الدكتورة حنين عبدالرحمن إختصاص طب الأطفال وحديثي الولادة

15/01/2022

15/01/2022

تصحيح بعض الطرق الخاطئة في

1️⃣
❌ تخفيف #الحليب، هواية يخففون الحليب خاصة بايام المرض

✅ #خطأ.. التخفيف راح يسويلنا نقص بالاملاح وممكن يؤدي الى تقيؤ وبحالات شديدة ممكن يسوي شمرة بسبب نقص الاملاح
انتبهو لطريقة تحضير الحليب اذا كنتو ترضعون رضاعة صناعية
* اول ٦ أشهر حليب رقم (١)
*ومن ٦ أشهر لحد السنة حليب رقم (٢) وممكن تستمرين على حليب رقم (١)
❇️ #التحضير:
كل رقم ماء نخلي مكيال من الحليب الباودر (واكو بعض الشركات يكون المكيال كبير بهالحالة رقمين ماء بمكيال واحد مسح من الحليب الباودر)

2️⃣
❌اعطاء الكامل (حليب الاكياس) للاطفال الي اعمارهم اقل من ١٢ شهر

✅ لايجوز اعطاء حليب الابقار الكامل للاطفال دون عمر السنة لان ممكن يؤدي الى فقر الدم نقص الحديد
اما الحليب الصناعي (حليب القواطي) هو مشتق من حليب الابقار بس يكون مدعم بالفيتامينات والمعادن ومُعامل بطريقة تناسب للاطفال الاصغر من السنة
🔹حليب الابقار الكامل ممكن ننطيه عادي بعد عمر السنة

3️⃣
❌ اعطاء حليب #الماعز للاطفال دون عمر السنة
✅ حليب الماعز ممكن يؤدي الى فقر الدم الناتج من نقص حامض الفولك وايضا ممكن يسوي خربطة بالاملاح والالكترولايت.
،

01/01/2022

التسمم بالنفط 🛢

بدا موسم البرد والناس بدت تشغل الصوبات النفطية وياها كثرت حالات التسمم بالنفط

⚠️ يا جماعة رجاءا النفط لاتخلوه بقناني المي ولا قناني المشروبات الغازية
كل الحالات الي دانشوفها، الأهل يكولون النفط مخليه بقنينة مي والطفل يتوهم انو هذا مي ويشربه

❓اذا صار والطفل شرب نفط شراح نسوي
📌لا تشربه حليب
📌لاتخليه يتقيأ
📌بدل ملابسه واغسل جسمه
📌اخذه لاقرب مستشفى

💌دائما نگول الوقاية خير من العلاج؛ خلي النفط بحاويات مُحكمة وبعيدة عن متناول الاطفال

07/12/2021

#الخانوق ( )

التهاب الحنجرة يحصل نتيجة الإصابة بفيروس نظير الانفلونزا parainfluenza virus والي يسبب تورم الاوتار الصوتية والقصبة الهوائية.

💢 ينتشر المرض في #الشتاء وبداية #الربيع ويصيب #الاطفال الي الي أعمارهم ٣شهور إلى ٥ سنوات

🔰 #أعراضه :

💥 يبدي عادة باعراض شبيهة بنزلات البرد العادية مثل:
ارتفاع بسيط بدرجات الحرارة ورشح
💥وبعدها الطفل يصير عنده
📌سعال مبحوح (اصعب في الليل وعند البكاء)
📌تغير بالصوت (بحة)
📌صوت صرير مع الشهيق (في البداية فقط عند البكاء او القيام بجهد لكن في الحالات الاصعب يكون ايضا في التنفس الهادئ)

💊 شراح نسوي اذا #الطفل صار عنده هاي #الأعراض ؟

1. نحاول نحافظ على هدوء الطفل ونتجنب ازعاجه
2. اعطاء سوائل عن طريق الفم
3. اعطاء خافض حرارة
4. راقب الطفل و استشير طبيبك او اخذه للمستشفى

