Virkni og Vellíðan í Kópavogi

20/04/2026

🌿 GÖTUGANGA VIRKNI & VELLÍÐAN 2026 🌿

📅 Þriðjudaginn 12. maí kl. 13:00
📍 Frá Kópavogsvelli , Dalsmári 5

💙 Skráning er hafin svo endilega takið daginn frá! 💪
https://netskraning.is/virkni-og-vellidan/

Við hlökkum til að halda Götugönguna í fjórða sinn þetta árið og vonumst til að sjá sem flesta taka þátt í þessum skemmtilega og heilsueflandi viðburði. Búið er að panta sama veður og við höfum fengið síðustu tvö ár svo þetta getur ekki klikkað 😀 ☀️
Bæjarstjóri Kópavogs, Ásdís Kristjánsdóttir ætlar að ræsa gönguna líkt og síðastliðin ár og mun gangan bæði hefjast og enda á Kópavogsvelli.

👉 NÝTT Í ÁR:
Í fyrsta skipti verður hægt að velja á milli tveggja vegalengda:
• 1,5 km
• 3,4 km

Götugangan er ætluð 60 ára og eldri og hentar öllum – hvort sem þú vilt ganga þér til ánægju í frábærum félagsskap eða taka þátt í léttum keppnisanda.

🎉 Keppt verður í aldursflokkum:
60–69 ára
70–79 ára
80 ára og eldri

🏆 Verðlaunapeningur fyrir efstu sætin í karla- og kvennaflokki
🎁 Allir skráðir þátttakendur eiga möguleika á því að vinna útdráttarverðlaun

Það kostar ekkert að taka þátt 😃
Frekari upplýsingar verða birtar þegar nær dregur.

Hlökkum til að sjá ykkur!

20/03/2026

Vel heppnaður fræðslufyrirlestur um HÚMOR 😃

Miðvikudaginn 18. mars var haldinn fræðslufyrirlestur í Salnum á vegum Virkni og Vellíðan, þar sem Þorsteinn Bachmann flutti erindið Húmor virkar. Fyrirlesturinn var afar vel sóttur en um 250 manns mættu til að hlusta á erindið.

Þátttakendur voru almennt mjög ánægðir með fyrirlesturinn sem þótti bæði fræðandi og einstaklega skemmtilegur. Mikið var hlegið og stemningin létt og góð. Þátttakendur lýstu því meðal annars að það væri kærkomið að fá fræðslu sem nálgast mikilvæg málefni á jákvæðan og líflegan hátt.

Í fyrirlestrinum fjallaði Þorsteinn um mikilvægi húmors í daglegu lífi og starfi og hvernig hann getur verið öflugt verkfæri til að bæta samskipti, styrkja tengsl og auka vellíðan. Hann fór meðal annars yfir mismunandi tegundir húmors og lagði áherslu á þann húmor sem stuðlar að betra andrúmslofti, eflir liðsanda og hefur jákvæð áhrif á heilsu og líðan. Skilaboðin voru skýr – húmor er ekki einungis til skemmtunar heldur getur hann verið lykill að aukinni lífsgæðum. Hláturinn lengir lífið !!🤣🤣

Fræðslufyrirlesturinn er hluti af starfi Virkni og Vellíðanar sem miðar að því að efla heilsulæsi og vellíðan íbúa, og var þessi viðburður gott dæmi um hvernig hægt er að miðla mikilvægum skilaboðum á lifandi og aðgengilegan hátt 🥰

19/03/2026

VALÆFINGAR

Auk hefðbundinna æfinga tvisvar í viku bjóðum við í Virkni og Vellíðan upp á valæfingar alla miðvikudaga fyrir þá sem vilja æfa þrisvar í viku 💪

Markmið valæfinganna er að kynna fjölbreytt hreyfiúrræði og heilsueflingu, auka áhugahvöt, efla félagsleg tengsl og hafa gaman saman. Framboðið er breytilegt á milli anna.

👉 Vorönnin skiptist í tvo hluta og nú er seinni hlutinn að fara af stað. Námskeiðin standa í 9 vikur, frá 25. mars til 27. maí.

Í boði að þessu sinni er erfirfarandi:
• Línudans • Zumba • Jóga • Bandvefslosun • Golfkennsla • Göngur • Kínaskák

Við eigum enn nokkur laus pláss í:
✨ Zumba - 7 laus pláss
✨ Línudans - 5 laus pláss
✨ Jóga - 7 laus pláss
✨ Golf - 5 laus pláss

Ef laus pláss eru í boði eru þau auglýst hér á opnu Facebook-síðunni okkar. Íbúar í Kópavogi eru velkomnir að skrá sig á námskeiðin, jafnvel þótt þeir séu ekki skráðir þátttakendur í Virkni og Vellíðan, enda er markmið okkar að nýta öll pláss og gera sem flestum kleift að taka þátt.

Allar skráningar fara fram í gegnum Abler.

