Dr. Chra Kawa Hawezi

21/10/2025

بۆ ئەوەی ئێسەکانت بە بەهێزی وچالاکی بمێننەوە و تووشی پوکانەوە نەبێت ،هەوڵ بدە گرنگی پێ بدەیت ،
لە رۆژی جیهانی (کەمی چری ێسک )(Osteoporosis )(هشاشة العضام )
کۆمەڵەی رۆماتۆلۆجی کوردستان بە هەمهاهەنگی لەگەڵ کۆمەڵەی رۆماتۆلۆجی عیراق هەڵدەستن بە ئەنجامدانی چالاکیەک ڕۆژی هەینی ،لە پارکی سامی عبدالرحمان کاتزمێر ٩:٣٠ بەیانی.
کە چەندین بابەتی جۆراوجۆر باس دەکرێ تایبەت بەم نەخۆشی یە ،
هاتن بۆ هەموانە
هیوادارم بەشداری بن.

د.چرا کاوە حوێزی
پسپۆری نەخۆشیەکانی جومگەو رۆماتیزم

12/10/2025

12/10/2025

ئەمرۆ 12 ئۆکتۆبەر رۆژی جیهانی هەوکردنی جومگەیە هیوادارم
نەخۆشەکان تەندروست باش بن ،
چارەسەرەکان بە شێوەیەکی رێک و بەردەوام وەر بگرن

15/08/2025

کاریگەری نەخۆشی سەدەفیە (مرض الصدفية)(Psoriasis) لە سەر ئازاری پشت
ئایا پەیوەنیان پێک هەیە؟

یەکێک لە خاڵە گرنگەکان کە پێویستە نەخۆشی سەدەفیە (مرض الصدفية)رەچاوی بکات ئەویش بوونی ئازاری بربرەکانە بەگشتی و ناوچەی حەوزە بەتایبەتی لەکاتی اسراحەت (واتە بەشەو).
-کاتێک ئازاری جومگەکان زۆر بوو پست گۆێی مەخە.
-کاتێک ئازاری بربرەی پشت بە تایبەتی بربرەی مل زۆر بوو بە هەمان شێوە پشت گۆێی مەخە.

-کاتێک رەق بوون لە جومگەکان رویدا لە گەڵ رەقبوونی ناوچەی حەوز بە هەمان شێوە
بەهەند هەڵی گرە.

چونکە هەموو ئەم خاڵانەی کە باسم کرد ئەگەری ئەوەی هەیە لەگەڵ نەخۆشی پێست کە (سەدەفیەیە) رۆماتیزمیش
(رۆماتیزمی سەدەفی)
(Psoriatic Arthritis)هەبی.

لە ئێستادا چارەسەرەکان زۆرن و زۆر بەیان کاریگەری زۆر باشیان هەیە لە سەر پێست و لە سەر جومگەکان.
بۆیە وەرگرتنی چارەسەر بە شێوەیەکی رێک
متابەعەی بەردەوامی پزیشکی پسپۆری جومگەو روماتیزم لە گەڵ پزیشکی پسپۆری پێست وا دەکات کە نەخۆش ژیانێکی ئاسایی هەبێت.
هیوادارم هەمیشە تەندرست باش بن

د.چرا کاوە حویزی
پزیشکی پسپۆری جومگەو رۆماتیزم
📱 07511061130
🏥 PAR Hospital

05/07/2025

بێتاقەتی و نەخۆشی یە ریۆماتیزمیەکان(Fatigability)

لەم ماوەیە زیاترین گرفت لە نەخۆشەکان بەرچاوم کەوتبی بریتی یە لە بێتاقەتی(Fatigue).
کە نەخۆش بە بێ هێزی ناوی دەبات
توانای جولە کردنی نی یە ،
هەست بە بێزاری کردن.
ئارەزوو نەکردن لە خواردن یان بەجۆرێکی تر ئارەزوو نەکردن لە ئامادەکردنی خواردن ،
تێر خەو نەبوون .

بێ تاقەتی جیاوازە لەگەڵ بێهێزی ماسولکە.
واتە کاتێک کە پزیشک پشکنینی هێزی ماسولکەکان (Power)دەکات هەموو شتێک ئاسایی یە بەڵام نەخۆشەکە تاقەتی نی یە جولە بکات بە بێزاری کارەکانی رۆژانەی ئەنجام دەدات هەندێ جار توانای بیرکرنەوەشی کەم دەبێ و شتی بیر دەچێتەوە.
هەموو ئەمانە پەیوەندی بە هەندێ خاڵی گرنگەوە هەیە کە بریتین

