https://www.facebook.com/121860885883710/

Dr.Harem Hamad Hassan/د.هەرێم حمد حسن, Ranya-slemani/ڕانیە, Ranya (2025)

04/10/2025

ئایە لە چ تەمەنێکدا منداڵ دەتوانێت بە تەنها لەشەقامەکاندا بپەڕێتەوە؟
وەڵام / منداڵ لە تەمەننی ۹_۱٠ ساڵی دەتوانێت ئاڕاستەی ڕۆیشتنی شەقامەکان دیاری بکات و بەتەنها لەشەقام بپەڕێتەوە ، بەڵام لەشەقام و تڕافیکی زۆر قەرەباغ باشترە تا تەمەنی هەرزەکاری (۱٤ ساڵی) لەژێر چاودێری کەسە گەورەکاندا لە شەقام بپەڕێتەوە.

د.هەرێم حمد حسن
پزیشکی پسپۆڕی منداڵان

21/09/2025

ئایە لە چ تەمەنێکدا گوونجاوە ئاو بدرێت بە منداڵ؟
وەڵام / منداڵێکی تەندروست پێش شەش مانگی پێویستی بەئاو نیە.
٠_٦ مانگی : لە ڕێگەی شیری دایک یان شیری قتوو هەموو ئەو ئاوەی لەو تەمەندا پێوستیەتی وەریدەگرێت تەنانەت لە وەرزە گەرمەکانیشدا ، بۆیە پێدانی ئاو لەو تەمەندا کاردەکاتە سەر شیرخواردنی منداڵەکە هەندێجار دەبێتەهۆی ژەهەراویبوون بە ئاو.
لەدوای تەمەنی شەش مانگیەوە :لەدوای دەستکردن بەخواردن ،دەتوانرێت کەم کەم دەست بکرێت بە پێدانی ئاو بە کوپ بۆ یارمەتی قووتدان و فێربوونی ئاو خواردنەوە.

لەدوای تەمەنی یەک ساڵیەوە : ئاو دەبێتە سەرچاوەی سەرەکی لە پاڵ شیر و خواردن.

د.هەرێم حمد حسن
پزیشکی پسپۆڕی منداڵان

28/11/2024

یەکەمین ۱٠٠٠ ڕۆژی تەمەنی منداڵ چیە؟

یەکەم هەزار ڕۆژی ژیانی منداڵ کە لە دووگیانیەوە تا دووەم ساڵی لەدایکبوونی دەگرێتەوە، ماوەیەکی گرنگە بۆ گەشەکردنی لایەنی جەستەیی و مەعریفی و کۆمەڵایەتی. لەم قۆناغە بناغەی تەندروستی و فێربوون و خۆشگوزەرانی تەواوی ژیان دادەنێت.

گرنگی ئەم قۆناغە چیە؟
۱ـ گەشەکردنی مێشک:
• لە ماوەی 1000 ڕۆژی یەکەمدا، مێشکی منداڵ خێراتر لە هەر کاتێکی دیکەی ژیانی گەشە دەکات، لە هەر چرکەیەکدا۷٠٠ بۆ ۱٠٠٠ پەیوەندی دەماری نوێ دروست دەکات.
• خۆراک پێدادانی دروست و هاندان و چاودێری پەروەردەکردن زۆر گرنگن بۆ گەشەکردنی مێشک بە باشترین شێوە.
۲ ـ گەشەی جەستەیی:
• ئەم ماوەیە ئەو کاتەیە کە منداڵ خێراترین گەشەی باڵا و کێشی بەخۆیەوە دەبینێت. کەمی خۆراک دەتوانێت ببێتە هۆی وەستانی گەشەکردن ، کە زۆرجار دوای ئەم ماوەیە ناتوانرێت قەرەبووی گەشەی بکرێتەوە.

۳ ـ گەشەکردنی سیستەمی بەرگری:
• خۆراکی پێویست یارمەتی دروستکردنی سیستەمێکی بەرگری بەهێز دەدات. ئەو منداڵانەی لەم ماوەیەدا توشی بەدخۆراکی دەبن، زیاتر تووشی هەوکردن و نەخۆشی دەبن، کە دەکرێت لێکەوتەی درێژخایەنی هەبێت.
٤ ـ بناغەیەکە بۆ فێربوون
• ئەم ماوەی هەزار ڕۆژە زەمینەسازی بۆ توانا مەعریفیەکان، کارامەیی کۆمەڵایەتی و خۆڕاگری سۆزداری دەکات. پشتگوێخستن، فشار، یان خراپی خۆراک لەم قۆناغەدا دەتوانێت کاریگەری نەرێنی لەسەر توانای فێربوونی منداڵ هەبێت.

