Hugrún Linda - Vellíðan og velgengni í lífi og starfi

18/09/2025

Félagsráðgjafi MA – Faglegur handleiðari - Markþjálfi

18/09/2025

Vantar þig stuðning og skýrari sýn í starfi?

Sem fagfólk í krefjandi störfum erum við oft upptekin af því að sinna öðrum – en hver styður okkur? Álag, krefjandi mál og sífelldar breytingar geta tekið á, og það er ekki alltaf auðvelt að finna tíma eða rými til að staldra við, hugsa og endurmeta.

Fagleg handleiðsla er tækifæri til að:
✔️ Fá stuðning og rými til að ræða áskoranir í öruggu umhverfi
✔️ Styrkja faglega sjálfsmynd og starfsánægju
✔️ Draga úr streitu og kulnun með markvissri vinnu
✔️ Þróa betri aðferðir til að takast á við álag og krefjandi aðstæður

Handleiðsla er ekki lúxus – hún er nauðsynleg til að viðhalda heilbrigðum og gefandi starfsferli. Ég býð upp á faglega handleiðslu fyrir einstaklinga og hópa, þar sem unnið er með raunverulegar áskoranir og leiðir til að auka jafnvægi og vellíðan í starfi.

Ef þú vilt fá nánari upplýsingar eða bóka tíma sendu mér þá póst á hugrun@hv.is

Hlakka til að heyra frá þér!

Með hlýjum kveðjum,
Hugrún Linda Guðmundsdóttir
Fagleg handleiðsla | Streitustjórnun | Jafnvægi og vellíðan í starfi

17/09/2025

Ég hef flutt mig í Heilsuvernd Urðarhvarfi 14 og starfa þar i flottu teymi velferðar og með Streituskólanum. Get tekið á móti nýjum skjólstæðingum meðal annars í handleiðslu, markþjálfun og annars konar uppbyggilega ráðgjöf og fræðslu.

Félagsráðgjafi MA – Faglegur handleiðari - Markþjálfi

16/09/2025

https://hv.is/einstaklingar/streituskolinn/hugrun-linda-gudmundsdottir/

16/09/2025

16/09/2025

Sjá nánar hér: https://hv.is/fraedsla-og-namskeid/streitustjornun-og-seigluthjalfun/

16/09/2025

Á þessu námskeiði er áhersla lögð á að kenna fólki að draga úr streitu og streitueinkennum, ná meiri stjórn á viðbrögðum líkamans við streitu og langvarandi álagi, draga úr einkennum streitu og efla lífsgæði og vellíðan.

Kenndar eru aðferðir til að efla innri styrk og seiglu en seigla er hæfileiki til að viðhalda heilbrigðu og stöðugu andlegu og líkamlegu ástandi í gegnum álag og streitu. Hægt er að þjálfa upp þennan eiginleika með ýmsum aðferðum.

Þátttakendur læra margvíslegar aðferðir byggðar á vísindum um tengingu hugar og líkama (Mind body medicine) sem og inngrip sem byggja á sjálfsvinnu:

Meðal annars:

Að þekkja sín eigin streituviðbrögð og streituvalda.
Ýmsar hugleiðsluaðferðir og öndunaræfingar til að virkja slökunarviðbragð líkamans sem eru varnir líkamans við innri streitu.
Að breyta hugsanamynstrum og tilfinningalegum viðbrögðum til að fara frá streitutengdum hugsunum í hugsanir byggðar á seiglu.
Aðferðir til að bæta svefn, næringu og líkamlega hreyfingu.
Inn í námskeiðið fléttast hinar ýmsu aðferðir eins og öndun, núvitund, jóga, jóga nidra, jákvæð sálfræði, samkenndarnálgun, og ACT.

Námskeiðið er því fullt af verkfærum og bjargráðum sem fólk er hvatt til að prófa á meðan á námskeiði stendur. Vegleg les- og vinnubók fylgir námskeiðinu.

Rannsókn frá árinu 2015 sýndi fram á að þátttakendur sem tóku þátt í námskeiðinu drógu úr læknisheimsóknum að meðaltali um 43% árið eftir að þeir tóku þátt.

Námskeiðið byggir á tengingu huga og líkama (Mind – Body Medicine) og stutt af læknisfræðilegum rannsóknum frá Harvard Medical School og Benson-Henry Institute.

Mind-Body Medicine hugmyndafræðin byggir á því að venjur, hugsanir, tilfinningar,hegðun og samskipti eru talin hafa mikil áhrif á líkamlega heilsu og sömuleiðis hefur líkamleg heilsa áhrif á hugann og andlega heilsu.

Rannsóknir sýna jákvæð áhrif á hina ýmsu sjúkdóma og ástand sem tengjast streitu og streitutengdum sjúkdómum.

60-90% af heimsóknum til lækna eru vegna sjúkdóma sem tengjast streitu. Streitutengd veikindi eru meðal annars háþrýstingur, hjartasjúkdómar, langvinnir verkir, kvíði og þunglyndi og jafnvel ofnæmi, exem og fl. Streitueinkenni geta verið alls konar eins og erfiðleikar með svefn, pirringur, einbeitingaskortur, minnisleysi, verkir og almennt erfiðara að fara í gegnum daginn. Mind-body medicine er oftast árangursríkasta meðferðin til að meðhöndla streitu eða koma í veg fyrir að streita fái að þróast í sjúklegt ástand.

