03/04/2025
ڕێنمایی خۆپاراستن بۆ دووربوون لە پێکانی وەرزشی لە هۆڵەکانی لەش جوانی..
١. گەرمکردنی لەش (٥-١٠ خولەک)
کاردیۆی سوک و هەندێ لە جولەکانی جومگە بە بەکارهێنانی ئامێری سوک وەک دمبلس و شافتی سووک. بۆ زیادکردنی چوونی خوێن بۆ ماسولکە و ئامادەکردنی ماسولکە و جومگەکان بۆ وەزش..
٢. تەکنیکی دروست ئەنجام بدە.
تەکنیکی هەڵە فشار دەخاتە سەر ماسولکە وجومگەکان بە مەش ڕێژەی پێکان زیاد دەکات، پێویستە ڕێنمایی ڕاهێنەر بە ڕێکی جێبەجێ بکرێت..
هەلبژاردنی وەرزشەکانیش زۆر گرنگە بە تایبەت بۆ ئەو کەسانەی تەمەنیان لە سەروو ٤٥-٥٠ ساڵیەوەیە..
٣. بە قورسایی کەم دەستپێبکە و بەرەبەرە زیاد بکە.
زیادکردنی قورسیای لە ناکاو بێ ڕاوێژی ڕاهێنەر ڕێژەی پێکان زیاد دەکات ، لە هەموو بارێک نابێت لە سەدا ١٠ زیاتر بێت لە هەفتەیەک.
٤. پێڵاوی گونجاو لەبەر بکە
- پێڵاوی تایبەت بۆ وەرزشەکەت (ڕاکردن، هەڵگرتنی قورسایی) بەکاربێنە بۆ پاراستنی جومگەکان.
٥. ماسولکەکانی کۆر بەهێز بکە
کە بریتین لە ماسولکەکانی سەرەوەی ڕان، حەوز، پشت و سک)
٦. گوێ لە لەشت بگرە
ئازاری ئاسایی یاخوت نارەحەتی وماندووبوونی ماسولکە ئەمە ڕێپێدراوە و ئاساییە بەڵام هەموو ئازارەکی نوێ و زۆر بە ئازاری مەترسیدار دادەنرێت پێیویستە ڕاوێژ بکەی.
٧. راکێشان و سترێچی ماسوکە (٥-١٠ خولەک)
پیوستە پاش وەرشی بەهێزکردن ئەنجام بدرێت نەک پێش، ئەمەش نەرم و نیانی ماسولکە و جولەی جومگە دەپارێزیت..
٨. ئاو بخۆوە و خواردنی تەندروست بخۆ
ئاوی پیویست پێش و لەکاتی وەرزش و دوای وەرزش پێویستە بخورێتەوە.
پڕۆتینی پێویست لە خۆراک و ڤیتامین D بۆ چاکبوونەوەی ماسولکە و ئێسک.
٩. پشوو بدە
پیویستە ١-٢ ڕۆژی پشوو هەبێت بۆ هەر سێتیکی ماسولکە تاوەکو کاتی پێویستی هەبێت بۆ چاکبوونەوە
١٠. وەرزشی تایبەت بۆ بارودۆخی تایبەتەکان
بۆ نموونە کەسێک سەوەفانی جومگەی هەیە، یان پوکانەوەی ئێسک یاخود ئینزیلاقی پشتی هەیە پیویستە وەرزشی تایبەتیان بۆ دابنرێت بۆ ئەوەی دووربن لە پێکان.
ئەم هەڵانەی کە زۆرترین پێکانیان لێ دەکەوێتەوە ئەمانەن
١.پشتگوێخستنی خۆ گەرمکردن پێش یاری
٢.هەڵگرتن و زیاد کردنی قورسیایی بە بێ ڕاوێژی ڕاهێنەر.
٣.گوێ نەدانە ئازاری نوێ لە کاتی وەرزش.
هەر ساغ بن
د.دێدەوان نامق رسول
پسپۆڕی نەشتەرگەری ئێسک و شکان.