٥ ـ کاریگەری تەندروستی دایک
• تەندروستی دایک لە کاتی دووگیانیدا زۆر گرنگە. خۆراکی گونجاوی دایکان، چاودێری پێش لەدایکبوون و کۆنتڕۆڵکردنی سترێس ڕاستەوخۆ کاریگەرییان لەسەر گەشەکردنی منداڵ لە سکی دایکیدا هەیە.

د.هەرێم حمد حسن
پزیشکی پسپۆڕی نەخۆشیەکانی منداڵان

07/10/2024

هۆکاری ڕەش بوونی ژێر چاو لە منداڵاندا چیە؟

ڕەش بوونی ژێر چاو لە منداڵاندا لەوانەیە بەهۆی ئەم
هۆکارانەوە بێت

۱ـ هۆکاری جێنەتیکی (بۆماوەیی) لەهەندێ خێزاندا بەهۆی تەنکی پێستی ژێر چاو ،ژێر پێستەکەی ڕەش دەردەکەوێت

۲ـ هەستیاری:هەستیاری دەبێتە هۆی ئاوسان و گیرانی ڕێڕەوی لووت، ئەمەش دەبێتە هۆی دروستبوونی بازنەی ڕەش. زۆرجار ئەو منداڵانەی هەستیاریان هەیە چاویان دەگوشن، ئەمەش دەبێتە هۆی خراپترکردنی کێشەکە.

۳ـ گیرانی لووت: هەر حاڵەتێک کە ببێتە هۆی گیرانی درێژخایەنی لووت (بۆ نموونە هەوکردنی جیوب) دەبێتە هۆی فراوانبوون و ڕەش دەرکەوتنی خوێنبەرەکانی دەوروبەری چاوەکان، ئەمەش دەبێتە هۆی دروستبوونی بازنەی ڕەش.

٤ـ ماندوێتی یان خراپی خەوتن: کەم خەوی یان خراپی کوالێتی خەو دەبێتە هۆی ئەوەی پێست زەردتر دەربکەوێت، بەمەش خوێنبەرەکانی ژێر چاو زیاتر دەربکەون.

٥ـ ووشک بوونەوە: کەمبوونەوەی ئاوی پێویست دەبێتە هۆی ئەوەی پێست مات دەربکەوێت و ڕەشیەتی ژێر چاوەکان زیاتر بکات.

6- کەمی ئاسن: کەمی ئاستی ئاسن دەبێتە هۆی کەمکردنەوەی ڕێژەی ئۆکسجین لە خوێندا، ئەمەش دەبێتەهۆی دەرکەوتنی بازنەی ڕەش.

۷ـ ئەکزیما یان خورانی پێست: حاڵەتەکانی وەک ئەکزیما کە دەبێتە هۆی خوران و هەوکردنی دەوروبەری چاوەکان دەبێتە هۆی دروستبوونی بازنەی ڕەش.

۸ـ کەم خۆراکی:خواردنی ئەو خۆراکانەی ماددە خۆراکیە پێویستیەکانی تێدا نەبێت دەبێتەهۆی گاریگەری لەسەر تەندروستی پێست و دروست بوونی بازنەی ڕەشی ژێر چاو.

د.هەرێم حمد حسن
پزیشکی پسپۆڕی منداڵان

22/07/2023

چۆن منداڵەکانمان لەم شەپۆلی گەرمایە بپارێزین؟
چی بکەین؟
بە بەردەوامی بزانە ئەگەر منداڵەکەت تینووە، ئارەقە دەکات، هەست بە گەرمی دەکات، ڕشانەوەی هەیە، دەمی وشک بۆتەوە، یان تووشی سەرئێشە بووە. ئەگەر منداڵەکەت بە باشی وەڵامی نەدایەوە، تایەکی بەرزی هەبوو، سەری گێژ خوار یان خێرا هەناسە دەدات، دەستبەجێ بیبە بۆ نەخۆشخانە.

دڵنیابە لەوەی کە منداڵەکەت جل و بەرگی شل و فراوانی لەبەردایە ، ئەمە دەتوانێت یارمەتیدەر بێت لە ڕێگریکردن لە سووربونەوە بەهۆی گەرمی و بەرزبوونەوەی پلەی گەرمی لەش.