١-بوونی زۆر جۆری نەخۆشی درێژخایەن
یەکێک لە مانە نەخۆشی ریۆمایتزمی یە. کاتێک کە نەخۆشیەکە چالاکە (واتا زیاد بوونی رێژەی هەوکردن لە خوێن ).
کە کار دەکاتە سەر چالاکی رۆژانەو دەبێتە هۆی بێتاقەتی (Fatigability ).
٢-وەرگرتنی هەندێ جۆری دەرمان
٣- کەمی رێژەی ڤایتامینەکان بەرچاوترینیان بریتیە لە کەمی رێژەی ڤایتامین D
٤- کەم خەوی و درەنگ نووستن
٥- بەکارهێنانی مۆبایل و سەیرکردنی هەواڵ و بابەتی ناخۆش کە دڵەراوکێ و بێ تاقەتی دروست دەکات
٦-بوو ی فشارە دەرونیەکان کاریگەرە بۆ ئەم حالەتە.
٧-زیادبوونی کێشی لەش

چارەسەر

١-کاتێک کە نەخۆش ریوماتیزمی هەبێت جگە لە بێتاقەتی ئازاریش لە جومگەکانی هەیە
لەم کاتەدا نەخۆش پێویستە سەردانی پزیشکی پسپۆری جومگەو ریوماتیزم بکات بۆ ئەوەی دڵنیا بێت کە نەخۆشیەکەی چالاک
نی یە.

٢- رێک خستنەوەی خەوو بەکارنەهێنانی ئامێرە ئەلکترونیەکان بۆ ماوەی دورو درێژ.

٣- وەرزش کردن و کەمکردمەوەی کێشی لەش یەکێکە لە خاڵە زۆر گرنگەکان

٤- کەمکردنەوە لە خواردنەوەی چاو قاوە لە درەنگانی شەو.
٥- دورکەوتنەوە لە سەیرکردنی هەواڵە ناخۆشەکان .

هیوادارم هەمیشە تەندروست باش بن

د.چرا کاوە حوێزی
پزیشکی پسپۆری جومگەو ریوماتیزم
📱 07511061130
🏥 PAR hospital
نەخۆشخانەی (پار)ی تایبەت -هەولیر- شەقامی ٦٠ مەتری
مستشفی (پار) -اربیل- شارع ٦٠ م

02/05/2025

چارەسەری ئازاری بەشی پشتەوەی ئەژنۆ
(Posterior aspect of knee Pain )
(Baker’s cyst) ،(كيس الخباز )
زۆر جار نەخۆش ئازاری بۆ دروست دەبێ لە بەشی پشتەوەی ئەژنۆ کە کار دەکاتە سەر جولەی رۆژانەی
توانای نوشتانەوەی ئەژنۆی لەدەست دەدات بەهۆی بوونی ئازارێکی زۆر لەم ناوچەیە ،
زۆر هۆکار هەیە بۆ دروست بوونی ئازار لە بەشی پشتەوەی ئەژنۆ بەڵام یەكێک لە گرفتە دیارەکان بریتیە لە دروستبوونی کیسی (Baker’s cyst )
کە دەست نیشان دەکرێ لەلایەن پزیشکی پسپۆری جومگەوە

هۆکارەکان
زیاتر
-لە دوای تەمەنی ٤٥ ساڵی
-زیاد بوونی کێشی لەش ،
-سەوەفانی ئەژنۆ
-هەوکردنی رۆماتیزمی
-بچرانی بەستەرەکانی ئەژنۆ

چارەسەر
لە کاتێک کە کیسەکە قەبارەی گەورە بێ و بە وەرزش و چارەسەر باش نەبێ .

راکێشانی ئاوی ناو ئەم کیسەیەو لێدانی دەرزی بۆ ناو کیسەکە یەكێکە لە جارەسەرە سەرکەوتوکان (لە رێگەی سۆناری جومگەوە) .

تێبینی /
-لەکاتی بوونی سەوەفانی پێشکەوتوو لە ئەژنۆکە ئەگەری گەرانەوەی ئەم کیسە زیاترە.

هەمیشە ساغ و تەندروست باش بن

د.چرا کاوە حەوێزی
پسپۆری نەخۆشیەکانی جومگەو رۆماتیزم
M. 07511061130

14/04/2025

یەکێک لە ماکە گەورەکانی کە تووشی نەخۆشی دەردەپاشا (داء النقرس)
(Gouty Arthritis)دەبێ بریتی یە لە داخوران و هەوکردنی جومگە
بۆیە لەکاتی دروست بوونی هەوکردنی جومگە تەنها پارێزی لە گۆشتی سورو چەوری چارەسەر نی یە .
بەڵکو

-پێویستە نەخۆش چارەسەری بەردەوام لە لایەن پزیشکی پسپۆرەوە وەربگری
-متابەعەی بەردەوامی هەبێ

هیوادارم تەندروست باش بن
د.چرا کاوە حەوێزی
پزیشکی پسپۆری جومگەو رۆماتیزم

26/02/2025

26/02/2025

رومەزانتان پیرۆز بێت ،
بەهیوای سود وەرگرتن بۆ ئەم نەخۆشانەی کە رۆماتیزم و گرفتی جومگەیان هەیە (رێنمایەکانی مانگی رەمەزان )

ئایا ئەم نەخۆشانەی رۆماتیزمیان ھەیە دەتوانن بەرۆژوو بن؟

١- ئەم نەخۆشانەی رۆماتیزمیان ھەیە بەڵام نەخۆشیەکەیان چالاک نی یە وە گرفتی گەدەیان نی یە ، دەتوانن بەرۆژوو بن .

