https://www.facebook.com/103677362331507/

ڕێبازی تەندرووستی Rebazkoye, Kasnazan (2025)

10/05/2025

Viral hemorrhagic fevers(تای خوێن بەربوون)

رێکخراوی تەندروستیی جیهانی دەڵێت: رێژەی مردن لەنێو تووشبووان 10٪ بۆ 40٪ـە. ڤایرۆسەکە لە رێگەی ئاژەڵ و مێشوولەوە دەگوازرێتەوە بۆ مرۆڤ کە رێگەکانی گواستنەوە بریتین لە:

١- لەکاتی پێوەدانی مێشوولەیەکی هەڵگری ڤایرۆسەکە
٢-لەکاتی کوشتنی مێشوولەیەکی هەڵگری ڤایرۆسەکە
٣-لەکاتی سەربڕینی ئاژەڵێکی هەڵگری ڤایرۆسەکە
٤-خواردنی گۆشتی ئاژەڵێکی هەڵگری ڤایرۆسەکە باش نەکولابی
٥-بەریەککەوتن لەگەڵ کەسێکی تووشبوو
٦-بەریەککەوتن لەگەڵ جرج و مشک

*بۆچی تای خوێنبەربوون مەترسیدارە؟

تای خوێنبەربوون زیان بە موولوولە تەنکەکانی خوێن دەگەیێنێت و دووچاری خوێنبەربوونیان دەکات، هەر ڤایرۆسەکە ئاستەنگ لەبەردەم خوێن مەیاندن دروستدەکات، لەئەنجامدا خوێنبەربوونی ناوخۆیی لێدەکەوێتەوە و مەترسیی لەسەر ژیانی کەسی تووشبوو دروستدەکات.

نیشانەکانی تووشبوون بە تای خوێنبەربوون:

١-تا
٢-شەکەتی و هەستکردن بە بێهێزی
٣-سەرسووڕان
٤-ئازاری ماسوولکە، ئێسک یاخود جومگەکان
٥-هێڵنج و رشانەوە
٦-سکچوون

ئەو نیشانانەی کە مەترسی لەسەر ژیان دروستدەکەن:

١-خوێنبەربوونی ژێر پێست یاخود ئۆرگانە ناوخۆییەکان یاخود لە ٢-دەم، گوێ و چاو.
٣-لەکارکەوتنی سیستەمی دەمار
کۆما
٤-سستبوونی گورچیلە
٥-ناکارابوونی کۆئەندامی هەناسەدان
٦-ناکارابوونی جگەر

رێگەکانی خۆپارێزی لە چەند خاڵێکدا

١- پۆشینی پۆشاک و دەستکێش لەکاتی سەربڕینی ئاژەڵ
٢-پۆشینی پۆشاکی قۆڵدرێژ لەو شوێنانەی گومانی بوونی ڤایرۆسەکەی لێدەکرێت
٣- رشاندنی ژینگەی کارکردن
٤- دوورکەوتنەوە لە ژینگەی گوماناوی
٥- دوو هەفتە بەر لە سەربڕین، پشکنین بۆ ئاژەڵ بکرێت
٦- دوورکەوتنەوە لە کەسی تووشبوو
٧- دەستشۆردن لەدوای سەردانی نەخۆش

خوای گەورە هەمووان بپارێزێت

10/05/2025

سودەکانی باینجان

١-سودی هەیە بۆ چالاکردنی مێشك و زیرەکی

٢- بۆدرێژکردنی قژ و پتەوکردنی نینۆك

٣- بۆ دابەزاندنی کێش چونکە لەهەر(100)غرام باینجان (29) وزەی گەرمی تێدایە

٤ -ئەگەری توش بوون بە شێرپەنجەکەم دەکاتەوە

٥ -باینجان دەورێکی گرنگی هەیە بۆ زیاد بوونی هۆرمۆن لە پیاوان و ژنان وە زیادبونی سێکسی هەردوو ڕەگەز بەسوودە

