Binaiy.com ماڵپەڕی بینایی

04/06/2025

سوپاس بۆ خوای گەورە، پلەی زانستیم بوو بە پرۆفیسۆری یاریدەدەر

دوێنی بە فەرمانێکی زانکۆیی، پلەی زانستیم لە مامۆستاوە بۆ پرۆفیسۆری یاریدەدەر بەرزکرایەوە.

بە دەستهێنانی ئەم نازناوە لە کاتێکدایە کە لە ماوەی رابردوودا، سوپاس بۆ خوای گەورە زیاتر لە ٣٥٠ پەیپەری زانستیم لە گۆڤارە زانستییە جیهانییەکاندا بڵاوکردووەتەوە.

لە بەرزکردنەوەی پلە زانستییدا لە ما مۆستاوە بۆ پرۆفیسۆری یاریدەدەر تەنها سێ توێژینەوە داواکراوە و ئەو سێ توێژینەوەیەی کە لە بەرزکردنەوەی پلەی زانستیمدا بەکارهاتوون سەرجەمیان بە پرۆسەری پێداچوونەوەی هاوەڵانەدا نەڕۆشتووە لە بەرئەوەی ئاستی گۆڤارەکانی بەرزبوون.

لینکی توێژینەوەکان لە کۆمێنت دانراوە.

بڵاوکردنەوەی زیاتر لە ٣٥٠ پەیپەری زانستی لە ماوەی رابردوودا خەونیش نەئەبوو، لە دوای هیدایەتی خوای گەورە، ئەگەر برادەران نەبوونایە لە بەشی زانستی تاوەری تەندروستی سمارت و رێکخراوی کەیساین.

سەدان و هەزاران جار سوپاس بۆ خوای گەورە بۆ بەخشینە زۆرەکانی.

26/05/2025

د. بەیار عەبدوڵڵا ئەحمەد و د. هێمن سەعید ئەحمەد باجەلان، لە تاقیکردنەوەی دکتۆرا (بۆردی عەرەبی) بۆ پسپۆڕیی نەشتەرگەریی گورچیلە و میزەڕۆی منداڵان، لەسەر ئاستی وڵاتانی عەرەبی پلەی یەکەم و دووهەمیان بەدەستهێنا.

18/05/2025

کۆتایی قۆناغێکی سەخت و دژوار بە ئەنجامێکی ئارام بەخش و دڵخۆشکەر!!
هەمیشە سوپاس گوزاری خوای گەورەم!

دروست پێنج ساڵ بەر لەئێستا، خوای گەورە دەرفەتی پێدام دەست بە خوێندنی باڵای پزیشکی بکەم لە (بۆردی عربی/ پسپۆڕی هەناو).
هەر ئەوکات هەستم بە بەرپرسیاریەتییەکی گەورەکرد دوای ئەوەی لە تاقیکردنەوەی وەرگیران لە بۆردی عربی پشتیوان بەخوای گەورە پلەی یەکەمم بەدەست هێنا لەکۆی پاڵێوراوان لە ئاستی عێراق.

ئیدی لەوکاتەوە، "خوێندن و هەوڵدان" کۆشش و فێربوونی زانست" بوون بە بەشێکی سەرەکی ژیانم سەرەڕای ئەرکە کۆمەڵایەتی و ئیداری و پیشەییەکانم.

دەرفەتەکانی شاڕێی زانست زیاتر بوون! بۆردی عربی لە ڕێگەی نوسراوی فەرمیەوە ڕێی پێداین هاوتەریب بخوێنین و ببین بە ڕاهێنراو لە بۆردی عێراقیش لە پسپۆڕی هەناو، باش دەمزانی ئەم هەنگاوە چەندە سەختەو دەمخاتە ژێرباری خوێندن و کۆشش و تاقیکردنەوەی دوو هێندە و سێ هێندە، بەڵام دڵم بەوە ئاوی دەخواردەوە( ئێ خۆ فێربوونی زانستی پزیشکی خۆی لەخۆی دا ڕێیەکی ڕاست و دروست و پیرۆزە)

بەرمەبنای ئەو لۆژیکەی هەم بوو بۆ زانستی پزیشکی، خۆم خستە ژێرباری تاقیکردنەوەکانی بەدەستهێنانی دبلۆمی باڵای هەناوی لە کۆلێژی شاهانەی پزیشکانی بەریتانیا!

