Einar Eddu Kristinsson - sálfræðingur

03/11/2023

Það er ljómandi gott viðtal við Flosa í nýjasta eintaki af tímariti Geðhjálpar. Þar talar hann um margt, bakgrunn sinn og reynslu, þunglyndi og kvíða og hvernig honum hefur gengið að takast á við það.

,,Þú ert með þessa kjarnahugsun sem er ráðandi þannig að manni finnst maður vera einskis virði og vonlaus. Og þá þarf að grípa þessar hugsanir og ráðast á þær með skynsemi. Skynsemin er beittasta sverðið.“

Flosi Þorgeirsson missti föður sinn átta ára gamall sem hafði mikil áhrif. Hann fór að drekka 12 ára gamall, misnotaði áfengi og önnur vímuefni um árabil og hélt alltaf að andleg vanlíðan væri drykkjunni að kenna. Sjálfsvísgshugsanir gerðu vart við sig og hann skaðaði sjá...

29/10/2021

Nokkrir góðir punktar frá Steinunni Önnu:

"Tilfinningaviðbrögð okkar eru heldur ekki hönnuð fyrir nútímann og á það ekki síst við um streitu- eða kvíðakerfið okkar.

Tilfinninganæmi er eins og sársaukanæmi, því hærra sem tilfinninganæmi okkar er, því minna má út af bregða án þess að vekja hjá okkur sterkar óþægilegar tilfinningar.“

https://www.visir.is/g/20212172062d/thurfum-ad-thjalfa-og-styrkja-tilfinningavodvann-okkar

Tilfinningaviðbrögðin okkar eru ekki hönnuð fyrir nútímann og þess vegna erum við oftar í dag að upplifa líðan eins og kvíða, depurð, áhyggjur, þunglyndi, svefnleysi og fleira. En við getum þjálfað okkur í andlegri heilsu, rétt eins og þeirri líkamlegu.

23/03/2021

Með vorinu mun ég koma mér fyrir á nýjum stað með stofu en ég hef gengið til liðs við sálfræðingana hjá METIS - sálfræðiþjónustu sem er til húsa í Kaupangi á Akureyri.
Áhugasamir geta leitað upplýsinga eða pantað tíma með því að senda póst á netfang mitt einark@metis.is eða með því að senda skilaboð hér í gegnum Facebook.

23/03/2021

23/03/2021

12/08/2020

Þá hef ég sagt skilið við Sálfræðiþjónustu Norðurlands og held til annarra starfa. Ég mun þó reyna að halda þessari síðu vakandi og pósta vonandi annað slagið inn einhverju áhugaverðu og gagnlegu sem ég er að gera.

Takk fyrir mig Sigrún, Alice og þið hin á SNOR!

02/04/2020

Á meðan á samskiptabanni stendur mun ég hafa skrifstofuna mína lokaða, hins vegar mun ég bjóða upp á fjarviðtöl í gegnum Kara connect í staðinn. Settu þig endilega í samband við mig ef þú hefur áhuga á því að nýta þér þessa tækni.

A simple and secure online therapy platform

02/04/2020

Á þessari slóð er að finna bækling sem ber heitið: Að takast á við áhyggjur og kvíða í heimsfaraldri. Bæklingurinn var upphaflega gefinn út á ensku á síðunni psychologytools.com en var snarað yfir á íslensku af nokkrum sálfræðingum HSN.

Lesið, notið og deilið að vild.

https://www.psychologytools.com/assets/covid-19/guide_to_living_with_worry_and_anxiety_amidst_global_uncertainty_is.pdf

13/03/2020

Á óvissutímum er eðlilegt að finna fyrir kvíða og áhyggjum en það er mikilvægt að halda ró sinni og láta ekki tilfinningarnar taka völdin. Hér má finna ágæt ráð, frá landlækni og almannavarnadeild ríkislögreglustjóra, til þess að takast á við kvíða og áhyggjur vegna covid veirunnar.

Það er mikilvægt að láta kvíða og áhyggjur ekki taka völdin. Tölum saman, hreyfum okkur og dreifum huganum. Ef við lendum í sóttkví er ýmislegt hægt að gera til að láta tímann líða.

01/03/2020

Á vefsíðu Reykjalundar er mjög gott efni, byggt á aðferðum hugrænnar atferlismeðferðar (HAM), sem er öllum opið og hentar vel hvort heldur sem sjálfshjálparefni eða stuðningsefni í meðferð með fagaðila.
Hugræn atferlismeðferð er gagnreynd sálfræðimeðferð við t.d. þunglyndi og kvíðaröskunum. Samkvæmt klínískum leiðbeiningum sem gefnar hafa verið út af Landspítala (og byggja á leiðbeiningum breskra heilbrigðisyfirvalda) ætti að beita HAM við slíkum vanda.

Hugræn atferlismeðferð (HAM) hefur náð mikilli útbreiðslu undanfarin ár í tengslum við ýmsan heilsuvanda, en þó einkum þunglyndi og kvíða. Rannsóknir sýna að HAM er gagnleg aðferð til að ná og viðhalda bata í þunglyndi.

28/02/2020

Velkomin(n) á síðuna mína! Ég heiti Einar Kristinsson og starfa sem sálfræðingur á Akureyri. Ég sinni, meðal annars, greiningu og meðferð kvíðaraskana, lágs sjálfsmats, þunglyndis og áfallastreituröskunar hjá ungmennum og fullorðnum.
Ég lauk grunnnámi í sálfræði frá Háskólanum á Akureyri árið 2015 og lauk MS gráðu í klínískri sálfræði með áherslu á greiningu og meðferð sálmeina fullorðinna frá Háskóla Íslands árið 2018.