🩺الطبيب ممكن يوصف
1. #تبخير بمادة الادرينالين (في المستشفى)
2. وممكن ينطي الستيرويد (عن طريق الفم او الحقن
او تبخير) حسب حالة الطفل

🚫 #ملاحظة؛ مانسوي تبخير بالفنتولين في حالة التهاب الحنجرة لان مايفيده وممكن يسبب تفاقم الحالة❗️

“التهاب الحنجرة يسوي تغير بالصوت وگحة مبحوحة وصوت قوي (صرير) مع الشهيق”
💚حافظ على هدوء الطفل واستشير طبيبك.💚

25/11/2021

#مرض #حساسية #الحنطة

من أمراض المناعة الذاتية نتيجته يصير تحسس الأمعاء لبروتين (اسمه الگلوتين) الي موجود #بالحنطة و #الشعير.

🩺 اذا #الطفل تشخص صح فلازم يبقى كل حياته على #حمية غذائية #خالية من الگلوتين يعني اكله يكون خالي من الشعير والحنطة gluten-free diet

شگد ما يلتزم بالحمية شگد راح يقلل من مضاعفات #المرض.

📌حتة نوضح أكثر شنو الاكلات الي ممنوع الطفل ياكلها اذا كان مصاب بحساسية الحنطة؟؟

🚫 #الخبز و #الصمون 🥖 و #الحنطة بكل اشكالها؛ جريش، برغل، حبية.

🚫 #الحلويات : (النساتل، الجبس، البسكت، الكيك، حتة العلكة) 🍫🧁🥧🍪

🚫 #المعجنات المصنوعة من الطحين مثل: الكعك والفطائر والبيتزا 🥐🍕

🚫 #المعكرونة. 🍝

🚫 اللحوم المصنعة، مثل الناجتس والكنتاكي

🚫 مشتقات الشعير، بما في ذلك خبز وخل الشعير.🍞

🚫 بعض أضافات الطعام مثل صلصة الصويا.

🎀 زين #الأم راح تسأل شنو لعد ابني شياكل؟ الاكلات المسموحة هي:

✅ الفواكه والخضروات🍎🍐🍊🫐🍓🍇🍉🍌🍑🫑🥒🥬🥦🥕🍆🍅

✅ البقوليات مثل الفاصوليا، الحمص، العدس، البزاليا والباقلاء

✅البذور والمكسرات بأشكالها الطبيعية غير المعالجة 🥜 مثل اللوز والجوز والفستق والبندق والكاجو وبذور عباد الشمس

✅ البيض

✅ الدجاج والأسماك واللحوم غير المعالجة🥩🍗🐟

✅ معظم منتجات ومشتقات الحليب🥛🧀

✅ الرز والذرة والبطاطا🍚🌽🥔

✅ اكو هواية منتجات موجودة بالسوق خالية من الگلوتين (معكرونة، حبوب افطار، بسكويت، خبز) تكون موجودة بزاوية معينة بالسوبرماركت ودائما تاكدي انو مكتوب عليها خالية من الگلوتين او بالانگليزي gluten-free

(الاشياء الي انتي تصنعيها بالبيت دائما الأفضل لان انت تعرفين شنو داتخلين لطفلج ومن تشترين اي شي تأكدي انو خالي من الدقيق)

❓سؤال: هل الشوفان مسموح لو لا؟؟
الشوفان النقي بحد ذاته هو خالي من بروتين الگلوتين لكن الشوفان اثناء تحضيره غالبا ما يكون ملوث بالگلوتين لانه يمكن معالجته بنفس مصانع الحنطة والشعير؛ لهذا احنا نمنعه لمرضى حساسية الحنطة.

20/11/2021

السگوة ☠️

مثل ماتعرفون هالأيام هواية اكو حالات التهاب الأمعاء
غالبا سببها فيروسي، دائما نكول للأهل أهم شي انو نعوضه سوائل حتة نمنع الجفاف.

