Viska og gleði

24/02/2026

23/02/2026

14/02/2026

"Búdda sagði að það sem við köllum „vera“ sé í raun aðeins samsetning.

Það er ekkert eitt fast sjálf þar inni.

Þegar maður skoðar líkama sinn sér maður að hann er aðeins efni sem breytist stöðugt.

Þegar maður skoðar tilfinningar sér maður að þær koma og fara.

Þegar maður skoðar hugsanir sér maður að þær birtast og hverfa.

Þá vaknar spurningin:
Hvað er þá „ég“?

Ef ég er ekki líkaminn,
ef ég er ekki tilfinningarnar,
og ef ég er ekki hugsanirnar —
hvar er þá þetta „ég“ sem við höldum svo fast í?

Sá sem skoðar þetta djúpt sér að „ég“ er aðeins hugmynd sem hugurinn býr til.
Hann er vanur að safna saman hlutum og kalla þá „ég“ og „mitt“.

En þegar þetta er séð skýrt, þá hættir hugurinn þörfinni fyrir að halda fast í.

Og þegar hann heldur ekki lengur fast í, þá hverfur óttinn.

Vegna þess að þá er ekkert sem hægt er að missa."

Dyggðir Suvasi‐leiðarinnar” eftir D. N. Udayangana Prasa

13/02/2026

Andlega leiðin er ekki eins og þið haldið!

31. maí 2003

Skilaboð Maitreya - miðlað af Margaret McElroy

Einn nemandi spurði mig hvaða ráðleggingar ég myndi gefa þeim sem er að fara inn á andlegu brautina? Ég hika ekki við að segja, „Það er ekki eins og þið haldið.“

Það er ekki auðvelt að velja andlegu leiðina. Þegar maður leggur á þá braut, þá byrjar maður að hreinsa út margra alda orku, ásamt margra ára staðnaðri orku núverandi lífs, sem hefur ekki verið tjáð. Þessi orka eru hugsanir sem hafa ekki verið tjáðar. Orkunni var hrundið af stað með hugsun, sem aldrei var tjáð, eða fylgt eftir. Hún festist í líkamanum og líka í sálar minninu. Allt sem maður upplifir í því efnislega, getur maður líka upplifað og geymt í sálar minninu.

Það er ekki auðvelt að losa þessa orku út og margir geta ekki tekist á við það sem þeir upplifa þegar þeir gera það. Sjálfið (egóið og rökhugsunin í vinstra heilahvelinu) brýst fram og fer að slást, þegar æðra sjálfið (innsæið og hægra heilahvelið) kemur inn og verður ráðandi orka. Mikil barátta er háð innra með ykkur þar sem sjálfið berst fyrir tilverurétti sínum.

Nei, það er ekki auðvelt að feta andlegu leiðina, en það er hægt. Miðillinn minn hefur gert það og líka Peter maðurinn hennar. Þau hafa gert það ásamt mörgum nemendum sem hafa fengið fræðslu á Meistara námskeiðum síðan þau námskeið byrjuðu. Að fara andlegu leiðina er ekki um að afneita sjálfum sér, ef þið afneitið sjálfum ykkur mun það jafnvel gera leiðina enn erfiðari. Það er um að horfast í augu við ykkar innri ótta, efa og óöryggi og vera algjörlega trú sjálfum ykkur. Það er um það að þegar staðið er frammi fyrir þeim sannleika, þá er gengið í burtu frá þeim aðstæðum sem veita ykkur enga gleði lengur.

Að fara andlegu leiðina er um að finna hamingju hið innra og hið ytra. Mannkynið var einu sinni þannig, en hefur tapað því vegna streitunnar sem er í heiminum. Ykkur er ætlað að vera hamingjusöm, en samt búa mörg ykkar við svo mikinn ótta að hann stjórnar lífi ykkar algjörlega og skapar ykkur líf sem þið eruð óánægð með. En þið haldið áfram að segja að þið séuð hamingjusöm, oft segið þið öðrum það líka, en djúpt inni, eruð þið afar óhamingjusöm. Nei, lífið á andlegu brautinni er ekki auðvelt, margir vilja ekki einu sinni stíga inn á þá braut.

Fyrir þá sem gera það, þið ættuð að vera stolt af ykkur. Þið þurfið að takast á við erfiðar hindranir. Verða að athlægi hjá vinum og ættingjum. Það þýðir breytingar, oft meiriháttar breytingar. Við enda þeirrar leiðar er friðsæld, alsæla sem ekki er hægt að lýsa með jarðneskum orðum. Ekki örvænta ef þið hafið farið út af brautinni, eða hafið haldið áfram á leiðinni fram að þessu og hafið síðan hætt. Þið missið ekki þann tíma og orku sem þið hafið sett í andlegan þroska fram að þessu. Þið haldið öllu sem þið hafið safnað í þessu lífi og það auðveldar ykkur næsta líf. Sumir þurfa að taka andlegan þroska út í litlum skrefum. Bara svo þið vitið það. Þess er ekki vænst að þið náið því í einu lífi. En þið náið að sjálfsögðu að snúa heim miklu fyrr ef þið gerið það.

