23/09/2025
پەتای وەرزی چیە چۆن خۆمان بپارێزین ؟
نەخۆشیەکی ڤایرۆسییە، بەشی سەرەوەی کۆئەندامی هەناسە توشدەبێت یەک بۆ سێ ڕۆژ دوای بەریەک کەوتن لەگەڵ ڤایرۆسەکە، بۆ ماوەی هەفتەیەک بۆ 10 ڕۆژ بەردەوام دەبێت، نەخۆشیەکی ترسناک نییە و خۆی چاک دەبێتەوە دوای تەواوکردنی سوڕی ڤایرۆسەکە.
💠نیشانە و هەنگاوەكانی خۆپاراستنی لە پەتای وەرزی چین
نیشانەکانی:
1. لوتی تەڕ دەبێت.
2. قوڕگی خوران و ئازاری دەبێت.
3. کۆکە.
4. هەست بە ئازارو بێتاقەتی دەکات.
5. پژمە.
6. تایەکی کەم هەندێکجار تایەکی بەرز.
7. بە گشتی هەست بە باشی ناکات.
لە چ کاتێکدا پێویستە پزیشک بیبینێت:
- تا بەرزتر لە 38 پلی سیلیزی لە منداڵی خوار تەمەنی سێ مانگ.
- بەرزبونەوەی پلەی گەرمی یان مانەوەی تاکەی بۆ زیاتر لە سێ ڕۆژ.
- نیشانەکانی بەرەو خراپی بڕۆن.
- سەرئێشەیەکی زۆر و کۆکەیەکی زۆر.
- خیزەی سنگ.
- ئازاری گوێچکە.
- ئارەزوی خواردنی نەمێنێت.
- هۆشی بەرەو خراپی بڕوات.
🔺چۆنیەتی خۆپاراستن:
1. بەردەوام دەستی منداڵەکە بە سابون بشۆ.
2. بەردەوام ئاگاداری پاک و خاوێنی مەتبەخ و حەمام بە.
3. بەردەوام کلێنێکس بەکاربهێنە بەتایبەت لە کاتی کۆکە و پژمە، منداڵەکەت فێر بکە لەکاتی نەبونی کلێنێکس ئەگەر کۆکە و پژمەی هات با سەر بنێت بە ئانیشکیەوە، بۆئەوەی ڤایرۆسەکە بڵاونەکاتەوە.
4. هەوڵ بدە بەهیچ شێوەیەک کەوچک و پەرداخی کەسی توشبو بەکارنەهێنێت.
5. هەوڵ بدە بەریەک کەوتنی لەگەڵ کەسی توشبو نەبێت.
چارەسەرەکانی لە ماڵەوە:
1. خواردنەوەی بڕێکی زۆر لە شلەمەنی وەک ئاو و شەربەت، وەک شەربەتی گەرمی لیمۆ.
2. خواردنی شۆربای مریشک.
3. پشودان لە ماڵەوە.
4. ڕێکخستنی پلەی گەرمی و شێداری ژوری پشودانی منداڵەکەت، نابێت زۆر گەرم بێت یان سارد بێت، یان وشک بێت.
5. غەڕغەڕەکڕدن بە خوێ و ئاو (خوێواو).
هیوای تەندروستیەکی باش بۆ هەموو لایەک 🙌
