HSN - Heilbrigðisstofnun Norðurlands

Home
Iceland
Húsavík
HSN - Heilbrigðisstofnun Norðurlands

HSN - Heilbrigðisstofnun Norðurlands. Heilbrigðisstofnun Norðurlands tók til starfa þann 1.

október 2014 við sameiningu heilbrigðisstofnana á Norðurlandi annarra en Sjúkrahússins á Akureyri og nokkurra hjúkrunar- og dvalarheimila.

Þær heilbrigðisstofnanir sem mynduðu Heilbrigðisstofnun Norðurlands voru eftirfarandi stofnanir:

Heilbrigðisstofnun Þingeyinga, Heilsugæslan á Akureyri, Heilsugæslan á Dalvík, Heilbrigðisstofnunin Fjallabyggð, Heilbrigðisstofnunin Sauðárkróki og Heilbrigðiss

tofnunin Blönduósi. Starfsemi Heilbrigðisstofnunar Norðurlands nær því frá Blönduós í vestri til Þórshafnar í austri. Á upptökusvæðinu búa um 35.000 manns og starfsmannafjöldi er um 500 talsins. Heilbrigðisstofnun Norðurlands veitir heilsugæsluþjónustu, sjúkrahúsþjónustu auk öldrunarþjónustu í formi hjúkrunar- og dvalarrýma.

16/04/2026

Sálfræðingarnir Aðalheiður Jónsdóttir og Anna Lilja Sigurvinsdóttir kynntu á fjölmennu Sálfræðiþingi metnaðarfullt starf sem unnið er hjá sálfélagslegri þjónustu HSN.

Farið var yfir góðan árangur af hugrænni atferlismeðferð við flóknum vanda og þróun gæðahandbókar og staðlaðra verkferla sem stuðla að bættri þjónustu og auknu öryggi skjólstæðinga. Skýr sýn, gagnreyndar aðferðir og aukin gæði þjónustu í þágu betri geðheilsu barna💙

Lesið meira í frétt á hsn.is, sjá hlekk í ummælum.

13/04/2026

Heilbrigðisstofnun Norðurlands heldur Vísinda- og fræðsludag í fyrsta sinn ✨

Verið velkomin á Vísinda- og fræðsludag HSN miðvikudaginn 20. maí kl. 12:30-16 í Hofi á Akureyri.

Dagurinn býður upp á fjölbreytta og fræðandi dagskrá með erindum, umræðum og pallborði um framtíð heilbrigðisþjónustu og hlutverk tækninnar.

Öll þau sem vinna við heilbrigðisþjónustu eða eru nemar í greininni eru hvött til mæta, kynnast því nýjasta sem er í gangi og eiga góða stund með okkur.

🔹 Nánari upplýsingar um dagskrá og skráningu á hsn.is, sjá hlekk í ummælum ⬇

10/04/2026

Tæknin styður við betri lífsgæði 🙌

Lyfjaskammtarar í heimahjúkrun hjá HSN styðja við sjálfstæða búsetu fólks í heimahúsum, bæta gæði þjónustu og tryggja örygga og rétta lyfjagjöf á tilsettum tíma. Í dag eru 75 lyfjaskammtarar í notkun hjá HSN, en yfir 130.000 lyfjapokar hafa verið gefnir í gegnum tíðina með góðum árangri.

Lesið stutta frétt þar sem Eva Guðmundsdóttir, forstöðumaður heimahjúkrunar hjá HSN á Akureyri útskýrir hvernig lyfjaskammtarinn virkar. Sjá hlekk í ummælum ⬇

09/04/2026

HSN tók formlega við rekstri dvalarheimilisins Hornbrekku í Ólafsfirði núna í byrjun apríl eins og tilkynnt var um seint á síðasta ári.

Starfsfólk mannauðssviðs þær, Hildur Ösp, framkvæmdastjóri mannauðs, Hildur Þóra mannauðsfulltrúi, Helga mannauðsfulltrúi og Sylvía Dögg mannauðssérfræðingur sóttu Hornbrekku heim og kynntu starfsemi HSN fyrir starfsfólki Hornbrekku á dögunum svo sem helstu stefnur, kerfi, gildi, samskiptasáttmála og vinnustaðarmenningu.

Á Hornbrekku eru 22 dvalar- og hjúkrunarrými. Þar eru um 28 stöðugildi en fastir starfsmenn eru 38 auk þess sem 16 starfsmenn sinna afleysingum í ýmsum störfum tengdum rekstri stofnunarinnar. Við bjóðum starfsfólk Hornbrekku hjartanlega velkomið í hópinn!

01/04/2026

🐣 Starfsfólk HSN sendir öllum hlýjar óskir um gleðilega páskahátíð!💛

Athugið að yfir páskahátíðina verður lokað fyrir hefðbundnar tímabókanir og lyfjaendurnýjanir.
🚑 Opið verður fyrir bráðaþjónustu á öllum starfsstöðvum HSN dagana 2.–6. apríl.
📞 Tímapantanir í bráðaþjónustu fara í gegnum 1700
🚨 Í neyðartilfellum skal hringja í 112

26/03/2026

Mottumars – hugum að heilsu karla💙

Mottumars, árlegt árvekniátak Krabbameinsfélags Íslands hefur verið í fullum gangi allan mars þar sem vakin er athygli á málefnum tengdum krabbameinum hjá körlum. Á hverju ári greinast um þúsund karlmenn með krabbamein á Íslandi. Hluti af vitundarvakningunni er að safna í góða skeggmottu og svona rétt undir lokin á átakinu náðum við eldsnöggt í skottið á nokkrum HSN mönnum sem hafa verið að safna í mottu undanfarnar vikur í tilefni af átakinu!