٦ -ڕێژەیەکی زۆری کانزایەکانی تێدایە بەسودە بۆ خوێن پاك کردنەوە

٧-بۆ ئەوکەسانە بەسودە کەپەستانی خوێنیان بەرزە

٨-گەدە توندو تۆڵ دەکات بۆ ئازاری سەر باشە

٩-زۆر بەسودە بۆ دڵەڕاوکێ و قەلەقی
بەمەرجێ زیادەڕەوی نەکرێت لەخواردنی

١٠-لەنوێترین لێكۆڵینەوەدا لەئەمریكا دەركەوت كە مادەی (باسیولین)ینی دژە ئۆكسێن كە لەتوێكڵی باینجاندایە، وادەكات زوو پیر نەبیت.
١١-هەروەها خانەكانی مێشك دەپارێزێت لەتێكچوون

جگە لەمانە هەڵدەستێ بەدروستكردنی هەندێ خوێ كە یارمەتی هەڵمژینی ڤیتامینەكان دەدەن. رێژەی كۆلیسترۆڵ لەخوێن دادەبەزێنێ، بەلام زۆر خواردنی باینجان زیانیشی هەیە دەبێتە هۆی دروستبوونی بەردی زراو و گورچیلە، لەبەرئەوەی خوێی ئۆگزالاتی تێدایە، كە یەكێكە لەو خوێیانەی دەبێتە هۆی دروستبوونی بەردو رمڵ لەگورچیلەدا.

14/02/2025

نیشانەکانی جەڵتەی دڵ چین:
*ئازاری زۆری سینگ
*توندی هەناسەدان
*خێرای لێدانی دڵ و دڵەکوتێ
*بێهێزی ودڵتێکهەلاتن وڕشانەوە
*کێشەلەخودەی دەرەقی
*سەرگێژخواردن وبورانەوە
*ئارەقەکردنەوەی زۆر
بەهیوای تەندروستیەکی باش

03/07/2024

سوودەکانی خڕنووک بۆ جەستەی مرۆڤ
بەری رووەکی خڕنووک کە پێی دەڵێن مەحچەچە لە بواری پزیشکیدا بەکاردەهێنرێت و بۆ جەستەی مرۆڤ کۆمەڵێک سوودی هەیە، ئەم رووەکە لە شێوەی داری بچووکدایە و زیاتر لە ناوچە گەرمەکان دەڕوێت لە هەرێمی کوردستان لە ناوچەی گەرمیان هەیە، دار خڕنووک بەرێک دەگرێت چەند سانتیمەترێکە سوود لە بەرەکەیدایە.

چۆنیەتی بەکارهینانی خرنوک، بەکاڵی دەخورێت، بەڵام توێکلێکی لاستیکی هەیه و ئاسان لادەدرێ و بەهۆی یاریدەدەرێکەوە دەخورێ وەک ئاو یان هەر شتێکی دیکە یان وشککراوەیی ئاسانتره خواردنی لەگەڵ شەکر تامێکی زۆر خۆش دەدات یان دەتوانن لەئاودا بیکوڵێنن و ئاوەکەی بپاڵێون و بیخۆن بۆ هەر ژەمێک کوپێکی لێ بخورێتەوە.

سوودەکانی:
- بۆ نەخۆشیەکانی گەدە، وەک هەوکردن و برینی گەدە دەخورێت، خاوێنکردنەوەی دەمارەکانی خوێن و رێکخستنی جووڵە، نەهێشتنی مادە ژەهراوییەکان لەناو دەمارەکانی خوێن.
- باشکردنی رێژەی شیری دایک.
- نەهێشتنی ئازارەکانی میزکردن و هەروەها چارەسەری میزگیران دەکات.
- دابەزاندنی ئاستی شەکرە لە خوێن و چەورییەکانی خوێن لەناو دەدات.
- بەهێزکردنی بەرگری لەش.
- پتەوکردنی ئێسک و چارەسەری نەخۆشی ئێسکە نەرمەیە

27/12/2023

لووت داڕسان (Nose Bleeds)

لووت داڕسان نیشانەیەكی باوە لەنێومنداڵان، لەئەنجامی ووشك هەڵاتنی ناوكوونەلووت و داڕووشانی لەئەنجامی خووراندنی یان پەنجە لە لووتی ڕابكات یان بەهۆی سەرمابوون منداڵەكە تووشی لووت داڕسان دێت. هەندێك جار لەناكاو و لەخۆوە جاری وا هەیە لەناو خەودا منداڵەكە تووشی لووت داڕسان دێت.