بزانە کە منداڵەکەت تینوو نیە. لەوانەیە خۆی نەزانێت کە ووشک بۆتەوەو . شیرپێدانی بەردەوامی منداڵی خوار تەمەنی ٦ مانگ . دایکانی شیردەر پێویستە بڕێکی زۆر ئاو بخۆنەوە چونکە وشکبوونەوە کاریگەری لەسەر بەرهەمهێنانی شیری دایک دەبێت، منداڵانی تەمەن ٦ مانگ و سەرووتر پێویستە بە بەردەوامی بە درێژایی ڕۆژ ئاو بخۆنەوە.

ئەی چی نەکەین؟

لەخۆتەوە دەرمان مەدە بە منداڵەکەت ئەگەر نیشانەی بەرزبوونەوەی پلەی گەرمی لەشی هەبوو بەهۆی تیشکی خۆرەوە بەبێ ڕاوێژی پزیشک.

منداڵەکەت لە شوێنی داخراودا بەجێ مەهێڵە کە هەواگۆڕکێی تێدا نەبێت، وەک ئۆتۆمبێل یان ژوورێک کە پەنجەرەی داخراوە.

ڕێگە مەدەن منداڵەکانتان بۆ ماوەیەکی زۆر لە دەرەوە یاری بکەن کاتێک گەرمە و بەبێ ئەوەی چاوتان لەسەریان بێت. لە کاتی وەرزشکردن یان یاریکردن لە دەرەوە با هەر٣٠ خولەک جارێک پشوو بدەن. وەرزشکردن یان یاریکردن لە پلەی گەرمی بەرزدا دەبێتە هۆی وشکبوونەوە و لێکەوتەی خراپی دەبێت لەسەر تەندروستی منداڵەکەت.

د.هەرێم حمد حسن
پزیشکی پسپۆڕی منداڵان

24/12/2022

چۆن منداڵەکانمان فێری دەست شوشتن بکەین؟

یەکێک لەو ڕێگا هەرە ئاسان و هەرزان و گرنگانەی بۆ ئەوەی مناڵەکانمان لە نەخۆشی بپارێزین بریتیە لە دەست شوشتن.
چەند ئامۆژگاریەک بۆ چۆنیەتی کردنی دەست شوشتن بە خوویەک لە منداڵەکانماندا.

۱ـ ڕوون کردنەوە بۆیان دەربارەی سودەکانی دەست شوشتن.
منداڵەکەت فێربکە کە دەستشۆردن دەتوانێت لە بەکتریا و ڤایرۆسەکان بە سەلامەتی بیپارێزێت کە دەتوانێت خۆی و کەسانی دیکەی دەوروبەری نەخۆش بخات
فێریان بکە کە چۆن هەرچەندە میکرۆبەکان نابینرێن بەڵام دەتوانن لەسەر دەست و پەنجەمان هەبن
بۆیان ڕوون بکەرەوە کە دەستشۆردنی بەردەوام بەقەد شووشتنی ددانەکان یان خواردنی ژەمێکی تەندروست گرنگە.

۲ـ نیشانی بدە کە چۆن بەدروستی دەستەکانی بشوات
ڕوونی بکەرەوە کە بۆ نەهێشتنی هەموو شوێنەواری بەکتریا هۆکارەکانی هەوکردن لەسەر دەستەکانت شۆردنی خێرا تەنها بە ئاو بەس نییە.
لێرەدا ڕێنمایی هەنگاو بە هەنگاو بۆ دەستشۆردنی کاریگەر
دەخەینەڕو.
• هەنگاوی یەکەم: دەستەکانی جوان بە ئاو تەڕ بکات
• هەنگاوی دووەم: بڕێکی تەواو سابوون بدات لە دەستی تا ئەوەی هەموو دەستی دادەپۆشێت.
• هەنگاوی سێەم: لێخشاندنی دەست و پەنجەکان ،پشتی دەست،ناو پەنجەکان لە یەکتری بۆ ماوەی ۲٠ چرکە.
• هەنگاوی چوارەم: جوان شووشتنەوە بە ئاو
• هەنگاوی پێنجەم: ووشک کردنەوە بە خاولیەکی خاوێن یان کلێننس.

۳ـ فێری بکە کە بۆ ماوەی ۲٠_۳٠ چرکە دەستەکانی بشوات.

