Virk efri ár - Akureyri

28/09/2025

Glæsilegur hópur og frábært framtak! ☺️❤️

28/09/2025

Vinsamlegast athugið að vegna ráðstefnu (https://vestnorden.com/) í Íþróttahöllinni munu STYRKTARÆFINGAR og STÓLAJÓGA því miður falla niður á ÞRIÐJUDAGINN (30. sept). Annað á dagskrá Virkra efri ára helst óbreytt. ❤️

28/09/2025

Á mánudögum í Virkum efri árum:

BOGFIMI í Kaldbaksgötu 4 kl. 10.30.

PÍLUKAST í gamla íþróttahúsinu við Laugargötu kl. 14.00.

Svo má ekki gleyma að SUNDLEIKFIMI er í boði alla virka morgna í Sundlaug Akureyrar, bæði kl. 9 og 10.30, en þeir tímar eru sem fyrr í höndum sjálfboðaliða. (Greiða þarf fyrir aðgang að lauginni.)

Allir 60+ íbúar eru eindregið hvattir til að mæta og prófa tímana fyrstu dagana, en hvorki forskráning né skuldbinding er nauðsynleg.

Nánari kynning á dagskránni/greiðsluleiðum og aðstoð með SPORTABLER skráningu verður svo í Íþróttahöllinni við Þórunnarstræti (Teríu, 2. hæð) mánudaginn 6. október kl. 13.00.

26/09/2025

Líf og fjör í höllinni í dag!

Íþróttahöllin Akureyri
Virk efri ár - Akureyri

25/09/2025

Á morgun, fös. 26. september, er BADMINTON og POKAVARP í ÍÞRÓTTAHÖLLINNI kl. 11.00.

Svo er BOCCIA á sama stað kl. 12.00.

24/09/2025

Á morgun fim. 25. sept. er eftirfarandi í boði:

BORÐTENNIS með Elvari í Íþróttahöllinni kl. 10.00.

BLAK (frjáls tími) í Íþróttahöllinni kl. 11.00.

Kynning kl. 11.00 á BALDVINSSTOFU í HAMRI (v/ Skarðshlíð; svæði Íþróttafélagsins Þórs), en þar verða í boði STYRKTARÆFINGAR í vetur. (Ath. að það þarf ekki að mæta með föt til líkamsræktar, þar sem við munum aðeins kynna okkur aðbúnað og aðstæður í þetta sinn.)

BOCCIA í Íþróttahöllinni kl. 12.00.

GÓLFKRULLA kynnt til sögunnar í Íþróttahöllinni kl. 13.00.

JÓGA í KA-heimilinu (2. hæð; júdósal) kl. 14.00 (ATH. BREYTTUR TÍMI FRÁ SÍÐASTA VETRI) með Arnbjörgu Kristínu Konráðsdóttur.

24/09/2025

Samverubingó er fallegur leikur. 🥰

Vika einmannaleikans er vitundarvakning Kvenfélagasambands Íslands gegn einsemd og einmanaleika.

Hér er mjög sniðugt samverubingó!

Fylgstu með á www.vikaeinmanaleikans.is 3.-10. október.

23/09/2025

Á morgun, miðvikudag 24. september:

Hið sívinsæla RINGÓ í SÍÐUSKÓLA er frá kl. 11.30 til 13.00. Hér er um að ræða ákaflega farsælt samstarf við EBAK - og formleg þátttaka í Virkum efri árum því ekki nauðsynleg.

GÖNGUFERÐ frá Sundlaug Akureyrar er kl. 14.00 til 15.00. Í þetta sinn munum við ganga góðan hring þar sem litið verður inn (stuttlega) í Amtsbókasafnið á Akureyri til að viðra ákveðnar hugmyndir sem tengjast því. Gönguferðin endar svo við sundlaugina. Veðrið á að vera tilvalið til göngu, skýjað og 13°C. ❤️

Loks má ekki gleyma að SUNDLEIKFIMI er í boði alla virka morgna í Sundlaug Akureyrar, bæði kl. 9 og 10.30, en þeir tímar eru sem fyrr í höndum sjálfboðaliða. (Greiða þarf fyrir aðgang að lauginni.)

22/09/2025

Fyrsta vikan í nýrri dagskrá Virkra efri ára er hafin! Það var ákaflega gaman að sjá alla þá sem mættu í BOGFIMI og PÍLUKAST í dag. ☺️❤️

Á morgun (þriðujudag 23. sept.) byrjum við kl. 9.00 á FRISBÍGOLFI í BOGANUM. Við fáum aðeins hálfan völlinn í þetta sinn vegna framkvæmda, en það er líka kannski bara fínt að hafa styttra á milli karfa á meðan við erum að koma okkur aftur í gírinn? Við minnum vinsamlega þá sem fengu lánaða hjá okkur diska í sumar að muna að koma með þá í fyrramálið. 🥏

Kl. 11.00 verður svo Anna Hermannsdóttir með hinar sívinsælu STYRKTARÆFINGAR í ÍÞRÓTTAHÖLLINNI (2. hæð; Teríu).

*NÝTT*
Kl. 12.05 er H.A.F.-JÓGA með Arnbjörgu Kristínu Konráðsdóttur í GLERÁRLAUG, en hér er um að ræða mjúka og slakandi tíma í jógaflæði í vatni, hugleiðslu og fljótandi slökun. Athugið að tíminn er 25 mín. og byrjar því stundvíslega, en svo í kjölfarið er hægt að fara í heita pottinn og slaka áfram á. ❤️ (Ath. að greiða þarf fyrir aðgang að lauginni.)

Ath. að STÓLAJÓGA, sem er á dagskrá kl. 15.00 á þriðjudögum, byrjar svo í næstu viku.

22/09/2025

Ath. að fulltrúi Virkra efri ára mun mæta í Sölku mánudaginn 13. okt. (10-12) og aðstoða með uppsetningu Sportabler forrits.

Nýjung í boði í Sölku - Víðilundi 22.