Dlovan M F Jalal

19/02/2026

ئەمرۆ پێنجشەممە رێکەوتی 19.2.2026 بەشداربووین لەکۆبونەوەیەک لەپارێزگای هەولێر بە ئامادەبوونی ئومێد خۆشناو پارێزگاری هەولێرو د. عبدالحكیم خەسرۆ، سەرۆكی فەرمانگەی هەماهەنگی و بەدواداچوون و سەرۆکی دەستەی پاراستنی ژینگەی هەرێمی کوردستان بەوەکالەت تایبه‌ت به‌ لێژنەی پاراستن و رێكخستنەوەی ژینگەی هه‌ولێر.

18/02/2026

پەیامی بەڕێوەبەرایەتی گشتی تەندروستی هەولێر
بەبۆنەی هاتنەوەی مانگی پیرۆزی ڕەمەزان

بەناوی خودای بەخشندە و میهرەبان
بەبۆنەی هاتنەوەی مانگی ڕەمەزانی پیرۆز، پیرۆزبایی لە موسڵمانانی کوردستان و جیهان بەگشتیی و هەولێری پایتەخت بەتایبەتی دەکەین.
هیوادارین لە مانگی خێر و بەرەکەت و رەحمەت، خودای گەورە ڕۆژوو و عیبادەت و نزا و پاڕانەوەی هەموولایەک قبوڵ بکات و مانگی ڕەمەزان، ببێتە مایەی خێر و خۆشی و خۆشگوزەرانی بۆ هەموو لایەک.
بەڕێوەبەرایەتیمان لەمانگی پیرۆزی ڕەمەزان لەڕێگەی تیمەکانی چاودێری تەندروستی زیاتر چاوکراوەتردەبن بۆ بەردەوامبوون لە چاودێریکردنی تەواوی بازاڕ بۆ پشکنین و گەڕان بەدوای ئەو کاڵایانەی کە ڕۆژانە هاوڵاتیان لەم مانگە پیرۆزەدا حواستیان لەسەر زۆرترە.

#ڕاگەیاندنی بەڕێوەبەرایەتی گشتی تەندروستی هەولێر

18/02/2026

سێ شەممە ١٧ی شوبات ٢٠٢٦
سەردانی مەزاری نەمران و دەڤەری بارزان لەگەل تیمی پزیشکی ئوردنی نەخۆشخانەی پیرمام بە بەشداری کارگێڕی نەخۆشخانە و یاریدەدەری بەڕێوەبەری گشتی و بەڕێوەبەری کارگێڕی تەندروستی هەولێر.
سوپاسی پێشوازی گەرمی جەنابی شێخ خەلات بارزانی نوێنەری جەنابی سەرۆک بارزانی. لە ئێمە و تیمی پزیشکی ئوردنی و ئاشنابوونیان بە یادگەی بارزانی نەمر و کەلتور و مێژوی خەبات و بەرخودانی خودی بارزانی نەمر و دەڤەری بارزان.

16/02/2026

لێژنەی پشکنینی پزیشکی فەریزەی حەج

ئەمڕۆ دووشەممە، ١٦ی شوباتی ٢٠٢٦
بەشداریمانکرد لە لێژنەی پشکنینی پزیشکی توانای ئەنجامدانی فەریزەی حەج لە ڕووی تەندروستیەوە حاجیان.
دڵنیاین لە بەڕێوەچوونی کارەکان بەشێوەیوکی ڕێک پێک و چۆنیەتی پێشوازیکردن لە حاجیان.
شایانی باسە کارەکان بەڕێوەدەچێت بە هەماهەنگی لەگەل بەڕێوەبەرایەتی گشتی حەج و عمرە لە وەزارەتی ئەوقاف.

14/02/2026

شوبات 2026
لەژێر چاودێری و سەرپەرشتی ڕێزدار (مەسرور بارزانی) سەرۆکی حکومەتی هەرێمی کوردستان، لەچوارچێوەی ڕێکەوتنی هەماهەنگی و گۆڕینەوەی شارەزایی دوولایەنەی حکومەتی هەرێمی کوردستان و وڵاتی ئیماڕات.

شاندی باڵای وەزارەتی تەندروستی حکومەتی هەرێمی کوردستان بەشداربوو لە
World Health Leader ...
ئامادەبوونی به‌رێز (د. سامان به‌رزنجی) وه‌زیری ته‌ندروستی لە پەنێڵ و دیداری سەرکردایەتی تەندروستی نێودەوڵەتی لەگەڵ وەزیرانی پەیوەندار لە کۆنفڕانسی نێودەوڵەتی سەرکردایەتی تەندروستی کە لەژێر چاودێری وەزارەتی تەندروستی ئیماڕاتی عەرەبی یەکگرتوو بەڕێوەچوو.

هەروەها شاندی وەزارەتی تەندروستی بەشداربوو لە پێشانگای نێودەوڵەتی تەندروستی WHX
World Health Expo

چەندین کۆبونەوە و دیداری پەیوەنددار لەگەل شارەزایانی بواری تەندروستی لە ئۆفیسی وەزارەتی تەندروستی هەرێم لە نێو پیشانگاکە ئەنجامدرا.

14/02/2026

سێشەممە 10 شوبات 2026

لەژێر چاودێری و سەرپەرشتی ڕێزدار (مەسرور بارزانی) سەرۆکی حکومەتی هەرێمی کوردستان، لەچوارچێوەی ڕێکەوتنی هەماهەنگی و گۆڕینەوەی شارەزایی دوولایەنەی حکومەتی هەرێمی کوردستان و وڵاتی ئیماڕات.

بەڕێز (د. أحمد بن علي الصايغ) وەزیری تەندروستی ئیماڕاتی عەرەبی یەکگرتوو پێشوازی لە بەڕێزان (د. سامان به‌رزنجی) وه‌زیری ته‌ندروستی حکومەتی هەرێمی کوردستان و شاندی باڵای یاوەری لە ڕاوێژکار و بەڕێوەبەرانی گشتی تەندروستی کرد.

لەدیدارێکدا پەیوەندی هەردولا لەژێر چەتری ڕێکەوتنامە هەردوو حکومەت و پتەوکردن و هەماهەنگی کردن لەبواری تەندروستی و سود وەرگرتن لە ئەزموونی وڵاتی ئیماڕات و ئاڵوگۆڕی ئەزموونی بواری پزیشکی و تەندروستی و چەندین پڕۆژە و بەرنامە و پڕۆگرامی ستراتیجی بەووردی گفتوگۆ کرا

13/02/2026

پرسەنامە ...
بەناوی بەڕێوەبەرایەتی گشتی تەندروستی هەولێر
پرسە و سەرەخۆشی لە خانەوادەی خوالێخۆشبێت (د. خسرۆ اکرم انجار ) پزیشکی پسپۆڕی هەناو لەشاری هەولێر دەکەین
کە بەداخەوە ئەمڕۆ کۆچی دوایی کرد.
کە دەکاتە باوکی (د. حسن خسرۆ)
وە برای (سیراج اکرم)

خوالێخۆشبوو پزیشکێکی دێرین و پێشەنگی بوو، دڵسۆز و بەوەفای کارەکەی بوو، خزمەتی مرۆڤدۆستی و چارەسەری نەخۆشانی کردووە.

داواكارین لە خوای گەورە خوالێخۆشبوو بە بەهەشتی بەرین شاد بكات و سەبووری بە خانەوادە و كەسوكار و دۆستانی ببەخشێت.

انا لله وانا الیه راجعون . . .
تێبینی /ڕۆژی هەینی ٢٠٢٦/٢/١٣ پرسەکەی لەمزگەوتی صواف لەهەولێر بەڕێوەدەچێت.