Hægt er að skrá sig á valnámskeið hér : https://www.abler.io/shop/kopavogur/kopavogsbaer?program=Q2x1YlNlcnZpY2U6MjIzNjk=

Það er einnig hægt að senda okkur póst á netfangið virkniogvellidan@kopavogur.is og við getum aðstoðað við skráningu :)

Við munum svo hefja göngur aftur miðvikudaginn 1.apríl en í þær er engin skráning nauðsynleg. Göngurnar eru opnar öllum Kópavogsbúum 60 ára og eldri. Fríða og Freydís, verkefnastjórar Virkni og Vellíðan, leiða göngurnar í samstarfi við Sigurjónu og Ragnar, þátttakendur verkefnisins.

Njótið dagsins 😃😃

Valæfingar vor 2026Seinni hluti – 25. mars til 27. maí 2026Vorgöngur – Virkni og VellíðanStaðsetning: Auglýst á Facebook-síðu Virkni og Vellíðan og í Ab...

17/03/2026

Hlökkum til að sjá ykkur á morgun!

13/03/2026

Við hlökkum til að sjá ykkur á miðvikudaginn klukkan 13:30 😀

HÚMOR VIRKAR – Fræðslufyrirlestur í Kópavogi 😀

Virkni og Vellíðan býður til fræðslufyrirlesturs þar sem áhersla er lögð á að efla heilsulæsi og vellíðan íbúa í Kópavogi.

Að þessu sinni mun Þorsteinn Bachmann flytja erindið Húmor virkar og fjalla um mikilvægi húmors í lífi og starfi. Húmor er nefnilega miklu meira en grín og glens – hann er lífsafstaða sem getur bætt samskipti, styrkt tengsl og haft jákvæð áhrif á heilsu og líðan.

Í fyrirlestrinum verður farið yfir mismunandi tegundir húmors, með sérstakri áherslu á þann húmor sem:

- bætir samskipti
- styrkir liðsanda
- léttir andrúmsloft
- stuðlar að betri heilsu og vellíðan

📍 Salurinn Kópavogi (Hamraborg 6)
📅 Miðvikudaginn 18. mars
🕜 Kl. 13:30

Fyrirlesturinn er opinn öllum Kópavogsbúum 60 ára og eldri.

Við auglýsum viðburðinn með góðum fyrirvara svo sem flestir geti tekið tímann frá. Við hvetjum ykkur til að merkja við í dagatalið – og hlökkum til að sjá ykkur!

Bestu kveðjur,
Virkni & Vellíðan 💙

02/03/2026

HÚMOR VIRKAR – Fræðslufyrirlestur í Kópavogi 😀

Virkni og Vellíðan býður til fræðslufyrirlesturs þar sem áhersla er lögð á að efla heilsulæsi og vellíðan íbúa í Kópavogi.

Að þessu sinni mun Þorsteinn Bachmann flytja erindið Húmor virkar og fjalla um mikilvægi húmors í lífi og starfi. Húmor er nefnilega miklu meira en grín og glens – hann er lífsafstaða sem getur bætt samskipti, styrkt tengsl og haft jákvæð áhrif á heilsu og líðan.

Í fyrirlestrinum verður farið yfir mismunandi tegundir húmors, með sérstakri áherslu á þann húmor sem:

- bætir samskipti
- styrkir liðsanda
- léttir andrúmsloft
- stuðlar að betri heilsu og vellíðan

📍 Salurinn Kópavogi (Hamraborg 6)
📅 Miðvikudaginn 18. mars
🕜 Kl. 13:30

Fyrirlesturinn er opinn öllum Kópavogsbúum 60 ára og eldri.

Við auglýsum viðburðinn með góðum fyrirvara svo sem flestir geti tekið tímann frá. Við hvetjum ykkur til að merkja við í dagatalið – og hlökkum til að sjá ykkur!

Bestu kveðjur,
Virkni & Vellíðan 💙

06/02/2026

Virkni og Vellíðan í félagsmiðstöðvum Kópavogs 💙

Virkni og vellíðan býður upp á 30 mínútna æfingar í félagsmiðstöðvum Kópavogs. Á æfingum er lögð áhersla á styrk, þol, liðleika og jafnvægi – allt í frábærum félagsskap og skemmtilegri tónlist.

Æfingatíma má sjá á myndinni hér fyrir neðan 😀😀
Þjálfarar eru Elísa & Fríða 🥰

Við hvetjum alla til að mæta, taka þátt og efla bæði líkama og sál.

📧 Nánari upplýsingar: virkniogvellidan@kopavogur.is 💪

02/02/2026

💚 Göngum saman í Lífshlaupinu! 💚

Virkni og Vellíðan í Kópavogi tekur nú þátt í Lífshlaupinu í þriðja sinn og hvetur alla til að slást í hópinn. Lífshlaupið hófst í gær sunnudaginn 1. febrúar og stendur yfir til 28. febrúar. Verkefnið er heilsu- og hvatningarátak á vegum Íþrótta- og Ólympíusambands Íslands sem hvetur fólk á öllum aldri til að huga að daglegri hreyfingu

Við viljum hvetja alla þátttakendur í Lífshlaupinu – og aðra áhugasama – til að koma og ganga með okkur á miðvikudaginn 4. febrúar.