• چۆن لووت داڕسانەكە ڕادەگیرێت؟

1. منداڵەكە هەڵبستێنە سەرپێ و سەری بەپشتیدا خوار بكاتەوە، بەمنداڵەكە، بڵێ؛ هەر خوێنێك لەقورگیدایە قای بكاتەوە ناو تەشتێك كە بۆ ئەو مەبەستەت ئامادە كردووە.

2. بە پەنجەكانت هەردوو نەرمایی كوونە لووتی منداڵەكە بگرە بۆ ماوەی پێنج خوولەك و پێی بڵێ، کە؛ بە دەم هەناسە بدات لە پێنج خولەك كەمتر نەبێت.

3. كاتێك پەنجەكانت لادا و فشارەكەت لەسەر كوونە لووتی نەهێشت، ئەگەر دووبارە خوێنی لێهات؛ ئەوا: هەنگاوی دووەم دووبارە بكەوە.

4. ئەگەر هەر خوێن دەهات، منداڵەكەت ببە نەخۆشخانەی فریاكەوتن بۆ چارەسەركردن.

5. هیچ شتێك مەخەرە ناو كوونە لووتی كاتێك خوێنی لێدێت؛ (واتە: گۆز یان دەستەسڕی كاغەز مەخەرە كوونە لووتی).

6. جاری وایە ساردی یان بەفر لەسەر ڕوومەت دادەنێت بەڵام ئەمە خوێن بەربوونەكە ڕاناگرێت.

7. ئەو خوێنەی، كە؛ قووت دراوە جاری واهەیە گەدە تووشی داڕووشان دەكات و لەوانەیە منداڵەكەت بڕشێتەوە و ڕشانەوەكەی خوێنی لەگەلدا بێت.

* خۆپاراستن لە لووت داڕسان:

1. بەپەنجەكانت بەهێواشی بڕێكی كەم لە ڤازەلین (Vaseline) بۆ چەوركردنی كوونە لووتەكانی منداڵەكەت بەكاربێنە، ئەمە وادەكات كوونە لووتەكانی ووشك هەڵنەگەڕێت و زوو تووشی داڕسان نەیەت.

2. هەوڵبدە كەش و هەوای ژوور خاوێن بێت.

3. نینۆكی منداڵەكەت بكە و هەوڵبدە دوور بێت لەو خووەی كە پەنجە لە كوونە لووتی وەربدات.

4.ئەگەر منداڵەكەت چرمی لە كوونە لووتی گیر ببوو دەتوانی قەترەی شلكردنەوەی ئاوی (saline nose drop) بەكاربێنی و بۆ شلكردنەوەی چرمەكە و لێنەگەڕێی بەهێز لووتی فن بكات.

5. دەرمانی ئەسپرین (حەبی پەمبەی تای) مەدە بە منداڵەكەت، نابێت ئەو دەرمانە بدرێت بە منداڵ لە ژێر ڕێنمایی پزیشك نەبێت! ئەگەرمنداڵەكەت چەند جارێك تووشی لووت داڕسان هات و ئەو دەرمانەت دەدایێ ئەوە بە پزیشكی چارەسەركەر بڵێ.

* كەی پێویستە بچیتە نەخۆشخانەی فریاكەوتن؟

1. ئەگەر نەتدەتوانی خوێن بەربوونەكە بوەستێنیت یان لە ڕۆژێكدا منداڵەكە چەند جارێك تووشی لووت داڕسان هات.

2. هەستتكرد خوێنێكی زۆری لەبەر ڕۆیی یان منداڵەكەت ڕەنگی زەرد هەڵگەڕا و دەبووراوە.

3. ئەگەر لە جێگایتر خوێنبەر بوونی هەبوو، وەك؛ خوێن میزتن یان لەپیسایی خوێن هەبوو یان لەگەل لووت داڕسانەكە تووشی لیر لێهاتن دەبوو.

4. منداڵەكە خۆی نەخۆش پیشان دەدا.
د. ازاد منتك

06/11/2023

بەشێک لە سووده‌كانى خوێن بەخشین....

خوێن بەخشین جگە لە لایەنی هاوكارى مرۆیى کۆمەڵێك سوودی تەندرووستیی هه‌یه‌ و سوود به‌ جەستە دەبەخشێت، کە دیارترینیان باشترکردنی سوڕی خوێن و کەمکردنەوەی ئەگەری توشبوونە بە شێرپەنجە خوێنه‌.

-کەمکردنەوەی ئەگەری توشبوون بە نەخۆشییەکانی دڵ.
خوێن بەخشین یارمەتیدەرە لە کەمکردنەوەی ئەگەری توشبوون بە نەخۆشییەکانی دڵ لە ڕێگای کەمکردنەوەی ڕێژەی ئاسن لە خوێندا و ڕێگریکردن لە ڕەقبوونی خوێن بەرەکان.

-نوێکردنەوەی خڕۆکە سورەکانی خوێن.
کەمبوونەوەی خوێن بەهۆی خوێن بەخشینەوە وادەکات ئێسك خڕۆکەی نوێ دروستبکات.

-باشتربوونی سوڕی خوێن.
لەکاتی خوێن بەخشیندا خەستی خوێن کەمدەبێتەوە و پلازمای خوێن نوێ دەبێتەوە و سوڕی خوێن لە جەستەدا چالاك دەبێت.

-کەمکردنەوەی ئەگەری توشبوون بە شێرپەنجە.
ئاسن لە خڕۆکە سورەکاندا بە هیمۆگڵۆبینەوە دەنوسێت و ئۆکسجین هەڵدەگرێت و دەیگوازێتەوە بۆ هەموو بەشەکانی جەستە، بەڵام کاتێك ڕێژەی ئاسن لە خوێندا زۆر بێت و بە هیمۆگڵۆبینەوە نەلکێت ئەوکات دەبێتە هۆی دروستبوونی خانەی شێرپەنجەیی لە خوێندا و خوێن بەخشین ڕێژەی ئاسنی زیادە لە خوێندا کەمدەکاتەوە بۆیە یارمەتیدەرە لە کەمکردنەوەی ئەگەری توشبوون بە شێرپەنجە.

-ڕێكخستى ڕێژه‌ى ئاسان
به‌ تایبه‌ت ئه‌و مرۆڤانه‌ى ڕِووه‌كین واتا ته‌نها خۆراكى ڕووه‌كى و گیایى ده‌خۆن له‌ ژیانیاندان به‌تایبیه‌ت ئه‌و ئافره‌تانه‌ى كه‌ له‌دواى منداڵبوونیان تووشى ئه‌و حاڵه‌ته‌ ده‌بن

بەڕێوبەرایەتی بانکی خوێنی هەولیر

15/04/2023

حەوت پشکنینی پزیشکی دەبێت لە تەمەنی ٥٠ ساڵ وبۆسەرەوە ئەنجام بدرێن:

1_پشکنینی خوێن، بۆ زانینی نەخۆشی شەکرە یان ئاستی کۆلیسترۆڵ و چەوری.
2_پشکنینی قۆڵۆن، بۆ دڵنیابوونەوە لەوەی کە مەترسی شێرپەنجەی هەیە یان نا.
3_پشکینی چاو، گوێ، لووت و قوڕگ.
4_پشنینی دڵ.
5_پشکینینی ددان.
6_ پشکنینی نەخۆشییەکانی ژنان، بەتایبەت پشکنینی مەمک.
7_پێوانەکردنی چری ئێسک

01/04/2023

ڕەشکە هەر لە کۆنەوە بۆ چارەسەری زۆر نەخۆشی سوودی لێ وەرگیراوە، تویژینەوە نوێکانیش بەهۆی بونی ڤیتامین و دژە ئۆکسان تیایدا چەند سوودێکی گرنگی ڕەشکەیان سەلماندوە کە یارمەتیدەرە بۆ نە‌هێشتنی سەر ئێشە بە مەرجێک بۆ ماوەی ١٥ خولەک تێکەڵ بە زەیتی زەیتون بکرێت بدرێت لە ناو چاوان بە شێوەیەکی بەرچاو سەر ئێشە ناهێڵیت هەروەها پاڵە پەستۆی خوێن نزم دەکاتەوە ڕەشکە چارەسەرێکی سروشتی زۆر کاریگەرە چارەسەری نەخۆشی ترسناك چارەسەردەکات
حەوت سوودی سەرەکی ڕەشکە:

١. کۆتایی ھێنان بە ژھرە ماددەکان: - ڕەشکە خوێن لە ژەھرە ماددەکان پەکدەکاتەوە کە وادەکات کاریگەری ئەرێنی ھەبێت لەسەر جەستە بە گشتی.

