صيدلية الكوثر/كربلاء

صيدلية الكوثر/كربلاء الصيدلاني محمد جاسم الموسوي
دبلومة التجميل والعناية بالبشرة ACADEMIX مصر
شهادة تركيب منتجات التجميل IDLI ، QAC المملكة المتحدة
(1)

كلما يبلش موسم الرشح والاحتقان والنشله انزل هذا الموضوع...كثرة استخدام قطرات الاوترفين تسبب مشكلة إسمها Rhinitis medica...
02/11/2025


كلما يبلش موسم الرشح والاحتقان والنشله انزل هذا الموضوع...
كثرة استخدام قطرات الاوترفين تسبب مشكلة إسمها Rhinitis medicamentosa (إحتقان الانف الدوائي) أو الاحتفان الارتدادي .
🔹️بشكل اكثر وضوح...
هذي القطرات تعمل على تقليص الاوعية الدموية الشعرية بالانف ومن تقلص الاوعية راح تمنع ارتشاح السوائل خارج الاوعية وبالتالي تمنع الرشح
فمن نستخدم هذي القطرات بشكل مستمر الاوعية الدموية راح تعتمد عليها فمن نتوقف عن استخدامها ترجع الاوعية تتوسع وتسبب رشح مزمن....
🔹️هذا التأثير السلبي يشمل قطرات الاوترفين لكل الشركات بمختلف أسمائها الي تحتوي على المادة الفعالة اسمها زايلوميتازولين Xylometazoline وكذلك باقي القطرات الي تشتغل بنفس الآلية...
أكو بدائل آمنة مثل القطرات الملحية normal saline 0.9% أو قطرات أملاح البحر sea water .

👈منو يستخدمها بكثرة؟؟؟

الصيدلاني محمد جاسم الموسوي
صيدلية الكوثر/كربلاء

01/11/2025

وره ماتكمل كتابه ، المريض يكلك ما أريده 😬

شنو الفرق بين البانادول الاخضر والاصفر؟🔹️نجي عالمكونات المشتركةباراسيتامول/يستخدم كمسكن للآلام وكخافض للحرارة وللصداع.فن...
31/10/2025

شنو الفرق بين البانادول الاخضر والاصفر؟
🔹️نجي عالمكونات المشتركة
باراسيتامول/يستخدم كمسكن للآلام وكخافض للحرارة وللصداع.
فنليفرين او سيدويفدرين/يستخدم لعلاج الرشح او الاحتقان

🔹️بالنسبة للاخضر يحتوي مادة اضافية اسمها كلورفينرامين تشبه الالرمين شغلها يعالج التحسس ، العطاس ، الحكة
لذلك من آثاره الجانبية يسبب نعاس فيفضل عدم استخدامه اذا الشخص يسوق او عنده دوام.
🔹️بالنسبة للاصفر بالاضافة للمواد اعلاه بيه كافائين وكلكم تعرفونها مادة منبهة لذلك يكون استخدامه نهاري

اكو بانادول باصدارات اخرى

🔹️بانادول اكسترا
براسيتول+كافائين
يستخدم للصداع

🔹️بانادول ساينس
براسيتول+سيدوافدرين
يستخدم للجيوب الانفية

🔹️بانادول ادفانس
براسيتول ٥٠٠
خافض حرارة مسكن للآلام مفعوله يكون سريع

🔹️بانادول جوينت
براستول ٦٦٥ملغم
يستخدم مسكن لآلام المفاصل

🔹️بانادول نايت
براستول+كلورفينارامين
مسكن آلام خافض حرارة نستخدمه فقط بالليل

🔹️بانادول اكتيفاست
براستول+بيكاربونات الصوديوم
امتصاصة يكون سريع

🔹️بانادول ميجرين
هذا النوع مخصص للصداع

شكم نوع من انواع البانادول مجربين وشلون كانت نتائجه؟

الصيدلاني محمد جاسم الموسوي
صيدلية الكوثر/كربلاء

تابعونا على #الانستغرام
محتوى خاص للعناية بالبشرة ⬇️
https://www.instagram.com/alkawthar_pharmacy?igsh=MTRoMjNianEwczVzNw==

