27/12/2023
دکتۆر!!!!! 🫠🫠🫠🫠🤨🤨🤨
وەک وەڵامێک بۆ قسەکانی هاوژین عوسمان، سەرۆکی لقی سلێمانیی سەندیکای کارمەندانی تەندروستیی کوردستان، کە قسەکانی لە کۆمەڵێک چەواشەکاری و قسەی ناڕاست سەبارەت بە پزیشک زیاتر هیچیتر نەبوون، د. سامان تاهیر فەرەج، پزیشکی پسپۆڕ لە وۆڵی فەیسبووکەکەی نووسیویەتی :
بەشێکی ئەو شەکرانەی کە کاک هاوژین (سەرۆکی سەندیکای کارمەندانی تەندروستی فەنتەڵۆسی خواروو کە دەکاتە جێگری سەرۆکی کارمەندانی هەردوو فەنتەڵۆس بە تێکەڵی) دەربارەی پزیشکان شکاندوویەتی ڕاستن، بە تەقریبی دەتوانین بڵێین 0.0000001% ی قسەکانی لە جێی خۆیەتی (جا ئەو نسبەیە بۆ خۆتان لێکدەنەوە بزانن چەند پیتی ڕاست دەردەچێ)، ئەگینا ما باقیەکەی فڕیان نە بە جمهوریەتەوە هەیە و نە بە مەلکیەتیشەوە، بەس یەک عوزری هەیە، نەوەڵا دوو دانە، یەکەم ئەگەر بێت و سەرو خوار خەوتبێت و خەونی عەنتیکەی دیتبێت و بە دەم خەوەوە ئەم قسانەی کردبێت ئەوە مەعزوورە، یانیش ناوی ووڵاتەکەی لێ تێکچووبێت و خۆی لە ئەسڵا باسی هۆڵەندا یان کەنەدا بکات و بە هەڵە بڵێ دکتۆری کوردستان ئەوەندە مەعاشە وەردەگرن، ئەم جۆرە قسانە لە فەرهەنگی ئەدەبیاتدا پێی دەڵێن شەتەحات، جارێ زۆرینەی زۆری فەرموودەکانی لە ڕوانگەی هەست بە نەقسێکی یەکجاااار زۆۆۆۆر بەرامبەر بە پزیشکانەوە سەرچاوەی گرتووە و بە نەفەسێکی زۆر تەنگ و هەناسە سواریەوە گوتراوە و تەسەوریش ناکەم ئەم هەناسە سواریە بە بیست بتڵ ئۆکسجین و شەش حەوت بەخاخ و دەرزەنێک ئەمینۆفلین و یەک تەنەکە ڤینتۆلین چاک بێت، ئەوەش لەولاوە بوەستێت کە بەوەندە ساڵەی خزمەت و پیشەیەی تا ئێستا لە ئەلف و بێی مەسئولیات تێنەگەیشتووە و مەسئولیات بە سەعاتی دەوام دەپێوێت، وەکو ئەوەی قوماش بە بست و تەماتەش بە جلیکان بپێوێت ئەگینا دەبووایە دوای ئەو هەموو ساڵ خزمەتە ( پەگەر کردبێتی، بە دەوامی بارەگای حیزبیشەوە) بزانێت دکتۆری پسپۆڕ چ مەسئولیاتێکی بەرامبەر نەخۆش هەیە و جەنابیشی محەلی لە ئیعرابدا چیە، ئەوەش لێگەڕێ کە بەرامبەر ئەو مووچەیەی کە حکومەت لێی دەدزێت نوتق و فززەی نایات و لەبەر نەڕەنجانی دڵی حیزب کە خۆی نوێنەری حیزبە لەناو کارمەندان ناوێرێت ڕەخنەیەک لەو بەشەی حکومەت بگرێت کە حیزبەکەی لێی بەرپرسە دێت بە پزیشکا دێتە خوارێ...
بۆ برنج و شلەکەش زۆۆۆۆر لە مێژە نەمخواردووە، بەڵام تۆ ئەوەندەت بەشان و باڵیدا هەڵگوت ئیشاڵا سبەی بۆ نانی بەیانی لە خەستەخانەم و مادام ئەوەندە بە تام و بەلەزەتە ئیشاڵا حەوت هەشت برادەریش لەگەڵ خۆم دەبەم و لەسەر حیسابی حکومەتەکەی تۆ دەعوەتیان دەکەم....
لە کۆتاییشا دەڵێم. بەخوای ڕوبعێکی ئەوەمان وەرگرتایە کە تۆ باسی دەکەیت ئێستا خەریکی سەفەر و سیاحەت دەبووین و بەم عوتڵە و سەری ساڵە تاقەت و کاتی جوابدانەوەی ئەو شاتە شاتەی تۆی موبارەکمان نەدەبوو، یاخود هیچ نەبووایە بۆ خۆمان لە کەناراوەکانی دوبەی و ماڵدیف و لوبنان قاقامان بە قسەکانتەوە لێدەدا...
ئیتر بۆ پێشەوە...