٢. ڕێگری کردن لە نەخۆشی شەکرە: - ھەندێک لە توێژینەوەکان ئاماژە بە گرنگی ڕەشکە دەکەن لە ڕێکخستنی ئەنسۆلین لە جەستەدا، کە ڕێگریدەکات لە تەشەنەکردنی نەخۆشی شەکرە و کەمکردنەوەی نیشانەکانی نەخۆشییەکە.

٣. کەمکردنەوەی ھەوکردنەکان: - ڕەشکە دژە ھەوکردنەکانی تێدایە کە ڕێگریدەکات لە ھەڵئاوسانی ماسولکەکان، و چارەسەری ئازاری جومگەکان و ھەوکردنەکانی ماسولکەکان، و چارەسەری ھەوکردنەکانی قوڕگ دەکات.

٤. کەمکرنەوەی کێش: - بە پێی چەند توێژینەوەیەک کە لەسەر ڕەشکە کراوە، سەلمێندراوە کەوا ڕەشکە ڕێژەی ئۆکسجین لە خانەکانی خوێندا زیاد دەکات، ئەوەش کاردەکات لە سوتاندنی چەوری کەڵەکەبوو لە لەشدا، بەتایبەت چەوری ورگ.

٥. وشکی لوت چارەسەر دەکات : - گەر بە بەردوامی ڕەشکە بخورێت کاریگەری دەبێت لە تەندروستی کۆئەندامی ھەناسە، چونکە ڕەشکە دەردانی ئەو ئەنزیمانە ڕێکدەخات کە بەرپرسیارن لە شێدارکردنی بۆری ھەناسەدان، بەوجۆرە وشکی لوت وبۆری ھەناسە چارەسەر دەبێت.

٦. کرداری ھەرسکردن ئاسان دەکات: - ڕەشکە یارمەتی دەرە لە فڕێدانی ئەو پاشەڕۆیانەی لە ناو ئەندامەکانی کۆئەندامی ھەرسدا بە کەڵەکەبوویی ماونەتەوە، ھەستکردن بە ئازاری گەدە و ترشی گەدە کەمدەکاتەوە.

٧. کۆئەندامی بەرگری بەھێزدەکات: - ڕەشکە توانای بەرەنگاربوونەوەی ئەو بەکتریایانەی ھەیە کە کاریگەری دەکەن لە کۆئەندامی بەرگری، ھەروەھا خانەکانی جەستە چالاک دەکاتەوە و کۆئەندامی بەرگری بەھێز دەکات.
٨- سوودی زۆری هەیە بۆپێست.

بەهیوای سوودبینین

24/02/2023

تکایە تکایە ئەوەندە عاشقی دەرزی گەشە مەبن بۆ منداڵەکانتان چونکە لەوانەیە تووشی یەکێک لەو لێکەوتە خراپانە بێت لە ئەنجامی بەکارهێنانی دەرزی گەشە ،بۆیە ئەگەر زۆر پێویست نەبوو نابێت بەکاربهێنرێت،چەند حاڵەتێکی کەم نەبێت بەپێی زانست نابێت هەر منداڵێک باڵای کورت بێت بەکاری بهێنێت چونکە جگە لە زیان سوودی لێنابینێت
لێکەوتە خراپەکانی دەرزی گەشە لەوانەیە یەکێک لەمانە بێت:
١-ئاوسانی لەش و پەلەکان.
٢-ئازاری جومگەکان.
٣-ئازاری ماسولکەکان.
٤-هەوکردن(التیهابات).
٥-سڕبوونی پەلەکان.
٦-ئازاری ئێسقان.
٧-سەرئێشە
٨-هەوکردنی بۆڕیەکانی هەوا لەناو سیەکان.
٩-بەرزە فشاری خوێن.
١٠-سکچوون و ڕشانەوە.
١١-زۆر ئارەق کردنەوە.
١٢-شەکرە.
١٣-زیپکەی پێست.
١٤-کێشەی تەندرووستی جومگەکان.
١٥-زیاد بوونی توندی حاڵەتی نەخۆشیەکانی پێست.
١٦-هەستیاری تووند بە دەرمانەکە.
١٧-تەمبەڵی غودەی دەرەقی.
١٨-هەوکردنی پەنکریاس.
١٩-شێرپەنجەی خوێن.
٢٠-گەشکە.
٢١-بەرزبونەوەی فشاری مێشک.
٢٢-میزی خوێناوی.
٢٣-هەوکردن گوێچکەی ناوەڕاست.
٢٤-خواربوونی بڕبڕەکانی پشت.
٢٥-گەورەبوونی مەمک لە منداڵی کوڕ.
٢٦-زیادبوونی ڕێژەیی مردن.
بەرپرسم لە ڕاستی و درووستی زانیاریەکان.
هەر کەسێک دەرزی گەشەی زۆر نووسی بۆ نەخۆش نیشانەیەکی پرسیاری لەسەر دابنێ .