28/10/2025

اعرفي عن كل مادة ولا تخليهم يستغلوج واكيد تابعينا حتى تعرفين اكثر واكثر 🤍

؟؟؟سؤال كلش هواي ينطرح عليه بالصيدلية من أصرف العلاج للمريض 👈هذا العلاج شوكت آخذه قبل الاكل لو بعد الاكل؟* الاجابة بإخت...
27/10/2025

؟؟؟
سؤال كلش هواي ينطرح عليه بالصيدلية من أصرف العلاج للمريض 👈هذا العلاج شوكت آخذه قبل الاكل لو بعد الاكل؟
* الاجابة بإختصار....
بشكل عام اغلب العلاجات ما إلها علاقه بالاكل يعني تكدر تاخذها قبل الاكل او بعد الاكل مو شرط تنتظر تتغده او تتعشه حتى تاخذ العلاج بحيث راح تخربط موعد العلاج مالتك اذا الغده تأخر او تعشيت من وقت خصوصا بالمضادات الحيوية (أدوية الالتهابات).
-زين كل العلاجات مالها علاقه بالاكل؟
-طبعا لا.... اكو علاجات نخليها قبل الاكل او بعد الاكل لأسباب خاصة.
🔹️راح اختصرلكم الموضوع بشكم نقطة
١.العلاجات الي ممكن تأذي المعده مثل المسكنات (البروفين ، الفالتارين ، البونستان ....الخ) وخصوصا للاشخاص الي عدهم قرحه نفضل ياخذون علاجهم وره الاكل حتى يصير الطعام حاجز بين الدواء وجدار المعده ويقلل من التاثير عالمعده
وطبعا الشركات تسوي الحباية مغلفه حتى تقلل من هذي المشكلة.
٢.اكو علاجات معينه ممكن تتفاعل ويه الاكل وراح يقل مفعولها فالافضل نخليها لو قبل ساعه من الطعام لو وره ساعتين من الطعام مثل علاج الغده الدرقية الثايروكسن.
٣.اغلب علاجات المعدة بشكل عام مثل الاومبرازول ومجموعتها او الزنتاك ومجموعتها ناخذها قبل الاكل بساعه الى نصف ساعه علمود تنظم حموضة المعدة قبل الاكل.
٤.اكو علاجات معينه وجود الاكل بالامعاء يأثر على امتصاصها فنخليه قبل ساعه او بعد بساعتين.
٥.الفيتامينات الذائبة بالدهون A,E,D,K الافضل بعد الطعام لان تحتاج وسط دهني حتى يزيد امتصاصها
٦.الحديد يفضل يكون على معده فارغة حتى نزيد إمتصاصة
الخلاصة...
*بشكل عام الحباية نبلعها مع كلاص مي فقط
ما انصح بان نشرب عصير بدل المي وممنوع نشرب الحباية ويه الجاي او سوائل حاره.
*العلاج يفضل ناخذه بعد الاكل (اذا ماكو ضرورة لاخذه قبل الاكل، او صار موعد العلاج وبعدنه ما ماكلين).

الصيدلاني محمد جاسم الموسوي
صيدلية الكوثر/كربلاء

تابعونا على #الانستغرام
محتوى خاص للعناية بالبشرة ⬇️
https://www.instagram.com/alkawthar_pharmacy?igsh=MTRoMjNianEwczVzNw==

⁨ بخاخ وشامبو الترايوكسيديل من فولكين لعلاج التساقط ، قادر على انتاج شعر جديد في فروة الرأس بالاضافة الى ملئ الفراغات ال...
27/10/2025

⁨ بخاخ وشامبو الترايوكسيديل من فولكين لعلاج التساقط ، قادر على انتاج شعر جديد في فروة الرأس بالاضافة الى ملئ الفراغات الموجودة و ايقاف التساقط كلياً ، توفر الآن ✅

لكن #مهمة 👇👇👇🔹️السي سي CC يعني سنتيمتر مكعب يساوي واحد ml يعني مليلتر🔹️خاشوكة الاكل الرسمية table spoon full) TBSP) ا...
26/10/2025

