Björgunarsveit Hafnarfjarðar

04/03/2026

Skátafélagið Hraunbúar hlýtur skyndihjálparnámskeið að gjöf.

Björgunarsveit Hafnarfjarðar færði skátafélaginu Hraunbúum veglega gjöf í formi skyndihjálparnámskeiðs sem haldið var fyrir foringja og starfsmenn félagsins.
Þrír leiðbeinendur sáu um kennsluna og luku alls 17 þátttakendur námskeiðinu. Farið var ítarlega yfir helstu grunnatriði skyndihjálpar, þar á meðal endurlífgun, rétta aðkomu að slysi, stöðvun blæðinga og meðferð sára og beinbrota. Einnig var fjallað um viðbrögð við bráðum sjúkdómum, ofkælingu og hitakvillum.
Markmið námskeiðsins var að efla þekkingu og viðbragðsgetu þeirra sem starfa innan félagsins og stuðla þannig að auknu öryggi í starfi Hraunbúa.
Námskeiðið tókst afar vel og voru þátttakendur mjög ánægðir með bæði innihald og framkvæmd.

24/02/2026

Í gær var haldin stór glæsileg tækja sýning í húsnæði okkar þar sem björgunarsveitir allsstaðar af landinu hittust með sýn mismunandi og flottu tæki! 🚒

Um 20 tæki voru til sýnis, hvert öðru glæsilegra, og virkilega gaman að sjá hversu gríðarlega mikil þróun hefur átt sér stað á búnaði sveitanna í gegnum tíðina.

Frábært kvöld að baki!

07/01/2026

Nóg um að vera á síðasta degi jóla.

Rétt áður en flugeldasýning okkar hófst við Fjörð og í miðri flugeldasölu í gær, á þrettándanum, barst okkur útkall vegna týndra ferðamanna á Hellisheiði.

Flugeldasýningunni var rumpað af í hvelli og tókst vel til. Í kjölfarið brunaði skot- og gæslufólk upp í björgunarmiðstöðina Klett þar sem þrír hópar gerðu sig reiðubúna og lögðu af stað úr húsi skömmu síðar. Á meðan stóð annar hópur félaga vaktina í þrettándasölunni.

Eftir að fólkið fannst heilt á húfi héldu hóparnir aftur heim í hús. Þá var hafist handa við að taka niður auglýsingaborða og -skilti út um allan bæ.

Með samvinnu, hugsjón og fórnfýsi að leiðarljósi stöndum við vaktina allt árið um kring og fjáraflanir eins og flugelasalan gera okkur það kleift. Við þökkum bæjarbúum fyrir stuðninginn að þessu sinni!

Mynd tekin á töflufundi áður en hópar héldu af stað í gær.

06/01/2026

Flugeldasalan er opin hjá okkur í Björgunarmiðstöðinni Kletti, Hvaleyrarbraut 32, í dag frá kl 16-20
Þinn stuðningur skiptir öllu máli!

01/01/2026

Losum okkur við notaða flugelda!
Við hvetjum ykkur öll til þess að hreinsa upp notaða flugelda eins fljótt og kostur er og koma þeim á viðeigandi móttökustað.

Í Hafnarfirði verður hægt að koma flugeldarusli á tvo móttökustaði, við Tjarnavelli og Fjarðargötu.

Sjá nánar hér:

https://www.flugeldar.is/ruslid-burt

31/12/2025

Björgunarsveit Hafnarfjarðar óskar bæjarbúum og landsmönnum öllum gleðilegrar hátíðar!

Takk fyrir okkur og munið eftir að nota flugeldagleraugun!!

31/12/2025

Þessi þrjú voru dregin út í myndasamkeppninni í flugeldablaðinu okkar. Þau fengu öll fjölskyldu pakka og stjörnuljós.

Til hamingju!

31/12/2025

Arnaldur Árnason kom og sótti flugeldapakkann sem hann vann í facebook leiknum okkar. Til hamingju Arnaldur!
Við minnum á að sölustaðirnir okkar eru opnir til kl 16 í dag!

31/12/2025

Það er opið til kl 16 hjá okkur í dag!

30/12/2025

INNKÖLLUN Á "RAKETTUPAKKA 2" VEGNA GALLA!

Slysavarnafélaginu Landsbjörg bárust í kvöld ábendingar um að galli væri í einhverjum rakettum sem seldar hafa verið í Rakettupakka 2.

Við prófun kom í ljós að einhverjar þeirra sprungu of snemma.

Því hefur verið tekin sú ákvörðun um að taka Rakettupakka 2 úr sölu og kalla inn þá pakka sem hafa verið seldir.

Þau sem hafa keypt Rakettupakka 2 eru hvött til að koma með hann á næsta sölustað og skipta honum út fyrir aðra vöru.

Hægt verður að skipta út pakkanum á morgun, gamlársdag, þar til sölustaðir loka, sem og á opnunartíma fyrir þrettándann.

Slysavarnafélaginu Landsbjörg þykir miður að viðskiptavinir verði fyrir óþægindum vegna þessa, en öryggi okkar allra þarf alltaf að vera í fyrirrúmi.

INNKÖLLUN Á "RAKETTUPAKKA 2" VEGNA GALLA!

Slysavarnafélaginu Landsbjörg bárust í kvöld, þriðjudagskvöld, ábendingar um að galli væri í einhverjum rakettum sem seldar hafa verið í Rakettupakka 2.
Við prófun kom í ljós að einhverjar þeirra sprungu of snemma.

Því hefur verið tekin sú ákvörðun um að taka Rakettupakka 2 úr sölu og kalla inn þá pakka sem hafa verið seldir.
Þau sem hafa keypt Rakettupakka 2 eru hvött til að koma með hann á næsta sölustað og skipta honum út fyrir aðra vöru.
Hægt verður að skipta út pakkanum á gamlársdag, þar til sölustaðir loka, sem og á opnunartíma fyrir þrettándann.

Slysavarnafélaginu Landsbjörg þykir miður að viðskiptavinir verði fyrir óþægindum vegna þessa, en öryggi okkar allra þarf alltaf að vera í fyrirrúmi.

30/12/2025

Áramótablað Björgunarsveitar Hafnarfjarðar er komið út og ætti að hafa borist í öll hús í Hafnarfirði. Ef þú fékkst ekki blaðið, þá getur þú lesið það hér :)
Minnum á myndasamkeppnina aftast í blaðinu, skilafrestur er fyrir lokun sölustaða í dag.
https://spori.is/aramotablad-2025-2026/

29/12/2025

Björgunarsveit Hafnarfjarðar heldur flotta sölusýningu á nýrri vöru í kvöld kl. 20.00 á Lónsbraut skammt frá Björgunarmiðstöðinni Kletti við Hvaleyrarbraut.
Vörurnar sem sýndar verða eru, í réttri röð,

👉 Hrafna Flóki
👉 Melkorka
👉 Egill Skallagrímsson
👉 Fyrsta hjálp
👉 Fjarskipti
👉 Snjóflóð
👉 Björgunarhundar
👉 Vélsleðar
👉 Slöngubátur
👉 Víg Eyjólfs Ofsa
👉 Kaka ársins
👉 3 kúlurakettur, A, B og C

Við viljum jafnframt vekja athygli á þessu fyrir þá sem hyggjast vera á ferðinni með gæludýr í grennd við björgunarmiðstöðina á þessum tíma.

Kær kveðja,
Björgunarsveit Hafnarfjarðar