Við hittumst kl. 13:00 á bílastæðinu við Breiðablik (Dalsmára5) og göngum þaðan skemmtilegan hring í Kópavogsdalinn, um það bil 4 km. Þeir sem vilja taka EXTRA vel á því er velkomið að taka himnastigann í bakaleiðinni.

Veðurspáin lítur vel út: um 2–3°C, lítil úrkoma og tiltölulega hægur vindur – fullkomið gönguveður ❄️🌤️

Þetta er frábær leið til að bæta við smá hreyfingu í vikuna, eiga góða stund saman og skrá svo gönguna inn í Lífshlaupið.

Hlökkum til að sjá ykkur - Það er svo miklu skemmtilegra að hreyfa sig saman! 🚶‍♀️🚶‍♂️
(Sjá hringinn á myndinni - við gengum hann síðastliðið haust)😀

09/12/2025

🤸‍♀Ásdís Kristjánsdóttir bæjarstjóri Kópavogs heimsótti okkur á æfingu og tók þátt í æfingu með hópi 14 í Virkni og vellíðan.

Allir glaðir að geta loksins æft aftur í Fífunni 😀

27/11/2025

Jólahlaðborð Virkni og Vellíðan 2025 var haldið í gær í fjórða sinn með glæsibrag. Í ár var metþátttaka á viðburðinn en um 270 gestir voru skráðir 🎄

Gestir kvöldsins höfðu orð á því hve einstaklega vel heppnaður viðburðurinn var – bæði maturinn, skemmtidagskráin og samveran. Í ár var hlaðborðið haldið á Gullhömrum enda hópurinn orðin stór og var þar nóg pláss fyrir alla.

Veislustjóri kvöldsins var engin önnur en Kolbrún Þóra úr hópi 1 í Virkni og Vellíðan, en hún stýrði veislunni af einstakri fagmennsku og sló algjörlega í gegn.

Dagskráin var fjölbreytt og skemmtileg. Ásdís bæjarstjóri ávarpaði hópinn í upphafi kvöldsins og hrósaði því frábæra starfi sem unnið er innan Virkni og Vellíðan. Við fengum til okkar ungt og efnilegt danspar frá Dansíþróttafélagi Kópavogs sem sýndu okkur listir sínar og línudanshópur Virkni og Vellíðan tók skemmtilegan línudans við lagið „Achy Breaky Heart“. Síðastur en sannarlega ekki sístur steig Jón Sig, oft nefndur 500kallinn, á svið og hélt uppi miklu fjöri langt fram á kvöld. Það var mikið hlegið, spjallað, sungið og dansað.

Við erum stolt af því frábæra samfélagi sem Virkni og Vellíðan hefur orðið.

Við látum hér fylgja nokkrar myndir frá viðburðinum en þær eru teknar af Örnu Petru ljósmyndara. Þær fanga vel gleðina og stemninguna sem einkenndi kvöldið. Nú þegar er öllum farið að hlakka til jólahlaðborðsins á næsta ári.☺️

17/10/2025

Við erum þakklát fyrir samstarfið okkar við Háskólann í Reykjavík.

Hér kemur frétt og myndir frá síðustu mælingum sem fram fóru í september ☺️

Verkefni þróttafræðinema við Háskólann í Reykjavík eru fjölbreytt en fyrr í haust sáu fyrst árs nemar um að framkvæma mælingar á eldri borgurum sem taka þátt í heilsueflingunni Virkni og vellíðan. Það verkefni miðar að Heilsueflingu fyrir 60 ára og eldri í Kópavogi og er...

17/09/2025

Nú er komið að fræðslufyrirlestri hjá okkur í Virkni og Vellíðan en eitt af okkar helstu markmiðum að stuðla að auknu heilsulæsi þátttakenda okkar og íbúa Kópavogsbæjar.

Á þessari önn ætlar hún Katrín Ýr doktor í Íþróttavísindum að koma til okkar og halda erindi um Svefn og mikilvægi hans. Katrín hefur komið til okkar áður , vorið 2022 og var þá mikil ánægja með fræðsluna. Hún hefur verið virk í rannsóknar- og fræðastarfi um svefn og áhrif hreyfingar á svefn.

Fræðslan verður haldin í tilefni af íþróttaviku Evrópu dagana 23.-30.september og verða fyrirlestrarnir dæmi um viðburði sem Kópavogsbær býður upp á þá vikuna. BeActive Iceland

Í þetta skiptið ætlum við að bjóða upp á tvær tímasetningar á fræðslufyrirlesturinum. Þá geta þátttakendur og aðrir íbúar Kópavogs valið á hvaða tíma þeir vilja mæta á fyrirlesturinn. Fyrirlestrarnir munu fara fram í félagsmiðstöðvum eldri borgara í Kópavogi Gullsmára og Gjábakka.

- Gjábakki - Fimmtudaginn 25.september klukkan 13:00
- Gullsmári - Þriðjudaginn 30.september klukkan 12:30

Við vonumst til þess að sjá sem flesta og eins og áður þá eru þessir fyrirlestrar opnir öllum Kópavogsbúum 60 ára og eldri 🙂