لكن #مهمة 👇👇👇
🔹️السي سي CC يعني سنتيمتر مكعب يساوي واحد ml يعني مليلتر
🔹️خاشوكة الاكل الرسمية table spoon full) TBSP) الي نلكيها مكتوبة عالشرابات هي 15 سي سي اذا نقيسها بالسرنجة
أما خاشوكة الاكل الي ناكل بيها إحنه ، تقريبا 5 سي سي

🔹️خاشوكة الشاي بالقياسات الطبية الرسمية
TSP (tea spoon full) تساوي 5 سيسي
أما خاشوكة الجاي مالتنه تقريبا من 1 الى 2 سي سي
🔹️مرات نلكي بعض الشرابات كاتبين عالعلبة الجرعة ملعقة طعام من كذا عمر لكذا عمر فاحنه لازم نحسبب بالسيسي منعتمد عالخاشوكة مالتنه لان قياسها يختلف تماما

👈نصيحة مهمة//
إذا كان العلاج الي تستخدموه مضاد حيوي فالافضل تحسبون الجرعة بالسيسي حتى تكون مضبوطة وتنطي نتائج فعالة لان خاشوكة الاكل أو الجاي جرعتها تخمينية ممكن نستخدمها بالمسكنات وباقي الشرابات عدا الانتي بايوتك (المضادات الحيوية أو أدوية الالتهابات مثل مايسموها).

👈يعجبني المراجع الي يستخدم سرنجة لقياس الشرابات لأطفاله.
🔹️عني شخصيا مخلي ميزان بالصيدلية وأوزن الطفل واحسبله جرعته بالمضبوط كم سيسي يحتاج وانطي للمراجع سرنجه ويه الشراب
طبعا أكو شركات تخلي سرنجة أو ملعقة مدرجة بداخل الباكيت...

😊
خل نشوف شكم واحد يستخدم سرنجة للشرابات
كتبولنه بالتعليقات

الصيدلاني محمد جاسم الموسوي
صيدلية الكوثر /كربلاء

تابعونا على #الانستغرام
محتوى خاص للعناية بالبشرة ⬇️
https://www.instagram.com/alkawthar_pharmacy

25/10/2025

الهايدروكوينون سلاح ذو حدين واستعماله اكيد لازم يكون بحذر ، عدكم اي اسأله عن الهايدروكوينون او اي مادة ثانية ؟ لا تترددون بسؤالنا 🤍

⁨يعتبر الشهر العاشر (أكتوبر) من كل سنة شهر التوعية بسرطان الثدي ، آني اختاريت نهاية الشهر أقدم بيه مواضيعي التوعوية لان ...
25/10/2025

⁨يعتبر الشهر العاشر (أكتوبر) من كل سنة شهر التوعية بسرطان الثدي ، آني اختاريت نهاية الشهر أقدم بيه مواضيعي التوعوية لان لاحظت اغلب حملات التوعية انطلقت ابداية الشهر فردت ابدي بنهاية هذي الحملات من باب التذكير لمن فاتته الحملات...

أول شي خلي انطيكم إحصائيات عن سرطان الثدي عالميا ومحليآ.
🔹️سرطان الثدي اكثر انواع السرطان انتشارا بالنساء في العالم
🔹️بسنة 2020 تم تسجيل مليونين و٣٠٠ الف إصابة جديدة بالعالم
🔹️بال 2018 تم تسجيل حوالي 5,140 اصابة جديدة بالعراق والي تمثل نسبة 20.3% من مجموع الاصابات الكلية للسرطان بكافة الانواع
🔹️عالميا أكثر الاعمار شيوعا بالاصابة بسرطانه الثدين بين 45 و 65 سنة

عوامل الخطورة المسببة لسرطان الثدي
🔹️العمر بمعنى كلما تقدمت المرأة بالعمر زادت احتمالية الاصابة وبالخصوص بعد ال 45 سنة
🔹️الوراثة ، بالخصوص اذا كان اكو تاريخ عائلي للاصابة
(الام، الاخت، البنت) وهذا يزيد فرصة الاصابة من ٢ال٣ مرات
🔹️السمنة
🔹️التدخين والكحول
🔹️الطفرات الجينية
🔹️العوامل الهرمونية
🔹️تأخر الانجاب
🔹️النظام الغذائي غير الصحي
🔹️قلة النشاط
🔹️التعرض للاشعاعات

