07/05/2026
ئەمرۆ پێنجشەممە ٧ ی ٥ٓ ی ٢٠٢٦
لەمەراسیمێکی تایبەتدا لە نەخۆشخانەی نانەکەلی فێرکاری (١٠٠) دیاری بەسەر نەخۆشان و خانەوادەکانیان دابەشکرا، کە لایەن لقی هەولێری کۆمەڵەی مانگی سۆوری عێڕاقی دابینکرابوو.
ئەم مەراسیمە بەئامادەبوونی بەڕێز د. دلۆڤان محمدفاتح جلال، بەڕێوەبەری گشتی تەندروستی هەولێر، لەگەڵ بەڕێزان ئەندازیار ناز جلال، بەڕێوەبەری ناوەندی قەیڕانەکانی پارێزگای هەولێر، و هاوڕێ احسان، بەڕێوەبەری لقی هەولێری کۆمەڵەی مانگی سۆوری عێڕاقی، و بەڕێوەبەری نەخۆشخانە و دەستەی کارگێڕی، لەگەڵ چەند خێرخوازێکی تر بەڕێوەچوو.
لە ووتارێکدا، بەڕێز بەڕێوەبەری گشتی سوپاس و دەستخۆشی لە لقی هەولێری کۆمەڵەی مانگی سۆوری عێڕاقی کرد، کە هەڵساون بە دابینکردنی دیاری وەکو پشتیوانیەک بۆ نەخۆشانی شێرپەنجە و خانەوادەکانیان. هەروەها سوپاسی بەڕێوەبەر، بەڕێوەبەری کارگێڕی، تەواوی پزیشکان، کارمەندانی تەندروستی و فەرمانبەران کردەوە، کە وەکو کەس و کاری خۆیان لەبەردەوامیدان بۆ خزمەتکردنی نەخۆشان لە کاتی چارەسەردا، و پێگەیەکی گرنگیان لەنێو نەخۆشخانە تۆمارکردووە و جێگای پێزانینن.
ڕاگەیاندنی نەخۆشخانەی نانەکەلی فێرکاری ٧ ی ٥ ی ٢٠٢٦
