23/09/2021
Síðustu forvöð að skrá sig á MBCT átta vikna núvitundarnámskeið til að takast á við depurð, kvíða og streitu (sjá lýsingu hér að neðan).
Hefst 13. október og líkur 01. desember. 2021. Auk þess er þögull dagur 20.11. 2021 (kl. 10-15) og eftirfylgdartími.
Námskeiðið er á miðvikudögum kl. 17-19.
Staðseting: Knarrarberg.
Verð: 78.000 forviðtal innifalið.
ATH mörg stéttarfélög samþykkja þetta námskeið.
Verð fyrir örorku- og ellilífeyrisþega: 57.000 forviðtal innifalið.
Námskeiðsgögn innifalin (hefti og hljóðskrá).
Frekari upplýsingar um námskeiðið veitir Aðalheiður Sigfúsdóttir í síma 8698867 eða gegnum netfangið: assa@salak.is
Nánari lýsing:
Hugræn núvitundarmeðferð (MBCT- Mindfulness-Based Cognitive Therapy).
Stefnt er á að 8 vikna núvitundarnámskeið hefjist í lok september ef næg þátttaka fæst.
Núvitundarnámskeiðið var hannað fyrir fólk sem er að takast á við endurtekið þunglyndi. Námskeiðið gagnast einnig vel fyrir fólk sem vill kynna sér nálgun núvitundar til að takast á við tilfinningarlega erfiðleika eins og kvíða og streitu daglegs lífs og/eða vilja auka almenna vellíðan og vilja læra leiðir til að bregðast við af yfirvegun og ró. Hugræn núvitundarmeðferð er ýtarlega rannsökuð sálfræðimeðferð.
Á námskeiðinu læra þátttakendur leiðir til að dýpka sjálfsþekkingu sína í gegnum reynslunám í öruggu umhverfi. Þátttakendur læra að skoða eigin hugsanir, tilfinningar og líkamsskynjun gegnum formlegar og óformlegar æfingar. Í gegnum æfingar öðlast þátttakendur aukið svigrún til að velja leiðir til að bregðast við. Fólk þjálfast einnig í að bregðast við af yfirvegun og meðvitund í stað þess að bregðast ósjálfrátt við af vana. Í núvitund þjálfast aukin samkennd og mildi.
Námskeiðið er átta skipti, einu sinni í viku . Hver tími er tvær klukkustundir og skiptast tímarnir í núvitundaræfingar og umræður. Sinna þarf heimavinnu í 40-60 mínútur flesta daga meðan á námskeiðinu stendur. Einnig er boðið upp á þöglan dag undir lok námskeiðsins þar sem þátttakendur eru leiddir í gegnum hugleiðsluæfingar.