الاعراض المبكرة الاكثر شيوعا
🔹️كتلة او تورم بالثدي ، عادة تكون صلبة وبدون ألم والكتلة مو منتظمة الحواف
🔹️تغير بشكل ح**ة الثدي
🔹️ظهور تجاعيد او انكماش بالجلد
🔹️إفرازات تكون سائلة بلون او شفافة

الاعراض المتقدمة
🔹️تورم وألم في الثدي
🔹️تورم وألم في الابط
🔹️نقصان الوزن ، تعب ، آلام بالعظام

هذي كانت مقدمة عن سرطان الثدي وبالمواضيع القادمة راح أبين تفاصيل أكثر وأول شي راح نتحدث عنه الفحص المبكرة وأهميته

صحة وعافية وسلامة للجميع
أي سؤال او استفسار تفضلوا كتبوه بالتعليقات وأجاوبكم عليه
#شاركوا الموضوع للفائدة

الصيدلاني محمد جاسم الموسوي
باحث في مجال سرطان الثدي
كلية الطب/جامعة كربلاء⁩

قطرات كوليف للطفل®️•يقلل الغازات والمغص عند الرضعيساعد على راحة الجهاز الهضمي للطفليقلل التقلصات، الانتفاخ، والغازات بعد...
24/10/2025

قطرات كوليف للطفل®️
•
يقلل الغازات والمغص عند الرضع
يساعد على راحة الجهاز الهضمي للطفل
يقلل التقلصات، الانتفاخ، والغازات بعد الرضاعة
يساعد الطفل على النوم بشكل أفضل
آمن للاستخدام منذ الولادة
يُستخدم مع حليب الأم أو الحليب الصناعي

قبل شويه اجاني مراجع كلي اريد هذا الشراب الي يشتغل خافض حرارة ويعالج الالتهابات....طبعا يقصد بيه البروفين او البروفينال ...
23/10/2025

قبل شويه اجاني مراجع كلي اريد هذا الشراب الي يشتغل خافض حرارة ويعالج الالتهابات....
طبعا يقصد بيه البروفين او البروفينال او اي شركة من شراب الايبوبروفين
👈توضيح مهم
هنانه معنى مضاد للالتهاب مو مقصود بيه مضاد حيوي antibiotic يعني ميعالج الالتهابات الي سببها بكتيري مثل التهاب اللوزتين او الاذن الوسطى او التهابات الجهاز التنفسي وغيرها من الالتهابات البكترية..
وانما المقصود مضاد التهاب أي anti inflammatory وهذا الالتهاب يشمل الالم والتورم والاحمرار والحرارة مثل التهاب المفاصل ....
فالخطأ الي جاي يصير ياخذوه لالتهاب البلاعيم لان مكتوب عليه مضاد للالتهاب...
المفروض ياخذ مضاد حيوي مثل السوبراكس او الاموكسيل او الازثرو لالتهاب البلاعيم (يحدد من قبل الطبيب) ، أما البروفين كمسكن آلام وخافض للحرارة وياه...

الصيدلاني محمد جاسم الموسوي
صيدلية الكوثر/كربلاء

تابعونا على #الانستغرام
محتوى خاص للعناية بالبشرة ⬇️
https://www.instagram.com/alkawthar_pharmacy?igsh=MTRoMjNianEwczVzNw==

22/10/2025

تره صدك منتجاتي المفضلة 🥲🤍

Address

كربلاء/حي الاطباء/مقابل مطعم الماعون
Karbala'
56001

Opening Hours

Monday 09:00 - 01:00
Tuesday 09:00 - 01:00
Wednesday 09:00 - 01:00
Thursday 09:00 - 01:00
Friday 09:00 - 01:00
Saturday 09:00 - 01:00
Sunday 09:00 - 01:00

Telephone

+9647730034114

Website

Alerts

Be the first to know and let us send you an email when صيدلية الكوثر/كربلاء posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to صيدلية الكوثر/كربلاء:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram