19/11/2024
منقول
مهم للمشاركة في التعداد السكاني
👇👇👇👇👇
الي ميشارك بالتعداد شيسووله ...؟
___
مثلا واحد حب "يغلس" وميفتح الباب لجماعة التعداد او يخلي بيتهم فارغ ويطلع لمكان قريب او يطردهم ويكللهم ما انطيكم ولا حرف شراح تسوون .
طبعا جماعة التعداد راح ياشرون عليك مسكن فارغ واسمك مراح يتسجل مشارك بالتعداد ويرحون لبيت جيرانك .
وهنا اوقعت نفسك بورطة ومشكلة كلش كبيرة .
لان من تصير عندك معاملة باي دائرة بالدولة
المرور الجنسية الجوازات البلدية المصرف الضريبة التربية الزراعة الصحة التجارة الجامعة ووو .. الخ
راح هناك يدكون اسمك وتطلع انت ما عندك اي اسم بالاحصاء السكاني التعداد .
ويكلولك روح حباب لدائرة التخطيط سجل بياناتك وعود ارجع النا بعدين بالسلامة من تكمل ولا تنسى تجيب منهم كتاب يؤكد انت سجلت بياناتك ب التعداد ..! !
وطبعا التخطيط تفرك فر من دائرة لدائرة جيب كتاب ويحولوك للامن الوطني ليش ما شاركت بالتعداد شنو المانع قانوني امني جنائي وجيب عائلتك وياك وتضل تفتر فرة معدلة وجيب الوصل ورجع الوصل وتأخر نفسك ومعاملتك وتخسر فلوس نقل واحتمال يصير ازدحام للن امو ناس مراح يسجلون بالتعداد للأسباب جهل او عناد وبعدين يعطوك سؤة بالمراجعة ووو مشاكل تسلسلية
كلها سببها انت غلست او اخذتك النومة او رحت لبيت نسابتك
او صدكت دعاية واحد كلك لتنطيهم اسمك يرحون يسرقون اختراعاتك وينشروها بصحيفة نيويورك تايمز .
فبيوم التعداد راح اخلي كرسي بباب البيت انتظرهم يجون واخلص نفسي من ورطة عدم تسجيل بالتعداد .
