عيادة الدكتور محمد عادل محمود للامراض النفسية والعصبية

  • Home
  • Iraq
  • Kerkuk
  • عيادة الدكتور محمد عادل محمود للامراض النفسية والعصبية

عيادة الدكتور محمد عادل محمود للامراض النفسية والعصبية عيادة الدكتور محمد عادل محمود
اختصاصي في الامراض النف?

24/03/2026

هواية سمعتو بالوسواس القهري
بس اكو شغلتين اساسيات اليوم اوضحها الكم

الوسواس القهري عبارة عن افكار الشخص وليس تلبس او سحر او بقدرة الشخص انو يتحكم بيها

الوسواس القهري مو فقط سلوك مثل غسل الايد او نظافة او تجيك #

مرات تصير على شكل افكار قهرية للشخص وذولي ممكن يوصفون نفسهم بالتفكير المفرط

وهذا هم مو ب ايد الشخص ولا يكدر يوقفها ببساطة

باقي التفاصيل موجودة بالريل

الدكتور
محمد عادل محمود
طبيب اختصاص بالامراض النفسية والعصبية

الاكتئاب شتعرفون عنه؟؟من واحد نشخصه اكتئاب@عبالكم سهل ؟!عبالكم بطران ؟لو بعيد من الدين@لو يمثل؟؟اصلا الاكتئاب اخطر من ب...
16/03/2026

الاكتئاب شتعرفون عنه؟؟
من واحد نشخصه اكتئاب@عبالكم سهل ؟!
عبالكم بطران ؟
لو بعيد من الدين@
لو يمثل؟؟

اصلا الاكتئاب اخطر من باقي الامراض اللي تعرفونها مثل ضغط وسكر وقلب ومفاصل وغيرها
ليش؟
لان الاكتئاب مو بس ياثر على الشخص نفسه وانما على كل اللي حواليه

الفديو يشرح شويه عن الاكتئاب
لاتهلمو نفسكم@
النفس الها حق عليكم حاله حال قلبكم وكبدكم وكليتكم ومفاصلكم والخ..
ومن تهملوها رح تصعبون الموضوع على نفسكم وعلينا همينة

الدكتور
محمد عادل محمود
طبيب اختصاص الامراض النفسية والعصبية..

أولاً: ما هي الناقلات العصبية؟الناقلات العصبية هي مواد كيميائية في الدماغ تنقل الإشارات بين الخلايا العصبية وتساعد الجسم...
14/03/2026

أولاً: ما هي الناقلات العصبية؟

الناقلات العصبية هي مواد كيميائية في الدماغ تنقل الإشارات بين الخلايا العصبية وتساعد الجسم على التفكير والحركة والشعور والعواطف. 

يعني ببساطة:
هي لغة التواصل بين خلايا الدماغ.

⸻

أهم الناقلات العصبية المذكورة في الفيديو

1️⃣ الدوبامين (Dopamine)
• مسؤول عن الشعور بالسعادة والمتعة والتحفيز.
• يساعد أيضاً في الحركة والدافعية والتركيز. 

إذا حدث خلل فيه:
• نقصه → قد يرتبط بمرض باركنسون.
• زيادته أو اضطرابه → قد يسبب بعض أعراض الفصام.

⸻

2️⃣ الأستيل كولين (Acetylcholine)
• مهم لـ الذاكرة والتعلم والانتباه.
• له دور أيضاً في حركة العضلات. 

الخلل فيه قد يرتبط بمرض الزهايمر.

⸻

3️⃣ السيروتونين (Serotonin)
• ينظم المزاج والنوم والشهية.
• يؤثر أيضاً على العواطف والاستقرار النفسي. 

انخفاضه قد يسبب:
• الاكتئاب
• القلق
• اضطرابات الشهية.

⸻

4️⃣ غابا (GABA)
• ناقل عصبي مثبّط يعني يهدّئ نشاط الدماغ.
• يساعد على تقليل القلق والتوتر. 

عندما يقل نشاطه قد يحدث:
• القلق
• التوتر
• نوبات الصرع.