ئیدی، ڕۆژ و هەفتەو مانگ و ساڵەکان تێپەڕین!

دوای زیاتر لە پێنج ساڵ، سوپاس و ستایشی بێ پایان بۆ خوای گەورە کە لەشساغی پێ بەخشیم و گەیشتمە کۆتایی قۆناغەکە، کە ئەنجامەکانی بریتی بوو لە:

**بەدەستهێنانی (بڕوانامەی بۆردی عربی/دکتۆرا لە پسپۆڕی هەناو) بە پلەی" یەکەم" لە ئاستی وڵاتانی عربی

**بەدەست هێنانی (بڕوانامەی بۆردی عێراقی/ دکتۆرا لە پسپۆڕی هەناو) بە پلەی" دووەم" لە ئاستی عێراق

**تەواوکردنی بەشی یەکەم و دووەمی تاقیکردنەوەی بوون بە ئەندامبوون لە کۆلێژی شاهانەی بەریتانی
MRCP

گشت سەرکەوتنەکانی ژیانم بە فەزڵ و میهرەبانی خوای گەورەی دەزانم، هاوکات فەلسەفەی هەوڵدان لەژیانی من ئەمە بووە( باشترین هەوڵی خۆم دەدەم، خوای گەورە هەر ئەنجامێک ببەخشێت! بێ شک خێری تێدایە، مەگەر بەس خودا خۆی بزانێت ئاستەنگ و هیلاکی و شەکەتبوونی ئەم پێنج ساڵە چۆن تێپەڕین!)

ئەم ئەنجامە دەکەمە دیاری بۆ باوکی خۆشەویست و خوالێخۆشبووم، سوپاس گوزاری بێ پایان دەردەبڕم بۆ دایکە میهرەبان و ماندوونەناسەکەم، دەستی پڕ لە دوعاو پاڕانەوەی ماچ دەکەم.

سەرکەوتنەکانم موڵکی من نین! موڵکی ئەوانەن کە بەدرێژایی ڕێگاکە لە پشتم بوون و هاوکارم بوون.

سوپاس بۆ هاوسەری ئازیزم کە بەوپەڕی تێگەیشتنەوە سەرەڕای خوێندنی خۆی هەمیشە هاوکار و پاڵپشتم بوو.

سوپاس بۆ یەک بەیەکی ئەندامانی خانەوادەی خۆم و هاوسەرم کە بە هەموو ڕێگایەک هاوکارمان بوون، دەستی یەک بەیەکی خوشک و براکانم و ئەندامانی خانەوادەم ماچ دەکەم دەزانم چەندە دڵسۆز و خەمخۆر و پشوودرێژ بوون لەگەڵمان.

سوپاسی تایبەت بۆ مامۆستای خەمخۆر و دڵسۆزم (پڕۆفیسۆر کاک دکتۆر دەشتی البستانی) کە هەمیشە هانی دەدام بۆ هەوڵدان و خوێندن، سوپاس بۆ سەرۆکی بەشی هەناو و گشت پزیشکانی پسپۆڕی هەناو و پسپۆڕییە وردەکان لە نەخۆشخانەی ڕزگاری کە بەدرێژایی ئەم چەند ساڵە زانست و ئەزموونتان پێ بەخشین, سوپاس بۆ گشت مامۆستا بەڕێزەکانم بە درێژایی ژیانم لە گشت قۆناغەکانی خوێندن.

سوپاسی گشت هاوپیشەکانم و ئەو پزیشکە گەنج و پەرستارە بەڕێزانە دەکەم کە پێکەوە بە گیانی یەک تیمی خزمەتی نەخۆش کۆی کردبووینەوە لەم چەن ساڵە.

زۆر بوون ئەو خزم و هاوڕێ و ئەزیزانەی لە دڵەوە دوعای خێریان بۆ کردوین، سوپاسگوزاری هەرکەسێکم بە دوعایەکی خێر ئێمەی لەبیر بووبێت.

خوا یار و یاوەرمان بێت، دوای ئەم قۆناغە ئەو زانستەی خوای گەورە پێی بەخشیوین بە شێوەیەکی دروست و ڕاست بیخەینە خزمەت نەخۆش و کۆمەڵگەکەمان.