❌لكن للاسف هواية ناس مايسمعون لكلام الاطباء وبعدهم عالعادات والخرافات القديمة
الأم (او البيبي او العمة) مصرة انو الطفل كارف (مشتم)😒 وعلاج الكرفة هو السگوة🙄. فالاهل يروحون ياخذون الطفل للعارفة (الجدة) حتة تنطيه السگوة😑

❓زين تعرفون شنو مكونات السگوة؟؟!
مكوناتها:
☠️مواد عشبية 🌿🍃
☠️دواء اللوبرامايد الي ممنوع استخدامه للاطفال
☠️جلد واظافر الحيوانات مثل القنفذ🦔
وطبعا الي محللين هاي الخلطات شافو بيها مادة الرصاص والكبريت

🚫هاي الخلطة ممكن يشربوها للطفل او يخلوها على يافوخه او على طرف الأنف او يدهنون جلده (وتمتص من الجلد)
وكلها خطرة على حياة الطفل😭

❎زين تعرفين هاي السگوة شتسوي بالطفل؟؟
📌جفاف
📌ارتفاع درجات الحرارة
📌شمرات (اختلاجات عصبية)
📌فقدان الوعي
📌عجز كلوي
📌وحتى الوفاة😔

للأسف بكل خفارة بعدنا نشوف حلات تسمم بالسگوة واكو هواية مايفيدهم الا غسل كلوي.

✅ابتعدو عن هاي الخرافات واستشيرو أصحاب الإختصاص لضمان صحة أطفالكم.

13/11/2021

الديدان الدبوسية 🪱 هي أكثر أنواع #الديدان شيوعا تصيب حوالي ٣٠٪؜ من الاطفال في جميع انحاء العالم.

❓هل صحيح انو أكل #اللحم 🍖 يسوي دود ؟؟😟

✅ الديدان الدبوسية تنتقل عن طريق تناول بيوض الديدان الدبوسية من فتحة الشرج الى الفم إما مباشرة باليد والأظافر 🤚🏻 (خاصة #الأطفال المتعودين يخلون اصابعهم في أفواهم)
أو بشكل غير مباشر من خلال الملابس الملوثة أو الفراش أو غيرها 🧸 من الأشياء الملوثة ببيوض الديدان.
🔸لكن اللحوم ماتنقل الديدان الدبوسية (ببساطة لإن الإنسان هو المضيف الوحيد للديدان الدبوسية)

❇️شنو الأشياء الي نسويها حتى نقلل الاصابة بالديدان؟
1. غسل #اليدين 🧴 هي الطريقة الأكثر فاعلية لمنع انتشار الديدان
2. غسل #الملابس الداخلية للطفل بالماء الحار 🧺وبصورة منعزلة عن باقي ملابس العائلة
3. اخذ حمام صباحي 🚿 وغسل المنطقة جيدا لازالة البيوض
4. أخذ #العلاج 💊 المناسب وتكراره بعد اسبوعين من اخذ الجرعة الأولى
5. ضروري #علاج 💊 جميع افراد الاسرة 👨‍👩‍👧‍👦 الي يعيشون ويا #الطفل بنفس البيت

🔷للوقاية من الديدان ضروري المحافظة على النظافة الشخصية وغسل اليدين بصورة صحيحة والإلتزام بأخذ العلاج للطفل #المصاب وباقي افراد الاسرة.

الدكتورة حنين عبدالرحمن إختصاص طب الأطفال وحديثي الولادة

تكريت/القادسية/مجمع العالمية الطبي

25/10/2021

متلازمة داون❤️

معتقدات خاطئة عن متلازمة داون❤❌

🎗كل أفراد متلازمة داون يعانون من تأخر ذهني شديد.❎
يتراوح التأخر بين بسيط ومتوسط وشديد ويمكن تحديده عن طريق إختبار الذكاء✅

🎗تعليم أطفال متلازمة داون يعتمد عالحفظ❎
يجب ان يعتمد تعليمهم على تمكين المهارات المعرفية✅

🎗يتسم اطفال متلازمة داون بالعدوانية❎
أطفال متلازمة داون مسالمون ومحبون✅

🎗لا يمكن لذوي متلازمة داون ان يعمل او يعيل نفسه❎
يستطيع افراد متلازمة داون إتقان بعض الحرف المهنية والاعمال اليدوية✅

🎗افراد متلازمة داون سعداء دائما❎
افراد متلازمة داون مثل الاشخاص العاديين لديهم مشاعر حزن وفرح✅

د.سرور عنتر الحمد
أخصائية طب الاطفال
عضو جمعية داون سيندروم الامريكية

#كروموسوم21

22/10/2021

عند الأطفال..