⸻

5️⃣ النورأدرينالين (Norepinephrine)
• مسؤول عن الانتباه واليقظة والاستجابة للضغط. 

الخلل فيه قد يؤدي إلى:
• الاكتئاب
• اضطرابات المزاج
• القلق أو نوبات الهلع.

⸻

لماذا يحدث خلل في هذه الناقلات؟

المنشور يذكر أن الخلل قد يحدث بسبب:
• عوامل وراثية
• صدمات نفسية
• ضغوط شديدة
• اضطراب التوازن الكيميائي في الدماغ

⸻

كيف تعمل الأدوية النفسية؟

الأدوية النفسية تساعد على تنظيم هذه الناقلات العصبية عن طريق:
1. زيادة إفرازها
2. منع إعادة امتصاصها
3. التأثير على مستقبلاتها في الخلايا العصبية

وبذلك يعود التوازن الكيميائي للدماغ.

⸻

✅ الخلاصة:
الدماغ يعمل بتوازن بين عدة ناقلات عصبية (مثل الدوبامين والسيروتونين وغيرها)، وعندما يختل هذا التوازن قد تظهر اضطرابات نفسية، لذلك تعمل الأدوية النفسية على إعادة تنظيم هذا التوازن

الدكتور
محمد عادل محمود
طبيب اختصاص بالامراض النفسية والعصبية

خيرات رمضان يمنا غير شكل 😅علاوي ترة مو مراجعنا بعدعلاوي جان قبل يراجعنا وتعالج وكل اموره تمام هسه وكل مايحقق شي حلو بالم...
20/02/2026

خيرات رمضان يمنا غير شكل 😅
علاوي ترة مو مراجعنا بعد
علاوي جان قبل يراجعنا وتعالج وكل اموره تمام هسه وكل مايحقق شي حلو بالمدرسة يتذكرني ويحب يهديبلي شي

وهاي السيارة والبايسكل جانت هدية نجاحه بامتحانات النصف سنة💪🏻

علاوي اللطيف والشاطر شكراااا لك 🙏🏼🙏🏼✌🏼

السر بمعالجة الاضطرابات النفسية بالاطفال هو العلاقة اللطيفة الصادقة غير حاكمة وياهم.. وهذا الشي وفرناها بعيادتنا الجديدة..

الدكتور
محمد عادل محمود
طبيب اختصاص بالامراض النفسية والعصبية

العصبية والعناد بلاطفال غالبية المرات سببها البيئة اللي يعيش بيها الطفلمو كل فرط حركة هو اضطراب فرط الحركة وتشتت الانتبا...
12/02/2026

العصبية والعناد بلاطفال غالبية المرات سببها البيئة اللي يعيش بيها الطفل

مو كل فرط حركة هو اضطراب فرط الحركة وتشتت الانتباه
من نكعد وية الطفل ونسمع منه في بيئة صديقة لطيفة رح نفتهم حقيقة الموضوع
المشاكل الاسرية والعصبية عند الاب او الام رح تخلق طفل غير مستقر عاطفيا ودائما مزاجة متعكر

وطبعا من التشخيص يتغير العلاج يتغير وياه

حل هيجي اضطرابات بالاطفال تكون عن طريق حل المشاكل الموجودة عند الاب او الام
ومرات نكتب علاج للاهل مو بس للطفل

هو هذا اللي يميز الطبيب النفسي من غيره
انو ناخذ حل المشاكل من كل الجوانب..

