SÓL sálfræði- og læknisþjónusta

19/12/2024

Sólarfólk óskar skjólstæðingum og fjölskyldum þeirra gleðilegrar jólahátíðar og farsældar á nýju ári. Þökkum samstarfið á árinu sem er að líða og hlökkum til áframhaldandi samstarfs á nýju ári. 🎅🎄 Gleðilega hátíð!
Vekjum athygli á því að lokað verður hjá okkur frá og með 23. desember. Opnum aftur 2. janúar en í millitíðinni er hægt að hafa samband í gegnum tölvupóst á afgreidsla@sol.is

05/09/2023

DAM hópmeðferð fyrir unglinga og fjölskyldur þeirra er að fara af stað nú í september hjá okkur á SÓL. Meðferðin er ætluð unglingum á aldrinum 13-18 ára sem eru með sterkar og sveiflukenndar tilfinningar. Oft eru unglingarnir að takast á við eitt eða fleiri af eftirfarandi einkennum:
• Miklar tilfinninga sveiflur
o Reiðivandi, mikill kvíði, tómleiki, depurð, vanlíðan
• Sjálfskaðandi hegðun og aðra skaðlega áhættuhegðun, skólaforðun
• Sjálfsvígshugsanir eða lífsleiðahugsanir
• Samskiptavanda innan fjölskyldu, við jafnaldra og í öðrum félagslegum samskiptum

Meðferðin snýr að því að kenna bæði unglingum og foreldrum færni í að takast á við vandann.

Meðferðin er á þriðjudögum frá kl. 14.15 - 16.15 og er alls 20 vikur. Unglingur mætir ásamt foreldri eða foreldrum í meðferðina.
Nánari upplýsingar má fá hjá SÓL með því að senda tölvupóst á afgreidsla@sol.is eða hringja í síma 5321500

Sól er sálfræði- og læknisþjónusta fyrir börn, fjölskyldur og ungmenni. Þverfagleg nálgun er á vanda. Unnið er með gagnreynda meðferð.

28/06/2023

Vinsamlegast athugið að vegna sumarleyfa starfsmanna verður afgreiðsla Sólar lokuð vikuna 17.-21. júlí og föstudaginn 28. júlí🌞Hægt er að senda tölvupóst á netfangið afgreidsla@sol.is og verður þeim svarað við fyrsta tækifæri🌞

20/03/2023

Við viljum benda á að enn er hægt að horfa á almenningsfræðsluna um DAM og tilfinningastjórnun barna og unglinga sem haldin var í tengslum við Sálfræðiþingið. Hún verður opin fram á miðvikudag í næstu viku. Hlekkurinn er hér fyrir neðan.
https://vimeo.com/event/3143317?fbclid=IwAR0ljdC1GfJRevzk0QXNcXQ3wp1jLvY8LpBgLbGvYZm359vdAeFkjaR5XDM

05/01/2023

Þann 1. febrúar n.k. hækkar gjaldskrá sálfræðinga og félagsráðgjafa hjá Sól. Viðtal (45 mín) kostar þá kr. 23.000.-

03/01/2023

Nýir gjaldskrárliðir barnalækna og barna- og unglingageðlækna í SÓL.

Þann 4.1. 2023 taka gildi nýir gjaldliðir vegna vísitölu- og kostnaðarhækkana. Fast gjald sem innheimt hefur verið undanfarna mánuði er jafnframt fellt niður.
Ekki hefur verið í gildi samningur milli Sjúkratrygginga Íslands og sérgreinalækna um heilbrigðisþjónustu sl. 4 ½ ár. Sjúkratryggingar hafa ekki hækkað einingaverð í 3 ár þrátt fyrir verulegar vísitölu- og kostnaðarhækkanir.
Til að mæta þessum hækkunum neyðumst við til að bæta við nýjum gjaldliðum, sem greiðast af þjónustuþegum. Jafnframt bætast við gjaldliðir vegna vottorða og bókaðra tíma sem ekki er mætt í eða afbókaðir með eðlilegum fyrirvara.
Að neðan eru nýju gjaldliðirnir, sem bætast við gjaldskrárliði í gjaldskrá Sjúkratrygginga Íslands fyrir þjónustu sérgreinalækna sem ekki hefur verið samið um.
Við vekjum ennfremur athygli á að foreldrar/forráðamenn þurfa sjálfir að gæta þess að tilvísun frá heilsugæslu sé í gildi.

