28/04/2026
الدوخة سببها إذنك!
هواي مراجعين يروح بالهم من يدوخون لو فقر دم، لو ضغط، لو تعب.. بس الحقيقة أغلب حالات "الدوار" والدوخة القوية
مسببها الأساسي موجود بداخل الأذن! 🧠
الأذن مو بس للسمع، هي "ميزان" جسمك. بداخلها جهاز دقيق جداً هو المسؤول يگول لعقلك إنت وين واگف وشلون تتحرك، وأي خلل بسيط بي يخليك تفقد توازنك.
⚠️ أسباب تخلي أذنك تسبب لك دوار:
1️⃣ تحرك كريستالات التوازن: حبيبات صغيرة بداخل الأذن، إذا تحركت من مكانها، تخليك تحس الدنيا تفتر بيك بمجرد ما تگوم من الفراش أو تلتفت.
2️⃣ التهاب عصب التوازن: مرات ورا نزلة برد أو "فلونزا" قوية، الفايروس يضرب العصب ويسبب دوار مفاجئ.
3️⃣ مرض منيير (سوائل الأذن): من يتخربط ضغط السوائل بداخل أذنك، تحس بضغط (انسداد) بآذانك، ووشة، ودوخة قوية.
4️⃣ ضربات الرأس: أي طخة قوية على الراس ممكن تأثر على هذا الجهاز الحساس وتخربط توازنه.
💡 نصيحتي لك: لا تهمل الدوخة وتگول "عادي من التعب"، التشخيص الصح هو أول خطوة للعلاج المريح.
د. سمر عبدالحميد السامرائي
إختصاصية طب وجراحة الأنف والأذن والحنجرة
📍 للإستفسار والحجز: 07753433911
