08/10/2024
Öll umræða um þennan málaflokk er af hinu góða, við erum á þeim stað að fullt af fólki er fárveikt og fær ekki aðstoð því það passar ekki inn í rétta kassa eða er ekki nógu veik til að fá aðstoð því okkur skortir úrræði fyrir fullorðið fólk á fyrstu stigum veikinda. Eða kannski vantar viljann til að virkja þau úrræði sem til eru.
Fjölskyldumeðferð til að mynda hjá fjölskyldufræðingi fæst sjaldan niðurgreidd, og þeir sem kjósa að sækja sér fjölskyldumeðferð þurfa að greiða hana fullu verði. Rannsóknir hins vegar sýna að fjölskyldumeðferð getur haft gríðarleg áhrif á sjúkdómsmynd hins veika sem og allt umhverfi hans, við þurfum að vinna heildstætt.
Mig langar að sjá löggjöf í anda farsældarlaganna þar sem stutt er við einstaklinginn fá ólíkum hliðum, með ólíkum úrræðum sem henta hverjum og einum og í samvinnu margra aðila.
Heilbrigðisráðherra segir aldrei jafn mikið hafa verið gert í geðheilbrigðismálum og undanfarin misseri. Verkefnið sé risastórt og viðvarandi og snúi ekki bara að heilbrigðiskerfinu.