Barna- og unglingageðlæknar
Gjaldliður Kr.
Stutt viðtal 1.980
Langt viðtal 5.148
Foreldraviðtal 6.435
Greiningarviðtal 6.930
Rafræn samskipti 1.188
Fjarviðtal 2.475
Fjarlækning 5.148
Fullorðinn stutt 1.980
Fullorðinn langt 3.960
Fjölskyldumeðferð 5.940

Barnalæknar
Gjaldliður Kr.
Viðtal og skoðun (Vs) 1.980
Vs + sérhæft mat 5.148
Vs + nákvæm taugaskoðun 5.148
Langt viðtal 5.148
Ráðgjafarviðtal 6.435

Nýir gjaldliðir Kr.
Lyfjaskírteini 2.690
Vottorð stutt 5.380
Vottorð langt 8.070
Umönnunarvottorð 8.070
Ónýttur tími (fyrsta viðtal) 8.000
Ónýttur tími (síðara viðtal) 4.000

22/12/2022

Sólarfólk óskar skjólstæðingum og fjölskyldum þeirra gleðilegrar jólahátíðar og farsældar á nýju ári. Þökkum samstarfið á árinu sem er að líða og hlökkum til áframhaldandi samstarfs á nýju ári. 🎅🎄 Gleðilega hátíð!

Vekjum athygli á skertum opnunartíma yfir jól og áramót en opið verður í Sól dagana 27. og 28. desember en lokað á Þorláksmessu, 23. desember og dagana 29. og 30. desember.

06/12/2022

Í janúar munum við hjá SÓL fara af stað með uppeldisnámskeið fyrir foreldra 5-12 ára barna sem eru með ADHD. Getur einnig gagnast foreldrum barna sem grunað er að séu með ADHD og eru að bíða eftir greiningu.
Allar upplýsingar og skráning á SÓL með því að senda póst á afgreidsla@sol.is eða í síma 5321500.

27/10/2022

DAM meðferð hefst 8. nóvember

Fyrir unglinga á aldrinum 13-18 ára og forráðamenn sem glíma við:
• Miklar tilfinninga sveiflur
o Reiðivandi, mikill kvíði, tómleiki, depurð, vanlíðan
• Sjálfskaðandi hegðun og aðra skaðlega áhættuhegðun
• Sjálfsvígshugsanir eða lífsleiðahugsanir
• Samskiptavanda innan fjölskyldu, við jafnaldra og í öðrum félagslegum samskiptum

Unglingur og foreldri/foreldrar mæta vikulega í 2 klst. í senn, í alls 20 vikur. Meðferðin skiptist í 4 lotur og í hverjum hóp eru 5-7 fjölskyldur. Í hóptímunum er kennd færni til að ná markmiðum meðferðarinnar. Á milli tíma eiga foreldrar og unglingar að æfa færniþættina til að tileinka sér þá í daglegu lífi.

Nánari upplýsingar hjá afgreidsla@sol.is eða í síma 5321500

17/05/2022

Til upplýsingar

1. Hjá SÓL leggjum við okkur fram um að mæta þörfum skjólstæðinga okkar eins fljótt og hægt er. En ef þörf er á bráðaþjónustu er bent á bráðaþjónustu Barna- og unglingageðdeildar Landspítala fyrir börn að 18 ára aldri og geðdeild Landspítala fyrir 18 ára og eldri.

2. Greiningar sem gerðar eru í SÓL á einhverfurófsröskunum eru nú teknar fullgildar af Tryggingastofnun ríkisins.

3. Athugið! Frá og með 19. maí nk. þarf að greiða kr. 2.500 fyrir komu til barnalækna og barna- og unglingageðlækna í SÓL. Þetta gjald er tilkomið vegna samningsleysis sérfræðilækna og óbreyttrar gjaldskrár í tæplega 4 ár.