Maitreya.

13/02/2026

Barátta um eignir

Maitreya- miðlað af Margaret McElory

Það er erfitt að horfa upp á stríð og átök um land í heiminum. Hvað er land? Land er jarðarskiki sem þú notar til að búa á þegar þú ert á leiðinni þinni á jörðinni. Það er það eina sem það er. Það var ekki þitt áður en þú komst til jarðarinnar. Það er ekki þitt eftir að þú ferð.

Já, ég get þá heyrt ykkur segja. „En þetta var land fjölskyldu minnar!“ Það er það sem þú hélst að það væri. Það er það sem þér hefur verið sagt. En ekkert er þitt, eða fjölskyldu þinnar. Það sem þú hefur notar þú á leiðinni þinni. Þegar þú ferð af jörðinni hefur þú það ekki lengur. Það hefur þjónað tilgangi sínum.

Það eru háð svo mörg stríð og baráttur vegna lands, jarðeigna og annarra eigna. Mannfólkið verður að átta sig á því að það á ekkert. Þér er gefið allt sem þú þarfnast til notkunar fyrir lexíur þínar á jörðinni. Ferðalag þitt er um lexíur. Þú færð allt sem þú þarfnast fyrir þann lærdóm. Frá landi og eignum til þess fólks sem kemur inn í líf þitt til að kenna þér og spegla fyrir þig.

Þegar þú gerir þér grein fyrir því að þú átt í raun ekkert, að allt er tilkomið vegna lærdómsins, þá getur þú sleppt því efnislega. Þá getur þú notið þess sem þú hefur án þess að óttast að missa það. Þegar þú sleppir og hættir að óttast, hækkar tíðnin þín. Ekkert af þessu skiptir máli lengur.

Hversu margir halda fast í það sem þeir hafa? Hversu margir óttast að missa það sem þeir hafa? Ef þetta á við um þig mun alheimurinn taka það af þér á einhverjum tímapunkti. Það er það sem þú hefur skapað vegna óttans. Hvort sem það er hús, fyrirtæki, vinur, elskhugi, land eða jörð skiptir ekki máli. Alheimurinn gerir áætlun um að taka það.

Láttu sem þú hafir allt að láni í lífinu. Óttastu ekki missi. Njóttu gleðinnar í því sem þú hefur til afnota. Það er ekki ætlast til þess að þú sért fátæk eða fátækur. Það er ekki ætlast til þess að þig skorti eitthvað í lífinu. Oft skaparðu þó skort vegna þess að þú óttast hann.

Maitreya

12/02/2026

Gleðjist og njótið lífsins

25. september 2003

Maitreya - miðlað af Margaret McElroy

Margar sálir sem starfa fyrir okkur á jörðinni telja að þær verði stöðugt að vinna og megi ekki gefa sér tíma fyrir leik og gleði. Þær halda að við meistararnir værum ekki ánægðir ef þær gerðu það. En lífið þarf jafnvægi. Leikur og starf verða að fara saman.

Annar misskilningur er að þið haldið að við í andlega heiminum höfum ekki gaman. Bara ef þið vissuð! Ef þú hefur ímyndað þér okkur sitjandi á skýjum með vængi, eða eitthvað álíka, verður þú hissa þegar þú yfirgefur jörðina og kemur heim. Hér er mikil gleði. Það eruð þið á jörðinni sem gleymið oft hvernig á að njóta lífsins. Yfirleitt stafar það af aðstæðum ykkar, trúarbrögðum eða þeirri hugmynd að andlegt fólk megi ekki skemmta sér.

Ég vildi að þú gætir séð okkur í andlega heiminum. Samkomurnar, gleðina og hláturinn. Tilvist okkar er vissulega öðruvísi en á jörðinni þar sem við höfum ekki lægra sjálf, en eitt er víst: við erum hvorki hátíðleg né heilög á þann hátt sem þið ímyndið ykkur. Það væri einfaldlega leiðinlegt. Við vinnum fyrir almættið, Guð eins og þið kallið orkuna, en við nýtum líka hvert tækifæri fyrir gleði.

Margar sálir reyna svo mikið að vera „andlegar“ að þær neita sér um ánægju. Þetta er gömul hugmynd sem hefur fylgt mannkyninu lengi. Andlegur þroski snýst ekki um að afneita sjálfum sér. Hann snýst um að líta inn á við, vera sjálfum sér trú og gera breytingar sem færa hamingju og sátt í lífið sem þið eigið.

Já, stundum þarf að fara út fyrir þægindarammann. En þú hefur samt orku til að njóta lífsins. Þú ert skapari raunveruleika þíns. Ef þú ert vinnufíkill, gefðu þér tíma til að leika þér. Þú munt afkasta meira með afslappaðan huga og upplifa meiri hamingju í stað streitu. Af hverju ekki að prófa?