دکتۆر پشدەر عبداللە اسماعيل
پزیشکی پسپۆڕی منداڵان و گەشەی منداڵان

18/02/2023

سودەکانی دومبەڵان بزانە:

دومەڵان ڕوەکێکی تایبەتە و لە ژێر خاکدا گەشەدەکات، هەروەها چەندین مادەی خۆراکی بەسودی تێدایە وەک ڤیتامین "B1" و"B2"و"B6"و"B12".

ئەمەش دیارترین سودەکانیەتی:-

1-دژە بەکتریایەکی تایبەتی تێدایە ناهێڵێت ژەهر بچێتە خانەکانی لەشەوە.
2-دەوڵەمەندە بە ڕیشاڵی ڕووەکی و ئاستی کۆلیسترۆلی زیانبەخش لەلەشدا دادەبەزێنێت.
3-لە ڕەقبوونی خوێنبەرەکان دەمانپارێزێت کە هۆکاری بەرزبوونەوەی پەستانی خوێن و نەخۆشیەکانی خوێنبەری تاجی دڵ و جەڵدەی دڵە.
4-بڕێک ترشە چەوری ناتێرکەری تێدایە کە ڕۆڵێکی گرنگی هەیە لە باشکردنی تەندروستی و چالاکی لەش و نەرمی جومگەکان و بەهێزکردنی کۆئەندامی بەرگری.
5-ئاسنە گرنگەکانی وەک "پۆتاسیۆم" و "کالسیۆم" و"فۆسفۆر" و "زنک"ی تێدایە کە بۆ گەشە و تەندروستی و چالاکی لەش گرنگە.
6-ئێسک و نینۆک و چاو بەهێزدەکات.
7-ڕووتانەوەی قژ کەمدەکاتەوە و جێ برینی سوتاوی چارەسەر دەکات.
بەهیوای سوودبینین.

17/02/2023

کێن ئەوانەی باشترە بۆیان خورمانەخۆن؟

ئەلینا سیپانۆڤا پسپۆڕی بواری خۆراک لە روسیا ئاماژەی بەو کەسانە کردووە، نابێت خورما بخۆن و دەبێت بۆ پارێزگاریی تەندروستییان دەستبەرداری خواردنی بن.
بەگوێری ماڵپەڕی ئار تی روسی، ئەو پسپۆڕە ڕایگەیاندووە لە پێکهاتەی خورمادا برێکی زۆر شەکری تێدایە، ئەو کەسانەی بەدەست گرفتی دەردانی ئەنسۆلینەوە دەناڵێنن و نەخۆشی شەکرەیان هەیە بڕی خواردنی خورما کەمبکەنەوە یاخود ئەگەر بتوانن بە یەکجاری واز لە خواردنی بهێنن.
ئەوەیشی خستووەتە ڕوو، ئەو کەسانەی سکیان دەئاوسێت و هەوکردنی بەردەوامی ڕیخۆڵەکانیان هەیە بڕی خواردنی خورما کەمبکەنەوە، لەگەڵ ئەوەشدا لەکاتی کڕینی خورمادا بزانیت چ جۆرە خورمایەک دەکڕیت، باشترە ئەو خورمایانە نەکڕیت کە رەق و جیڕن چونکە ڕێژەی گلوکۆز و دووەم ئۆکسیدی کبریت تیایاندا بەرزە.

17/02/2023

دەرکەوتنی پەڵەی قاوەیی لەسەردەستی کەسی بەتەمەن
هۆکارەکەی؟

ڕێبازی تەندرووستی Rebazkoye

10/05/2025

10/05/2025

14/02/2025

03/07/2024

27/12/2023

06/11/2023

15/04/2023

01/04/2023

24/02/2023

18/02/2023

17/02/2023

17/02/2023

Address

Telephone

Website

Alerts

Contact The Practice

Shortcuts

Share

Category