25/04/2025
من الظواهر السلبية الي تمر عليه ك طبيب اطفال الي لازم اكتب عنها هي
(الذكور)
بالبداية راح احجي اعذار الاهل بتطويل شعر اولادهم بصراحة وبدون زعل:
ليش مطولين شعره وهو ولد:
🍁والله دكتور موديل
🍁دكتور حرامات نگص شعره وهو سرح
🍁دكتور مو ماعندي بنية
🍁شفت فنان هيج مسوي شعره
🍁بصراحة داغيظ فد ناس
🍁گلبي مينطيني اگصه
🍁دكتور ابوه جان هيج وكبر هسه ابو فلان
🍁دكتور عدنا نذر لازم نطول شعره
#الاخيرة😡
هسه احجي على تاثير هالامر على الطفل؟
🌻طبعا نفسيا تعلمون الطفل يتشبه بالبنات
وميعرف يتصرف مثل الاولاد
🌻التأثر بالغرب ظاهره كلش سلبية واي فائده مابيها
🌻يصبح عندة ميول انثوي
🌻تصرفاته تبدي تتغير يبدي يحب يلعب بأالعاب البنات وهاي #كارثة طبعا
🌻اهل قبل ماجانت اكو وعي وبرامج تواصل حتى يعرفون هالشي غلط لذلك هالشي غلط ومو صحيح ابدا لتقلدوا
🌻رجاءا تعاملوا الولد ولد والبنت بنت
المجتمع فعلا نحو الهاويه
#طبعا اكو حالات ايضا دخيله وجديده علينا يثقبون اذن الطفل(الذكر) ويلبسوا تراجي بحجة نذر لفلان امام وايفاء النذور لازم يثقبون اذنة
في كل الازمان ماكو هيج نذور بس نكول نذور الانترنت الحديثة موديل 2025
اتقوا الله بااولادكم
عزيزي الاب عزيزتي الام
تربية الولد صعبه وشاقه ومو هينه لذلك لو انتج فرد صالح بالمجتمع لو فرد طالح كل نفع مابي بالمجتمع
د.أنور جاسم العماري
اخصائي طب الاطفال وحديثي الولادة
🌝🌞
