Operation rooms in SHAR hospital

02/05/2025

07/11/2024

خەڵاتی نێودەوڵەتی دەبەخشرێتە نەخۆشخانەی شار لە سلێمانی

بەبوونی باشترین سەنتەری چارەسەری جەڵتەی مێشك، خەڵاتێكی نێودەوڵەتی دەبەخشرێتە نەخۆشخانەی شار لە سلێمانی.

بەڕێوەبەرایەتیی گشتیی تەندروستیی سلێمانی بڵاویكردەوە، لە كۆنگرەی لوتكەی جیهانیی جەڵتەی مێشك لە بەغداد خەڵاتێك دەبەخشرێتە بەشی هەناویی مێشك و دەماری نەخۆشخانەی شار وەك باشترین و یەكەمین سەنتەری چارەسەری جەڵتەی مێشك لەسەر ئاستی عێراق و زۆریی ئەو كەیسانەی تێیدا چارەسەردەكرێن.

تەندروستیی سلێمانی دەشڵێت، "رۆژی هەینیی داهاتوو لە كۆنگرەی جەڵتەی مێشك كە لەشاری بەغداد بەڕێوەدەچێت، خەڵاتی زێڕین بە نەخۆشخانەی شار دەبەخشرێت و خەڵاتەكە لەلایەن د. زانا عەبدولرەحمان، سەرۆكی بەشی هەناوی مێشك و دەمار لە نەخۆشخانەی شار وەردەگیرێت وەك باشترین سەنتەری چارەسەری جەڵتەی مێشك.

01/05/2024

هەمووان لە لە پشوودان
ئەمان لەسەر کار

پیرۆز بێ ڕۆژی جیهانی کرێکاران

10/04/2024

سوپاس بۆ ماندووبونتان
بەردەوامی پێشکەش کردنی خزمەتگوزاری تەندروستی بە هاوڵاتیان لەیەکەم ڕۆژی جەژنی ڕەمەزانی پیرۆز لەنەخۆشخانەی شار ...

بــــه هیـــوای ســـەلامـــەتــــــی و تــــەنـــدروستــــــی بــــــاش ،

10/04/2024

06/12/2023

بسم الله الرحمن الرحيم
(الَّذِينَ إِذَا أَصَابَتْهُم مُّصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ)

بەداخ و پەژارەیەكی زۆرەوە هەواڵی كۆچی دوایی کارمەندی خۆبەخشی بێهۆشکاری (باوەڕ تۆفیق مجید) لەنەخۆشخانەی شار ڕادەگەیه نین

لەخودای گەورە داواكارین كۆچكردوو بە بەهەشتی بەرینی خۆی شاد بكات و سەبووری و دڵنەوایی بە بنەماڵەكەی ببەخشێت.

03/10/2023

بسم الله الرحمن الرحيم (وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ)

بەناوی بەڕێوەبەرایەتی نەخۆشخانەیی شارەوە پرسەو هاوغەمی خۆمان ڕادەگەینین
بۆکۆچی دوایی کارمەندی تەندروستیمان (یاسین عومەر احمد) لەدەرمانخانەی فریاکەوتن

خوایی گەورە لێی خوش بێ و ئارامی ببەخشێ بە ئێمەو خانەوادە بەڕێزەکەیان

13/09/2023

لە مانگێکدا لە نەخۆشخانەی شار چارەسەر بۆ ٢٩,٧٧٧ نەخۆش کراوە

بەپێی ئامارێکی بەرێوبەرایەتی گشتیی تەندروستیی سلێمانی لە ماوەی مانگی ڕابردوو ٢٩,٧٧٧ سەردانی نەخۆشخانەی شاریان کردووە و لەو ژمارەیە ٢٣,٢٠٩ نەخۆشیان لە بەشی فریاکەوتنی نەخۆشخانەکە چارەسەری پێویستیان بۆ کراوە و ٨,٣٣٦ نەخۆش داخڵ کراون.
ھەر لەماوەی ئەو مانگەدا لەنەخۆشخانەی شار ھەزار و ٥٩٣ نەشتەرگەری جۆراوجۆر ئەنجام دراوە و ۱۸۱ نەشتەرگەری قەستەرە و ۷٦ نەشتەرگەری شەبەکە و باڵۆن و ۱۰۸ نەشتەرگەری بۆ منداڵان ئەنحام دراوە.

ھەر لەو ماوەیەدا لە نەخۆشخانەی شار سێ ھەزار و ٩٤ نەخۆش لە بەشی فریاکەوتن داخڵ کراون و ۸۳٤ نەخۆش لە بەشی گورچیلەی دەستکرد و ھەزار و ٥٠٦ نەخۆش لە بەشی نەشتەرگەری و ٤۸ نەخۆش لە بەشی چاودێری وورد و ۲٥۷ نەخۆش لەبەشی CCU و ھەزار و ٧٩٦ نەخۆش لەبەشی ھەناوی و ۲٥٦ نەخۆش لە بەشی ھەناوی مێشک و دەمار و ۱۸٦ نەخۆش لە بەشی نەشتەرگەری مێشک و دەمار داخڵ کراون.