لەگەڵ ڕێزدا
هێرش

24/03/2025

دکتۆرێکی ساغ و سەلامەت لەگەڵ بریندارێکی بە گوللە پێکراو و چەند کەسێکی سپ و ساغی نەخۆشەکە و سایەق ئیسعافێک بە ئیسعاف بۆ شارێکی تر بەڕێکرابن و لە ڕێگاش ئیسعافەکە (بە داخەوە) تووشی ڕووداوی هاتوچۆ ببێت و کەسەکانی ناو ئیسعافەکە سواری سەیارەی تر بکرێن بۆ گەیاندنیان بۆ نەحۆشخانەی تر و هەر لەو ڕێگایەش (زۆر بە داخەوە) ئەو سەیارەیەی کە دکتۆرەکەی تیایە تووشی ڕووداوێکی تری هاتوچۆ ببێت و لەو ڕووداوەش تەنها و تەنها دکتۆرەکە هەر لە جێگەوە گیان لە دەست بدات و تەرمەکەشی نەنێردرێتە توب عەدلی و نەفەرەکانی تری ناو هەردوو ڕووداوەکەش(جگە لە پەرستارەکە و بە هیوا و نزای زوو چاکبوونەوە) بە سایەق ئیسعاف و سایەق پیکابیشەوە (سوپاس بۆ خوا) سەلامەت لێی دەرچن و تووشی نەشتەرگەریەکیش نەبن و تەنانەت برینداری بە گوللە پێکراوەکەش (دیسان سوپاس بۆ خوا) بگاتە نەخۆشخانە و دۆخیشی جێگیر بێت...
ڕێژەی ڕوودانی ڕووداوی لەم جۆرە لە فیلمدا نازانم چەندە بەڵام لە واقیعدا یەک لە سەر هەشت ملیار و دووسەد و یانزە ملیۆن و نۆ سەد و سی و نۆ هەزار و شەش سەد و نۆیە (۱/ ٨۲۱۱۹۳۹٦۰۹) ، واتا لە تاریخ و جوگرافیای گۆی زەویدا تەنها ئەم جارە ڕووی داوە، ئەوە ڕای من و گوگڵ و چات جی پی تیە، هەرسێکیشمان ئەڵێین (ما یخش بالعقل) ئیتر لیژنە و میژنەی لێکۆڵینەوە و دیزە بە دەرخۆنە کردن و لایەنی پەیوەندار و مەیوەندار و خەڵک و شایەدحاڵ و ڕووداو و مووداو و ئاڤا تیڤی و ماڤا تیڤی چی دەڵێن کەیفی خۆیانە، ئیشاڵا من و گوگڵ و چات جی پی تی هەڵەین و ئەوان ڕاستن ..
ڕووحی ئەو هاوپیشە جوانەمەرگەمان شاد بێت، جێگای بەهەشت بێت، خوای گەورە سەبووری هاوڕێ و دۆست و کەس و کار و هاوپیشەکانی بدات...

دکتۆر سامان

22/03/2025

دکتۆر قەحتان ئاخر بریندار بوو گەیاندیانە نەخۆشخانە کە حاڵی لە هەمووان خراپتر بوو !!!!