٤ـ فێری بکە لە چ کاتێکدا پێویستە دەستەکانی بشوات.
• لەو کاتانەی دەستەکانی پیسە
• پێش و پاش نان خواردن
• دوای تەوالێت کردن
• دوای دەست دان لە ئاژەڵ و گیانداری ماڵی
• دوای لوت سڕین و کۆکین و پژمین(کاتێک دەستەکانی بەکاربهێنێت).

٤ـ دەست شووشتن بکە بە چالاکیەکی خۆشی خێزانی (هەموو
ئەندامانی خێزان بە بەیەکەوە دەستەکانیان بشۆن)

بەکارهێنانی ئاوی گەرم یان سارد جیاوازی نیە بۆ دەست شووشتن.
ووشک کردنەوە دوای دەست شووشتن گرنکە چونکە میکڕۆبەکان بە ئاسانی بەسەر ڕوویەکی تەڕ بڵاو دەبنەوە وەک
لە ڕووی ووشک.

د.هەرێم حمد حسن
پزیشکی پسپۆڕی منداڵان

13/12/2022

تا......
گرنگترین شت کە پێویستە بیکەیت کاتێک مناڵەکەت تای هەبێت ئەمانەی خوارەوەیە..
۱ـپێدانی شلەمەنی زۆر بۆ ئەوەی جەستەی تێر ئاو بێت و دوور بێت لە وشک بوونەوە.
۲ـپێدانی دەرمانی دژە تا (پاراستۆڵ ، پڕۆفین) لە کاتی بوونی تای بەرزو ناڕەحەتی.
۳ـچاودێری بەردەوام بۆ نیشانەی نەخۆشی ترسناک.

لە چ کاتێکدا سەردانی پزیشک دەکەیت کاتێک مناڵەکەت تای هەبێت؟
۱ـ کاتێک مناڵەکەت زۆر نەخۆش دەرکەوێت بەشێوەیەکی نائاسایی بەردەوام خەواڵ و بێ تاقەت بێت.
۲ـ هەندێ نیشانەی تری هەبێت وەک (ڕەق بوونی مل و سەرئێشە،ئازاری زۆری قوڕگ،ئازاری زۆری گوێ،ناڕەحەتی هەناسەدان و هەناسەتوندی،سک چوون و ڕشانەوە)
۳ـ کێشەی هەبێت لە بەرگری لەشی وەک(نەخۆشی سیکڵ سێڵ،شێرپەنجە،بەکارهێنانی دەرمانێک کەکاریگەری هەبێت لەسەر بەرگری لەشی).
٤ـ نەخۆشی زماکی دڵی هەبێت.
٥ـن ەخۆشی گەشکەی هەبێت.
٦ـ تەمەنی لە سێ مانگ بچووک تر بێ و تاکەی لە ۳۸ زیاتر بێت.
۷ـ تاکەی لە ٤٠ زیاتر بێت لە هەر تەمەنێک دا بێت
۸ـ تاکەی لە ۲٤ کاتژمێر زیاتر بێت و تەمەنی لە دوو ساڵ کەمتر بێت.
۹ـ تاکەی لە ۷۲ کاتژمێر زیاتر بێت و تەمەنی لە دوو ساڵ زیاتر بێت.
۱٠ـ مناڵەکەت بەردەوام نەخۆش دەرکەوێت لەکاتێکدا تاکەی نەماوە(بەهۆی بەکارهێنانی دەرمانەوە).
۱۱ـ بەردەوام حاڵی خراپ تر بێت

د.هەرێم حمد حسن
پزیشکی پسپۆڕی نەخۆشیەکانی منداڵان

25/11/2021

ئایا پێدانی سریلاک بە منداڵ دەبێتە هۆی دروست بوونی کرم؟
وەڵام==> نەخێر ئەم قسەیە هیچ بنەمایەکی زانستی نیە

د.هەرێم حمد حسن
دکتۆرا(بۆرد)لە نەخۆشیەکانی مناڵان و تازەلەدایک بووان و گەشەی منداڵ
ڕانیە شاری پزیشکی ڕانیە ٠۷۷٠۱٤٤٠٤٦۱_٠۷٥٠۱٤٤٠٤٦۱
حاجیاوا تەلاری پزیشکان )چوار شەمم و پێنج شەممە) ٠۷٥٠۳۱٠٠٤٥۸

