01/04/2026
بەشی نەشتەرگەری گەورە دواى نۆژەنکردنەوەی خرایە خزمەت هاوڵاتیان،
شەممە: ٢٠٢٦/٣/٢٨
بەئامادەبوونی بەڕێزان ( د.سامان حسێن بەرزنجى) وەزیرى تەندروستى و (ئومێد خۆشناو) پارێزگارى هەولێر،
( د.دلۆڤان محەمەد فاتح جلال)بەڕێوەبەرى گشتیى تەندروستى هەولێر،
بەرێز (د. هەرێم کمال ) خانەوادەی خوالێخۆشبی (د. سانا کمال)
و ە بەڕێز(د. شادان شێروان حیدەری) بەڕێوەبەرى نەخۆشخانەی ئافرەتان و لەدایک بوونی فێرکاری هەولێر و ژمارەیەکى دیکە لەپزیشک و کارمەندانى نەخۆشخانەکەمان ،
لە ڕێورەسمێکدا دواى نۆژەنکردنەوەو فراوانکردنی بەشی هۆڵی نەشتەرگەری گەورە دانانى ئامێری ( نازوور) ئەم پڕۆژەیە کە گوژمەی ٢٠٠ هەزار دۆلاری تێچووە، بە ناوی خوالێخۆشبوو د.سانا کەمال ناونراوە و لەسەر ئەرکی بنەماڵەی خوالێخۆشبووان — د.سانا، تەواو کراوە. هۆڵەکە بە سەرجەم ئامێر و پێداویستیە پزیشکیەکانی سەردەم دابینکراوە.
دواى کردنەوە و بەسەرکردنەوەى بەشی نەشتەرگەری گەورە،
لەووتارێکدا بەڕێز بەڕێوەبەری گشتی تەندروستی هەولێر دەستخۆشی لەخانەوادەی خوالێخۆشبی (د. سانا کمال) کرد، کەبەگرنگیەوە باسی پێشکەشکردنی خزمەتگوزاری پزیشکی تەندروستی بۆ ئافرەتان پێشکەوتنێکی بەرچاوی بەخۆوە بینیوە سەرەڕای ئەوەی پاڵەپەستۆیەکی زۆر لەسەرە بەڵام سوپاسی بەڕێوەبەرو دەستەی کارگێڕی تەواوی پزیشکان و کارمەندان نەخۆشخانەکەمان کرد کە هەمیشە لەبەردەوامیدان بۆ پێشخستنی نەخۆشخانەی ئافرەتان و لەدایک بوونی فێرکاری هەولێر.
ڕاگەیاندنی نەخۆشخانەی ئافرەتان و لەدایک بوونی فێرکاری هەولێر