‎لاحول ولا قوة إلا بالله العلي العظيم
سەرەتا خودا سێبوری بە خانەوادەی دکتۆر قەحطان زێدە بەڕێزو خۆشەویست بدا کە بەیانی زووی ٢١/٣ زۆر بێ ویژدانە شەهید بوو.
ئێمە لە نەخۆشخانەی بلێ خەبەرمان پێ گەیشت کە نەخۆشێک لە مێرگەسۆر هەوڵی خۆکوشتنی داوە و بە امبولانس دەیهێننە لامان و پێویستە حازر بین، کەچی تاخیر بوو و زانیمان وەرگەڕاوە، کاتێک نەخۆشەکان گەیشتن (١٠) خولەک پاش لە هەمووان ئەوجا دکتۆر قەحطان یان گەیاند پێمان کە برینی ئەو لە هەمووان زیاترو قوڵتر بوو، هیچ کەسێکیش ئاگاداری نەکردینەوە کە دکتۆر تەندروستی خراپە بەڵکو پاش هەموو نەخۆشەکانیش گەیێنرایە نەخۆشخانە.
لە بەینی هەموو بەرکەوتەکانی ئەم رووداوە تاکە خوێن لەسەر زەوی ئەم خەستەخانەیە و جلەکانمان خوێنی دکتۆر بوو، زۆر هەوڵماندا بیگەڕێنینەوە ژیان بەڵام سوودی نەبوو لەبەر قووڵی برینی سەری کە لە دەرەنجامی بەرکەوتنی بتڵی ئۆکسجین رووی دابو و تەنانەت رووخساری نەدەناسرایەوە، بەهۆی نووسینی ناوی لەسەر جلی فەرمی دەوامی ناسرایەوە ، ئەوەی من ئەو ڕۆژە بینیم یاخوا هیچ پزیشکیک نە بەسەری بێت نە بیبینێت، ناخۆشترین کاتی ژیانم بوو وەک پزیشکێک کە کەسێک بناسی و بەتایبەتی هاوپیشەشت بێت لەناو دەستی خۆتا شەهید بێت و هیچت پێ نەکرێت بۆی، دکتۆر گیانی بەخشی تاکو ژیانی نەخۆشێک رزگار بکات کە هەوڵی خۆکوشتنی دابو بەڵام کەس لە عایلەی نەخۆشەکە ژیان و تەندروستی ئەم پزیشکەیان لە بیر نەبوو.
رۆژێک پێش چوونمان بۆ دەوامی دەرەوەی شار دکتۆر قەحطانم لە چێشتخانیەکە دیت و لە هەمان ڕۆژدا چووین بۆ دەوامی دەرەوەی شار بەڵام وا ئێستا ئیمە تەواو بووینو گەڕاینەوە بەڵام دکتۆر لەو احالەیە نەگارەیەوە.
جێگاو مەکانت بەرزترین پلەی بەهەشتە انشاءالله دکتۆر گیان ئیمە وەک دکتۆرێک لەسەر ڕێچکەی باشی تۆ دەڕۆین و هەموو کات تۆمان هەر لە فکرا دەبێت.

‏‎ إِنَّا لِلَّهِ وَإِنَّا إِلَيْهِ رَاجِعُونَ

‏‎دکتۆر محمد شۆڕش

22/03/2025

نەخۆشی VIP و مردنی دکتۆر قەحتان

ئەو پزیشکەی دەوامی لەگەڵ د. قحطان پێکەوە بوو ئەو چەند ڕۆژە باسی ڕووداوەکە دەکات 👇

دةوامي من و دكتؤر قةحطان پيكةوة بوو لةو ١٠ رؤژة(١١/٣-٢١/٣)، عادةتةن ميرگةسور لةبةر اوةي بچوكة و نةخوشت كةمة وً تةنها دوو دكتورن بوية ، او دكتؤرةي لةگةلتة ابيتة هه موو كةست و نزيكترين كةست ، انجا او دكتؤرةي لةگةلتة دكتؤر قةحطان بيت كة نمونة ي كةسي مةرد و دلسؤز بو نةخوش كة هيج كةسيكم نةبينيبو بةو جؤرة دلسؤز بيت بو ايشةكةي ، و لةكةل من هه تا بلي دةواميكي خوشمان بةري كرد ، بةس اوةي لاي من زوور سةير بوو رؤژيك بيش اوةي وةفات بكات وتي ولات ( او ١٠ رؤزة زوور خوش رويشت بةلام نازانم بو دلم پيي خوش نية، طبعةن دكتور قةحطان سالي دووةمي بو وةك و پزيشكي نيشتةجي خولاو اگر نةخوشيكي كريتيكال هه بواية اي وت من لةكةل ي اروم جونكة زوور دلسوز بوو و بةهان شيوة كاك كمال كة نيرسيكي دلسوزة بةهةمان شيوةي دكتور قةحطان كة خةلكي ميرگةسور باشي اناسن ج كةسيكة، دكتور قةحطان سةرةً را ي اوةي كة دةوامي بةقةد ٤ بو ٥ دكتور اكرد كة بارودوخي ژيان واي لي كردبوو بةلام بةقةد ١٠ دكتؤريش دل سؤز بوو، ١ سةعات پيش اوةي لةكةل احالةكة بروات هه موو ستافي بة ( قةناديل) شيريني داوةت كردبوو وةك اوةي شيريني مةرگي بيت ، او شةوة هه تا نةخوشةكة هات بةس سوبعةت و قسةي خوشي اكرد، بةلام كة نةخوشةكةمان بو هات لة شيروان مةزن هه تا بلييي عايلةيةمي تونرةو و بي ريز بون، ديار نةخوشةكةيان گولةي لة خوي دابو لة سينگي خوي دابوو و پيويستي بة سؤندةي سينگ (chest tube) هه بوو كة او رؤژة هه يني بوو دكتور ي خةفةرمان نةبو كةبتوانيت دايبنت ، بوية دكتؤر برياري دا كة احالةي نةخوشخانةي بلي ي بكةين بؤية وةك پيشةي هه موو كاتيكي وتي امن اروم و كاك كماليش كة نيرسيكي زيرةك و دلسوزة وتي لةكةل ي أروم بةلام هه تا بلي عايلةيكي توند رةو هه تا نةيان هيشت دكتور حةتا وةرةقةي احالةش تةواو بكات و دكتور قةحتان و كاك كمال جوة دواي اسعاف و بةخيراي لةرادةبةر بةريكةوتن و كةسوكاري نةخوشةكة كة لة پيشةوة سةركةوتبون بةردةوام زؤريان لة سايق اسعاف كردبوو كة خيراتو و خيراتر بروات تا خوي لة شاخيك داو لة ئةنجامدا بتلي ئؤكسجين بةر سةري اكةويت و داوا اكات بيبةنة خةستةخانة لة كاتةدا پيكابيك ديت و بةخيرايةكي زوور اروات لة ئنجام اويش وةر اگةريت امجارة او برا شيرنة بو هه تا هه تاية دلي لة ليدان اكةويت ، آخر قسةكردني منو قحطان لةكةل روداوةكة ١٥ دةقة بوو .
قةحطاني برا پيكةوة هاتين و ايستا دةواممان تةواو بو ، و جةنابيشت لةبةر إسعافي سةقةت و خةلكانيكي بةناو vip بو هه تا هه تا لة احلاكة نةهاتيةوة