22/08/2021

ئایا لە چ تەمەنێکدا دەبێت ددانی مناڵ بشۆردرێت؟
چ جۆرە هەویرێکی ددان بەکاربهێنرێت؟
بڕی چەند لە هەوریری ددان بەکاربهێنرێت؟
چەند جار بشۆردرێت؟

وەڵام ...لەوکاتەوە مناڵ یەکەم ددانی دەرهات دەبێت ڕۆژانە دوو جار ددانی بۆ بشۆردرێت.
دەبێت بە جۆرێک هەوریر بشۆردرێت کە ماددەی فلۆڕایدی تێدا بێت.
بۆ مناڵی خوار سێ ساڵ بڕی هەوریرەکە بە قەبارەی دەنکێک برنج،بۆ مناڵی سەروو سێ ساڵ بڕی هەویرەکە بەقەبارەی
دەنکێک بەزەلیا بێت.......

د.هەرێم حمد حسن
دکتۆرا(بۆرد)لە نەخۆشیەکانی مناڵان و تازە لەدایک بووان و گەشە..
ڕانیەـشاری پزیشکی ڕانیە پشت لەنگە
٠۷۷٠۱٤٤٠٤٦۱_٠۷٥٠۱٤٤٠٤٦۱

31/07/2021

ئایە ئەگەر مناڵەکەت شەوانە لیکی زۆر بوو نیشانەی ئەوەیە کە کرمی هەبێت؟وەڵام...نەخێر بوونی لیک نیشانەی بوونی کرم نیە

د.هەرێم حمد حسن
دکتۆرا(بۆرد) لە نەخۆشیەکانی مناڵان و تازە لەدایک بووان و گەشە
ڕانیە.شاری پزیشکی ڕانیە
٠۷۷٠۱٤٤٠٤٦۱_٠۷٥٠۱٤٤٠٤٦۱

27/06/2021

ڕاست کردنەوەی چەند هەڵەیەک دەربارەی زەردوویی و چارەسەری زەردوویی لە مناڵی تازەلەدایک بوودا....

_بەکارهێنانی شەکراو
_بەکار هێنانی هەنگوین(تکایە تکایە هەنگوین نابێت بدرێت بەمنداڵی خوار یەک ساڵان)
_گڵۆپی ماڵەوە
_سارد یان گەرم داپۆشین
_قەترەی مەڵتی ڤیتامین(کە زۆر بەکاردەهێنرێت)
_قەترەی گلوکۆز پاودەر
_دواخستنی کوتانی مناڵەکە بەهۆی زەردووییەوە (واتە زەردوویی ڕێگر نیە لە کوتانی مناڵ بۆ هاوڕێیانمان لە بەشی کوتان لە مەڵبەندە تەندرووستیەکان)

د.هەرێم حمد حسن
دکتۆرا(بۆرد) لە نەخۆشیەکانی مناڵان و تازە لەدایک بووان و گەشە
ڕانیە تەلاری پزیشکی خێزانی تەندروست
تڕافیکی صناعە، تەنیشت مۆبیلیاتەکان
٠۷۷٠۱٤٤٠٤٦۱_٠۷٥٠۱٤٤٠٤٦۱

17/06/2021

ئایا ئەگەر پیسایی مناڵەکەت ڕەنگی سەوز بێت نیشانەی ئەوەیە کە ئازاری گوێ یان هەوکردن(ئیلتیهاباتی)ی گوێی هەبێت؟
• وەڵام...نەخێر ئەم قسەیە هیچ بنەمایەکی زانستی نیە.هەوکردنی گوێ دوورو نزیک پەیوەندی بە ڕەنگی پیساییەوە نیە.

د.هەرێم حمد حسن
دکتۆرا(بۆرد) لە نەخۆشیەکانی مناڵان و تازە لەدایک بووان و گەشە
ڕانیە تەلاری پزیشکی خێزانی تەندروست
تڕافیکی صناعە، تەنیشت مۆبیلیاتەکان
٠۷۷٠۱٤٤٠٤٦۱_٠۷٥٠۱٤٤٠٤٦۱

Dr.Harem Hamad Hassan/د.هەرێم حمد حسن

04/10/2025

21/09/2025

28/11/2024

07/10/2024

22/07/2023

24/12/2022

13/12/2022

25/11/2021

22/08/2021

31/07/2021

27/06/2021

17/06/2021

Address

Telephone

Website

Alerts

Shortcuts

Share

Category