Aðeins heilbrigðismenntaðir aðilar fá leyfi til að kenna þetta námskeið að undangenginni þjálfun hjá Benson- Henry Institute for Mind Body Medicine at Massachussetts General Hospital.

Kennari
Hugrún Linda Guðmundsdóttir félagsráðgjafi MA með starfsréttindi frá Landlækni. Hugrún hefur sérhæft sig í streitustjórnun, seiglu, jákvæðri sálfræði, handleiðslu og núvitund og hefur öðlast réttindi til að kenna þetta námskeið.

Tímasetningar
Næsta námskeið hefst, 7.október 2025.

Námskeiðið er kennt 1 sinni í viku í 2,5 klst í senn í 8 vikur (20 klst.)

Kennt á þriðjudögum kl. 13.00 – 15.30

Staðsetning: Heilsuvernd, Urðarhvarfi 14, 3. hæð.

Verð: 108.000 kr.

Nánari upplýsingar hjá Hugrúnu, hugrun@hv.is eða í síma 898-0500

Mörg stéttarfélög taka þátt í kostnaði, m.a. sjóðir leik -grunnskóla- og framhaldsskólakennara.

Námskeiðið er samþykkt hjá VIRK starfsendurhæfingarsjóð

Námskeiðið hefst  7. október. Á þessu námskeiði er áhersla lögð á að kenna fólki að draga úr streitu og streitueinkennum, ná meiri stjórn á viðbrögðum líkamans við streitu og langvarandi álagi, draga úr einkennum streitu og efla lífsgæði og vellíðan. Kennt verður á ...

04/09/2025

Nokkur orð um handleiðslu sem stuðning, eflingu og forvörn í starfi
Fagleg handleiðsla er vettvangur þar sem starfsfólk fær tækifæri til að ræða störf sín í trúnaði með leiðsögn fagaðila. Handleiðsla getur verið einstaklings- eða hóphandleiðsla og getur farið fram á vinnustað, á stofu handleiðara eða á fjarfundum eftir þörfum og samkomulagi. Fjöldi funda og tíðni er ákveðin í samráði en oftast eru fundir á fjögurra til s*x vikna fresti yfir einhvern tíma og fer eftir eðli og umfangi.

Markmið handleiðslu er að styðja við faglegt hlutverk, efla sjálfsþekkingu og styrkja einstaklinga í starfi. Í handleiðslu gefst rými til að skoða áskoranir, álag og siðferðileg álitamál sem upp koma í starfi. Einnig er unnið með lausnamiðaða nálgun og áhersla lögð á að efla styrkleika, fagmennsku og vellíðan.
Rannsóknir sýna að markviss handleiðsla getur dregið úr streitu, minnkað kulnun og aukið starfsánægju.

Með handleiðslu eflist fagleg geta og hæfni til að takast á við flókin verkefni. Handleiðsla stuðlar að betri samskiptum, auknu sjálfstrausti og dýpri skilningi á eigin hlutverki og mörkum í starfi. Hún er jafnframt mikilvæg fyrir faglega endurmenntun og vellíðan á vinnustað.

Fagleg handleiðsla snýst ekki aðeins um faglegt hlutverk heldur hefur hún líka mikil persónuleg áhrif og nýtist hverjum og einum á margvíslegan hátt:
•Stuðningur og úrvinnsla vegna álags - Í handleiðslu fær starfsfólk öruggt rými til að ræða tilfinningar, áskoranir og álag sem fylgir starfinu. Það dregur úr streitu og eykur andlega vellíðan.
•Eflir sjálfsþekkingu og sjálfstraust - Með aukinni ígrundun og sjálfsskoðun styrkist fólk í að skilja eigin tilfinningar, viðbrögð og mörk. Það eykur bæði öryggi og sjálfstraust í starfi og einkalífi.
•Betri hæfni í samskiptum - Í handleiðslu er oft unnið með samskiptafærni, hvernig takast má á við erfið samskipti á uppbyggilegan hátt sem nýtist bæði í starfi og daglegu lífi.
•Aukið jafnvægi milli vinnu og einkalífs - Meðvitað samtal um mörk og tilfinningalegt álag stuðlar að betra jafnvægi og því að fólk taki ekki vinnuna með sér heim.
•Rými til persónulegrar endurhleðslu -Handleiðsla getur verið mikilvægt hlé þar sem fólk fær tækifæri til að staldra við, hlaða sig andlega og horfa á sig og starfið með nýjum augum. Þegar starfsfólk fær persónulegan stuðning eykst vellíðan, sjálfstraust og hæfni til að takast á við krefjandi verkefni — sem nýtist bæði í starfi og einkalífi.