مانگی ڕابردوو لە نەخۆشخانەی شار حەفتا و نۆ ھەزار و ٦۸۳ شیکاری تاقیگەیی و سێ ھەزار ٥٨٣ ھێڵکاری دڵ کراوە و نۆ ھەزار ٩٧٤ تیشک و سێ ھەزار ٩٤١ سۆنەر و ٤۸۸ ئیکۆ و ھەزار و ١٤٤ چارەسەری سروشتی کراوە.

04/09/2023

ئەو خۆراكانەی شیری دایك زیاد دەكەن چین ؟

پسپۆڕان رینوێنی دەدەن بۆ دایكانی شیردەر كۆمەلێك خۆراك هەیە دەبێتە هۆی زیادبوونی رێژەی شیردان، ئەوانیش بریتین لە :-

* ماسی سەلەمون : دەوڵەمەندە بەئۆمیگا 3 و چەورییە بنەڕەتیەكان و ئەوەش پێكهاتەیەكی سەرەكیە بۆ بەرهەمهێنانی شیری دایك.

* شەربەتی میوە: رینوێنی دایكانی شیردەر دەكرێت شەربەتی كاڵەك و هەنار و پرتەقال و میوەكانی دیكەبخۆنەوە بەهۆی ئەوەی سودێكی زۆری هەیە بۆیان.

* شیری مانگا: دایكی شیردەر هەرچەند زیاتر شیربخواتەوە رێژەی شیردانی زیاد دەبێت و پارێزگاری لەرێژەی كالیسیۆم لەناو جەستە دەكات.

* سەوزەوات: بەسەرچاوەیەكی باشی كالیسیۆم و ئاسن و ڤیتامین A و ڤیتامین K و فولیك دادەنرێنن و سوودێكی زۆری بۆ منداڵ و دایك و شیردان هەیە.

* شۆفان: بڕێكی زۆر پرۆتین و ڤیتامین و كانزا و ریشاڵی خۆراكی تێدایە و ماددەی بیتا - گلوكانی تێدایە كەدەبێتە هۆی زیادبوونی شیردان.

* قەیسی: ئەم میوەیە بەسوودە بۆ زیادبوونی شیردان و یارمەتیدەرە بۆ راگرتنی هاوسەنگی هۆرمۆنەكان لەجەستەدا.
* بادەم: دەوڵەمەندە بە كالیسیۆم و ئۆمیگا 3 و هۆرمۆنی شیردان هان دەدەن.

* هێلكە: بەسەرچاوەی ئۆمیگا 3 و ڤیتامین A و كالیسیۆم و ژمارەیەك رەگەزی دیكەی خۆراكی دادەنرێت كەجەستەی دایك پێویستی پێی هەیە لەكاتی شیردان.

* خورما: دەوڵەمەندە بەماددەی ئاسن و كالیسۆم بەسەرچاوەیەكی باش دادەنرێت بۆ پارێزگاری لەرێژەی گلوكۆز لەجەستەی دایكی شیردەر.

* گێزەر: دەوڵەمەندە بەڤیتامین A و یارمەتیدەرە بۆ باشكردنی كوالیتی شیری دایك.

* نۆك: دەوڵەمەندە بەماددەی ئاسن و ڤیتامین B و ریشاڵەكان و كالیسیۆم و سوودێكی زۆری هەیە.

* جۆ: ئەم جۆرە دانەوێڵەیە دەوڵەمەندە بەماددەی بیتا- گلوكان و ریشاڵەكان و دەبێتە هۆی زیادبوونی شیردان و شێدارهێشتنەوەی جەستە.

* سیر: بەخۆراكێكی ئەفسوناوی دادەنرێت بۆ زیادبوونی شیری دایك.

* سپیناخ: برێكی زۆر ماددەی ئاسنی تێدایە و بە بژاردەیەكی باش بۆ زیادبوونی شیری دایك دادەنرێت.

بــــه هیـــوای ســـەلامـــەتــــــی و تــــەنـــدروستــــــی بــــــاش ،

#ڕاگەیاندن و پەیوەندییەکانی ب.گ.تەندروستی سلێمانی .

01/09/2023

بەرێوەبەری گشتی تەندروستی سلێمانی تۆماركردنی ژمارەیەك توشبووی كۆلێرای راگەیاند

ئەمڕۆ (د.سەباح نەسرەدین ) بەرێوبەری گشتی تەندروستی سلێمانی لە كۆنفراسێكی رۆژنامەوانیدا تۆماركردنی 10 حاڵەتی توشبوون بە كۆلێرای لە شاری سلێمانی راگەیاند، ئاماژەی بەوەدا دوای زیادبونی حاڵەتەكانی سكچون و رشانەوە و دوای ئەنجامدانی پشكنین و بەدواداچوون، دەركەوتوە هەندێك لەو حاڵەتانەی تۆماركراون كۆلێرا بووە.
بەرێوبەری گشتی تەندروستی سلێمانی وتی: لایەنە پەیوەندیدارەكان ئامادەكارییان كردوە و رێكاریی پێویستیان گرتۆتەبەر بۆ بەرەنگاربوونەوەی پەتای كۆلێرا، پێویستە هاوڵاتیان زیاتر هۆشیاربن و پابەندی رێنماییە تەندروستیەكان بن كە بڵاودەكرێتەوە بەتایبەت بەكارنەهێنانی ئەو ئاوەی لەسەرچاوەی دڵنیانین.