نەخۆشخانەی ( هیوا )، نەخۆشخانەیەکی ( 120 ) تەختی تایبەتە بە چارەسەرکردنی شێرپەنجە و نەخۆشیەکانی خوێن. لە ئابی 2007 لە ناوچەی قڕگەی شاری سلێمانی دروستکراوە. ( هیوا ) بە پلەی یەکەم دێت لە رووی زانستیەوە لەسەر ئاستی عیراق و چارەسەر پێشکەش بە هەموو تەمەنەکان دەکات.
رۆژانە ( 300 ) نەخۆش سەردانی نەخۆشخانەی هیوا دەکەن لەو رێژەیە نزیکەی نیوەیان ( 150 ) چارەسەری کیمیاوی تایبەت بە نەخۆشیەکانیان وەردەگرن
نە
خۆشخانەی ( هیوا ) هاوکاربووە تاوەکو سلێمانی بە پایتەختی چارەسەری شێرپەنجە دابنرێت لە عیراقدا بەو پێیەی پزیشکانی پسپۆڕی شارەکانی تری وەک هەولێر و کەرکوک و موسڵ و کەربەلا و کوت و بەغداد لە شاری سلێمانیدا بڕوانامەیان وەرگرتووە کە ژمارەیان لە 100 پزیشک زیاترە .
لە ئێستادا نەخۆشخانەی ( هیوا ) لەهەوڵی ئەوەدایە خزمەتگوزاریەکانی بگەیەنێتە ئاستێکی گونجاو لە ستانداردی جیهانی، وێرای پشتیوانی حکومەتی هەرێمی کوردستان لە رێگای خێرخوازیشەوە بڕێک لە پێداویستیەکانی بۆ دابیندەکرێت .