Fagleg handleiðsla er einnig öflugt stjórntæki fyrir vinnuveitendur sem vilja stuðla að heilbrigðu vinnuumhverfi, draga úr starfstengdu álagi og styrkja starfsfólk sitt til lengri tíma.
Ávinningur handleiðslu fyrir vinnuveitendur og stofnanir:
•Minnkar líkur á kulnun og veikindum - Með reglulegri handleiðslu fá starfsmenn útrás fyrir tilfinningar, áhyggjur og álag sem getur annars leitt til kulnunar, vanlíðunar eða veikinda.
•Stuðlar að betri samskiptum og fagmennsku - Handleiðsla eflir hæfni starfsfólks til að takast á við krefjandi samskipti, viðkvæm mál og siðferðileg álitamál á faglegan hátt.
•Eykur starfsánægju og tryggð við vinnustaðinn - Þegar starfsfólk finnur fyrir stuðningi og tækifæri til persónulegs og faglegs þroska eykst bæði ánægja í starfi og líkur á að fólk haldist lengur í starfi.
•Bætir þjónustu við skjólstæðinga eða viðskiptavini - Þegar starfsfólk hefur stuðning og rými til að vinna úr álagi og áskorunum, skilar það sér í betri þjónustu og aukinni fagmennsku gagnvart skjólstæðingum eða viðskiptavinum.
•Stuðlar að markvissri fagþróun - Handleiðsla veitir vettvang til ígrundunar, endurgjafar og faglegra samræðna sem styrkja hæfni og dýpka skilning á starfinu.

Vinnuveitendur sem fjárfesta í handleiðslu fjárfesta í heilbrigðum vinnustað, bættri þjónustu og ánægðu starfsfólki.

Í mörgum stéttum er fagleg handleiðsla ekki aðeins valkostur heldur hluti af réttindum starfsfólks samkvæmt kjarasamningum. Fjöldi stéttarfélaga leggur ríka áherslu á að starfsfólk fái reglulega handleiðslu til að stuðla að fagmennsku, heilbrigðu vinnuumhverfi og vellíðan í starfi.

Vinnuveitendur bera ábyrgð á að skapa starfsumhverfi sem stuðlar að faglegri þróun, öryggi og vellíðan starfsfólks. Hluti af þeirri ábyrgð er að bjóða upp á reglulega faglega handleiðslu. Handleiðsla er einnig mikilvæg fyrir forvarnir gegn kulnun, veikindum og mannauðstapi.
Að bjóða upp á handleiðslu er skynsamleg fjárfesting í mannauðnum. Hún stuðlar að betri starfsanda, aukinni starfsánægju og fagmennsku, sem skilar sér bæði í bættri þjónustu og sterkari vinnustaðamenningu.

Hugrún Linda Guðmundsdóttir – Félagsráðgjafi MA
hugrun@hv.is
Tímapantanir í síma 510-6500
Hugrún hefur sérhæft sig í streitustjórnun frá Harvard Medical School og Benson-Henry Institute for Mind Body Medicine og er menntuð sem faglegur handleiðari. Hugrún er með stofu hjá Heilsuvernd Urðarhvarfi og tekur þar á móti fólki bæði í viðtöl og á námskeið. Hún sinnir einnig hópum og stofnunum, bæði einstaklingsmiðað og með fræðslu, námskeiðiðum, fyrirlestrum og þjálfun.

06/05/2025

Hvað skiptir okkur í raun og veru mestu máli í lífinu ? Dalai Lama á að hafa sagt að það sem komi honum mest á óvart við mannlega tilveru er að maðurinn fórni heilsu sinni til að eignast peninga. Síðan fórnar hann peningunum til að ná aftur heilsu sinni. Á sama tíma er hann svo spenntur fyrir framtíð sinni að hann nýtur ekki augnabliksins. Afleiðingin sé sú að hann lifir hvorki í nútíð né framtíð. Og hann lifi eins og hann muni aldrei deyja – og svo deyr hann án þess að hafa lifað í raun.

Þegar við hugsum um það sem mestu máli skiptir í lífinu, hvað kemur fyrst upp í hugann? Hvers óskum við þeim sem okkur þykir vænst um? Viljum við að þau verði rík og fræg eða heilbrigð og hamingjusöm? Flest okkar þekkja svarið.

09/04/2025

Grunnstoðir vellíðunar sálfræði

09/04/2025

Fagleg handleiðsla –

Viltu efla þig í starfi, takast betur á við áskoranir og rækta fagmennskuna? Passa upp á þig og þína vellíðan? Fagleg handleiðsla er öflugt úrræði fyrir þá sem starfa með fólki og vilja vaxa í hlutverki sínu – bæði faglega og persónulega.

Í handleiðslu færðu:

Rými til ígrundunar og sjálfsskoðunar

Tækifæri til að skoða og takast á við flókin mál

Stuðning við að finna jafnvægi, dýpka skilning og efla færni

Ramma sem styður faglegt sjálfstæði og vellíðan í starfi

Hugrún Linda Guðmundsdóttir er faglegur handleiðari og félagsráðgjafi MA, með diploma í faglegri handleiðslu, jákvæðri sálfræði og mannauðsstjórnun. Hugrún rekur eigin stofu, hefur verið úrræðaaðili fyrir VIRK starfsendurhæfingarsjóð í 10 ár og sinnt þar fólki sem er ....