Maitreya

12/02/2026

Ég hugsa að fólk gleymi því að "gera eitthvað" þarf ekki að þýða að þú þurfir að fara í fallhlífarstökk, fara á alla tónleika, eða vera í partýi til klukkan fimm. Það getur verið innihaldsríkt að eiga rólegt laugardagskvöld á spjalli við einhvern sem þú elskar.

Set the intention to live fully in each moment of your day.

Then all experiences will be meaningful.

Even eating a meal, driving to work, or brushing your teeth will having meaning for you. 👌

12/02/2026

Fyrri líf

Miðlað 2. febrúar 2005

Skilaboð frá Maitreya- miðlað af Margaret McElroy

Fjöldi sálna hefur skrifað mér og beðið mig að útskýra fyrirbærið fyrri líf. Auðvitað trúa ekki allir á þetta fyrirbæri. Ég verð samt að angra ykkur með því að þið getið átt mörg líf. Þið eruð sálir á ferðalagi til þess að reyna að fullkomna ykkur. Þið endurfæðist til þess að velja reynslu sem gerir ykkur kleift að þroskast og fullkomna ykkur. Eigi að síður fara hlutirnir stundum á annan veg en þið ætluðuð. Þegar það gerist, og sérstaklega ef einhver annar aðili er særður vegna ykkar verka, því að sérhverju verki fylgir gagnverkun, þá takið þið ákvörðun í andlega heiminum. Þið ákveðið hvort þið viljið endurgreiða karmað á jörðinni eða vinna í andlega heiminum til að endurgreiða þessa orku. Þið veljið hvað þið gerið.

Ef þið farið til jarðarinnar veljið þið reynslu og það líf sem þið viljið lifa. Þið, og aðeins þið, veljið það. Það getur verið eins auðvelt eða erfitt og þið kjósið. Það er ykkar að ákveða. Hvert líf er einstök reynsla. Þið getið aðeins verið ein sál í hverju lífi. Til dæmis getur Margaret, miðillinn minn, ekki snúið aftur til jarðarinnar sem Margaret. Það að vera Margaret er einstakt fyrir hana í einu lífi. Hún getur þó valið að læra lexíur sem hún hefur ekki lært í þessu lífi í öðru lífi sem önnur persóna.

Í fyrra lífi var Margaret til dæmis miðill og heilari eins og hún er núna. Hún kom til að aðstoða mannkynið við að þróast. Samt óttaðist hún mjög mikið að verða hædd fyrir það sem hún var að gera, sérstaklega á opinberum vettvangi. Hún óttaðist líka fleira. Þó að hún kæmi til að gera kennsluna auðvelda gerði hún hana samt sem áður mjög flókna. Svo flókna að þegar hún hafði skrifað bók þurfti að skrifa aðra bók til að útskýra fyrri bókina. Hún hafði líka valið að vinna á opinberum vettvangi en forðaðist það þegar til kom.

Margaret valdi að koma aftur til að lagfæra það sem hún hafði áður gert rangt. Í þessu lífi hefur hún horfst í augu við óttann sinn. Hún þurfti að takast á við opinbera niðurlægingu í því sem hún var að gera, og það á margmennum vettvangi. Hún bjó líka til vefsíðuna með fyrrverandi manninum sínum, Peter Luke. Eins og mörg ykkar geta séð eru skrifin sem hún miðlar í raun mjög einföld. HÚN GETUR EKKI LIFAÐ ÞETTA LÍF AFTUR VEGNA ÞESS AÐ HÚN HEFUR LÆRT MEGNIÐ AF LEXÍUNUM.

Lífið getur aldrei orðið það sama. Ekki einu sinni hjá sálum sem læra ekki margar lexíur eða takast ekki á við óttann sinn. Hvert líf er einstakt. Eftir hvert líf ákveður sálin hvort hún muni snúa til jarðarinnar, í aðra vídd, eða hvort hún muni dvelja áfram í andlega heiminum og þjóna þar til að endurgreiða skuld sem hún hefur unnið til í síðasta lífi. Sál getur snúið aftur til jarðarinnar á hvaða tímabili sem er. Það er engin sérstök tímaröð eins og maður heldur á jörðinni. Ef maður vill getur maður valið að fæðast inn í egypskt líf eða líf á tímum Elísabetar I. (1558–1603).

ÞIÐ eruð skaparar ykkar eigin lífs. Æðra sjálfið hefur minningar fyrri lífa. EKKI sjálfið. Á meðan æðra sjálfinu er ekki gert kleift að komast fram hjá lægra sjálfinu er yfirleitt ómögulegt að ná fram fyrri lífum til að hreinsa þau út. Þetta er ástæðan fyrir því hversu margar sálir eiga erfitt með að fá aðgang að fyrri lífa minningum. Orku þeirra er samt hægt að hreinsa út með nærveru heilara eða manneskju sem er þjálfuð sem fyrri lífa meðferðaraðili. Þegar nægjanleg orka æðra sjálfsins er til staðar, þá og aðeins þá, er hægt að hreinsa út fyrri lífa minningar.

Maitreya.