كل السلامة لكم ولاطفالكم

الدكتور
محمد عادل محمود
طبيب اختصاص بالامراض النفسية والعصبية

تشرفت ان اكون احد اعضاء اللجنة الحوارية الممتعة اللي اقامتها منظمة زاد مشكورةالجلسة كانت عن رابط القوي بين الجهاز الهضم...
02/02/2026

تشرفت ان اكون احد اعضاء اللجنة الحوارية الممتعة اللي اقامتها منظمة زاد مشكورة
الجلسة كانت عن رابط القوي بين الجهاز الهضمي والصحة النفسية وكنت فخور ان اشارك هاالموضوع مع استاذتي من وقت الكلية ا د. سمر سعد
ومع باقي اعضاء اللجنة الحوارية د هادي اللي استفادينا من معلوماته القيمة من الناحية التغذية الصحية
وكلام الرائع والممتع جدا من د نجاة حول الربط الديني مع الصحة النفسية

شكرا للقائمين على هذا الحدث الرائع@تمنياتي للجميع الصحة والسلامة

الدكتور
محمد عادل محمود
اختصاص الامراض النفسية والعصبية

تحت مبدا التعاون هو الاساس بقصص النجاحايمانا من عدنا انه التعاون بين الجميع هو مفتاح النجاحالاطفال وتدريبهم ومتابعتهم م...
20/01/2026

تحت مبدا التعاون هو الاساس بقصص النجاح
ايمانا من عدنا انه التعاون بين الجميع هو مفتاح النجاح

الاطفال وتدريبهم ومتابعتهم متكون مهمة الطبيب وحده
لازم اكو تعاون وتفاهم وجلسات مشتركة مع المدربين ومع الاهل وحتى مرات نحتاج المعلمين والمدرسين اذا كانو بالمدارس

اختارينا اليوم في المكان المخصص لتقييم الاطفال بعيادتنا انو نشوف كل الاطفال اللي يمنا ونعيد التقييم من جديد ونسمع اراء الاهالي وناخذ ملاحظات المدربين
غيرنا بعض العلاجات وغيرنا بعض التدريبات وانطينا النصائح المهمة للاهالي وعلمناهم التدريبات همينة

الجلسات كانت لطيفة وبسيطة واحنه استفادينا وكذلك الاهالي

كلً الهلا بيكم🙏

الدكتور
محمد عادل محمود
اختصاصي الامراض النفسية والعصبية

ياجماعة ترة تشخيص اضطرابات فرط الحركة وتشتت الانتباه مو سهل ونفس الوقت مو صعب!!لان اكو هوايه حالات تتداخل وياهاابسط شي ا...
09/12/2025

ياجماعة ترة تشخيص اضطرابات فرط الحركة وتشتت الانتباه مو سهل ونفس الوقت مو صعب!!
لان اكو هوايه حالات تتداخل وياها
ابسط شي اضطرابات القلق بالاطفال تجي على شكل فرط حركي وسلوك غير منتظم
يحتاج نعالج الاسباب وليست المشاكل
بلاطفال التغذية الصحية والنوم والاكل الصحي هم الاساس بتحسن الحالة النفسية

اتركم مع كلام صديقي ويحجيلكم شلون صار زين
بدون اي تداخل دوائي ..

الدكتور
محمد عادل محمود
طبيب اختصاص الامراض النفسية والعصبية

قصة نجاح وانجاز جديدة اضيفها لقائمة انجازاتنا بعيادتنا الجديدة..تحول ممتاز لصديقي مجتبى من طفل مايتكلم وحرك وماياكل وماي...
31/10/2025

قصة نجاح وانجاز جديدة اضيفها لقائمة انجازاتنا بعيادتنا الجديدة..

تحول ممتاز لصديقي مجتبى من طفل مايتكلم وحرك وماياكل ومايكعد وماينام الى طفل ياخذ عشرات ويقرا ويكتب ويتكلم حاله حال اي طفل طبيعي..

زين تسالون شنو العوامل اللي تساعد نجاح هيج قصص:
اولها التشخيص الصح
ثانيا استخدام الادوية النفسية في الوقت الصح
ثالثا ايمان اهل الطفل بالطبيب ومتابعتهم لابنهم رغم بعد المسافة والطريق
رابعا دور التدريب المستمر ودور المدرسة كان مفيد النا

تذكرو شغلة وحدة
مو كل تاخر نطق هو نقص اوميغا ..

