپۆڕی وورد لە ئەنجامدانی نەشتەرگەری بە نازور
د.فرمێسك نەوزار/پسپۆڕی ئافرەتان و لەدایك بوون
د.سعيد عبدالرحمن/پسپۆڕی سڕکاری
پۆڵا سعيد /یاریدەدەری سڕکاری
محمد عبدالرحمن /یاریدەدەری نەشتەرگەری
ڕێناس یونس /پەرستار

اجراء عملية استئصال الرحم والمبيضين مع انبوب المبايض بالناظور لمريضة تبلغ من العمر 62 سنة في مستشفى ژين انترناشنال
المريضة خرجت من المستشفى متحسنا بعد يوم واحد من اجراء العملية

نقدم الشكر الجزيل لفريق العملية المتكون من:
د.علی اسماعيل کاکەشین/ اختصاصي جراحة المجاري البولية, اختصاص دقيق في الجراحة التنظيرية
د.فرمێسك نەوزار/اختصاصية النسائية والتوليد
د.سعيد عبدالرحمن/اختصاصي التخدير
پۆڵا سعيد /مساعد التخدير
محمد عبدالرحمن /مساعد الجراح
ڕێناس یونس /ممرضة

سوپاس بۆ نەخۆشخانەی
Zheen International Hospital/نه خۆشخانه ى ژين ئينترناشينال/مستشفى ژين

24/05/2023

سوپاس بۆ کەنالی کوردستان تیڤی خۆشەویست
ئەنجامدانی نەشتەرگەری بە ناظور چییە؟

dr.ali_ismail_kakashin

13/04/2024

03/10/2023

27/09/2023

21/08/2023

13/07/2023

09/07/2023

27/06/2023

13/06/2023

09/06/2023

03/06/2023

24/05/2023

Address

Telephone

Website

Alerts

Contact The Practice

Shortcuts

Share

Category