➖➖➖➖➖➖➖
ناکرێ خەڵکی دیکە فیشەک لە خۆی بدات د. قحطان باجەکەی بدات

د. قحطان دایکی لە ژیان نەماوە و باوکی بە تەمەنە لەگەڵ سێ خوشکی دەژیا و پێویستی ژیان و بێ باکی حکومەت و گەندەڵی حکومەت و پێنەدانی مووچەیەکی شایستە وای لێ کردبوو دەوامی زیاتر بکات، ئەگەر حکومەت مووچەیەکی شایستە بدات بۆ ئەرکی خۆی وەک وڵاتانی پێشکەوتوو ئەوکات مجبور نابێت لەسەر حیسابی پشووی خۆی دەوامی زیاتر بکات

29/12/2024

زۆر سوپاس بۆ هەموو هاوکارەکانم لە بەشی کتوپڕ و چاودێری ورد لە نەخۆشخانەی د.جمال ئەحمەد ڕەشیدی مناڵانی فێرکاری/ سلێمانی کە بە پشتیوانی ئەوان توانیمان یەکەم حاڵەت ی (اعتلال الدماغ النخري الحاد) Acute Necrotizing Encephalopathy كە بۆ یەکەمجارە لە عێراقدا تۆمار کرابێت و لە لایەن بەندەوە دەستنیشاکراوە نەک هەر لە مردن ڕزگاری بکەین بەڵکو سوپاس بۆ خوا بە تەواوی چاکیش بۆوە.

هەروەها سوپاسی تایبەت بۆ بەڕێوەبەرانی نەخۆشخانەکە کە ڕێگایان پێدام لە ڕێسای چارەسەرکردنەکان دەربچم و پێکەوە دوو دەرمان
بەکاربهێنین کە پێشتر شتی وا نەکراوە تەنها بە جیا و پێویست ئەکرا چەند ڕۆژێک نێوانیان هەبوایە (ئەگەر یەکەم کاریگەری نەبوایە ئنجا ئەتوانرا دەرمانی دووەم بەکاربهێنرێت کە دەرمانێکی گران و پڕ بەهایە).

لە سەر ئاستی ئێرانیش ؛ ٢ ساڵ پێش ئێستا تەنها ١ حاڵەت کە مناڵێکی ٥ ساڵان بووە لە شاری سنەی کوردستانی ڕۆژهەڵات تۆمارکراوە بەڵام بەداخەوە نەتوانراوە ژیانی ڕزگار بکرێت.

لە تورکیاش بە هەمان شێوە؛ تەنها ١ حاڵەت کە مناڵێکی ٣ ساڵ و نیو بووە و بەداخەوە نەتوانراوە ژیانی ڕزگار بکرێت.

