NPA miðstöðin

17/04/2026

➡️ Næsta þriðjudag, þann 21. apríl fer Sigríður okkar Jónsdóttir með mál fyrir héraðsdóm Reykjavíkur sem snýst í grundvallaratriðum um hvort fatlað fólk njóti jafnrar meðferðar á vinnumarkaði á við ófatlað fólk. Sigríður lætur hér reyna á lög nr. 86/2018 um jafna meðferð á vinnumarkaði, þar sem segir að atvinnurekendum sé óheimilt að mismuna umsækjendum um starf á grundvelli tiltekinna þátta, m.a. vegna fötlunar.

➡️ Sigríður telur sér hafa verið mismunað á grundvelli fötlunar sinnar þegar hún sótti um starf hjá hinu opinbera og var ekki boðið í viðtal þrátt fyrir að gögn bendi til þess að hún sé hæfari, með meiri menntun og með lengri og meira viðeigandi starfsreynslu en þeir umsækjendur sem svo voru ráðnir.

👩‍⚖️ Aðalmeðferð fer fram í málinu í Héraðsdómi Reykjavíkur þriðjudaginn 21. apríl nk. kl. 9:15 í dómsal 101. Við hvetjum öll sem vilja og geta til að mæta og sýna Siggu stuðning í verki.

📑 Grein Sigríðar um málið og reynslu hennar af fötlunarfordómum í fyrstu athugasemd.

📸 Myndlýsing: Sigríður er með gleraugu og ljóst hár sem nær niður að höku og hún brosir. Sigríður er í hvítum bol með kraga og léttum svörtum jakka utan yfir. Á bak við hana er fjólublár bakgrunnur.

17/04/2026

„Ísland hefur, með lögfestingu samnings Sameinuðu þjóðanna um réttindi fatlaðs fólks, skuldbundið sig til að starfa á grundvelli réttinda fatlaðs fólks. Skóli án aðgreiningar þarf aukinn stuðning, eflingu úrræða og fleira fagfólk. Samfélagið þarf alls ekki umræðu sem ýtir undir aðgreiningu.“

Úr yfirlýsingu sem samþykkt var á þingi Kennarasambands Íslands í gær.

Kennarar hafa miklar áhyggjur af framgöngu Ingu Sæland, mennta- og barnamálaráðherra, á þingi Kennarasambands Íslands í gær. Í yfirlýsingu sem samþykkt var á þinginu í dag segir að þingið hafi áhyggjur af þeim viðhorfum sem Inga hefur sýnt í garð skólasamfélagsins og þei...

16/04/2026

Fulltrúar Píratar heimsóttu NPA miðstöðina síðastliðinn þriðjudag. Oktavía Hrund Guðrúnar Jóns, formaður Pírata og varaborgarfulltrúi í Reykjavík og Oddur Björn Jónsson sem bæði eru í framboði fyrir Pírata í Reykjavík komu og ræddu stöðu NPA í Reykjavík og hvernig við getum unnið saman að auknu brautargengi NPA í Reykjavík. Á myndinni eru þau ásamt Rúnari formanni og Ernu fræðslustýru NPA miðstöðvarinnar.

Myndlýsing: Fjórar manneskjur við hvítan vegg með litríku merki NPA miðstöðvarinnar. Oktavía stendur, hán er með gleraugu og fjólubláa NPA húfu á höfði, í blá- og hvítröndóttum bol, dökkum buxum og strigaskóm. Við hlið háns er Oddur sem er með dökkt skegg, í hvít- og gráröndóttum jakka, brúnum buxum, strigaskóm og með gulan NPA taupoka. Rúnar situr í hjólastól við hlið hans. Hann er með dökkt hár, með gleraugu, í rústrauðum bol og dökkum buxum. Erna er með sítt skollitað hár, í hvítri blússu, í dökkbláum gallabuxum og hvítum strigaskóm.

16/04/2026

„Þá var ég bara ein heima og verandi lömuð þá g*t ég ekkert gert. Ég g*t ekki svarað dyrabjöllu, fengið mér að borða, skipt um stöð á sjónvarpinu eða nokkuð. Ég var algjörlega hjálparlaus.“
Margrét Sigríður Guðmundsdóttir okkar skrifar um líf fyrir og eftir NPA. Hvort myndir þú velja?

Grein í fyrstu athugasemd.

Myndlýsing: Margrét er með ljóst stuttklippt hár, með gullnisti um hálsinn og brosir. Hún er í svörtum bol og utan yfir hann í brúnleitu og gylltu sjali.

15/04/2026

Hver á skilið aðgengisverðlaun Reykjavíkurborgar? Frestur til að skila inn tilnefningum er til 24. apríl næstkomandi.

Aðgengisviðurkenningu Reykjavíkurborgar er ætlað að gera aðgengismálum hærra undir höfði og varpa ljósi á það sem vel er gert í málaflokknum.

14/04/2026

Reykjavíkurborg þarf að greiða tveimur fötluðum einstaklingum miskabætur vegna áralangrar biðar eftir sértæku félagslegu húsnæði. Héraðsdómur komst að þessari niðurstöðu í tvemur málum sem ÖBÍ réttindasamtök og Landssamtökin Þroskahjálp höfðuðu gegn Reykjavíkurborg.

