Sólvangur hjúkrunarheimili

24/10/2025

Bleikur ljómi var yfir öllum starfsstöðvum Sóltúns á Bleika deginum að venju til að sýna samstöðu með þeim konum sem hafa þurft að glíma við brjóstakrabbamein. Starfsfólk og íbúar klæddust bleiku, það var skreytt hátt og lágt með bleiku og Sóltún bauð upp á gómsætar tertur🩷

Kaffi Sól var opið á Sóltúni hjúkrunarheimili þar sem snillingarnir í eldhúsinu töfruðu fram einhverjar glæsilegustu brauðtertur sem sést hafa á heimilinu😋

Starfsfólk notaði bleika hanska við sín störf þessa viku, en hluti af ágóða af sölu þeirra rennur til Krabbameinsfélagsins. Þeir voru reyndar líka notaðir sem blöðrur víðs vegar😊

23/10/2025

21/10/2025

Við erum Fyrirmyndarfyrirtæki 2025! 🎉

Við erum ótrúlega stolt að tilkynna að fyrirtækin okkar sem reka Sóltún Reykjavík og Sóltún Sólvangi hafa hlotið viðurkenningu sem Fyrirmyndarfyrirtæki 2025 frá Viðskiptablaðinu og Keldunni✨

Sóltún Reykjavík (Öldungur hf) fékk síðast viðurkenninguna 2020 og Sóltún Sólvangi (Sóltún öldrunarþjónusta ehf) er að fá þessa viðurkenningu í fyrsta sinn.

Þessi viðurkenning er aðeins veitt 2,6% íslenskra fyrirtækja og er skýr staðfesting á því að við erum á réttri leið sem ábyrgt fyrirtæki sem hefur sjálfbærni og velsæld að leiðarljósi👏✨

17/10/2025

Heiðurshjónin og Hafnfirðingarnir Sigurbjörg Kristjánsdóttir og Jón Rafnar Jónsson, Sísí og Rafnar, færðu Sóltúni Heilsusetri tvo rafdrifna leðurhægindastóla frá Nýform að gjöf í vikunni. Þau eru að ljúka sinni annarri dvöl á Heilsusetrinu og vildu færa starfsfólkinu þessa gjöf sem þakklætisvott fyrir framúrskarandi þjónustu💛
Bergþóra Einarsdóttir, hjúkrunarfræðingur og aðstoðardeildarstjóri, og Thelma Hafþórsdóttir Byrd, iðjuþjálfi, tóku við þessari rausnarlegu gjöf fyrir hönd Sóltúns Heilsuseturs og fluttu þeim þakkarorð frá Fjólu Bjarnadóttur, forstöðumanns Sóltúns Sólvangi, sem g*t ekki verið viðstödd. Við þökkum þessum yndislegu og glaðlyndu hjónum kærlega fyrir þessa flottu gjöf❤️

10/10/2025

Hress ungmenni frá Verzlunarskóla Íslands komu til okkar í gær og héldu bocciakeppni og bingó fyrir íbúa💛 Boccia keppnin var æsispennandi en að lokum þurfti æskan að lúta lægra haldi fyrir ellinni, eins og gerist, og íbúar knúðu fram sigur með einu stigi, 👵7-6 👼. Eftir hádegi var síðan bingó í Kóngsgerði þar sem Verzlingarnir höfðu viðað að sér alls konar flottum vinningum sem mikil ánægja var með. Við þökkum þessu flotta unga fólki kærlega fyrir framtakið og heimsóknina!👏❤️

03/10/2025

Í þessari viku er búið að vera nóg um að vera á Sólvangi. Bleika vinnustofan opnaði á mánudaginn þar sem íbúar og skjólstæðingar dagdvala föndra ýmislegt bleikt skraut sem verður notað til að skreyta húsið í bleikum október🩷
Bleika vinnustofan verður starfrækt á mánudögum í október og þar verður prjónað, litað, þæft, spjallað og perlað í góðu stuði!
Sólvangsbandið kom svo með sína ljúfu tóna á þriðjudaginn og skemmtu í Kóngsgerði🎶
og á fimmtudaginn var horft á gamla tónleika með Ragga Bjarna í salnum á meðan beðið var eftir prestinum og helgistundinni sem var lokahnykkurinn á þessari skemmtilegu og viðburðarríku viku!💛

11/09/2025

Í gær, á Gulum degi, byrjuðum við gula viku hjá Sóltúni. Sú stóra gula lét auðvitað sjá sig í tilefni dagsins🌞 og starfsfólk klæddist gulu. Umhverfið var skreytt með gulum skreytingum og svo var auðvitað gul terta með kaffinu💛

Næsta vika er síðan helguð fræðslu og samstöðu með geðheilbrigði og sjálfsvígsforvörnum;

Er allt í gulu?
Ef þér finnst lífið stundum ekki þess virði að lifa því, leitaðu þá hjálpar.
Ef þú hefur áhyggjur af ástvini/ vini/ vinnufélaga ræddu það við viðkomandi.
Það hjálpar að deila líðan sinni með öðrum.

Hjálparsími Rauða krossins: 1717
Upplýsingamiðstöð Heilsuveru: 1700
Píeta síminn: 552 2218
Neyðarsíminn: 112

08/09/2025

Í dag er Alþjóðadagur sjúkraþjálfara🥳
Hjá Sóltúni búum við svo vel að hafa öfluga sjúkraþjálfara á okkar snærum sem vinna að því alla daga að styrkja og efla líkamlegt atgervi okkar skjólstæðinga, og ekki er aðstoðarfólk þeirra í sjúkraþjálfuninni minna öflugt💪Við óskum öllum sjúkraþjálfurum til hamingju með daginn!

21/08/2025

Góða veðrið var nýtt til hins ýtrasta á Sólvangi í gær og var hent í skyndiútipartý þar sem farið var í boccia og grjónapoka- og hringjakast🎉
Síðan naut fólk þess að sitja úti, hitta mann og annan og spjalla í góða veðrinu. Starfsfólk Sóltúns Sólvangi fær sérstakt hrós fyrir að bregðast skjótt við partýplönum til að skapa þennan skemmtilega sólardag fyrir alla🌞💛

09/08/2025

Þessi vika hefur heldur betur verið litrík og skemmtileg á öllum starfsstöðvum Sóltúns, stuð á stuð ofan🏳️‍🌈 Gleðistund með Svenný og Steinunni, Kabarett bingó og dragsýning, bíósýningar, pizzupartý, gay pride kökur og litríkar vöfflur.
Góða skemmtun í gleðigöngunni í dag og til hamingju með ástina öll, hvernig sem hún birtist ykkur!❤️🩷🧡💛💚💙🩵💜🤎🖤🩶🤍