لە کوەیت و ئەردەن؛ ئەوانیش هەریەکە یەک حاڵەتیان تێدا تۆمار کراوە و خۆشبەختانە چاک بونەتەوە.

لە سوریا؛ تا ئێستا هیچ حاڵەتێکی تێدا تۆمار نەکراوە.
لە سعودیەش؛ لە ١٢ حاڵەتی تۆماکراو، سیانیان گیانیان لە دەست داوە.

سڵاو لە بایەخپێدان و خەمخۆریی ئنجا لە زانست!

تێبینی؛ کوپەکە دیاریی مناڵێکی دیکەیە کە بەدەستەکانی خۆی نەخشاندویەتی🥰
گوناه نیە نەبیت بە خزمەتکاریان؟!

25/12/2024

[[ئەم پیاوە ئەناسن ]]
ساڵی دارایی (٢٠٢٤)کۆتایی هات، ساڵی داراییمان لە زانکۆ چۆن بەڕێکرد؟
* بەدرێژایى ئەمساڵ تەنها (٣٥٠) هەزار دینار خەرجیمان لەسەر زانکۆ بوو
* تەنها دوو رۆژ لە دەوام نەبووین.
لەم هەرێمە یەکێک لە هەرە گرفتە سەرەکیەکانی بەرێوەبردن و ئیدارەدانی هەر دامەزراوەیەک بریتیە لە گرفتی دارایی، چونکە رێژەی خەرجی و پارەدارکردن و دارایی دامەزراوەکان لە ئێستادا، نەک بەدڵی بەرێوبەری دامەزراوەکان نیە، بەڵکو لە ئاستی چاوەڕوانی خەزنەدار و بەرێوەبەری بانکەکانیشدا نییە، بۆیە بە هەموو شێوەیەک دەبێت مرۆڤ خۆی لەگەڵ ئەم باردۆخە داراییە بگونجێنێ، تاوەکو بتوانێت کەمێک خزمەت بکات یان جێ دەستی دیار بێت.
لەم بارودۆخە قورسەدا چەندێک دڵمان بە (لایەنی زانستی، وەکو بەدستهێنانی متمانەی بروانامەی زانکۆ و متمانە (اعتراف)ی زانکۆ، ئەنجامدانی کۆنفرانسی پەروەردەیی و کۆنفرانسی زانستە سروشتییەکان و سیمپۆزیۆمە نیودەوڵەتییەکان و بۆ یەکەم جار بەشداریکردن لەدوو رانکینی جیهانیی و سەرپێخستنی هەندێ پرۆژەی ژێرخان و بەناوبانگتربوونی زانکۆکە) خۆشە، هێندەش دڵمان بەوە خۆشە کە نەبوین بە بار بەسەر دارایی زانکۆوە.
ئەمساڵ بۆ دووەم ساڵی لەسەر یەک توانیومانە خەرجی خۆمان وەکو سەرۆکی زانکۆ لەسەر زانکۆ لاببەین . بەشێوەیەک بەدرێژایی ساڵی (٢٠٢٤) خەرجی هاتوچۆ و خواردن و مانەوە و سوتەمەنیمان لەسەر زانکۆ تەنها (٣٥٠) هەزار دینار بووە، بۆ دەرچونەکانی دەرەوەی زانکۆمان سەیارەی تایبەتی خۆمان بەکارهێناوە، ئەمە لەکاتێکدایە چەندین جار ئیفادی دەرەوەی هەرێم بووین ، بەتایبەت سێ جار سەردانی شاری بەغدادمان کردوە و تەنها یەک جارییان سێ شەو ماوینەتەوە، جگەلەوەش هیچ کات لەبەر بێ پارەیی نەمانهێشتوە کاری زانکۆ، بەتایبەتى پێشینەی مانگانە یان هەندێ کاری دیکە پەکی بکەوێت، بەجۆرێک جار هەبووە (٣٧) ملیۆن دینارمان لای زانکۆ بووە، ئێستاش کە کۆتایی ساڵە (٢٠)بیست ملیۆن دینارمان لەلای دارایی زانکۆیە.
لەڕووی دەوامکردنەوە بەدرێژایی ئەمساڵ، تەنها دوو رۆژ لە دەوام نەبووین، جگەلەوەی چەندین جار لە رۆژانی پشوو یان شەوان بۆ راییکردنی کاری زانکۆ چوینەتەوە بۆ دەوام.
لەکۆتاییدا دەمانەوێت بڵێین باسکردنی ئەم شتانە بۆ پیاهەڵدان و بەخۆنازین نییە، بەڵکو تەنها بۆ ئەوەیە نمونە و مۆدێلێکی نوێی بەڕێوەبردن لەم هەرێمەدا پیشانبدەین .