٢- ئەم نەخۆشانەی رۆماتیزمی درێژخایەنیان ھەیەولەسەر چارەسەرە بایلۆجیەکانن ، پێویستە بەردەوام بن لەسەر چارەسەرەکانیان و پشتگوێ ی نەخەن . باشترە لەرۆژی وەرگرتنی چارەسەر بەرۆژوو نەبن .

٣- ئەم نەخۆشانەی دەردەپاشایان ھەیە«داء الملوك» پێویستە خۆیاد دوور بگرن لە خواردنی گۆشتی سوروو خواردنی چەور.

٤- بەردەوام بوون لەسەر جولەو وەرزش زۆر بەسودە بەڵام وەرزشی قورس نەبێ .

٥- بۆ کەم کردنەوەی گرفتی ئەژنۆکان باشتر وایە نۆێژەکان لەسەر کورسی بکرێ .

رەمەزانتان پیرۆز بێت ،ھیوادارم تەندروست باش بن
د.چرا کاوە حویزی
پسپۆری نەخۆشیەکانی جومگەو رۆماتیزم

08/02/2025

چۆن ئازاری سەوفانی ئەژنۆکان
(سوفان الركبة )(Knee Osteoarthritis)کەم بکەینەوە بەبێ بەکار هێنانی دەرمان ؟

پێویستە نەخۆش دەوروبەرێکی گونجاو بۆ خۆی دروست بکات بۆ کەمکرنەوەی ئازاری ئەژنۆ
کە بریتین
١- کەم چەمانەوەی ئەژنۆکان
بۆ نمونە دوور کەوتنەوە لە دانیشتن لە سەر زەوی یان لە کاتی دانیشتن قاچەکانی رابکێشێ نەک بیچەمێنتەوە
٢- بەهێزکردنی ماسولکەکانی ران و پشت لە رێگەی کردنی وەرشی تەندروست
٣- کەم کردنەوەی کێشی لەش
٤- گەرم راگرتنی جومگەگە چونکە زۆربەی کات وەرگرتنی ساردی و سەرما ئازارەکە زیاتر دەکات
٥- لەپێ کردنی پێڵاوی تەندروت

هیوادارم تەندروست باش بن
د.چرا کاوە حویزی
M.07511061130

21/01/2025

چی بکەین لە کاتی شین بوون لە پەنجەکانی (دەست و پێ)لە کاتی سەرما
کە پێ ی دەوترێ( دیاردەی راینۆید یان نەخۆشی راینۆید)(Raynaud’s disease)or(Raynaud’s phenomenon)
کە بریتیە لە شین بوون یان سپی بوون لە سەرەپەنجەکانی (دەست و قاچ) لە ئەنجامی تەسکبوونەوە یان کرژ بوون لە موولولە بچوکەکانی خوێن روودەتات لە کاتی بەرکەوتن بە ساردی یان لە ئەنجامی دڵەراوکێ و هەڵچون.
هەندێ کەس ئەم دیاریدەی هەیە بێ بوونی هیچ نەخۆشیەک
بەڵام بەزۆری پەیوەندی هەیە بە نەخۆشی رۆماتیزمی
کەواتە چی بکەین تا ئەم دیاریدەیە کەم ببێتەوە

١- بەکارهێنانی پەنجەوانە و گۆرەوی ئەستوور لە کاتی چونە دەرەوە وکەشو هەوای سارد
٢- لە کاتی بەکارهێنانی ئاوی سارد پەنجەوانە لە دەست بکرێ .
٣- جگەرە نەکێشان و دوور کەوتنەوە لەو شوێنانەی کە جگەرەی لێ دەکێشرێ.
٤-هەندێ جۆری دەرمان کاریگەری نەرێنی هەیە لەسەر زیادبوونگ دیاردەکە بۆیە نەخۆش لەکاتی سەردانی پزیشک پێویستە دەرمانەکانی کە بەکاری دەهێنی پێشانی پزیشکی پسپۆری بدات
٥-بەکارهێنانی هەندێ کرێمی نەرم کردنەوەی پێست بۆ ئەوەی پارێزگاری بکرێ لە دروست بوونی برین لە پێست
٦-هەندێ جار لە پاڵ رەچاوکردنی هەموو ئەم خاڵانە بەڵام شین بوونەکە هەر بەردەوامە،
لەم کاتەدا پێویست بە وەرگرتنی دەرمان دەکرێ کە لە لایەن پزیشکی پسپۆری جومگەو رۆماتیزمەوە دیاری دەکرێت

هیوا دارم تەندروست باش بن
د.چرا کاوە حویزی
پزیشکی پسپۆری جومگەو رۆماتیزم