تختلف نسبة حدوث حسب الأعمار ..

نسبة حدوثه بالاطفال اقل من سنة تكون اكثر #بالأولاد لكن بعد عمر السنة يكون دائما اكثر #بالإناث ..

ضروري نعرف عوامل الخطورة والي هي :

1. الإناث اكثر عرضة للاصابة بالتهاب المجاري البولية.

2. الذكر الغير مختون.

3. استرجاع الإدرار من المثانة الى الحالب.

4. فترة التدريب على استعمال المرحاض.

5. خلل في تفريغ المثانة.

6. انسداد في المسالك البولية.

7. المسح من الخلف إلى الأمام في الفتيات.

8. حمام الفقاعات.

9. الملابس الضيقة (الملابس الداخلية).

10. الإصابة بالدودة الدبوسية.

11. الإمساك.

12. وجود اعتلال تشريحي.

13. المثانة العصبية.

الأشياء الي نسويها حتة نقلل #الإصابة عند الأطفال :

1. عدم حصر الادرار ، خاصة البنات بعمر المدرسة.

2. معالجة حالات الامساك.

3. التشطيف بالنسبة للبنات يكون من الأمام للخلف وليس العكس.

4. عدم لبس الملابس الضيقة واختيار الملابس القطنية.

5. الختان المبكر للأولاد.

6. الرضاعة الطبيعية ايضا تقلل من التهابات المجاري البولية.

7. بعض الداراسات تذكر الكرز والبكتريا النافعة ايضا ممكن تقلل من الاصابة بالتهاب المسالك البولية.


*اذا الطفل كان يعاني من التهابات متكررة ضروري نسوي سونار وأشعة ملونة واذا كان اكو استرجاع او تشوه او انسداد فضروري يتعالج وحسب الحالة وممكن ننطي أدوية وقائية في حالات معينة.

الدكتورة حنين عبدالرحمن إختصاص طب الأطفال وحديثي الولادة
تكريت/القادسية/مجمع العالمية الطبي

14/10/2021

التسنين
#الخرافة
❌الأسنان تسوي #اسهال
❌الاسنان تسوي #سخونة
❌الاسنان تسوي #طفح

#الحقيقة

✔️بزوغ الاسنان مايسوي سخونة بعض الدراسات تكول ممكن ترتفع درجة الحرارة ارتفاع بسيط بس مو اكثر من نص درجة

(يعني اي طفل حرارته ٣٨ او اكثر هاي مو بسبب الاسنان ممكن عدوى او التهاب بس مو بسبب التسنين)

✔️التسنين مايسوي اسهال ولا تقيؤ ولا طفح.

🔷زين شنو #الاعراض الي ممكن تلاحظها الام ويا ظهور الاسنان:

الطفل يبدي يتنحس، يتململ (هذا بسبب شعور الطفل بالالم)، يخلي ايده بحلگه
ممكن تقل شهيته ( #الطفل ممكن يرفض اكل الاشياء الصلبة )

كثرة #اللعاب وكثرة #العض.

🟢ممكن تنطيه الأشياء المهروسة والباردة ممكن تنطيه اللبن الشوربات المحلبي وتگدرين تستخدمين العضاضة وفي بعض الاحيان ممكن ننطي مسكن الالم (بعد استشارة #الطبيب وبالجرعة الصحيحة)

⛔️ ابد لا تستخدمون #جل #التسنين
منظمة الغذاء والدواء منعت استخدامه (والمفروض ينسحب من الصيدليات) لارتباطه باعراض جانبية خطيرة خاصة اذا أُستخدم بكثرة.