01/12/2024

زیاد لە ١٢٠ ڕۆژ لەگەڵ ئەم خێزانە ژیام! ئەم خێزانە بناسن! سەرسام دەبن! کۆتاییەکەی زۆر گرنگە!

ئەمانەی دەیانبینن چوار کوڕی ئەو خاتوونە بەڕێزەن ، سێ خوشکی بەڕێزیشیان هەیە.
ئەم ئافرەتە بە زۆر زەحمەتیدا تێپەڕی دوای نەشتەرگەری دڵ، نەشتەرگەری چاندنی دەماری دڵی بۆ کرا لەگەڵ گۆڕینی شاخوێنبەری دڵ چونکە دووچاری هەڵدڕان (Aortic Dissection)
هاتبوو. دوای نەشتەرگەری بابەتەکە دەستپێدەکات! دووچاری جەلتەی مێشک بوو بەداخەوە! هۆشی زۆر خراپ بوو، لە چاودێری چڕ مایەوە. دواتر قوڕگی کونکرا تاوەکە هەناسەی باشتر بێ، تووشی هەوکردنی برینەکانی سینگی و قاچی بوو، برینی جێگای بۆ بوو، دواتر گورچیلەکانی زۆراواز بوون، ئینجا هەوکردنێکی زۆر لە فەحسەکانیدا هەبوون. ئەم خاتوونە هۆشی زۆر کەم بوو، جووڵەی نەبوو، بە تایبەت دەست و قاچی ڕاستەی. بەردەوام لەسەر علاجی جۆراو ڤۆر و زۆر بوو بۆ هەموو ئەو کێشانەی باسم کرد. سوندەی گەدەی (PEG) بۆ داندرا تاوەکە خواردنی پێ بدرێ، چەندین جار نازوڕی سییەکانمان بۆ کرد، ڕۆژانە چەندین فەحس و دەرمانی هەبوو، ئەمە هەمووی ڕۆژێک نا، دوو نا، هەفتەیەک نا دوو نا! من و چەندین پزیشکی هاوەڵ و نێرسە بەڕێزەکانی سەنتەری دڵ و ئەو حەوت منداڵەی خەریکی ئەم ئافرەتە بووین. دوای چەندین هەفتە لە چاودێری چڕ، کەمێک تەندروستی باشتر بوو، گورچیلەکانی ، هەوکردنەکەی، هۆشی باش دەبوون و تێکدەچوونەوە، دواتر دەرچوو بۆ قاوش، دوای چەند ڕۆژێک گەشکەی گرت و ئوکسجینی هاتە خوارەوە و چۆوە چاودێری چڕ! هاتینەوە خاڵی سفڕ! هۆشی خراپ بۆوە، گورچیلەکانی خراپ بوونەوە، هەوکردن هەبوو، برینی سینگ بووبۆوە! دیسانەوە بەردەوام هەمان کار دەستپێکرایەوە! بەردەوام لە هەفتەی یەکەمەوە چارەسەری سروشتی هەموو جەستەی بۆ دەکرا لەلایەن کوڕ و کچەکانییەوە بە شەو و بە ڕۆژ، دەیان جار، هەڵدەگێردرایە سەر تەنیشتەکان ئەملا و ئەولای پێ دەکرا، ئەمە جگە لە خاوێنکردنەوەی پیساییی و سکچوونی بە بەردەوامی بۆ دەکرا لەلایەن منداڵەکانییەوە! خواردنی بۆ دروست دەکرا چەندین ژەم بە سۆندە پێیدەدرا.
دیسان باری تەندروستی باشتر بۆوە سوپاس بۆ خوا! تا ئێرە نزیک ٦٠ ڕۆژ تێپەڕیبوو! دیسانەوە ناردمانەوە قاوش ، لەوێ خزمەت دەکرا. دواتر هۆشی کەمێک باشتر بوو، برینەکانی ڕۆژانە تیمار دەکران و چەند جارێک دوورانەوەیان بۆ کرا، بۆ چەند ڕۆژێک پێمان باش بوو بچێتەوە ماڵەوە، ناردمانەوە بەڵام دوای دوو یا سێ ڕۆژ بوو گەڕایەوە بە تەندروستییەکی خراپەوە! سییەکانی تووشی هروکردن بووبوون چونکە قووتدانی باش نەبوو خواردن چووبووە سییەکانی. دیسان داخلی نەخۆشخانەمان کردەوە، نزیکەی ٦٠ ڕۆژێکی دیکە مایەوە، بەردەوام ئەوانەی لەسەرەوە باسم کرد هەمووی شەو و ڕۆژ لەلایەن خێزانەکەیەوە بۆ دەکرا! ئەم ئافرەتە بەستەزمانە زیاتر لە ١٢٠ ڕۆژی تێپەڕاند لەگەڵماندا!
من بە واجبی دەزانم ئەم پۆستە بکەم، بۆ؟ چونکە دەمەوێ هەموو جیهان بناسێنم بەم خێزانە، بەم کوڕ و کچە پاڵەوانانە! ئەگەر ئەو منداڵانەی نەبووایە سوێند بەخوا بە دەیان دکتۆری وەکو من و سەد قات لە من باشتر و دەیان نێرس ئەم ئافرەتە یەک مانگیش ڕەنگە نەژیابا، ئەگەر ئەو خێزانە نەبووایە یەک برینیشی ساڕێژ نەدەبوو. بۆچی یەک چرکە منداڵەکانی ماندوو بوون؟ یەک چرکە بێتاقەتی یا وەرزبوونیان بە دەموچاوەوە دەبینرا؟ هەرگیز! هەرگیز بۆ یەک ساتیش کۆڵیان نەدا، دەمگوت پێویستی بەو دەرمانەیە،. بەو فەحسەیە بەو ئامێرەیە، بە خێراترین شێوە ئەنجامیان دەدا!
بەیانیان کوڕەکەی (کاک دیدار، کە پێی دەڵێم دکتۆر دیدار چونکە بە قەد ئێمە شارەزا بوو!) لەگەڵ خوشکەکەی، شیفتی ئێواران و شەوانیش دوو کوڕی دیکەی دەمانەوە لەگەڵ ئەم ئافرەتە.
بە من بێت پەیکەرێکیان لە ناو سەنتەری دڵ بۆ دروست دەکەم!
سوپاس بۆ خوا ئێستا تەندروستی زۆر باشە و لە ماڵەوەیە و دەست وقاچەکانی دەجووڵینێ و گورچیلەکانی زۆر باشن و هەوکردنەکەی زۆر باش بووە! هەمووش دوعای بۆ دەکەین انشاءاللە..
ئینجا بڵێن چی؟ گوێتان لەمە بێت! ئەو ئافرەتە دایکی خۆیان نییە، زڕ دایکییانە! ئەم حەوت کوڕ و کچە لە ژنی دووهەمن!