والنتيجة كلش حلوة والحمدالله
صحيح شويه خجول بعده وصوته ناصي بس اهم شي بدا يحجي ويتواصل 😁

واكو حالات مشابهة لتطور الاطفال ان شاءالله ننزلهم تباعا

الدكتور
محمد عادل محمود
طبيب اختصاص الامراض النفسية والعصبية

ماكو شي يفرح الطبيب اكثر من انو يشوف المراجعة تحسنت!هالمرة مو بس تحسن جان!! هالمرة المراجعة جابت درجة ممتازة وطلعت الاول...
22/07/2025

ماكو شي يفرح الطبيب اكثر من انو يشوف المراجعة تحسنت!
هالمرة مو بس تحسن جان!! هالمرة المراجعة جابت درجة ممتازة وطلعت الاولى على العراق بسادس الاعدادي!

يعني معقوله شخص يصير عنده وسواس وهيج ينجح يطلع الاول؟!
اي كلش معقولة
القصة بدت من افكار وسواسية خلت المريضة منهارة وتعبانه نفسيا وكذا مرة دخلت اكتئاب !
شسوينا ؟؟
جبنا الورقة والقلم وتعمقنا بكل فكرة جانت تجيها الى ان عرفنا منين تجي وليش تجي هلافكار وشون نسيطر عليها
الطريق جان طويل وصعب
المريضة ما أيست وكذلك الاهل ماضاجو من مراجعة طبيب النفسي واحنة خلينا كل جهدنا في سبيل نخلصها من هيج شي.. واخذت هواية جلسات بدون ملل جان الاصرار والامل والثقة بالطبيب اساس النجاح والتحسن..

مرات الشخص يأيس ويضوجً من يطول الاضطراب عنده لكن في قصتنا اليوم المريضة ما أيست وكدرنا نحول الوسواس الى افكار منطقيه ومعقولة ونكدر نسيطر عليها

القصة انتهت بنتيجة خلى الطبيب والاهل وكل الناس تفتخر بيها والحمدالله.. #
خليكم ويه رسالة الشخص اللي مانكول عليها مريضة بعد

الدكتور
محمد عادل محمود
اختصاصي الامراض النفسية والعصبية

ليش مكان فحص الاطفال لازم يكون مهم؟شنو الميزة الجديدة الوفرناها بعيادتنا ؟؟انطيكم مثال مثلا حالة الطفل اللي عدنا اليوممن...
19/07/2025

ليش مكان فحص الاطفال لازم يكون مهم؟
شنو الميزة الجديدة الوفرناها بعيادتنا ؟؟

انطيكم مثال
مثلا حالة الطفل اللي عدنا اليوم
من واحد يشوفه لاول مرة يكول اكيد توحد او فرط حركي
بس شنسوينا ؟
خليناه بالغرفة اللي خصصناها للاطفال علمود ياخذون راحته
شويه لعب وشويه انشغل الى ان عجبه الوضع واهنا استلمته😎

فحصت التواصل البصري طلع مضبوط
الادراك والفهم والذكاء واللغه كلها براحتنا جيكناها وطلعت كلها تمام بعد ما شكينا انه عنده مشاكل معينة

العلاج شنطينا ؟؟@
ولاشي مجرد بعض النصائح وخلينا بالمتابعة

الشي اللي فادنا اليوم هو راحة الطفل
من يكون مرتاح نكدر نجيكه براحتنا
مايصيررر بدقيقة ننطي تشخيص من اول مانشوفه !!!

ولاتنسون ماعدنا سرة للاطفال اي وقت يجون يدخلون 🙏

الدكتور
محمد عادل محمود
اختصاصي الامراض النفسية والعصبية

Address

كركوك, شارع الاطباء
Kerkuk

Opening Hours

Monday 15:00 - 20:00
Tuesday 15:00 - 20:00
Wednesday 15:00 - 20:00
Thursday 15:00 - 20:00
Saturday 15:00 - 20:00
Sunday 15:00 - 20:00

Telephone

+9647709217011

Website

Alerts

Be the first to know and let us send you an email when عيادة الدكتور محمد عادل محمود للامراض النفسية والعصبية posts news and promotions. Your email address will not be used for any other purpose, and you can unsubscribe at any time.

Shortcuts

Share

Category