07/10/2021

#فطريات #الفم

تعتبر من الحالات الشائعة جدا في #الأطفال 👶🏻 أقل من الست أشهر

❓شنو عوامل الخطورة او المسببات لهاي الحالة؟

⁉️

1. حلمات الممة 🍼 أو اللهايات أو القطارات الملوثة تعتبر مصادر للعدوى الفطرية عند الرضع؛
✔️ لازم ننتبه للتعقيم الصحيح لحلمات الممة واللهاية وحتة القطارات الي تستخدميها باعطاء الأدوية للطفل.

2. صح الأطفال الي يرضعون رضاعة طبيعية 🤱.
ممكن يصير عدهم فطريات الفم ويمكن أن تصاب حلمات الث*ي بالفطريات ، بس معدل الإصابة بفطريات الفم يكون أعلى عند الأطفال الي يرضعون حليب اصطناعي؛
✔️ في حال اصابة حلمات الث*ي بالفطريات فلازم نعالج الام والطفل حتة لا تتكرر الحالة.

3. إصابة الأم بالفطريات المهبلية اثناء #الحمل🤰🏽؛
✔️ طبعا لازم الام تعالج هاي #الالتهابات قبل الولادة حتة نقلل من إصابة طفلها بالفطريات.

4. نقص #المناعة ؛ خاصة اذا استمرت الفطريات بعد عمر ٦-١٢ شهر وكانت شديدة وما استجابت للعلاج
✔️ بهيج حالة لازم نتأكد من سلامة الجهاز المناعي للطفل 🧬🔬

5. ومن العوامل الأخرى الي تسبب الفطريات هو استخدام المضادات الحيوية واستنشاق الستيرويد دون غسل الفم بعد الاستخدام وسوء التغذية ؛
✔️ هالشي كلش مهم جدا لا تستخدمون مضادات حيوية (الأنتيبايوتك) من دون وصفة طبيب أغلب الامراض في الاطفال سببها فيروسي ماتحتاج مضاد حيوي بهالحالة من تنطيه مضادات بس راح يأخذ اعراضها الجانبية بدون الاستفادة منها.

🔹بعلاج فطريات الفم ضروري نتجنب عوامل الخطورة⬆️ ونستشير الطبيب 👩🏻‍⚕️ حتة يوصف العلاج المناسب الها

الدكتورة حنين عبدالرحمن إختصاص طب الأطفال وحديثي الولادة
تكريت/القادسية/مجمع العالمية الطبي

29/09/2021

📌اتفقنا انو #حليب #الام هو الغداء المثالي #للطفل تحت عمر الست أشهر.
📌بس #الحقيقة هو مو بس غذاء للطفل؛ حليب الام يعتبر أول وأهم #لقاح للطفل ويحميه من هوااااية أمراض

الحالات الي شافو انو حليب الام يقللها هي: ⬇️

1. حالات الإسهال
2. التهاب الإذن الوسطى
3. التهاب المجاري البولية
4. التهاب الأمعاء الناخر necrotizing enterocolitis
5. تسمم الدم الجرثومي
6. تسمم الوشيقي infant botulism
7. داء السكري النوع الأول
8. داء حساسية الحنطة
9. داء كرون
10. سرطانات التي تصيب الأطفال مثل سرطان العقد اللمفاوية وسرطان الدم
11. الحساسية
12. السمنة والوزن الزائد
13. دخول المستشفى
14. وفيات الرضع.

كل هاي الحالات شافو انو حليب الام اله تأثير وقائي منها

المصدر ؛ Nelson textbook of pediatrics

22/09/2021

معتقدات خاطئة حول

❌حليبج مايكفي/ حليبج مايشبع #الطفل
الحقيقة انو حليب #الأم بيه الطاقة الكافية للطفل وكل ماترضعيه أكثر راح يدر حليب أكثر
بس اذا اعتمدي عالممة اكيد راح يقل انتاج الحليب وبالتالي تحسين انو مدايكفيه

❌ هواية أسمع أمهات يگولون حليبي مايوالم ابني 😒
زين ليش ؟! منو گال؟! شلون قررتي؟! 🤔

✅ #الحقيقة حليب الأم هو صنع رباني بيه كل #البروتينات والدهون والسكريات المناسبة للطفل (سهل الهضم، مناسب لنمو الطفل ولتطور جهازه العصبي) بالاضافة الى احتوائه عالاجسام المناعية والخلايا والانزيمات الي تحميه من هواية أمراض.

