13/02/2026
FUNDARBOÐ
LANDSFUNDUR
Sjálfsbjargar landssambands hreyfihamlaðra (lsh.) 2026.
Landsfundur Sjálfsbjargar lsh. verður haldinn dagana 24. og 25. apríl 2026.
Fundurinn verður í sal Sjálfsbjargar á höfuðborgarsvæðinu
sem staðsettur er í Hátúni 12, inngangur 7.
Rétt til setu á landsfundi hafa þeir fulltrúar sem valdir eru af aðildarfélögum.
Á heimasíðu Sjálfsbjargar lsh. undir Landsfundur 2026 safnast inn gögn fundarins og þar má sjá drög að dagskrá hans.
Nánar um landsfundinn samkvæmt lögum:
17. gr. Fundarboð og lögmæti landsfundar
17.1. Stjórn boðar til árlegs landsfundar með minnst tveggja mánaða fyrirvara með tölvupósti til formanna aðildarfélaga, eða öðrum sannanlegum hætti, og birtingu fundarboðs á vefsíðu Sjálfsbjargar. Jafnframt skal opna svæði á vefsíðunni þar sem sett eru inn jöfnum höndum gögn landsfundar.
17.2. Fundarstað og fundartíma, sem stjórn ákveður að höfðu samráði við formannafund, skal tilgreina í fundarboði. Tekið skal fram í fundarboði sé fundurinn rafrænn að hluta eða öllu leyti, samanber grein 14.4.
17.3. Dagskrá og fundargögn landsfundar skulu liggja fyrir í síðasta lagi tveimur vikum fyrir árlegan landsfund og birt jafnóðum á vefsíðu Sjálfsbjargar.
17.4. Landsfundur telst löglegur sé boðað til hans með lögmætum hætti.
18. gr. Landsfundarfulltrúar
18.1. Á landsfundi eiga rétt til setu fulltrúar tilnefndir af hverju aðildarfélagi. Landsfundarfulltrúar skulu vera félagsfólk í aðildarfélaginu sem þau eru tilnefnd af.
18.2. Í síðasta lagi s*x vikum fyrir árlegan landsfund skulu aðildarfélögin skila til skrifstofu Sjálfsbjargar lista yfir landsfundarfulltrúa og varamenn þeirra.
18.3. Fjöldi fulltrúa hvers aðildarfélags ræðst af eftirfarandi:
1. Hvert aðildarfélag fær einn fulltrúa fyrir hverja 40 fullgilda félaga, samanber 5. tl., eða byrjaða 40 félaga.
2. Hvert aðildarfélag fær þó að lágmarki tvo fulltrúa og að hámarki þriðjung heildarfjölda fundarfulltrúa.
3. Félög sem ekki hafa skilað Sjálfsbjörg félagatali, ársskýrslu, staðfestum ársreikningi eða eru í vanskilum með aðildargjöld, sbr. 6. og 7. tl. 11. gr., fá einn fulltrúa á landsfund.
4. Hafi vanskil á gögnum varað í þrjú ár samfellt fær félagið engan fulltrúa á landsfund.
5. Fjöldi fullgildra félaga reiknast eftir gildandi lögum viðkomandi félags. Þó skulu ekki teljast með félagsaðilar sem njóta ekki fullra réttinda sem félagar, svo sem styrktaraðilar.
19. gr. Seturéttur á landsfundi og áheyrnarfulltrúar
19.1. Stjórnarmenn Sjálfsbjargar, stjórnendur sjóða í eigu landssambandsins, nefndarmenn og félagsfólk í málefnahópum Sjálfsbjargar, sem ekki eru tilnefnd landsfundarfulltrúar, hafa seturétt, málfrelsi og tillögurétt á landsfundi.
19.2. Framkvæmdastjórar Sjálfsbjargar og Kjarks hafa seturétt, málfrelsi og tillögurétt.
19.3. Endurskoðandi Sjálfsbjargar hefur seturétt og málfrelsi á landsfundi Sjálfsbjargar þar sem fjallað er um ársreikninga Sjálfsbjargar.
19.4. Frambjóðendur til trúnaðarstarfa á landsfundi sem ekki eru landsfundarfulltrúar hafa seturétt, málfrelsi og tillögurétt.
19.5. Landsfundur getur samþykkt að veita öðrum heimild til að sitja landsfund sem áheyrnarfulltrúar að tillögu stjórnar Sjálfsbjargar, aðildarfélags eða landsfundarfulltrúa. Áheyrnarfulltrúar hafa málfrelsi og tillögurétt.