HlustaReykjavíkurborg þarf að greiða tveimur fötluðum einstaklingum miskabætur vegna áralangrar biðar eftir sértæku félagslegu húsnæði. Héraðsdómur Reykjavíkur komst að þessari niðurstöðu í tveimur málum sem ÖBÍ réttindasamtök og Landssamtökin Þroskahjálp...

14/04/2026

Þær Sara Rós Kristinsdóttir og Lóa Farestveit Ólafsdóttir sem standa á bak við Hlaðvarpið 4 vaktin komu í heimsókn í dag og afhentu okkur bækling um sólblómabandið 🌻 Á myndunum má sjá þær Söru og Lóu ásamt Rúnari formanni NPA miðstöðvarinnar og Ernu fræðslustýru 🙂

Myndlýsing: Mynd 1 - Rúnar situr í hjólastól vinstra megin á myndinni. Hann er í dökkum buxxum og rústrauðum bol. Hægra megin standa Erna sem er í hvítri skyrtu og gallabuxum og Sara sem er í kremlitri peysu og dökkum buxum og heldur á kaffibolla, kápu og tösku. Öll eru brosandi. Mynd 2 - Erna, í hvítri skyrtu og gallabuxum, heldur á gulum kaffibolla, situr við hliðina á Söru sem er í kremlitaðri peysu og situr við hliðina á Lóu sem er með gleraugu, í svörtum stuttermabol og ljósum gallabuxum. Allar eru brosandi og á bak við þær er appelsínugulur glerveggur.

13/04/2026

Breki Arnarsson, ráðgjafi í útibúi NPA miðstöðvarinnar á Akureyri tók á móti góðum gestum þegar þau Víðir Reynisson alþingismaður, Guðmundur Ari Sigurjónsson þingflokksformaður og Kristín Helga Schiöth sem er í framboði fyrir Samfylkinguna á Akureyri komu í heimsókn þann 8. apríl síðastliðinn.

M.a. var rætt um:
🟢 NPA og verkefni NPA miðstöðvarinnar.
🟢 Umræðu um kostnað vegna NPA og hvernig nánast aldrei er rætt um ávinning bæði fatlaðs fólks af NPA og ekki síður samfélagsins af þátttöku fatlaðs fólks í því.
🟢 Ýmsar áskoranir sem enn eru við framkvæmd NPA.

Ljósmynd: Kristín Helga Schiöth

Myndlýsing: Þrír karlmenn standa upp við grænan vegg, allir með gleraugu og hálfbrosandi. Víðir, sá fyrsti er í dökkbláum bol og gallabuxum og heldur á gulum taupoka með merki NPA miðstöðvarinnar á, Breki, sá næsti er í brúnni peysu og buxum og sést í hvítan skyrtukraga, Guðmundur sá þriðji er í hvítri skyrtu og dökkum jakkafötum og heldur einnig á gulum taupoka með merki NPA miðstöðvarinnar á.



Samfylkingin

10/04/2026

„Nánast engar upplýsingar eru til um biðlista eftir NPA, hvorki í sveitarfélögunum né á landsvísu. Þá eru engar upplýsingar til um það hversu margir hafa sóst eftir slíkri þjónustu en ekki fengið. Úr þessu þarf að bæta hið fyrsta til að hægt sé að færa umræðuna um málefni fatlaðs fólks upp á hærra plan.“
Þuríður Harpa Sigurðardóttir, formaður Sjálfsbjargar

Grein í fyrstu athugasemd.

NPA miðstöðin er samvinnufélag í eigu fatlaðs fólks sem styður einstaklinga við að lifa sjálfstæðu lífi með notendastýrðri persónulegri aðstoð (NPA). Miðstöðin starfar samkvæmt hugmyndafræðinni um sjálfstætt líf, þar sem fatlað fólk stjórnar sinni eigin aðstoð á e...

08/04/2026

„Athugasemdir beindust m.a. á skorti á sértækum skólaúrræðum fyrir langveik börn (í mörgum tilfellum er einungis Klettaskóli sem er í boði), takmörkuðum stuðningi við fjölskyldur (þ.m.t. systkini), lélega akstursþjónustu, lélegt upplýsingaflæði o.s.frv.

Mikið af þeim vandamálum sem eru í dag orsakast að mestu af þekkingarleysi. Fræðsla er lítil sem engin og ætlast er til þess að nýtt starfsfólk spjari sig með lágmarksupplýsingum.“

Steinar Bragi Sigurjónsson, langveikur nemi á einhverfurófi og frambjóðandi á lista Viðreisnar í Hafnarfirði.

NPA miðstöðin mun eins og kostur er birta greinar stjórnmálafólks og annarra í aðdraganda sveitarstjórnarkosninga í vor, sem mögulega eiga erindi til fatlaðs fólks.

Tilvitnanir í líkingu við titil þessarar greinar hafa reglulega komið úr munni sveitarstjórnarfólks um land allt. Við sáum þessa umræðu ríkjandi í kjölfar lögfestingu Samnings Sameinuðu þjóðanna um réttindi fatlaðs fólks (SSRF). Þá steig hver sveitarstjórnarmaðurinn á f....