❓زين السؤال اكو حالات نمنع الام انو ترضع ابنها؟
الجواب اكو حالات نادرة جدا وهي:
1. اصابة الام بالسل الرئوي وعدم أخذها العلاج اللازم (تگدر ترضعه بعد ماتأخذ اسبوعين من العلاج الخاص للسل)
2. الام المصابة بمتلازمة نقص المناعة المكتسب (الأيدز)
3. اذا كانت الام مصابة بفيروس المضخم للخلايا (CMV) وكان طفلها خديج (سبيعي)
4. اذا كانت الأم مصابة بالتهاب فيروس الهربس (HSV) على ح**ة الصدر (توقف الرضاعة لحين شفاءها)
5. اذا كانت الام تعاني من امراض سرطانية تضطرها لأخذ أدوية كيمياوية مضادة للسرطان
6. اذا كان الطفل مصاب بأمراض أيضية مثل الگالاكتوسيميا او الفينيل كيتونيوريا.

📌 موانع الرضاعة الطبيعية اشياء نادرة جداً عداها ماكو اي شي يخليج تحرميه حقه بأنو يأخذ وجبته المثالية.

08/09/2021

#اخطاء شائعة في استخدام الأدوية الخاصة بالأطفال

📍 #التحاميل
❌ #الخطأ : استخدام التحاميل خافض الحرارة (البراسيتامول) للأطفال الي أعمارهم أصغر من ٥ أشهر

✅ لا يجوز استخدام #تحاميل الخافضة للحرارة لطفل وزنه أقل من ٨ كيلو

❓ليش؟
تحاميل الخافضة للحرارة المتوفرة بالصيدليات موجودة بجرعة ١٢٥ملغم (هاي اقل جرعة متوفرة) وبالتالي هي مناسبة للاطفال الي اوزانهم اكثر من ٨ كيلو
❓زين شنسوي؟
اذا كان الطفل مسخن ووزنه اقل من ٨كيلو تگدرين تستخدمين الشراب او قطرات الخافضة للحرارة والجرعة يقررها #طبيب #الأطفال وتنطيها بالسيسي لا بالقبغ ولا بالملعقة 😒

📌كونو حذرين باستخدام #الادوية للاطفال
#الجرعة الخطأ ممكن تؤدي الى #مضاعفات والجرعة القليلة مراح تشتغل صح.

03/09/2021

#تورم #الث*ي عند

#الخرافة ❌

عصر #ث*ي #الطفل ؛

خاصة #الجدات يصرون على عصر الث*ي لاعتقادهم انو هذا الشي يفيد الطفل

#الحقيقة ✔️

تورم الث*ي عند حديثي الولادة حالة مؤقتة سببها انتقال #الهورمونات من الام الى الطفل.
تستمر الحالة لعدة اسابيع وقد يرافقها افراز الحليب عند بعض الاطفال لكنها تختفي تلقائيا ولا تحتاج #علاج .

🚫عصر ث*ي الطفل يسبب التهاب وقد يؤدي الى خراج خطير عند الرضيع ويصبح الث*ي #أحمر ومؤلم عند لمسه.😞

29/08/2021

#طهور الأولاد
#الخرافة
❌تأخير الختان (الطهور) الى فصل الصيف.

#الحقيقة
🔹الطهور يكون بالأيام الاولى (يفضل في الإسبوع الأول) من عمر الطفل حتى نقلل من خطر الاصابة بالتهاب المجاري البولية.

🔺• الجو سواء شتاء أو صيف مراح يأثر بس المهم انو مانأخر الطهور.

🔺• يتم بإيد طبيب إختصاص جراحة #أطفال.

