Dr.Samin Qadr د.سمین قادر

04/01/2026

زۆر جار منداڵ چێژ لەوە ئەبینێت کە بەدەستی خۆیی و بەشپرزەیی نان بخوات نەوەک تۆ بیکەیت بەدەمیەوە ، لەبەر ئەوە لێیانگەڕێن خۆیان چۆنیان پێخۆش بوو با بەوشێوەیە بیخۆن گرنگ ئەوەیە خواردنی باش و سودمەند بخوات

19/12/2025

دکتۆر چی شیرێک باشە ؟
زۆر جار لەلایەن دایکانەوە ئەم پرسیارە دەکرێت وەڵامەکەشی تەنها ئەوەیە کە شیری دایک باشترن شیرە کە خوای گەورە بۆ ئەو منداڵە دروستی کردووە چونکە بەڕاستی شیری دایک و شیری قوتوو بەهیچ شێوەیەک بەراورد ناکرێن
شیری دایک سودی زۆرە و پێشتر باسمانکردووە تەنانەت شیری دایک بەپێی وەرزەکانیش پلەی گەرمیەکەی ئەگۆڕێت وە بەپێی تەمەن و پێداویستی منداڵەکە پێکهاتەکانی دەگۆڕێت ئەمە لەکاتێکدا کە شیری قوتوو زۆربەیان شیری مانگان جا ئەومانگایە چی خواردبێت یان تەندروستی چۆنبێت یان چی دەرمانێکی پێدرابێت هەموو ئەمانە ڕەنگدانەوەیان لەسەر پێکهاتە و جۆری شیرەکە هەیە
ئەمەش جگە لەوەی کە ئەو شیرە چۆن دروست کراوە چی شتێکی تێکەڵ کراوە وەک شەکر و ماددەی تر وە چۆن هەڵگیراوە لە ساردی و گەرمیدا هەموو ئەمانە کاریگەریان لەسەر شیرەکە ئەبێت لەبەر ئەوە ئامۆژگاریمان بۆ دایکان ئەوەیە کە تەنها شیری دایک بەسە و هیچ جێگرەوەیەکی نیە .
بەڵام هەندێجار کەسەکە ناچارە شیری قوتوو بدات بە منداڵەکە .
ئایا چی شیرێک باشە ؟
ئەوە باری ماددی خێزانەکە ئەزانێ بەڵام بە شێوەیەکی گشتی ئەگەر منداڵەکە ڕشانەوەو سکچونی نەبێت وە کێشی پێ زیاد بکا وە کێشەی تری نەبێت پێویست ناکات شیرەکەی بۆ بگۆڕیت چونکە زۆر گۆڕینی شیر کاریگەری خراپی ئەبێت .

15/12/2025

08/12/2025

ئەگەر منداڵ بەبەردەوامی سەیری مۆبایل بکات توشی کێشەی ئەوەئەبێت کە چیتر چێژ لە خۆشیەکان نەبینێت واتە بەشێوەیەکی گشتی مێشکی سڕەبێت چونکە هۆرمۆنی دۆپامین کە بەرپرسە لە خۆشی یان چێژوەرگرتن ئەگەر منداڵەکە بەبەردەوامی سەیری مۆبایل بکات ئەمە وادەکات کە منداڵەکە بۆ چێژوەرگرتن پێویستی بە دۆپامینێکی زۆرتر هەیە واتە ڕۆژ بەڕۆژ دۆپامینێکی زیاتری پێویستە وە چێژوەرگرتنی کەمتر ئەبێتەوە بەراورد بەو ڕێژە دۆپامینە ئەمە وای لێئەکات کە چیتر چێژ لە شتەکانی دەوروبەری نەبینێت واتە مێشکی سڕەبێت و هەستی منداڵەکە کەمەکاتەوە بەرامبەر بە دەوروبەری ئەمەش وادەکات زیانێکی گەورە بەر منداڵەکە بکەوێت هەر ئەوەنیە کاتی منداڵەکە بکوژێت بەڵکو هەستی چێژوەرگرتن لە منداڵەکە ئەکوژێ

07/11/2025

لەم وەرزەدا منداڵان زیاتر تووشی هەڵامەت و هەوکردنی ڤایرۆسی دەبن، بۆیە گرنگە منداڵان ئەو خواردنانە بخۆن کە دەبێتە هۆی بەرزکردنەوەی بەرگری جەستەیان بۆ دووربوون و پاراستنیان لە نیشانە قورسەکانی پەتا.

بۆ پاراستنی منداڵەکەت لە پەتا ئەم 4 خۆراکەی بدەرێ…
1. سەوزەی گەڵادار
سپێناخ و جەرجیر و برۆکلی ڕێژەیەکی بەرزی ڤیتامین سی و دژە ئۆکسێنەریان تێدایە کە سیستەمی بەرگری بەرزدەکەنەوە.
2. میوە ترشەکان
پرتەقاڵ و لیمۆ و کێوی دەوڵەمەندن بە ڤیتامین سی کە ڕۆڵێکی کاریگەر دەگێڕێت لە بەرەنگاربوونەوەی ڤایرۆسەکان.
3. گێزەر
خواردنی گێزەر ڕۆژانە دەبێتە هۆی بەهێزکردنی سیستەمی بەرگری جەستە، ئەمەش لەبەرئەوەی ئەم خۆراکە ڕێژەیەکی بەرزی ڤیتامین A لەخۆدەگرێ.
4. چەرەسات
بادەم و گوێز سەرچاوەیەکی باشی زینک و سیلینیۆم و ڤیتامین Eن، هەروەها ڕۆڵێکی کاریگەر دەگێڕن لە بەهێزکردنی سیستەمی بەرگری جەستە.
5. هەنگوین
ئامۆژگاری منداڵان دەکرێت ڕۆژانە کەوچکێک هەنگوین بخۆن ، چونکە ڕێژەیەکی بەرزی دژە ئۆکسانی تێدایە کە ئەگەری تووشبوون بە هەوکردنی ڤایرۆس وبەکتریا کەمدەکاتەوە