#ڕاگەیاندنی بەڕێوەبەرایەتی گشتی تەندروستی هەولێر
٢٠٢٦/٢/١٢

09/02/2026

پرسەنامه.....
بەناوی بەڕێوەبەرایەتی گشتی تەندروستی هەولێر
پرسە و سەرەخۆشی خۆمان ئاڕاستەی خانەوادەی خوالێخوشبێت ( لیلی طاهر ) فەرمانبەر لە بەشی خزمت گوزاری نەخۆشخانەی هەولێری فێرکاری دەکەین
بەداخەوە کۆچی دواییکرد
خوالێخۆشبێت فەرمانبەرێکی بەڕێز و لە ڕاییکردنی کارەکان جدی بوو هەمیشە خەمخۆری پیشەکەیبوو

داواکارین لەخوای گه‌وره‌ ئارامی بنەمالەو کەس و کاری بدات و دوا کۆست و ناخۆشیان بێت و کۆچ کردووش جێگای بەهەشت بێت۰

" انا لله وانا الیه راجعون "

ڕاگەیاندنی بەڕێوەبەرایەتی گشتی تەندروستی هەولێز
٢٠٢٦/٢/٩

05/02/2026

04/02/2026

پێشوازیمانکرد لە سەرۆک و ئەندامانی کۆمەڵەی ئۆتیزمی کوردستان و گفتوگۆی زۆر کرا لەسەر دووپاتکردنەوەی هەماهەنگی زیاتر بۆ زیادکردنی خزمەتگوزاریەکانی تەندروستی بۆ تووشبوانی ئۆتیزم.
گشت پاڵپشتی خۆمان دەربڕی بۆ ڕێکخستنەوە و باشترکردنی خزمەتگوزاریەکان.

03/02/2026

ئەمڕۆ سیشەمە ٢٠٢٦/٢/٣
بەشداربووین لە کۆنفرانسی بەرزکردنەوەی هۆشیاری هاووڵاتیان بۆ شێرپەنجە بە بۆنەی ڕۆژی جیهانی شێرپەنجە کە بەهەماهەنگی بەڕێوەبەرایەتی گشتی و ڕێکخراوی تەندروستی ئاشتی بەڕێوەچوو.
دواتر لە ڕێگەی پزیشکانی پسپۆڕی تایبەتمەندی شێرپەنجە هۆکارەکان و ڕێنمایی خۆپارێزیان لە تووشبوون بە شێرپەنجە بۆ ئامادەبووان و دەزگاکانی ڕاگەیاندن خستە ڕوو.

27/01/2026

ئەمرۆ سێشەممە ٢٠٢٦/١/٢٧

( ٢ ) دوو بەشی گرنگ تیشكی كارا و ردهەی منداڵان ( ٣٠ ) قەرەوێڵەیی لە نەخۆشخانەی نانەكەلی خرایە خزمەت هاوڵاتیان، بەئامادەبوونی بەڕێزان ( د.سامان بەرزنجی) وەزیری تەندروستی و (ئومێد خۆشناو)، پارێزگارى هەولێر، و (حاجی عمر نانەکەلی) و (د.کامەران نانەکەلی) لە دەزگای خێرخوازیی نانەکەلی.

لە چوارچێوەى گرنگیدانى بە کەرتى تەندروستیى و باشترکردنى خزمەتگوزارییە تەندروستیەکان بۆ هاوڵاتییان و بەرزکردنەوەى کوالێتى نەخۆشخانە گشتییەکان،
بەشی تیشكی کارا ( Interventional Radiology ) لە چەندین خزمەتگوزاریی تەندروستی لەخۆدەگرێت لەوانە وەرگرتنی نموونەی گرێی شێرپەنجە و دانانی پۆرت ( Port ) بۆوەرگرتنی چارەسەری کیمیاوی و دەرهێنانی ئاوی کۆبۆوە و هتد...