🔺• العناية الصحيحة بالجرح والحفاظ على نظافته.

💬 اكو {مصطلح " "
الحقيقة هذا تشوه خلقي يكون بيه الجلد الي ينرفع بالطهور غير مكتمل وفتحة الإدرار للاسفل.

⭕️ بهيج حالة تجنبو الطهور ولازم الطفل ينعرض على طبيب جراحة مسالك بولية وغالبًا يحتاج جراحة بعد عمر ست أشهر.

21/08/2021

من نحجي عن حديثي الولادة اكيد لازم نحجي عن ( )
رغم انو هو شي جداً شائع بس للاسف الناس هواية يتعاملون وياه بصورة خاطئة
#الخرافات اللي تتعلق باليرقان الولادي كثيييييييرة راح احاول اختصرها ببوست واحد حتة لا تضيع المعلومات

❌ اول #خرافة

نخلي الطفل جوة شمعة البيت 💡🙄

✔️ #الحقيقة
الإضاءة المنزلية ماتفيد
لإن العلاج الضوئي المسخدم في المستشفيات لعلاج اليرقان الولادي يكون بطول موجي معين غير موجود في الإضاءة المنزلية بكل أنواعها

❌ الخرافة رقم ٢
إعطاء الطفل دبس أو ماء+سكر (القنداغ) 😤

✔️الحقيقة
الماء والسكر ممكن تخلي الطفل مايرضع وبالتالي يزيد
نسبة البيليروبين

❌الخرافة رقم ٣
حليبج دسم لاترضعين ابنج 😕

✔️ الحقيقة اهم علاج لليرقان الولادي هو الرضاعة الطبيعية لا تقطعيه بدون استشارة الطبيب

⁉️⁉️⁉️

أكو شي اسمه يرقان بسبب حليب الام؟ اي صح بس هذا يبدي بعد الاسبوع الاول غالبا ننصح الأم بالإستمرار بالرضاعة واليرقان تدريجيا راح يخف أكو بعض الحالات ننصح الأم توقف الرضاعة ٢٤ساعة فقط وترجع ترضعه عادي المهم لا تحرمون الطفل من فوائد الرضاعة الطبيعية

❌قلايد الثوم، على أساس انو الثوم يسحب الصفار 😟
✔️الحقيقة انو الثوم رائحته نفاثة ممكن تزعج الطفل ماتفيده، اي فص ثوم اذا تركناه معرض للهواء راح يتحول لونه أصفر مو لان هو سحب الصفار من الطفل😏

❌ الخرافة الأخيرة
الخرزة الصفرة، يعني ليش يخلوها مااعرف 🤔
✔️الخرزة الصفرة ماالها اي فائدة

بالملخص اتركو هاي الخرافات اي #طفل عنده أبو صفار ضروري تراجعون #طبيب او مركز صحي خاصة بالايام السبعة الاولى من عمر الطفل الموضوع سهل اذا تعاملنا وياه صح بس لا تتأخرون عليه ابدا لإن ممكن يأثر على #دماغ الطفل #حديث #الولادة 😞 اذا وصل مستويات عالية..

17/08/2021

راح نبدي نصحح مجموعة من المعتقدات الخاصة بالأطفال حديثي الولادة 👶🏻

الخرافة
❌نكحل الطفل حتة عيونه تصير كبار👁👁

الحقيقة
✅الكحل يحتوي على مادة الرصاص الي ممكن تؤثر على أجهزة الجسم (الدماغ ونخاع العظم وغيرها)
✅الكحل ممكن ينقل البكتريا للعين الطفل ويسبب التهابات خطيرة للعين

تجنبوا الكحل للأطفال 🚫 حتة نحافظ على عيون الأطفال سليمة خالية من الأمراض

المزيد من المنشورات الخاصه بصحة الطفل تجدونها في الصفحه الدكتورة حنين عبدالرحمن إختصاص طب الأطفال وحديثي الولادة
عنوان العيادة
تكريت/ حي القادسية/ شارع البلاج/ مجمع العالمية الطبي

للحجر والاستفسار
07707449456