💡 Hvað getur þú gert?
• Ástunda heilbrigðan lífsstíl. Huga bæði að líkamlegri og andlegri heilsu.
• Fylgjast með breytingum á líkamanum. Ekki hika við að leita til læknis ef áhyggjur.
• Fara reglulega í heilsufarsskoðun. Snemmgreining getur skipt sköpum.

Nánari upplýsingar og fræðslu má finna á vefsíðu Krabbameinsfélagsins https://www.krabb.is/mottumars

24/03/2026

Þegar hver mínúta getur skipt máli⏱️

Á Siglufirði um síðustu helgi var haldin æfing fyrir lækna í bráðainngripum í dreifbýli undir handleiðslu bráðalækna frá Landspítala og Sjúkrahúsinu á Akureyri. Aðstæður á landsbyggðinni geta verið krefjandi, en veður, færð og fjarlægðir geta lokað leiðinni að næsta sjúkrahúsi. Þá þarf að bregðast hratt og örugglega við.

Námskeiðið var fyrir sérfræðinga í heimilislækningum á starfsstöðvum HSN utan Akureyrar og sérnámslækna, en 21 læknir nýttu helgina til að skerpa á þekkingu sinni og æfa viðbrögð þar sem hver mínúta getur skipt máli. Um þessar mundir og næstu vikur verða svo haldnar rauntímaæfingar á Dalvík, á Siglufirði, Sauðárkróki, Blönduósi og Húsavík með þátttöku sjúkraflutningafólks, hjúkrunarfræðinga og annarra viðbragðsaðila. Við sýnum ykkur frá því síðar.

Guðrún Dóra Clarke, framkvæmdastjóri lækninga hjá HSN fór í viðtal hjá RÚV um málið, sjá í fyrstu ummælum⬇️

20/03/2026

Í vikunni fengum við heimsókn frá áhugasömum nemendum á útskriftarári Menntaskólans á Akureyri. Þau fengu innsýn í daglegt starf hjá HSN, hvernig það gangi fyrir sig og svo kynningu á þeim fjölbreyttu störfum sem unnin eru innan stofnunarinnar. Að endingu tóku þau rölt um heilsugæslustöðina sem endaði með köku. Við þökkum fyrir heimsóknina, við vonum að hún hafi kveikt áhuga á störfum innan heilbrigðisgeirans í framtíðinni🌟.

17/03/2026

Mundu að afbóka tímann ef þú kemst ekki!

Því miður fara tugir af almennum tímabókunum hjá læknum á HSN til spillis í hverri viku. Ef þú sérð fram á að geta ekki nýtt pantaðan tíma hjá lækni eða hjúkrunarfræðingi, þá er einfalt að afbóka hann – og aðrir geta þá nýtt tímann í þinn stað.

Hvernig afbóka ég?

👉 á Mínum síðum á heilsuvera.is
📞 með því að hringja í þína heilsugæslustöð

Þú færð áminningu í símann um bókaðan tíma þar sem líka má finna leiðbeiningar um hvernig hægt er að afbóka hann ef þarf. Takk fyrir að hjálpa okkur að nýta tímana betur. Þannig getum við sinnt fleirum💚.

13/03/2026

Upplifir þú ró við að prjóna eða stunda aðra handavinnu? 🧘

Fyrir utan fallegt og nytsamlegt handverk, þá vita þau sem prjóna eða stunda aðra handavinnu hversu róandi það getur verið. Prjón krefst ákveðinnar athygli, hjálpar fólki að hægja á sér og njóta augnabliksins og það getur líka haft önnur heilsubætandi áhrif, eins og að bæta einbeitingu og núvitund. 🫶

Þær Sigríður Dagný Þrastardóttir, heilbrigðisgagnafræðingur, Auður Karen Gunnlaugsdóttir og Brynhildur Smáradóttir, báðar hjúkrunarfræðingar hjá HSN á Akureyri, stofnuðu prjónaklúbb á meðal starfsfólks, en hugmyndin kom til vegna sameiginlegs áhuga fólks af handavinnu - ekki bara prjóni. Starfsfólk sem starfar á mismunandi starfsstöðvum HSN á Akureyri, hvort sem er á heilsugæslu, heimahjúkrun eða skrifstofu fær hér tækifæri til að koma saman og njóta stundarinnar. Þau hittast einu sinni í mánuði og á dagskránni er samvera, gleði og hlátur – og auðvitað prjón eða önnur handavinna🧶.

12/03/2026

Starfamessa var haldin í Háskólanum á Akureyri í morgun, þar sem fjölmörg fyrirtæki og stofnanir kynntu starfsemi sína fyrir ungmennum á svæðinu. Flottir fulltrúar HSN stóðu vaktina og kynntu fjölbreytt störf hjá stofnuninni fyrir áhugasömum ungmennum.

Address

Skrifstofa HSN, Auðbrekka 4
Húsavík
640

Telephone

+3544324800

Website

http://www.hsn.is/

Alerts

Be the first to know and let us send you an email when HSN - Heilbrigðisstofnun Norðurlands posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to HSN - Heilbrigðisstofnun Norðurlands:

Shortcuts

Want your practice to be the top-listed Clinic in Húsavík?