Lækur Athvarf Hafnarfirði

21/11/2025

Fössari í dag! Okkar kæri Kris mætir á slaginu 11 og kennir okkur tai chi takta. Píta með hakki í matinn og kannski létt jólaföndur fyrir hádegi. Eftir hádegi ætlar svo ónefndur starfmaður á Læk að bregða sér í hlutverk Þorsteins J. og spyrja spurninga úr Viltu vinna milljón spilinu fræga.

Lækur... alltaf eitthvað rugl í gangi! 🕺🎵❤☕

19/11/2025

Við ætlum að hafa það soldið innikósý í dag og setja okkur í stellingar fyrir jólin enda Myrra komin í rosa jólastuð. Föndrum jólatré og sveina, hlustum á jólaplötur og fáum okkur eitthvað heitt að drekka. Pastasalat í matinn og bökunarnámskeið eftir hádegi en við ætlum að baka spesíur í þetta sinn.

Lækur... kemur með jólin til þín!

18/11/2025

Í dag er góður dagur til þessa að eiga góðan dag... og kíkja á Læk. Ofnbakaður fiskur í matinn og svo ætla þau sem vilja kíkja á Nýsköpunarsetrið þar sem listgáfan leikur lausum hala.

Lækur... alltaf góð hugmynd!

11/11/2025

Jólaseríurnar loga, leiklist fyrir hádegi, fiskur í raspi í hádeginu og Nýsköpunarsetrið tekur við eftir hádegi.

Allir velkomnir – sjáumst! 🌟

10/11/2025

Það er kominn mánudagur og Lækur því galopinn! Við ætlum að taka jólaskrautið upp úr kassanum í dag og hlusta á jólaplötur. Mexíkósk súpa í matinn og að sjálfsögðu alltaf heitt á könnunni.

Lækur... jólar í brækur!☕🎵❤🎅🏻

07/11/2025

Það eru hamborgarar í dag sko eftir svona hálftíma... drífa sig. Svo ætlar Kris að vera með tónlistarkviss eftir hádegi.

Lækur... bara gaman! 🍔😍☕🎵

06/11/2025

Bara strax kominn fimmtudagur! Time flies when you're having fries eins og þeir segja í Ameríkunni. Í dag verður kjúklingasalat með beikoni og pestó í matinn. Bókaklúbburinn verður á sínum stað fyrir hádegi þar sem við ætlum að fletta í gegnum hundaljósmyndabækur. Eftir hádegi tekur svo ljósmyndaklúbburinn við þar sem við ætlum að bæta aðeins í polaroid ljósmyndasafnið okkar.

Lækur... athvarf allra landsmanna! 🎵📸❤☕

05/11/2025

Það styttist í jólabakstur hér á Læk, bökum alla miðvikudaga dagskráin er komin. Öll velkomin að taka þátt!

04/11/2025

🎄 Jólastemning í loftinu!

Á morgun (miðvikudag) ætlum við að skella okkur í IKEA og fá smakk af jólunum (jólamaturinn er kominn😋)✨
Við leggjum af stað frá Læk kl. 10:30 – endilega hafið samband í dag ef ykkur langar að koma með!

🍲 Í dag verður síðan plokkfiskur að hætti kokksins í hádeginu, og eftir hádegi förum við í myndlistanámskeið í Nýsköpunarsetrinu við Lækinn.

Allir eru hjartanlega velkomnir, eins og alltaf 💛

03/11/2025

03/11/2025

Það er kominn mánudagur og Lækur því galopinn! Grænmetissúpa í matinn og spa & dekur eftir hádegi þar sem við ætlum að svoleiðis löðra á okkur dýrindis kremum og hafa það kósý.

Lækur... löðrandi hamingja! ❤🍲☕🎵💅

31/10/2025

Minnum á hrekkjavökudaginn sem er einmitt í dag! Hrekkjavökupizzur í matinn, hrekkjavökubingó kl. 13. (vinningar í boði), hrekkjavökukviss kl. 14:30 (vinningar í boði).

Lækur... ALLTAF SPOOKY 👻🎃🖤