دکتۆر زانا بابان

27/11/2024

کۆیلە دێتە نەخۆشخانە و دەنگ باسەر دکتۆر و کارمەندی نەخۆشخانە بەزر ئەکاتەوە ، بەس ناوێرێت دەنگ هەڵبڕێت لەسەر ئەو هەموو کونەی تێیکراوە .

17/11/2024

20/10/2023

وەرزی هەنارە! ئاگاداری ئەم کێشەیە بن! مەترسیدارە!

کاتێک دەنکە هەنار لەناو دەمتدایە وریابە پێمەکەنە! قسە مەکە ڕەنگە ئەمە ببێتەهۆی ئەوەی دەنکە هەنارێک بپەڕێتە بۆری هەناسەت و مەترسی لەسەر ژیانت دروست بکات!
وێنەکە چیرۆکی نەخۆشێکە کە لە کاتی هەنارخواردن دەنکە هەنارێکی گەورە پەڕیبووە بۆری هەناسەیی و تەنگە نەفەسی زۆری بۆ دروست کردبوو! وەختبوو بخنکێت! بەنازور زۆر بە ناڕەحەتی دەرکرا! تەنانەت بە نازووری بۆری هەناسە (Bronchoscopy) دەرنەکرا ناچاربووین بە نازووری گەدە (OGD) دەریبکەین چونکە هەنارەکە زۆر گەورە بوو بە گراسپەری ئاسایی نەدەگیرا!

دکتۆر فەهمی حسێن کاکە