Heilsa er lífsstíll

07/11/2025

Hver einasta hugsun, trú og orð út í heiminn eru ósk þín um hvað þú vilt fyrir sjálfa/n þig, orð hafa orku hvort sem þú hugsar þau eða segir þau upphátt.
Setningar sem byrja gjarnan á "Ég er....", "Ég þarf.....", "Ég á....", "Ég lendi alltaf í...." eru nokkrar af ansi mörgum óskum sem þú alhæfir og staðfestir við umheiminn.
Taktu eftir hugsunum þínum og orðum, hverjar eru þínar óskir? Hvernig eru þær óskir að gagnast þér í þínu lífi? Er eitthvað sem þú þarft að umorða eða endurhugsa?
Skoðaðu hvar þú ert og gríptu sjálfa/n þig þegar þú hugsar og talar á hátt sem þjónar þér síður ❤

10/10/2025

Innkomandi orkan þessa dagana, sérstaklega í gær og í dag er mjög kröftug! Solar plasma hittir á jörðina og ýmis einkenni fylgja þessari sterku orku.
Mikill þungi yfir höfði, hjartastöð og mikil áhersla á hálsinn! Einkenni eins og hjartsláttar óregla, flensulík einkenni, viðkvæmni í hálsi bæði að utan og innan, mikill hiti í höfði/höfuðverkir, mikil þreyta, svefnlausar nætur, útþaninn magi, þurrkur og útbrot í húð og miklar tilfinningasveiflur (sorg, reiði, tómleiki).
Mikil þörf á að vökva sig vel og hvíla sig extra. Þessi orka fer fram á það að þú gerir ekki neitt nema hlúa að þér og hlusta á líkamann! Slepptu allri pressu um að gera allt á to do listanum, það má bíða ❤😘

14/09/2025

Þú ert skaparinn - Þú ert ábyrg/ur fyrir eigin lífi. Gefðu ekki öðrum valdið yfir ÞINNI sköpun.

Fyrir hvern ert þú að lifa þínu lífi nema fyrir sjálfan þig?
Áttar þú þig á því að það sem þú upplifir sem tilviljanir eru í raun kraftaverk?
Manstu ekki að þessi persónulega ákvörðun sem ÞÚ tókst eftir eigin frjálsa vilja skilaði ÞESSUM niðurstöðum?

Þú ert alltaf þar sem þú átt að vera því í hverju lifandi núi tekur þú ákvarðanir, litlar sem stórar sem skila þér vissri útkomu. Það er svo þitt að ákveða hvort útkoman sé sú sem þú vilt að hún sé eða hvort þú takir nýja ákvörðun sem skilar þér nýrri niðurstöðu.

Við erum eða höfum öll gengið í gegnum að finnast við ekki nógu góð og afleiðing þess er að við trúum því að aðrir taki betri ákvarðanir fyrir okkur og þannig sættum við okkur smátt og smátt við að aðrir viti best og geti best sagt okkur hvað við eigum að gera með líf okkar.

Nema hvað, sá tími kemur að við römbum á endastöð, hingað og ekki lengra. Líðanin hið innra er í raun verri þegar við höfum gefið kraftinn frá okkur og við áttum okkur á því að allur pirringur og reiði sem við berum hið innra er ekki í garð náungans sem tók stjórnina heldur í eigin garð fyrir að átta okkur ekki á því að stýripinninn var alltaf í eigin hendi.
Þú áttar þig á því að þú hefur mörk og hver mörkin eru og þú tekur aftur við stjórninni.

Mundu bara að þú ert alltaf NÁKVÆMLEGA þar sem þú átt að vera og þegar þú ert tilbúin/n að taka stjórnina á eigin lífi aftur þá þarftu bara eitt: Ákvörðun! 

- Þú ert nógu góð/ur!
- Treystu almættinu til þess að leiða þig áfram.
- Góðvild kemur þér lengra en andstæðan.
- Egóið þitt reynir alltaf að villa þér veg.
- Þú ert sá/sú sem þarf að vilja það besta fyrir þig, alltaf.
- Það má taka pásu.

Ég veit þú ert að gera þitt besta og mér þykir vænt um þig ❤ Þitt framlag skiptir máli 🫂😘

25/02/2025

❤❤❤

24/02/2025

14/02/2025

Þú getur ekki læknað sársaukann sem þú neitar að finna, grunnurinn fyrir heilun er að hætta að forðast það sem er sárt og sitja með því. Tilfinningar koma til þess að finna þær, þegar þú reynir að forðast þær munu þær elta þig þar til þú staldrar við og leyfir þér að fara í gegnum sársaukann sem leynist þar ❤

07/02/2025

Líkami okkar er fullkomlega hannaður og segir okkur til um hvar við erum í ójafnvægi með sársauka og ýmsum einkennum. Það er í okkar hlutverki að læra að hlusta á þessi samskipti, því þannig tekst okkur að ná jafnvægi og heila þá parta sem þarfnast aðhlynningar.
Ef við bælum samskiptin niður þöggum við niður í tungumáli líkamans.

Hvað er líkami þinn að segja þér í dag?

18/11/2024

Áður en börnin þín fæddust völdu þau ykkur sem foreldra, föður & móður til þess að fæðast inn í þennan heim og jafnvel viðbótaruppalendur sem bætast í hópinn síðar á lífsleiðinni. Við sem foreldrar og uppalendur höfum ekki aðgang að þeirra sálarsamningi þar sem hver sál (þín þar á meðal) er fullvalda og hefur ein aðgang að þeim sálargjöfum, hæfileikum og lífslexíum sem þeim er ætlað er að eiga í gegnum þetta lífsskeið.

Það er þín ábyrgð sem foreldri að leiðbeina börnum þínum og kenna þeim þau gildi sem þér eru mikilvæg en ábyrgð barnanna er hinsvegar sú að velja OG hafna þínum gildum í takt við sinn eigin sálarsamning. Sérhver sál ber fulla ábyrgð á eigin ákvörðunum og því sem hún velur fyrir sig til þess að lifa eftir.

Ekki líður að löngu þar til börnin vilja slíta sig laus og fara að lifa sínu eigin lífi og þá kemur fyrst í ljós hver þau eru án handleiðslu foreldra sinna. Lífslexíum fjölgar þegar þau arka áfram sinn sálarveg í leit sinni að sínum sannleika. Eins mikið og við viljum það besta fyrir börnin okkar þá eru þau eingöngu okkar ábyrgð tilfallandi og okkar leiðsögn og ákvarðanir ná aðeins svo langt.
Til þess að þau geti uppfyllt sinn sálarsamning þurfa þau að taka eigin ákvarðanir og annað hvort þrífast þau eða læra að gera betur.
Þeirra tilgangur er ekki þinn tilgangur - Gott að muna þegar reynir á þolmörk þín sem foreldri og uppalandi ❤